#رماد
بقلم فردوس عبد اللطيف
الجزء السابع. حقيقية
لبسنه الحلقات وكنت اتمنى أتقرب لحسن حتى ابدأ حياة جديدة
رماد. حسن انت مقتنع بزواجنا
حسن ليش لا حبيبتي رماد ترى اهلنه كلهم تزوجو بهالطريقه
اصلا كانو مايشوف العروس الا بليله العرس وبعد الزواج يحبون بعض ويعيشون احلى حياة
رماد يعني فرق العمر الى بينا اني اكبر منك ب 4سنوات
حسن. مو مهم اني من الاول كنت اريد ارتبط بوحده مثقفه واعيه وتفهمني وبالنسبه للعمر مو ذاك الفرق
رماد اني بصراحه هذه فرصه بالنسبه الي ....
ما اكول نسيت رعد لكن انشغلت بشي خلاني اتناسه رعد
التهينا بالخطوبه والنيشان والعقد وتحضيرات العرس
خلال أسبوعين كلشي كمل بس اخوي كان رافض هذه الزواجه لان من سال على حسن كلوله مو خوش انسان
لا انطو بتكم اخلاقه زفت بمعنى مو مال زواج
اخو رماد. رماد ماكو نصيب خابرونه اهل حسن وكالو ماكو نصيب وسدر الموضوع (الولد ذمو منطقتهم كالو موخوش انسان يتعاطى ويسكر وصاحب مشاكل
امي اتصلت بصديقتها الي توسطت بالزواج حجتلهه كلشي سمع اخويه عن الولد وكالتلهه اعتذرينه منهم ....
اهل حسن ما أ ياسو بقو يلحون يجيبون شيوخ وساده وناس تاثر على اهلي وتوسلو بيهم
واكدو ان الكلام الي وصلنه عن اخلاق حسن كله تلفيق وكذب او ممكن اي شاب بفتره شبابه تبدر منه اخطاء وأفعال
طائشة بس من يتزوج يتغير ويتحمل المسؤليه
فعلا كدرو يقنعون اهلي .....وصار تحديد موعد العرس بعد أسبوعين
ردت اسولف لرعد اني مامتزوجه وكنت اكذب عليه حتى اقنع نفسي أنساه
كلت خلي اكوله اني حا اتزوج وابريلي الذمه واتمنالك السعاده وأنهي كلشي وياه وأبدي حياتي الجديده مع حسن
بس من اتصلت لكيته مغلق استغربت يوم يومين ؟ بعدهه عفته كلت شعلي بي ميهمني
........ والأسبوع القادم. عرسي........
هو اني شحصلت من رعد ومن حبه سنه كامله بين الفراق واللقاء ماشفت منه غير الانكسار والالم والدموع
وآخر شئ خاني وتزوج بنت عمه
بعد ميفيدني خلي ادور على مصلحتي شكو وره رعد ماكو اي أمل بعدهه اتصل بي حسوني
حسن. هلو حبي
رماد هلو كلبي
حسن. باجر نعقد محكمه حظري نفسج الصبح اجيلج
صرت افكر بحسن واتحلم اشلون حا اصير زوجته واشلون اسويله الريوك تعرفون البنات من يتحلمن بالعرس
صار يوم الثاني تكشخت اليوم يجي حسوني وأصير زوجته رسميا وفعلا رحنا عقدنه محكمه بعد ما طلعنه من المحكمه كال تعالي وياي للبيت اخواتي يردون ياخذوج للصالون تسوين شعرج اني هم ما اعترضت رحت معاه
راواني غرفه زواجنا الأخشاب والاثاث كان شي راقي
دخل يمه حسوني
ها اشلونهه الغرفه عجبتج
رماد. تخبل. وصاحب الغرفه يجنن
حسن فدوه الج ياعسل
تقرب يمي وحظني. ....شعور حلو لما تتقرب من الي تحبه بالحلال تدرون اكو حقيقه تاكدت منهه لما ينعقد عقد القران بين اثنين تنزل محبه من رب العالمين
