النهايه 💥💥
#عراقيون_عراقيات
زينب الموسوي
تابعت الاخبار يوم يوم. ادموعي تنزل وي كل خبر ودعائي لكل مقاتل بالنصر والثبات ولكل ام واب بالصبر كان ايوب يتصل كل متكون عنده فرصه لحد شهر الواحد اتصل بيه هيمن سمعتي الاخبار حررنا الجانب الشرقي من الموصل والجامعه جامعتنا هيمن المكان الي شفتچ بيه وحبيتچ
انت وياهم هسه دخلت
دخلت ويه ابوي حتى ابرد ناري واتشفى
دير بالك عيوني انت. وسلملي على الوالد ربي يحفظه
يله شمنتظره تعالي ارجعي للعراق هم انهزموا انتي لازم ترجعين لبلدچ
ايوب المن ارجع لااهل ولاگرايب ولادراسه
افا عليچ واني شنو تعالي خلي نتزوج كافي فراگ
شنتزوج ليش تاخذ وحده مغتصبه
فكرت هواي بالموضوع وصلت لقرار جربت اعيش بدونچ حياتي كانت مثل الموت وربنا كتب النا نلتقي من جديد ليش تريدين البعد
ايوب انت النخوه والغيره ماخذتك عليه لمن نتزوج وينسد علينا باب الغرفه راح الاغتصاب يوگف بيني وبينك حاجز للدوم وتتصورني ويه غيرك ويوميه تگلي احچيلي شلون وليش وتكرهني
هيمن اني يوميه ادفع عمري ثمن لثارچ تعتقدين بيوم راح اتركچ على قدر مالچ ذنب بيه اجى دورچ تثبتيلي تحبيني وتريديني ومخايفه فد يوم استشهد واموت
لا والله ممفكره بهذا الشي احنا عراقيين نمشي والموت يحسب خطواتنا بس حتى الناس واهلك راح يشوفونك بالعين الزغيره من تاخذني
لا الناس ولااهلي يدرون بلي صار مااريد احد ينتقص من كرامتچ لاتدورين حجج لو عاجبتچ امريكا
ولا هذا السبب انت تعرفني من خطبتني بالعراق گتلي تعيشين بالناصريه گتلك اي مكان بيه انت اعيش بيه
فكرت بلي گاله ايوب اني اول وتالي اتزوج فليش مااخذ رجال يحبني وماتركني حتى من اتصور اني ميته وهاي التضحيات لازم نهايتها تكون سعيده والمثل ايوب مايتخلى عني بعد اسبوع من تحرير الجامعه خبرت صديقاتي زينب وازل راح اترك امريكا واسافر للعراق وشجعني من عرفن موقف ايوب وكلهن گالن سوينا دعايه هناك نريد انتزوج من الحشد
خبرت ايوب بموعد وصولي وكان منتظرني بمطار البصره هو والده الي نسينا وجوده اول مشفنا بعض واترتميت باحضانه حسيت كل العراق يحضني وروحي رجعتلي دخلت الناصريه وياهم وبحضور امه وخالاته دخلت الاسلام وعقدنا وتكللت قصة حب بين عراقي وعراقيه بالزواج مامنعتهم الاختلاف بالطائفه او الدين او المحافظه
ايوب مازال مقاتل بالحشد الشعبي وعدني بعد تحرير الموصل كولها ياخذني لبيت اهلي وازوره اخواتي ماحصلت عنهن خبر
السنه القادمه ارجع اداوم بالصيدله بجامعة ذي قار القصه مهداة لكل العراقيين والعراقيات احنا دم واحد مصير واحد شرف واحد رغم التسميات الي اوجدها سياسين مغرضين حتى يحصلون مكاسب ويتاجرون بدمنا وعرضنا والدليل الشباب الي هبت تدافع عن ارض عراقيه بااقصى العراق وحررت ودفعت دمها ثمن لجنه عرضها السموات والارض القصه قبله على جبهة كل ام وزوجه واخت دفعت عزيزها للقتال ضد داعش رغم اهمال الحكومه الهزيله لحقوقهن بس انتن العراقيات الي راح يكتب عنهن التاريخ وينحني اكراما للتضحيات ويكتب كانت نساء عراقيات ربن رجال هبوا ودافعوا عن اخوانهم واخواتهم العراقيات واستشهدوا ونزفوا وتعوقوا ومتراجعوا خطوه للوراء ولكل الشباب حشد وشرطه اتحاديه وجيش ومكافحه ارهاب ولكل من ساهم في تحرير شبر من العراق واثبت احنا جسد واحد اگول لو عمرنا نخلصه واحنا نقبل ايديكم وارجلكم منوفي حقكم محظوظه الي ترتبط بشخص عنده غيرتكم وشرفكم الله يحفظكم ويثبت اقدامكم وشكر لكل من نشر معاناة الايزيدين سواء بصوره او مقاله او تبرع او حتى احتجاج للبنات الايزيديات الي مازالن بالاسر مااگدر اوجه الكم كلمه بس عندي دمعه تنزل يوميه عليكم وحسره ودعوه الله ياخذ حقنا من الي سلبنا الكرامه والحياة لكل العراقيين لاصدگون احد يگلكم هاي معركه خسرانه وانت مالك دخل اسألك لمن تباوع فلم مسلسل بيه مقطع اغتصاب وتشوف نفسك فار دمك على الممثله كيف لو كنت موجود وتشوف اجنبي ينتهك عرض عراقيه
الشهاده جائزه للمجاهدين من ربنا سبحانه وتعالى وليس عقاب والموت نهايتنا كلنا. وكل امتناني لهذا البيج وصاحبته الي سمحتلي اكتب قصتي واسلط الضوء على معاناة بناتكم الايزيديات رغم اني رفضت مقابله على الفضائيات واختاريت هذا البيج ومتابعيه ممنونه منكم اخواني
