رِهان مُختلف/A Different Bet

الفصل الثاني💃

نيرة:" شفتيهم؟؟"
منة:" هما مين؟!"
نيرة:" جيرانكم الجداد!"
منة:" مالهم؟؟"
نيرة:" الولد الي معاهم حلو اوي😍🔥"

#منة
(بتكلم كأن الشخصية هي الي بتتكلم✋🏻... لو عايزة أتكلم أنا نفسي هكتب بين قوسين)
أنا اندهشت اول ما نيرة قالت كدة!!
اصل نيرة عمرها... ابدااااا ما بتتكلم على اولاد! ملهاش فيهم كدة... حتى و احنا في المدرسة! عشان كدة أنا اندهشت لما قالت كدة!؟
منة "ده أكيد بقا هيبقى حلى جدا طالما إنتي اتكلمتي عليه😉"
نيرة:" منة أنا مبهزرش! الولد حلو بجد! و شكله قدنا أو اكبر منا بسنة كدة!"
"طيب أوكي و أنا اعمل أيه يعني🌚💔"
نيرة:" مش هو هيبقى جارك؟ اتعرفي عليه😁"
منة "نيرة صدقيني هتلاقيكي عشان شفتيه من بعيد بس كان شكله حلو... هو صحيح العيلة كانت كام فرد؟"
نيرة:" ست و بنتين و الولد"
منة "بس؟!"
نيرة:" اه...بتقولي هما هيسكنوا الدور الي فوقيكي صح؟"
منة "آه هما الدور الي فوقيا"
نيرة:"طب بجد أنا مبهزرش... اتعرفي عليه"
منة "نيرة كلمة كمان و هنزل و اسيبك والله! يعني أنا جاية اخرج معاكي ولا أتكلم على واحد جاري يسكن في عمارتي جديد؟🐸"
نيرة:" طيب طيب هنروح فين؟"
منة "نروح starbucks يلا💃"
نيرة:" يلا......"

(في ستاربكس)
#نيرة
طلبنا أنا و منة و قعدنا على جنب في اخر الكافيه... كنّا قاعدين نتكلم على اننا أخدنا مشروع مفروض نخلصه و نسلمه مع ان اول يوم في المدرسة النهاردة!! بعد شوية و احنا قاعدين لقينا واحد جه وقف... ده عمرو🙄 ابن عمة منة و اخو حسين و مع انه اكبر منا بس والله عقله اصغر منا و مبقدرش احترمه خالص🐸💔
عمرو:" ها يا آنسة منك ليها... بتعملوا أيه برا و الساعة ١٠ باليل"
منة:" فيه أيه يا عمرو... و بعدين أنا مستئذنة من بابا😒"
عمرو:" تخلصي الي بتشربيه و تروحي على بيتك حالا" و راح رزع أيده على الطاولة و أنا اتعصبت منه!
نيرة "طب أيه رإيك بقا أنا احنا مش هنمشي! و وريني هتعمل أيه"
عمرو:" بت إنتي... أنا مش ناقصك فاهمة؟ و بعدين أنا بكلم بنت خالي... يبقى إنتي محدش دخلك في الموضوع أصلا" بجد يعني أحرجني جامد و أنا كنت متعصبة اوي! ازاي يعمل كدة؟! بجد معندهوش دم ابدا😡
منة:" ينفع تهدى يا عمرو؟ روح اتفضل اقعد مع صحابك لأنهم بيبصوا علينا و احنا لما نخلص هنقوم" و راح هو مشي

#عمرو
مش فاهم انا منة خارجة مع الزفته نيرة التانية ديه ليه دلوقتي! الساعة ١٠ باليل لا و الكافيه كله شباب أصلا و دول قاعدين عادي و كل الشباب قاعدين يبصوا عليهم و يضحكوا! يعني بجد يا هما معندهومش دم يا اما هما قاعدين هنا عشان يتعاكسوا!

#نيرة
قمنا بعد ما خلصنا الي كنّا طالبينه أنا و منة كنت لسة متعصبة من عمرو... والله ساعات بحس أني عايزة اخنقه... ده زعقلنا لدرجة ان فضحنا قدام الكافيه كله🙄
ركبنا عربيتي و وصلت منة لبيتها و طول الطريق و احنا مشغلين أغاني zayn malik 💃
اول ما وصلنا عند البيت لقيت نفسي بنزل من العربية تلقائي
منة:"رايحة فين؟"
نيرة :" هطلع اسلم على طنط مامتك"
منة:"بصي... أنا أصلا بالعافية هطلع الخمس ادوار عشان أوصل شقتنا و مش ناقصاكي معايا على السلم أنا ممكن أنط انتحر من عليه🌚💔😂" بس انا أصلا مكنتش مركزة معاها و كنت ببص على بلكونة الطابق السادس و الأخير... الي هو طابق الجيران الجداد
منة:"نيرة... أنا بكلمك تحت هنا مش هناك فوق"
نيرة:" ها؟ آه آه مركزة معاكي... طب أنا هروح بقا و لو مكنتش عايزة انام هبقى أكلمك واتس ولا حاجة"
منة:"إنتي مبتزهقيش مني؟🐸💔😂"
نيرة:" للأسف معنديش اخوات أرخم عليهم فبرخم عليكي انتي☺️💃"
و رحت سلمت عليها و مشيت...

