سر في حياتي

سر في حياتي ٥

استمروا بالتفاعل
سر_في_حياتي٥
#زينب_الموسوي#
من اول ساعات النهار احس گلبي عاصرني يمكن على افراق انور اتصلت ام انور
انور راح وهو يوصيني عليج هذا رقمي  اذا تحتاجين اي شي خابري
تسلمين خاله متقصرين
ابو انور راح يحجي ويه والدج على خطوبتكم
خاله هسه خليها المساله صعبه والدي ميقبل قبل التخرج
هي خطبه شصار
فدوه خليها هسه
فدوه انورحبيبي راح وهو يوصي بيه
عشر دقايق اتصل اسماعيل هو اخذ رقمي قبل فتره ومرات يتصل ينكت ويضحك واني متحملته لان ابن عم انور
هامسره ضايجه على انور هذا المخبل گطع بينا والله
الله كريم كم شهر وتخلص تدريباته ويرجع
الله عليج اذا تحتاجين شي اني موجود
ماتقصر سمعه
تريدين تطلعين اجي اخذج
من شوكت اني اطلع وياك ترى حتى ويه انور ماسويتها
لا عبالي ضايجه گلت اونسج
(الكلمه الاخيره ضوجتني)
لامضايجه ومااگدر اطلع ام انوريمكن تجي اليوم تخطبني
شنو هالمفاجأه خطوبه مره واحده الله يتمم بخير
اليوم الثاني اتصل انور عرفت الحراس ينطوهم التلفونات بالليل مقابل فلوس عرفت مزينيين شعره
وديلي صورك حباب
لامحلو اطلع بالصوره وديلي صوره انتي
دزيت صورنا بالاعداديه
تدرين شگد مشتاق للاعداديه
حتى اني بس مگابله الصور
بعدها استلمت رساله وصورمن رقم غريب
بيها صوري ويه انور بالاعداديه ويم سكه القطار فقدت اعصابي اتصل على الرقم غير مشترك بالخدمه بعدها اجتي وفاء
لج تعالي شمسويه انتي بابا راح ينجلط
اسوء لحظات حياتي كانت الي راح ارويها الكم
الصور متحوله لبابا وتعليقات بالانكليزي
اول تصرف منه ضربني ضرب بكل مكان توصله ايده
تربيتج صگط بالاعداديه وتتصورين بحضن هذا السافل وتخدعيني وتكولين ماعندي شي وياه احجي بعد هذي الصور شصار
مااگدر احجي سكتت وخليته يضرب مااگدر الومه تصرفي خطا بشنو ارد
ادافع عن نفسي رغم اني وانور احب بعض لكن تصرفنا خطا وبابا عنده حق
گال لوفاء روحي جيبي تلفونها عبالك واحد حكم عليه بالاعدام اذا شاف التلفون مستحيل يخليني عايشه
ركضت على الشارع بدون وعي اركض رحت على ببت انور حجيت لامه الي صار وهي حجت ل ابو ه
الرجال اتصل بابو اسماعيل وراحوا على والدي وام انور وياهم
شراح يصير ياربي بس يهدء بابا وميصير بيه شي من وراي اكيد بعدميخليني اكمل ولااسافر بعدها رجعوا اخذتني ام انور ابقى عدنا الليله احنا خطبناج بعد ماعلينا لوم بقت يم والدج اذا عاقل يوافق
خاله هو شلونه بعده عصبي
بعده عصبي وعمج وابو اسماعيل بوسوا راسه وترجوه يعني ولد وبنيه حبوا قابل مصايره وخطبنا من الاول مقبل هو ميشوف الدنيا يحمد ربه عنده بنيه يندگ بابها ورايديها بالحلال
هو بابا يريدنا نتزوج بعد التخرح
ادري خاله يعني شلون اذا وحده رادت تتزوج شنو يمنعها غصب ترى هنا اكثر العوائل يزوجون بناتهم بالاعداديه خايفين عليهن من المصايب السوده
زين سالكم عني
سال گال خلي ترجع ميصير يمكم
لعد خاله اخذيني لبيتنا ميصير ابقى
رجعت للبيت والدي كان مموجود صعدت للغرفه نوال حجت وياي ورادت تعرف حدود علاقتي بانور وحلفتلها  هذي المره الوحيده الي باسني بيها لان كان مسافر وبهذي الاثناء عرفت نوال تحب ولد امريكي وتعرف اذا تقدملها والدي ميوافق وظلت تبجي
وشراح تسووين لج نوال
ماادري يمكن انهزم وياه ونتزوج
لا لج لاتسوويها بابا يموت
لعد شسووي احبه ويحبني وبابا مستحيل يوافق
خليه يتقدم يمكن بابا يوافق
لج شيوافق انتي عراقي ماقبل
شوفي حبيبتي كملي دراسه الاختصاص الي تريديه وبعدين من تتخرجين تزوجيه بس فدوه لاتفكرين تنهزمين
بابا شاف تلفوني
مسحنا كلشي بيه بحجة دندور عليه بقينا كم مكالمه عاديه بينكم
الحمد لله لو شايفه يموت