أهُنتُ عليك؟
للكاتبةNuha-d-h
ورة ما رجعنا من الزيارة
گامت صابرين تجهز لمهرهة واشوفهة تطلع هي ونسوان خوانهة للسوك سوية حتى مرات اشوف سلوى تطلع وياهة
جا وينة استاذ جراح مايجي يشوف مرتة تطلع للسوك براحتهة لو بس گادر على حضي
خرب حضي والله ماعندي شغل وعمل وگاعدة اراقب الناس صدك من كال من راقب الناس مات هماً
صرت اضرب من ام قصي جارتنا الفضولية
ايباه اه ه ه
والله ايام عبالك صارلهة عمر موجنك ذاك اليوم من جنت احس بشوگ لشوفت يوسف كل يوم الصبح والله الدنيا تنسي اكبر واحد اوف اوف
ورة كم يوم سمعت عياط من بيت عيالي وصياح جراح
اقتربت من الشباك مالت الغرفة مالتي لان هي اقرب شي على بيت اهل جراح فاگدر اعرف شصاير بيهم
شفت جراح طلع من باب المطبخ وهو يدكم القميص مالتة وشعره مهوس مامشط وطلعت وراه سلوى لازمة قميصة وتبجي
سلوى -لاعفية جراح لاتطلع وتعوفني والله اموت بس خليني افهمك
جراح-شتفهميني انتي ضحكتي علي قشمرتيني
شفتة طلع وعافهة
وسلوى وراه مفرفحة من البجي والله زرفت گلبي بس انتبهت عليها لزمت گلبهة ووگعت بالگاع ومحد جان يمهة وجراح طلع وعافهة حتى ما التفت عليهة
اني گبل عفت حسن يلعب بالعابه وحسين نايم
ورحت اخذت شالي بسرعة وطلعت عليها وتقربت منها
شلت راسهة
وخليتة بحضني
اضرب على الخفيف على وجهة وگعدت افرك صدرهة على جهة القلب حيل لان عندي معلومات بالاسعافات الاولية
سلوى سلوى شيوجعج
وشوية شوية رجعت سلوى لوعيهة وشافت نفسهة بحضني
وظلت تبجي وگومتهة
سلوى -شكرا رسل تعبتج وياي اني صرت زينة
رسل -لا عادي تعبج راحة خو ما يوجعج شي
سلوى -ما اعرف شگول سالفتي ماتتسولف وزعلت جراح مني
رسل -اذا تحبين تحجين بالسالفة فعادي اسمعج اني هم مثل اختج
سلوى -اشكرج خاف ادوخج بمشاكلنا انة وجراح
رسل-لاسلوى لاتحجين هيج انتي وجراح مفضلين علية هواي فشنو راح اسويلكم ما اجازي جميلكم وياي
سواء انتي بتقبلج الي بان جراح ياخذ عليج وحدة ثانية او بجراح الي وفر الحماية الي ولاولادي على حساب استقرار عائلتة
مشت سلوى وياي للملحق ودخلتهة وفوتته على الحديقة حتى نگعد هدوء وتسترخي وتشم هوة نقي ورحت سويت الهة شكولا ساخنة وقطعة كيك ما اعرف ليش من شفتهة حسيت حنيت لاختي رفل
اي حنت لاختي على الرغم كل السوتة بية
تبقى اختي الي كضينا احلى ايام عمرنا سوية ما يوم افترقنا عشنا حياتنا. بحلوها وبمرهة
فحبيت اقدم العناية لسلوى احس بيهة ضعيفة
قدمتلهة الصينية
سلوى -الله شلون جمال حديقتج تجنن بيهة حياة وترد الروح حقهة عمتي من تجي هنا كل يوم اثاري مسويتلهة اغراءات
رسل-لاوالله بس من واني وصغيرة جنت اتمنى عندنا حديقة من وازرعها
فمن اجيت شفتهة متروكة اهتميت بيهة
سلوى -عاشت ايدج
رسل-ايدج العايشة