فعلا حبيت حسن بهالفتره القصيره لان بالحلال سبحان الله بمجرد ما عقدنه سكنت بروحي محبته (وجعلنا بينكم موده ورحمه)
بعدهه رحت للصالون ميشت شعري واتفقت ويه ام الصالون ع الأربعاء حنه والخميس العرس
الايام تركض ركض مرات نستعجل نكول يمته يجي اليوم الفلاني بينما هو كوله نقص من اعمارنه
بقى موضوع مهم وهو شغله البكاره اشلون
كنت ابحث قبل فتره عن ممرضه تشتغل هذه الشغله وفعلا اتفقنه وياها كالت الشغله سهله ويمي تعاليلي بيوم الحنه الصبح والباقي علي
رحنالهه وكنت خايفه لا انفضح وسوتلي العمليه وبقت يم الله
هو الستار هو ارحم الراحمين
صار العصر رحت للصالون ولبست بدله وردي وشعري تسريحه ومكياج خفيف طلعت فد شي روووووعه
اجوي خوات حسن سولي حنه تجنن وركصو ركص لحد ما تعبن اني متقيده بالفستان
بعدهه راحو كنت تعبانه جدا ...اتصل بي حسوني بقينا نسولف للصبح وباجر الزفه
يوم الخميس يوم 4/12 يوم العرس كان احلى يوم بحياتي
وحسوني ماقصر بالركص واني مستحيه واكوله عيب تركص انت عريس
حسن ولج ياعيب غير طائر من الفرحه
بعدهه زفونه للفندق ...كانت ليله حلوه تقربنا من بعض بكل رومانسيه وحب بيومها حسيت نفسي ملكه دخلت محبه حسن بكلبي ومسحت شكو اشخاص عرفتهم قبله
والحمد لله كانت العمليه ناجحه وعدت الليله على خير وشاف العلامه
رجعنا يوم الثاني للبيت ....اهل حسن ناس اطيب من الطيب
تلكونا بالهلاهل والجكليت وذبحو الخرفان على رجلينا ودخلت لغرفتي دخلت على نيه صافيه غرفتي وبيت الزوجيه حبيتهه ولازم أبدئ حياتي صح
الأسبوع الاول من زواجي كان مثل الحلم السعيد بالنسبه الي
عشت بي احلى أيامي حسن غمرني بحبه وحنانه عشت معاه احلى احساس كان اذا يطلع من الغرفه دقايق يرجع ويكولي اشتاقيتلج ويبوسني
اني هم بصراحه حبيته وصار هو حياتي. حبيته بجنون
اجوي اهلي امي اخوي وجابو الهدايا والذهب واجوني خوالي وعمامي وبنات عمامي كانت الهدايا كثيره حتى من اهل زوجي اجتني هدايا
ثالث يوم العرس كنت بغرفتي لوحدي وحسن طالع
موبايلي بايدي (هديه من حسن جابليا) لمس اسود
كان توه نازل بالسوك ما اعرف اشلون دكيت على. رعد ما اريد شي بس ردت اعرف لسه مغلق لو فتحه حتى كنت مقرره اذا رن أفصله واكتبله رساله اعتذار واكوله غلطت بالرقم هذا الرقم جديد ورعد ميعرفه
قسما برب العباد كانت هذه نيتي
طلع الجهاز مغلق مسحت الرقم ونسيت الموضوع
بيوم السابع لزواجنا سألني حسن اخذ موبايلي وسألني
حسن رماد انت متصله برقم ثالث يوم عرسنا وماسحته
رقم منو هذا ؟
اني ارتبكت بقيت ارجف شجاوبه كتله هذا رقم ايناس صديقتي كنت اتصل بيهه قبل الخطوبه بس انغلق وما اعرف ليش اتصل برقمها واني كلبي يدك
طلع منزل برنامج يخزن الأرقام الممسوحه
حسن اتصل برقم رعد
رعد جاوب الووو الو منو
واني حسيت حايغمى علي
للحكايه بقيه. بقلم فردوس عبد اللطيف f
