الطيب يشيل الخنجر عشان يطعن بيه ريهام ويقتله ويتخلص من الفضيحة دي .. بس كرعينو ثبتو وقال يسمع باقي المكالمه يمكن يصل لصاحب ابو الطفل الفي بطنا ، ويتصنت لاخر المكالمه ....
ملاذ: ياخ عادي بكره امشي ليه في البيت وانهي الموضوع ده ، عثمان ماحقار وبستمع ليك
ريهام : يعني اقول ليه ياعثمان كيفك انا حامل بي ولدك ؟؟ عشان يموت بالصدمه هو كمان
الطيب يفكر صاح عثمان ده اخو ملاذ ؟؟ كيف الكلام ده ؟؟ ويتم التصنت ..
ملاذ : ياخ انتي امشي ليه الساعه 8 بالظبط عشان بكون لسه ماطلع وبالصباح بتلو بكون رايق وانتي ماخسرانه شي واضربي لي قبل تتدخلي ليه عشان اتضمن عليك
ريهام وبتبكي : تمام ياقلبي تسلمي لي ، وتقطع الخط ..
الطيب يقعد بره الشارع وماقادر يعمل شي بسبب الفضيحه دي خصوصا انهم من الاقاليم والكلام ده ماف ف تقاليدهم .. ويقول بكره بمش وراها واتعقب مكانو واجبرو يعرسا عشان الفضيحه دي ماتعم ولو رفض حلف الا يقتلو بالخنجر الفي يدو ...
ملاذ طبعا ضربت لي اسراء صحبتا الجديده وقالت ليها ريهام حتجيك بكره الساعه 8 بالظبط انتي تعملي نايمه ف حضن عثمان وخلي الباب بتاع الشقه فاتح وانا بضرب ليك للتاكيد قبل تصلكم واسراء توافق ليها وتركب عربيتا وتتصل لي عثمان وتقول ليه انا جاياك اسع ضروري وعثمان يقول ليها خير واول ماوصلت وفتح باب الشقه ..
اسراء بتبكي وخاشه فيه حضن : عثمان
عثمان : مالك يابت بتبكي
اسراء : اختلفت مع بابي
عثمان : وهو حاضنها خلاص خلاص ولايهمك دي حاجات عاديه وهو اكيد ماعمل كده حقاره
اسراء : معليش الليله حابيت معاك
عثمان متردد : بس برانا كده انا خايف يحصل ...
اسراء : يعني ابيت بره ؟؟ وبعدين ماياما وحصل بيناتنا ولا خايف ريهام تعرف
عثمان : انا وريهام انفصلنا مؤقتا اصلا
وبقو يتونسو ويتضاحكو واسراء بقت تعمل ليو حركات وتغريو لحدي ماانتهى الحنك ف السرير
...
وجا الصباح وريهام اصلا مانامت وكمان الطيب من الليل شغال تفكير في الموضوع وحالف الا يقتل عثمان لو ماوافق يعرسه جبر ، واول ماريهام طلعت عثمان راكب العربيه الوراها ولمن وصلت الشقه ضربت لي ملاذ قالت ليها انا طالعه ليو ف الشقه فوق ... وملاذ تقطع منها الخط وتضرب لي اسراء عشان تجهز ...
ريهام اول مادخلت العماره طلعت بالاصانصير الطابق الرابع عثمان طلع يلحقا بالسلم .. واول ماوصلت لقت الباب بتاع الشقه فاتح وخشت طوالي .. الطيب وصل بعديها بمسافه وماعرف ياتو وحده هي فيهم الشقه الصاح لقى في باب فاتح بس عشان مامتاكد فضل ينتظرها لمن تطلع ويتم الجريمه ..