#منة
بعد ما سلمت على نيرة رحت دخلت العمارة و بدأت المشوار اليومي الي هو أني اطلع السلم للطابق الخامس الي هو قبل الأخير... لان الأسانسير بيتصلح🐸💔 و أنا تقريبا في الطابق التالت لقيت واحد نازل من على السلم... هو كان طويل اوي و أنا كنت باصة تحت من كتر التعب... رحت بصيت فوق اشوف هو ده عمرو ولا حسين ولا مين لقيت ولد تاني خالص!!

بصراحة أنا حسّيت ان قلبي وقف فاجأة! هو ده الي من جيراني الجداد؟ يعني جسمه على طوله على عرضة و شعره و وشه و كل حاجة فيه روعة!! كان مز بدرجة غير طبيعية الصراحة! اخدت بالي أني بقالي دقيقة تقريبا ببص عليه و رحت مسكت شنطتي كويس و عديت الولد و كملت طلوع السلم... يدوب طلعت سلمتين لقيت صوت عميق اوي بيتكلم
...:" محمد..."
بصيت ورا لقيت فعلا ان الولد هو الي بيتكلم!
"محمد مين؟"
الولد:" أنا... ده هو اسمي" و لقيته ضحكلي بجنب و نزل! انا فضلت واقفة ببص في اللا مكان شوية بستوعب الي حصل...هو قالي اسمه؟ طب أنا مالي ؟! هو قالي اسمه ليه؟!!

#ماهي
كنت قاعدة في البيت بعد ما ساعدت ماما في الحاجات الي هي كانت عايزاني أرتبها...و كانت الساعة ١٢ و نص باليل
لقيت منة بتتصل عليا على ال facetime
رحت رديت عليها...
ماهي "ميموووو... ازيكككك...عملتوا أيه من غيري بقا برا☹️😂"
منة:"رحنا ستاربكس و محمد كان موجود و زعقلنا عشان كنّا برا متإخر☺️💔"
ماهي "حسين كان موجود؟" اتكسفت أول ما قلت كدة و منة ضحكت
منة:" إنتي بتحبيه اوي كدة😉😂"
ماهي "يا منة هو الي حلو اعمل أيه! و بعدين انت قلتيلي عادي احبه"
منة:" هو أنا قلت حاجة يختي😂 تعرفي... أنا شفت الولد الي من جيراني الجداد!"
ماهي "بجد؟! و آيه الي حصل؟!" و حكتلي كل حاجة من ساعة ما نيرة شأفته لحد ما كلم منة و هي على السلم!
ماهي "إنتي كنتي متنحة فيه كدة😉"
منة:" أنا مبهزرش والله... الولد ده حلو بدرجة غير طبيعية"
ماهي "مصدقاكي والله... عارفة ليه؟ لان نيرة اتكلمت عليه😂 ديه عمرها ما بتنطق حاجة عن الأولاد حتى في المدرسة😂💔 محترمة زيادة اوي🌚💔😂"
منة:" طيب خلاص بقا... هتلبسي أيه بكرة؟"
ماهي :"معرفش ممكن البنطلون الجينز و البلوزة الحمراء" اول ما خلصت الجملة لقيت منة نطت من على سريرها و راحت بسرعة ناحية الشباك! و بعدين وقفت بزاوية أنا مقدرتش أشوفها فيها لان كاميرا تليفونها مكانتش جايباها بس كنت سامعاها و هي بتفتح شباك اوضتها الي على الشارع الورا من العمارة

بالظبط اقل من دقيقة لقيتها راجعة جري و شدت تليفونها من على السرير و طلعت تجري بيه ناحية الشباك تاني
ماهي "عهد في أيه؟!😳"
منة:" ده محمد!"
ماهي "ازاي يعني؟!"
منة :" نازل من على سلم الحريق الي على حيطة العمارة من ورا!..."

هاي💕💃
حلو البارت ده؟ فيه احداث أكتر اهو😁
تتوقعوا حسين كان بيعمل أيه على سلم الحريق الساعة ١ باليل؟؟
يالا توقعات بقت و فوتس و كومنتس😊
باي💕💃