سر في حياتي

سرفي حياتي ١٤

رجاء باضافة اصدقائكم للحساب
تصبحو ن  على  خير سر_في_حياتي١٤
#زينب_الموسوي#
گعدت الصبح انور كان نايم رحت على شغلي بدون مااصحيه ولا صحيت اهله
اتصل بيه ابو انور  وين انتي
اني بالشغل عمو ليش محتاج شي
تعالي للمركز  اني والمحامي منتظريج  حتى نتنازل كانت نبرته وياي غضب وتهكم
جايه عشر دقايق يمكم
وصلت استلمني غلط
حرمتيني من اشوف عرس ابني وهسه تريدين تخربين بيني وبين اخوي من ضربتي اسماعيل كان انهزمتي ليش دخلتي الشرطه
هسه وتتنازلين مثل ميفهمج المحامي  تسووين
عمو اتنازل بس هذي فيها حق عام ولازم ادعي ان اني كنت متواعده وياه شلون ترضىهاعلى
مرت ابنك
انتي سبب دمار ابني وهسه راح دمرين علاقتي ويه اخوي صح اسماعيل مستهتر وندري سوالفه مكسره بس اكيد انتي شجعتيه
الله يسامحك عمو مااگدر اگول اكثر
اسمعي اسماعيل احنا نعاقبه على دوست بيت انور والتعدي عليج  وانتي تروحين تفهميهم متنازله وتريدين الصلح
حجيت ويه المحامي  گال نسويها اعتداء بالضرب ويعترف هو كان البادي بالضرب وانتي دافعتي عن نفسج
وشنو سبب الضرب اذا سالوا
حجى ابو انور نكول راد ياخذ انور لنيويورك وينقل علاجه وانتي ماقبلتي تعاركتوا
ها اذا  هيج تتنازل انت من علاج انور وتروح على نيويورك وتخلوني اعيش ويه رجلي بسلام لحد يتعالج ويقرر يبقى وياي لو يطلكني انتم متدخلون
حجت ام انور مخططه بت سلمان مو كتلكم هذي لاعبه ومخلصة
عمه الغلط مردود عيب احنا بمكان عام
وسويت مثل مرادوا  وتنازلوا عن مطالبتهم بنقل انور  عفتهم وعرفت ابو اسماعيل جاي وراحوا يجيبووه من المطار
من طلعت من المركز حسيت الانكسار داخلي من حجي ام انور اتصلت بانور ميرد بعده نايم  ورجعت للبيت اشوف انور  يمكن يحتاجني وصلت كان گاعد ويمه اوراق ولاب توب مااعرف شيسووي
وين جنتي طالعه من الصبح
رحت للشغل وبعدين گلت ارجع اشوفك
ويصير تطلعين بدون متكولين
احنا متفقين اطلع لشغلي يوميه
احنا منو انتي وانور واني مو انور زين متطلعين اذا مو بامري 
صار اطلع بامرك
يله اخذيني للمركز نشوف شسووا ويه هذا الحقير
رحت للمركز وتنازلت عن الدعوه
ها تنازلتي بكيفج ماعندج رجال تساليه
والدك اتصل بيه واني هم خفت والدي يعرف
دور بتلفونه ارقام والدج اسمه سلمان قريت اسمه بالمذكرات
شتدتسووي انور
الووو عمي  ابو مسره مو اكيد عرفت رقمي اني ومسره متزوجين صار سنتين ردتك تعرف  وبس مع السلامه
اندار عليه هذا كان المفروض يسويه انورمن زمان بس هو استرخصج وانتي سلمتي نفسج بسهوله
لو كان يحبج اخذج لاهله وسوالج عرس ورفع راسج وخلى ابوج يتقبل الموضوع هذا الي افتهمته من المذكرات
دگ تلفوني بابا مجاوبت
جاوبي ليش خايفه خوفج خلى انور ينتظر سنتين متزوجج بالظلام حالج حال اي رخيصه بالشارع استغل اعياد الكرسمس واخذ موافقتج بربع ساعه
انور مكان يحبج
انت متعرف انور ولاتعرفني حتى تحكم علينا اني وانور افترقنا تلث سنين ماگدرنا نحب غير بعض انور كان من يحضني يگلي انتي مخلوقه اليه
انور ذل نفسه وابوه بس حتى يسمع كلمة موافق من بابا انت مو انور انور كان ينگط حنيه وحب انت واحد ثاني مو رجلي
رجلي راح وبعد مارجع
لو كان موجود ويسمعك تكول عني رخيصه مخلاك عايش اذا انت متعرف تحب لاتتهم غيرك بااستغلال الحب
انور عمره ١٩ وراح للجيش حتى يتزوجني لو كان موجود ويشوف دموعي حضني لحد احس انفاسنا واحد
لاتحجي على رجلي ممسموحلك
العصر اجتمعوا مره لاخ وطلعوا من يم انور اعصاب واخذوا جنطهم وسافروا انور عرف تنازلت مقابل يتنازلون عن نقله