سر في حياتي

سر في حياتي ٣

#سر_في_حياتي٣#
#زينب_الموسوي#
رجعت للبيت القيامه قايمه نوال راسبه مره ثانيه بنفس الفصل وتريد تترك الكليه وماما اقبال عبالك ترعد غضب كعدت ابچي ويه نوال واوسيها واقبال بلا رحمه حتى بتها متعرف تواسيها وكل شويه تسمعها كلمة كسلانه وهي تجاوبها والله اقرا ليل ونهار بس ماافتهم الطب  خليني اروح اختصاص ثاني شيصير
ضربتها لحد رجع بابا وحل النزاع تترك هذي السنه وتغير الاختصاص
واقبال قررت تعاقب العائله كلها قفلت باب المطبخ وبقينا بدون اكل والدي طلع من البيت رحت على غرفتي لگيت انور متصل سبع مرات اتذكرت الدفتر
فتحته دفتر مذكراته من كان طفل ومتعلم يكتب وتارك الكتابه بيه وفاتحه بعد يوم من شافني ويريدني اقرا الي بيه والي كاتبه عني
وكاتب اسمي واسمه ويمه فراغ وكاتب كملي
كملت اصدقاء بالوقت الحالي اتصل
وين جنتي متكليلي
حجيت اله الصار بيتنا
راح اموت من الجوع  والنبي قفلت المطبخ علينا
بسيطه عندي حلها
شراح تسووي
هي ام كفشه وين هسه
دخلت غرفتها وراح تنام
اصبري ساعه  انتظرت اندكت الجرس ام انور وبيدها صينيه فتحتلها الباب
اخذي مسره هذا ثواب
شكرا خاله واصل انشاالله
دفتحي الباب اسلم على ماما
تفضلي خاله
رحت فتت على ماما
ام انور جايبه ثواب وتريد تشوفج دخلتها الصاله الكبيره
اخذي مفتاح المطبخ وقدمي شي الها بين ماابدل
طلعت على المطبخ وظلن يسولفن
لحد اني واخواتي فرغنا الصينيه ومن رجع بابا جابلنا اكل وانضرب قرار اقبال عرض الحايط
ثاني يوم مكان في مجال نحجي اني  وانور اسماعيل وهذر  عبالك مراقبينا لحد نهايه الدوام كانت في ثواني تاخرنا فيها بالخطوات
وين الدفتر مرجعتيه
عندي اخاف اطلعه
خلي عندج يومين اكتبي بيه ويبقى عندي يومين اكتب بيه
كل يومين عند واحد يعني
اني وانتي بس محد كاتب بيه قبلج شفتيه فارغ
يمكن ماحبيت تكتب بيه اشياء تريد تنساها
مكان انطيته الج تشوفيه
شتريدني اكتب بيه مابقى واحد يكتب بدفتر كله موبايل
خلينا احنا نختلف عن البقيه وكتبي اي شي تريديه وتعالي الجمعه ويانا لخاطر الله
راح احاول
اتدخل اسماعيل شدتحجوون سوا شبيكم
انور اريدها تجي الجمعه ويانا للتطوع
اسماعيل لج تعالي مسره وهذر راح تجي ونموت ضحك عليها وهي تركض ورا انور من غرفه لغرفه
انور ليش منو گال لهذر
اسماعيل اصلا هي تعرف
انور استغفر الله وهذا يوم هم راح يطير بخبالات هذر
مشوا انور واسماعيل سوا ويقينا اني وسمر انور يمكن اندار خمس مرات علينا
سمر انور غير مكانه يمج تدرين ليش
لا ماادري  شعليه بيه
واخذ رقمج مني
ئي  اتصل بيه على موضوع للدراسه
لاتخافين مني ماافتن بس ترى اسماعيل خابصني على رقمج همين وهذر مجنونه بانور
واني شكو ورقمي لاتنطيه
قنعت بابا على الجمعه وافق وباليل فتحت الدفتر كتبت بيه
منو هذر ليش تبتعد عنها
صدوك انت ماشجعتها تحبك ماوهمتها بالحب
مااحب الكذب
خطك محلو خاصة بالعربي
الجمعه گعدت الصبح واقبال عرفت رايحه لدار العجزه حتى احصل  درجات على الكليه وعارضت وخلتني ابجي يله طلعت الي توصلنا مشرفه بالمدرسه قبل لااطلع اتصل انور
استعجلي مسره دانتظرج قبل لايجوون الجماعه
طلعت ركض انطيته الدفتر ماتحمل فتحه ابتسم من قرا الي كاتبته
ورحنا سوا حتى يرجعه للبيت
يمتى تجاوبني على اسالتي
اجاوبج بالدفتر ومهما تشوفين اليوم  من تصرفات هذر لاتهتمين والله ماعندي شي وياها وحاولت الف مره افهمها مااريد علاقه وياها متفتهم وكل مره تگلي خلي نجرب
وانت شتگلها
مااريد انتي زميلتي احنا عرب علاقاتنا تختلف ميفيد وياها
رحنا كلنا لدار العجزه وبدينا نساعدهم شفت حالات عجز تقهر وتذكرت كلنا في يوم ما راح نكون عجزه
بقينا  وقت طويل سوا اني وانور حسيت اسماعيل متضايق وبعيونه غضب سالني
انور ليش مومحجبه
ماما اقبال متقبل تگول مااريدكم تتعرضون للعنصريه والامريكان ينظرولكم غير نظره
والله هاي ام كفشه افكارها كلها غلط هذي امريكا بلد الحريه بالدين والفكر
اذا تزوجنا تلبسين حجاب
شنو منو يتزوج اشو مخطط  واني مااعرف
هسه عرفتي شنو رادج
ارد عليك بالدفتر
ردي هسه ماانتظر
وهذر شلون بيها ترى تحبك وكسرة الگلب الها حوبه
ياهذر وياكسرة گلب والله مافد يوم انطيتها امل افتهمي مسره والله مامفكر بالحب ولا بالزواج الا من شفتج
بعدنا هسه بدايه الطريق حتى اعداديه ممخلصين
اني ناوي اتطوع بالمارينز بعد الاعداديه (القوات الخاصه الامريكيه)
ينطوني منحه اشتري بيت  لاهلي ومنحه اخلص دراستي ورواتب اگدر بسنه اكون نفسي ونتزوج
المارينز خطر وتدريباتهم صعبه واذا دخلت معسكرات بولايات ثانيه بعد وين اشوفك
وليش تريدين تشوفيني اخاف تحبيني واني ماادري
يمكن يجوز
وجود انور بقربي خلاني اعرف اهدافي بالحياة كان يشجعني اكون شجاعه فهمني اذا متحبين الهندسه لاتدرسيها دخلني بكل تفاصيل حياته اخواته كانوا اكبر مني ومتزوجات واصر اتعرف عليهن
كان طموح شجاع ماعنده تهور
شجعني ارجع علاقتي بماما وكل سبت يذكرني اتصلي  بيها