#رماد
بقلم فردوس عبد اللطيف
الجزء الثالث. حقيقيه
رماد كنت لابسه تراك صيفي احمر مخصر على جسمي
بدء نمير يتقرب مني
نمير ....احبج مشتاقلج
ظل يبوس ويحظني ويسوي حركات مو حلوه كنت أشمئز منهه بعدهه بدء ينزعني ملابسي صرت ادفعه صديته ماكدرت هو ضخم وقوي وطويل
صيحت ولك نمير تخبلت اني عرضك شده تسوي بقيت اصرخ !!!!سد حلكي بايده وصار فوكاي مكدرت اتحرك او ادفعه لانه قوي واني جسمي ضعيف وتحته وحاولت اقاومه لكن كان اقوى مني وخلال لحظات سلب مني اهم شي بحياتي
شرفي !!!
من وخرعني ما مستوعبه لما باوعت على ملابسي شفت الدم
ظليت أصيح الطم
رماد. ولك نمير ليش هيج سويت اني منك وبيك عرضك وشرفك
نمير ...مصار شي
رماد. كان تزوجتني واخذ الي تريده بالحلال
نمير. مشتاقلج وماكدرت اتحمل....راح اخطبج بعد يومين
حا اروح للدوام ومن انزل يصير خير...
رماد. انت كسرتني لو هذه الدوره الشهريه ؟
نمير. اصلا ما سويت شي مجرد ملامسه
رماد. منين هذا الدم
نمير وشمدريني
رماد انت لازم تتحمل المسوؤليه مو تريد تنهزم
هسه وديني بإيدك الدكتوره هسه عالسريع خلي نشوف بلكي اني متوهمه وكلامك صح
نمير مو مستعجل اريد اروح
رماد كتلك هسه توديني للطبيبه
نمير اوك حظري نفسج واني راح اسبح ونطلع.....
لبست عبايتي وطلعت وياه بالسياره
اتصلت بأمي الو هلو يوم اني طالعه لبيت صديقتي
ام رماد ماشي مو تتاخرين....
وصلنه الدكتوره كلبي يرجف وخايفه ونمير ولا مهتم اباوعله كأنه ما مسوي شي
دخلت اول اسم
مرحبا دكتوره
اهلا بيج ماما تفضلي
رماد فدوه دكتوره خطيبي تقربلي وكنا بخلوه بس اريد تشوفين وظعي هذا الدم مال شنو
الدكتوره. ليش انت متعرفين موعد الدوره الشهريه
رماد. لا دكتوره ما اعرف
الدكتوره. ما اكدر انطيج جواب بس عالاكثر هذا دم البكاره
رماد انهارت اعصابي ودي انتقم من نمير كسرني الكلب واني اصلا ما احبه من لا جاره
طلعت من الدكتوره كوه امشي منهاره حزينه مكسوره
بس لازم اكسب نمير حتى يصلح غلطته
صعدت بالسياره اني ساكته ونمير ماحجه لان يعرف
رماد. اشو ما سألتني
نمير ..اي صدك شكالتلج
رماد. انت كسرتني نمير ليش هيج سويت لان حبيتك
نمير هسه اني حا اروح للدوام انتي لاتسولفين لاحد واني احل الموضوع
رماد. وصلني للبيت وراح دخلت للبيت مالكيت امي كانت يم خوالي بس اني شحالني الف فكره براسي مره اكول احجي لامي وهي تتصرف ومره اكول ابقى انتظره يجوز صدك يجي يخطبني وينسد الموضوع لكن اني بكلبي نار مشتعله ياربي ساعدني
ريتني متت كبل ما احجي لامي هيج سالفه ....اويلي يا يمه شكد عذبتج ....شكد اذيتج
وهسه راح اموتج بهالسالفه
الي صدمني ان نمير مجان يحبني كان كل همه رغبه ونزوه
الظاهر كانت نيته سيئه من البدايه مع اني كنت عرضه وشرفه ....معقوله اكو هيج اقارب
رماد. ماما عندي حجايه وياج
ام رماد خير ماما شكو
رماد يوم مو اني بصراحه نمير
ام رماد ولج احجي شنو الغاز اشبي نمير
يمه تلعثمت بجيت حجيتلهه بس ما كتلهه اني خابرته كتلهه هو اجه واني بالحديقه وكال سويلي شاي ومن دخلت هجم على ومكدرت أقاوم
امي من الصدمه اغمى عليهه
ركضت جبت ماي بارد صبيت على وجهه من صحت
ظلت تلطم وتبجي ولج رماد ليش هيج سويتي صخمتي وجهي ولج شكول لخوالج ولعمامج وهما شراح يكولون معرفتي تربين تربايه مره ولج حطمت شبابي علمودكم حرمت نفسي من كولشي تقدمولي عرسان رفضتهم كلت اريد أربيهم وأصير الام والأب وهاي تاليتهه
رماد. يمه نمير مو غريب ابن عمتي وراح يجي يخطبني ونتزوج ونستر عالموضوع
ام رماد خلي اخابر عمتج
ام رماد. الو ام نمير اشلونج حبيبتي ممكن تجين يمنه رايدتج بشغله
ام نمير اي عيني العصر اني يمكم
جتى عمتي العصر
ام رماد عيني ام نمير ابنج جاي للبيت وشايف بنتي وحدهه ومعتدي عليهه هذه بنت خاله ويتيمه تقبلين هيج وين انطي وجهي من الفضيحه
ام نمير مايصير خاطرج الا طيب خل يجي ابني ونشوف شنسوي
بعد يومين اجه نمير من واجبه واحنا على نار ننتظر الجواب
ام رماد لج رماد كلبي ما مرتاح اشو سكته
رماد يوم بلكي العصر يبينون ليش تستعجلين
العصر. جتي عمتي. اشو وجهه ثكيل وقويه ونمير وياها
عيني ابني يكول قبل يومين جتى رماد واني جاي ابدل اريد اروح للدوام
كالت تريد تروح للدوام كتلهه اي كالت اخذني وياك للطبيبه
سألتها ليش مو امج تاخذج احسن
كالت ما اكدر اكولهه لان عندي شي خاص
واخذتهه للطبيبه ورجعتها وما سالتهه على شي ميهمني اني شعلي
وهسه اجيت من الواجب وامي تكولي انت معتدي على رماد ومغتصبها ومآخذها للطبيبه
شنو هالكلام ليش تتهموني وباوع علي وكال رماد كوليلي منو سوه هيج بيج انعل والديه واخذ حقج منه
ممثل بارع اني بين الصدمه واعصابي منهاره دنكت على رجله بستها فدوه نمير استر علي شهر وطلكني
نمير. ليش استر عليج اني كولي منو سواها واني اخذلج حقج منه
هنا وكفت على حيلي ومسحت دموعي وكتله الله ياخذلي حقي
مو انت
ام رماد. ماما نمير ميصير هيج ترى هاي يتيمه وحولتها وراك لازم تعترف انت مسويهه
صدكي خالتي مو اني
ام رماد. زين تحلف بالقران
نمير اي احلف
وفعلا جاب القران وحلف بي مو هو المعتدي علي
اني رجعت شفته حلف بالقران حسيت الدنيا صارت سوده بعيني طلع منهه نمير واني الي ضعت
سلمته بيد القران وطلعت بس تذكرت نفسي من كنت احلف بالقران وهاي اخذ حوبته مني سامحني ياربي وين انطي وجهي. وين اروح
للحكايه بقيه. بقلم فردوس عبد اللطيف. F