يالله هسة احجيلي عنج شنو مشكلتج
سلوى - شوفي حبي انت تعرفين قصة ضعف القلب عندي وتصير عندي صعوبة بالحمل ومضاعفات احتمال تؤدي الى فقدان حياتي
فلذلك صارت عدنا زينة بالشافعات وردت اموت بيهة والله سترني اني وجرح نحب بعض من كنا اصغار
رسل-الله يهنيكم
سلوى-فكان كلش يخاف علية وعلى صحتي فمن صارت عدنا زينة وشاف شلون عانيت بيهة
قرر ان بعد ما نسوي اطفال كلي انة هيج مقتنع ومرتاح انة ما شاكيلج بوية انة ما اريد جهال هي كوة
ومرت الايام وكبرت زينة وحمويني قصي وجاسم صار عندهم اطفال واحنا ظلينة بس على زينة وجراح خطية ابد ولا يوم. حسسني بالنقص ابد ويموت على زينة
لكن يوم عن يوم حست خالتي ام جراح تذب بسامير
وكلساعة تسمعني فلانة جابت وفلانة صارعدهة بزر
فقررت اتفق وية دكتورالقلب المشرف على حالتي القلب ان يكتب لي تقرير
على مسؤليتي بعد توسل يالله قبل ان يكتبلي تقرير حتى اراويه لجراح ان انة صحتي تسمحلي بان اسوي حمل ثاني وصار الحمل لكن بالصدفة عرف جراح انة كذبت عليه بسالفة گلبي وهسة هوة طلع زعلان مني
رسل -ليش ولج خطية شلون هانت عليج بنتج اذا يصير عليج شي ما خفتي على جراح شراح يصير بي من بعدج ترة روحج مو بس من حقج ترة الناس اليحبونج الهم حق باتخاذ القرار عنج مرات
وحقة جراح يزعل من عندج والله لو منة العب بيج طوبة
سلوى -هههههههههههههههههههههههه حلوة هي مال العب بيج طوبة
رسل-بس لاتخافين مادام يحبج راح يرجع صدگيني اليحب مايترك حبيبة حزنان ويعاني
سلوى -الله كلامج شكد حلو
هسة انتي سولفيلي شنو قصتج وليش انتي هنا
وكعدتة رسل تفضفض
لسلوى قصة حياته من كانت صغيرة الى طعنت اخته الى وفات امهة مروراً بتحرش زوج اخته
وهي هاي كل قصتي يابنت الناس
سلوى-اوووووف والله قهرتيني بعدج بعز شبابج وهذا كلة صار بيج واختج هسة وين صفة بيهة الدهر
-والله ما ادري عنهة مرات من اشوف گبال عيني حسن وحسين وضحكتهم. اگول لوما سواية رفل بية كان ما التقيت باولادي ولا شفت هاي الضحكة الحلوة مالتهم
تدرين همة سبب سعادتي وحياتي كلها
فبسببهم يوم ورة يوم احن عليها
لان مابقالي من الدنيا غيرهة
سلوى -وهذا شبابج هيج تضيعيينا علمودهم
رسل -لج سلوى شتحجين مكتفية اصير حتى لو خدامة بس كون يبقوني يمهم واربيهم بحضني لج سلوى الواحد من يغرگ يگوم يجلب بگشاية وانة هذا حالي
-زين يوسف شصار عليه ما حاولتي ترجعين تشوفينة
جراح -احم احم شنو هاي انتي هنا گلبت البيت عليج كلاب ما لگيتج
سلوى ببتسامة راحت وشمرت نفسهة بحضن جراح وهو استقبلها بحضنة وباسها من راسهة
-مخبلة وتبقين مخبلة ليش تسوين هيج بروحج
سلوى -عفية لاتگعد تلومني الصار صار خليني اتهنا بحملي
رسل ببتسامة-وانة مني الك وعد اگابلهة واكعد لان انة مثل ماتعرفون جنت ممرضة بالمستوصف وعندي خبرة
