وأثناء ماريهام بتذكر أسم عثمان في النوم سمعا ليك الطيب بتهلوس وهو ماشي يتوضى عشان يصلي الصبح ،، ماركز معاها كتير مفتكرا هلوسه عاديه ولمن خلص وضوء رجع يلبس جلابيتو عشان يمشي الصلاه لقاها راقده وماسكه المخده وشغاله .. عثمان عثمان لا ياعثمان براحه ياعثمان أه ياعثمان ..
الطيب راسو شطب وقال ده منو عثمان ده ؟؟ بقى يفكر ويفكر واتذكر انها المره الفاتت نزلت من العربيه ولمن سألها ده منو قالت ليه ده عثمان اخو ملاذ صحبتي ، الطيب استغفر ربه ومشى صلي ؛ واول ماالواضه اصبحت وريهام طالعه على الجامعه ...
الطيب : ريهام
ريهام : صباح الخير الطيب اها خير من الصباح
الطيب : عثمان ده منو
ريهام مخلوعه : وبعلي ده منو ده كمان
الطيب : يعني عايزه تقنعيني مابتعرفي واحد اسمو عثمان ؟؟
ريهام بتتمتم : ب بس بسم الله غير عثمان ود خالتو نفيسه وعثمان اخو ملاذ مابعرف زول بالإسم ده .. وليه السؤال
الطيب : الليل كلو شغاله عثمان عثمان
ريهام بتكورك : يعني قصدك شنو يالطيب قصدك شنو
الطيب يكسر الحنك ويقول ليها : اديني رقم ملاذ لو يوم اتاخرتي
ريهام : هاك ليو ياخ كرهتني حياتي ذاتو +2499/#@*))*
الطيب : يابت انتي بتعلي صوتك مالو هوي يابت هوي حركات الخرطوم دي مابتنفع معاي
ريهام تديهو الرقم وتطلع الجامعه ، واول ماتخش الجامعه تضرب لي ملاذ
ريهام : انتي وين
ملاذ : قربت ع الجامعه
ريهام : اول ماتصلي قابليني ضروري ف الاستراحه
ملاذ : تمام
ريهام وملاذ يتلاقو وريهام تحكي ليها
ريهام : ملاذ انا ماقادره
ملاذ : ماقادره على شنو خوفتيني يابت
ريهام : ماقادره على فراغ عثمان لازم ابطل اللعبه حقت الطناش دي ونرجع لي بعض
ملاذ : ههههه يابت اتقلي عشان بعدين تمسكي قوي
ريهام : لالالا انا بقيت بتخيلو ف الطلعه والنزلا بحلم بيه وهو بهبش فيني بحلم بيه وهو بلعب بشعري ، ياخ الليله الطيب سمعني بنادي باسمو وانا نايمه
ملاذ : ههههههههههاااااي جاك ودابليس يعني ؟؟
ريهام : ودابليس ده شنو كمان
ملاذ : هم بتجيهم بت ابليس واحنا بجينا ودابليس
ريهام : يعني شنو ده ومنو هم ديل
ملاذ وبتضحك : ووووب منك انتي مابتعرفي اي شي
ريهام : ماعلينا المهم انا ماشه لي عثمان ماشه اتونس معاه ، ماشه اعاين ليه ف عيونو ، ماشه احضنو
ملاذ : خلاص دقيقه بضرب ليه واشوفو وين ، اصلا انا دايراهو في موضوع قالو طالعين دفعتهم رحله السبلوقه
ريهام : المعفن ماكلمني
ملاذ : هو انتي بتردي عليه اصلا ؟؟ وبعدين دفعتهم بس
ريهام : خلاص خلاص اضربي
ملاذ تضرب لي عثمان : الو عثمان
عثمان : كيف ملاذ
ملاذ : اسمعني انت وين عايزه استفسر عن موضوع رحلتكم ممكن امشي معاكم ولا عشان انا الدفعه التحتكم .. انت ماتعال لي تحت ونتفاهم
عثمان : قبل مااجيك ريهام ماشه ولا ماماشه
ملاذ : انا اسع ماشه عليها بقنعا ليك بالرغم من انها زعلانه منك شديد
عثمان : فهمنا ياخ ؛ خلاص لمن تنتهي وتقنعيها مسكلي لي وانا بجي عليكم
ملاذ : تمام ياحلو ههههه
ملاذ تقطع الخط وتقعد تضحك لي ريهام شفتي كيف وتقول لي ريهام
ملاذ : الزول ده جاي علينا اسع انتي خليك جامده تمام
ريهام : اي تمام تمام ' بس بالجد انا حمشي معاكم الرحله ؟
ملاذ : اي لازم طوالي الناس دي قعد تطلع
ريهام : ناس البيت مابخلوني الطيب بقتلني
ملاذ : ياخ انا بوريك حجه ظابطه تطلعيها ليهم قولي ليهم انو عندك امتحانات ومساهره معاي ' وبعدين لسه الرحله بعد اسبوعين
ريهام : خلاص تمام تمام
ملاذ : وماتنسي لمن ترجعو حنكي يجيب معاه مؤيد ودخالتو الغرض عشان يطلع معاي
ريهام : ياخ خلاص ياخ ' اضربي للزول ده بسرعه انا اعصابي ماتو
ملاذ تقعد تضحك وتضرب لي عثمان وتقول ليه تعال نحن قاعدين في الاستراحه العامه ، وعثمان يقول ليها تمام جاي عليكم
ملاذ : يلا ظبطي شكلك ده وماتنسي تعملي زعلانه
ريهام : تعالي ظبطي مكياجي ده صحي
ملاذ تظبطا واول ماتخلص تكشف ليك عثمان جاي
ملاذ : هوداك ليه جا
ريهام : انا بديهو ضهري وبعمل روحي ماشايفاه
ملاذ : وووووب علي مابتصدقي جايه معاو منو
ريهام تتلفت وترجع : منو منو منو ياملاذ
ملاذ : دي متين جات من السفر اصلو وشوف لابسه كيف
ريهام : ملاذ دي منو منو دي ياملاذ
وفجأه ريهام تقبل ورا وتلقى ليك عثمان معاه .
يتبع.....
