بعد الموقف اللي حصل معايا بدأت افوق لنفسي واشوف أد ايه سيوون مش حد مثالي زي مكنت شيفاه دايما - ده حتى متصلش بيا من ساعتها -معقول مقلقش عليا للحظة ولا حس بالرعشة اللي كانت ف صوتي اما كلمته؟ وقعدت افتكر مواقف حصلت بينا واشوف اد ايه كنت عبيطة وقتها ~
*فلاش باك*
(تجمع عائلي على سطوح بيت سيون واهله) ,
انا (في بالي : لازم بقا اخد خطوة) ,
عيني وقعت على واحد جارهم كان واقف عالسطوح على جنب مع نفسه قولت اخده كبش فدا واجرب غيرة سيوون عليا ,
انا : سيوون انت تعرف الشاب ده ؟ ,
سيوون : اه بتسألي ليه ,
انا : مش عارفة ,
سيوون : هو عملك حاجة؟ ,
انا : اصلي مش متأكده ,
سيوون : اخلصي عملك ايه؟؟؟
انا : عمال كل شوية يبصلي وانا اتعصبت ,
سيوون ( قهقهة) : يا بنتي ده اعمى انتي مش شايفة العصاية اللي جمبه؟ ( احييه شكلي زبااااالة ) ,
انا ( وشي جاب علبة ألوان 12 لون) : اوبس :D .
دايما كنت بعمل كل اللي اقدر عليه عشان يحس بيا او افهم موقفه ايه ودايما كنت بفشل بس مبستسلمش وبعد مكنت محتجاه وخذلني قررت اني هحاول اشيله من دماغي مفيش امل منه.
*صباح اليوم التالي*
على باب شقتنا ,
انا : صباح الخير يا طنط ,
طنط ام كيبوم: صباح الخير يا امنية انتي لسة منزلتيش ,
انا : لا محضراتي بعد الضهر - صحيح كيبوم بقا احسن شوية؟ ,
طنط : ده مغلبني يا بنتي نزل الصبح من غير ميفطر حتى وانا خايفة يقع من طوله ,
انا : يييه!! هو نزل الجامعة ,
طنط : اه من ساعتين كده ,
انا : خلاص متقلقيش انا هاخد بالي منه ,
طنط : اه والنبي .
*في محطة الجامعة*
انا : صباح الخير ,
ماري : صباح ايه يا هبلة الساعة 1 ونص ,
انا : ماشي يا ناصحة -_- فين دينا ؟ ,
ماري : بعتتلي رسالة بتقول انها جت وسبقتنا عالمحاضرة ,
انا : استغفر الله شكلنا هنشوف ايام فحلؤي .
روحنا المحاضرة وكانت دينا هناك وقاعدة في الركن البعيد الهادي واول مالمحاضرة خلصت خرجت دينا زي اللي بتهرب مننا وفي الزحمة معرفناش نلحقها .
أنت تقرأ
عندما تتحول الصداقة
Fanfictionعاشا عمرهما معا جيران، أصدقاء و أخوة حتى اتى ذلك اليوم الذي تغيرت نظرتهما للآخر هي لم تعد ابنة الجيران المشاكسة وهو لم يعد بمثابة الاخ الذي لم تلده امها ما سوف يحدث عندما تتحول الصداقة
