#رماد
للكاتبه فردوس عبد اللطيف
الجزء الثالث عشر . حقيقيه
..
بعد الكلام الي كلته ل كرار.
كال
كرار انجبي ادبسز انتي مطلكه وتخابرين ولد.
هنا اني تخبلت . هالكلام جبير على طفل عمره9سنوات هذا اكيد يسمع من غيره.
ظربته بيدي على ظهره هو جان نايم . واني واكفه ع راسه جان يضربني برجله على حلكي خل الدم يجري .
وشرد
.مسحت حلكي بس انهاريت كلش واحس نار تغلي بداخلي.
جان بؤكتها مظى على زواجنا 10 ايام واهلي مسؤيلنا عزيمه.
خابرت امي ؤكتلها
رماد يمه اجلوها الوضع بالبيت مخربط واني وزوجي متزاعلين صار سبؤع تقريبا وسؤلفت الها كلشي.
ام رماد غلسي ولاكأن شي صاير وزوجج هسه اني اخابره واعزمه ومن يجي راضيه وخلي الامور طبيعيه
هذا طفل ويسمع من غيره وهيج جانو يحجون على امه قبل على اساس خاينه وكذا امور
والطفل بقت براسه هاي الشغلات.
....
وفعلا اجه زوجي من الدوام والجهال راحو للمدرسه طبعا كرار تغدا يم بيبيته بعد ما ظربني .
اني ماحجيت شي ل زوجي بس صالحته لان ماكو احد بالبيت وكال
حيدر رماد اهلج عزمونا باجر ع العشا.
رماد يعني نروح
حيدر اي
بعدها سبحنا وهو طلع للمحل مالته حلاق
واني نظفت البيت .
وباليل بعد العشا فرشت للجهال بغرفتهم فكال
حيدرلعد وين فراشي.
رماد غير يمي بغرفتنا
اني كان كل ظني هو ينام يم الجهال لان زعلانيين كنا اني ؤيا
كال
حيدر لا اني انام يم اطفالي بعدهم صغار
رماد صدك تحجي اني عرؤس كلشي ماشفت منك
مصار 10 ايام متزوجين تجي تاخذ حاجتك وترؤح تنام يم جهالك
واني شنو هنا
هم حقي اريدك يمي بعدين الجهال ويانا نفس البيت خليهم يعتمدون على انفسهم وينامون وحدهم بغرفتهم.
حيدر لا انام وياهم وتعودي انتي على هالشي
رماد ليش
ليش هيج
حيدر هذا الموجود يعجبج لو لا ؟؟
ماجاوبته ورحت لغرفتي
بقيت باليل كاعده . ومااجاني نوم
يبؤ يربي من هجر ل هجر
ومن حرمان ل حرمان
زوجي الاول عايفني ونايم وي عشيقاته
والثاني نايم يم جهاله.
واني مجرد خدامه .
ماالي لاحب ولااهتمام ولاحتى احترام
خرب حظج رماد
.
واستمر الوضع هذا طول فترة زواجنا
ولا ليله بات يمي بغرفتي .
يجي ياخذ حاجته ويرؤح .
كل ظنه حق المراءه هو النومه وبس ؟
ومن احجي واسأله عن سبب معامتله هيج وياي
يكول
حيدر مو داانام ؤياج .
مو هذا الكاتلات ارؤاحجن عليه !
..
رماد لا
المرأه مجرد وجود زوجها ب جانبها بس حظنه وكلامه وانفاسه وهو قريب منها يحسسها بالامان.
حتى لو ماكو نومه وجنس.
بس الضاهر التخلف عند بعض الناس صاير موهبه يفتخرؤن بيها.
رجع جو الزعل والحزن والغموض داخل البيت
شنو هذا البيت مابي يؤم فرح لا ومصارالنا شهر متزوجين
رحنه لبيت اهلي وتعشينا ونحاول مانبين شي نضحك كذب.
ؤمرت الايام واني مااحجي ؤي زوجي
تصرفاته ماتعجبني .
احسه ماله كلمه وشخصيته ضعيفه
واذكر الناس الي حذرتني من هالزواج
لاتاخذين واحد عنده 4 اطفال هذا حتى فكره مو يمج.
وانتي محتاجه شخص يكون ملكج يعوضج عن الحرمان الي عشتي ؤي زوجج الاول.
افكار تاخذني وافكار تجيبني وبعد مرور يومين واني نايمه بغرفتي
وعندي شباك يطل ع البستان . فجأه اندكت الشباك كعدت من نومي متفاجئه منو اجاني من البستان .واني مااعرف احد من الجيران هنا
فتحت الشباك مالكيت احد.
عاد اني عرفته كرار.
طلعت ل ابوه جان نايم بالصاله.
رماد حيدر ابنك كرار دك عليه الشباك وانهزم شنو معنى هالتصرفات وتالي شلون يعني.
.
كاله تعال بابا حيدر ليش تسؤي هيج؟
كاله كرار والله بابا مو اني مااعرف منو دك عليها الشباك يجوز
صاحبها.
!!!!!