فراح اشرف على حالتهة
التفت علية جراح ببتسامة شكر-مشكور رسل راح نتعبج ويانة
رسل -لايابة تعبكم راحة اني ما انسى فضلكم علية وعلى اولادي
جراح دخلت على رسل وسلوى بعد ما دورت بالبيت كله على سلوى وشفت باب الملحق مفتح وسمعت اصواتهم كانو يحجون ما انتبهو علية بس انصدمت من حجت سلوى لرسل وتسئلهة عن شخص اسمة يوسف الظاهر كان حبيب الخانم قبل لاتتزوج وسلوى تسألهة عن الرجوع لحضن يوسف بس ما اعرف شصار بية من سمعت كلام سلوى حسيت بشعور يفتت گلبي
اخذت سلوى وطلعنا من بيت رسل وصعدت بيهة فوك واني خايف عليه خاف يصير بيهة شي اموت على سلوى وطيبته وحنيتهة وما مستعد اخسرها
لكن واحنا نايمين وهي نايمة بحضني
سلوى-اگول جراح ممكن اسألك سؤال
جراح-جواب
سلوى -خطية رسل خوما تبقة طول عمرها معلكة لاهي المتزوجة ولاهي الارملة وانت خايف على اولاد المرحوم
جراح-وين السؤال بالموضوع
-انتظرني جايتك بالكلام شوف حبيبي راح اجيك من الاخير
نواف اخوي كلش معجب بأخلاق رسل ويحب اولادها وهمة هم اولاد ابن عمة مثلك يعني ان شاء الله ماراح يفرق عنك بشي بس ان هو يحبه ويريدها الة زوجة على سنة الله ورسولة ويگول انة اتكفل بكلشي وخلي الورث والاملاك يبقن عند جراح هوة اليديرهم
يگول انة اهم شي عندي هي توافق علية والله اسويهة اميرة
هي سلوى حجت هذا الكلام وانة ما ادري شسصار بية ماعرف ظليت اتگلب شلون التزوهر من القهر واريد اشوف نواف گبالي هسة اسيح دمة وامسح بي الگاع العار
حاط عينة على مرتي والله عرفت ان هو هاويهة وهي ماقصرت لعبت بحالة لعب هي مجرد كلام وياي وبشفايفه ادوخ مو تتمضحك وتتشاقة وياه
مو زين ما صارلهة قرد معلگ عالشجرة اخ الله يعني نواف هم جاي يتخيل ويحلم برسل تصير مرتة يعني مثل ما تجيني التخيلات واحلم بيهة اخ الله
راح اتخبل وين اوديهة هاي المصيبة الوگعت فوك راسي وهاي هي ما تطلع من البيت كل يوم اشوط من القهر للزرگة
اباوع حتى سلوى حبتهة
جراح يحجي وية نفسه
زين يجراح انت شنو تريد من رسل ماتعوفها تشوف حياتها ووتخليها تتزوج الي يحبها ويتمنى يعيشها اميرة
معقولة الي جاي احس بي بتجاه رسل غيرة
هذا الشعور ابد ما مر علية حتى من حبيت سلوى
جراح وهو مصدوم معقولة گلبي يحب ثنين هاي شلون صارت يعني لا اكدر استغنى عن سلوى واخاف عليها ولا اتحمل اتنازل عن رسل اصلا ما اتحمل اشوفهة تحجي وية واحد او حتى تبتسملة زين مو هاي سلوى مرتي وياهة اشو عادي عندي وية اولاد عمي وتضحك وتسولف وحتى اخليهة تطلع للسوك براحتهة.
لكن هنا رسل تختلف بدي احطهة بقفص بس الي
وبدأت الحرب العاطفية في قلب جراح
اتمنى ان ينال اعجابكم هذا البارت
مع تحيات كاتبتكم
nuha-d-h
شاركوني بأرائكم
