النجمة الي تحت دوسوا عليها لو سمحتوا و كومنت على الفقرات يا جماعة 😊
الناس إليّ بيعملوا ڤوت على بارتات و بارتات لا، تحبوا اجيبلكوا أيه تشربوه؟ 🙄🔪
——
#منة
صحيت الصبح و عشان انهاردة الجمعة طبعاً لقيت عيلتي كلهم نايميين لمتأخر..
قمت و عملت نسكافيه واخدت روايتي و رحت قعدت في البلاكونة
ايسل :" منة؟ صباح الخير"
بصيت و لقيت ايسل ،اختي الي عندها ١٢ سنة ، واقفة .. ضحكت و فتحتلها ايدي و هي جت حضنتني..❤️
انا و ايسل بنقول كل حاجة لبعض .. كل حاجة حرفياً
يعني هي مثلا عارفة عني اني مرة انا و حسين و عمرو لما كنّا في شاليه العيلة في اليكس ، نطينا من بالكونة الدور الأرضي الساعة ٣ الفجر و أخدنا عربية ابو عمرو و قعدنا نتفسح في الشوارع لحد الساعة ٥ الفجر! و فوق كدة كنّا هنخبط العربية عشان عمرو كان قاعد بسقف و هو بيسوق 🌚🚬
كان يوم مسخرة اقسم بالله😂❤️❤️ المشكلة انه لما رجعنا البيت معرفناش ندخل من اَي باب من أبواب الشاليه لأنهم كانوا مقفولين و اضطرينا نصحي ايسل عشان تفتحلنا!😂😂💔💔
و انا عارفة عنها انها مرة اتأخرت مع صحابها في المول و قالت لماما انه كان عندها حفلة عشان كدة اتأخرت .. بس الحقيقة؟ هي اصلا مكانتش في المول و راحت بيت واحدة صاحبتها!!
هزهقتها يوميها تهزيق متهزقهوش مهزق في تاريخ المهزقين🙄👌🏻
ايسل :" عايزة اخرج انهاردة.. ما تيجي نخرج انا و انتِ لوحدنا؟"
"طب و آدم؟ اخونا برده والله😂"
ايسل :" آدم بيحب يختااي ... بيحببب👐🏻" و قعدت تشوح بأديها زي العواجيز!😂💔
"بس يا بت ايه الي بتعمليه ده!😂 الا قوليلي... عرفتي منين؟😉"
ايسل قربت مني كأنها بتقولي سر موت توت عنخ آمون :" سمعته امبارح الساعة ٣ الصبح بيكلم واحد صاحبه و بيحكيله عن البت الي بيروح درس العربي عشان يشوفها 😉"
" و اسمها ايه بقا؟😉"
ايسل :" خمسين جنيه على المعلومة الواحدة😌✋🏻 خلي بالك عشان انتـ اختي عملالك offer 🌚"
انا بصيتلها بقرف و شديتها من شعرها :" قومي يا بت روحي ذاكري"
ايسل قعدت تضحك و طلعت تجري و بعدين لقيت راسها بتبصلي تاني و بتقول :" الا انتِ بتنزلي لجارنا الجديد باليل ليه؟😉"
أنت تقرأ
رِهان مُختلف/A Different Bet
No Ficciónعن لهيبة الاهلي❤️✋? ?~ كأنك سجاير ملونة!... ادمنتك بس انتي لسة بتضيفي معنى و ألوان لحياتي ~ ? ~ خلينا نهرب... نهرب من الواقع المريض ~ "مدمن" "بحبك" "هنعمل رهان" "ابعد عني" "هفضل احبك لآخر يوم من حياتي" "هتفضلي ملكي لآخر يوم في عمري" "هنفضل مع بعض حت...
