طلعت من اللاب ولقيت البنات منتظريني سالوني دكتور حذيفه عايز مني شنو قلت ليهم حذرني بس بسبب موضوع التلفون وكده😪 قالوا لي اراح نقعد في البتشات دي لانو تاني ما في محاضره قلت ليهم عايزه امشي البيت ياخ😪 قالوا لي اقعدي شويه بس 💔 قلت ليهم كويس قعدته ورنيت علي سامر قال لي الو معاي منو😪قلت ليه معاك مناسك قال لي مناسك منو 😂 قلت ليه مناسك اسحاق القاعده معاكم في البيت قال لي ايوووه عايزه شنو😂👊🏻 قلت ليه عايزاك يعني عايزه شنو مثلا انا خلصته عايزه ارجع البيت قال لي مسافه السكه وهاكون معاك😪 قفلته منو وقلت اشوف ده منو الاتصل علي وقت اللاب لقيتها ايثار اتصلت عليها وسالتني من اول يوم وكده قلت ليها بحكي ليك بعدين😪 قالت لي كده اتصوري لي كده سيلفي اول اول يوم 😻 قلت ليها لحظه بس فتحت الكاميرا وعايزه اتصور لقيت البنات وقفوا وراي قالوا لي نحن ما بنفوت سيلفي يختي😂👊🏻 اتصورنا ورسلته الصوره لايثار ايثار قالت لي في واحده من صحباتك ديل اسمها مي💔 قلت ليها ااي قالت لي دي بت عمي قلت ليها كذابه والله قالت لي اساليها كده😪 سالتها قلت ليها انتي يا مي عندك بت عمي اسمها ايثار قالت لي ااي قلت ليها دي صحبتي😪 قالت لي جاده يخسي عليها الخائنه ما قالت لي عندها صحبه جاينا وقبل ما تم لي كلامها ايثار اتصلت عليها وبقت بتتونس معاها وبتضحك وقفلت منها 😪 سالتها قلت ليها بتضحكي لي قالت لي ايثار بتوصي فيني عليك😂 سنابل واريج الضحك قتلهم😂👊🏻 اريج قالت ليها محن اخر الزمن انتي يوصوكك علي مناسك بقينا بنتونس سامر اتصل علي وقال لي اطلعي لي بره انا منتظرك😪 طلعته وطلعوا معاي البنات قالوا ماشين بيوتهم وقفت جنب البوابه ووقفوا معاي وسامر جاء علي وسلم علي البنات قال لي انا منتظر صحبي يطلع وبالمره نمشي قلت ليه زريف😪 وقف بعيد مننا بشويه اريج قرصتني قالت لي ده بشر يعني😻 انتي متاكده من انو الكائن ده بتنفس نفس الهواء النحن بنتنفسوا😻 متاكده يا مناسك مي قالت لي ده منو يا مناسك 😻 ما تقولي اخوك لانو ما في اي شبه😻 قلت ليها هو ما اخوي هو زي اخوي😻 وسنابل دي خالص ما معانا😻قالت لي بس عايزه رقمو بس 😻 ما عايزه حاجه غير رقمو ضحكت فيها قلت ليهز جدا هاديكك الرقم
فجاه كده دكتور حذيفه طلع ولقانا واقفين😪 بقاا بعاين لينا ومشا وقف جنب سامر وسامر اشر لي عشان نمشي 😪 قبل ما اتحرك سنابل مسكتني من يدي قالت لي سوقيني معاكم😻 ان شاء اجدعوني في اي تقاطع عايزه اجرب شعور اني راكبه مع مزتين😻 قلت ليها ي تافهه😂👊🏻 عشان تفاهتك دي ما هاسوقك ودعتهم واتحركت
ركبنا العربيه سامر سالني من اول يوم وكده قلت ليها زريف والله😪 دكتور حذيفه قال لي اها يا مناسك ان شاء الله تكوني فهمتي من دكتور عبد المنعم 😪 قلت في سري بتين انا جيت عشان افهم ولا ما افهم قلت ليه اااي الحمد لله فهمته 😪 قال لي لو واجهتك اي صعوبه وريني وانا بساعدك قلت ليه ان شاء الله
سامر قال لي لو ما فيها حاجه يا مناسك عايز انزل في الصيدليه عندي اوراق مهمه اشيلها وبجي قلت ليها ما فيها اي حاجه 😪 سامر نزل وبقينا قاعدين انا وحذيفه برانا قام سالني قال لي عن السبب الخلاني اخلي جامعتي القديمه وكده😪 قلت ليه انا ما خليتها بارادتي بس لظروف وكده😪 قال ايوه
تاني قام سالني عن حاجه كده في المقرر وجاوبتو 😪 اكتشفت انو الانسان ده بحاول انو يفتح معاي حوار 😂👊🏻 بس يلا ما في ليه 😪
سامر جاء واتحركنا وحذيفه نزلنه وواصلانا مشينا البيت😪 دخلته وما لقيت زاتو غير عمتو فاتن سلمت عليها وقلت ليها انا تعبانه ما عايزه اتغدا وطلعته علي غرفتي😪 بعد ما ادوشتها وصليت الضهر رقدته في السرير ونمته تقريبا ما صحيت الا الساعه 6 وحاجه😪 صليت العصر ونزلته تحت لقيت ريم وعمو عثمان وعمتو فاتن قاعدين في الهول سلمت عليهم😪 وقعدته عمتو فاتن قالت لي ادخلي النطبخ واكلي ليك حاجه دخلته وختيت لي اكل وقعدته اكل😪 طلعته من المطبخ وقعدته معاهم في الهول وسالوني من الجامعه وكده قلت ليهم زريفه والله😪
يتبع....
