انا فهد عمري 19 شخص هادئ و منعزل جداً وأحب القراءة ليش ما أدري المهم راح اعرفكم على عائلتي الصغيره والمكونه من اربع اشخاص وانا الخامس ببدأ في اخواني التوأم تركي وأبرار اصغر مني بسنه ودائماً مع بعض ولاكن انا بعيد عنهم جداً ممكن يكون السبب احساسي بالمسؤليه اتجاهم؟! تبون تعرفون ليش؟؟ بقولكم الي اعرفه مع أنه مو كثير..
ابوي كان عنده غرفه دائماً يقعد فيها ويقرأ كتب وفي بعض الاحيان تسمعه امي وهو يتمتم ب كلمات غريبه وبعدها تعب وصار حتى الكلام مايتكلم واذا تكلم يقول كلمات غريبه مثل(خلجوج ) طبعاً ذا الكلام من وانا صغير كبرت وصرت اسئل امي عن ابوي لاكن ماتجاوبني سئلت الكل عن ابوي ووش فيه لاكن كل مره يتهربون او يقولون ماندري حاولت اعرف بكل الطرق لاكن في كل مره اوصل ل طريق مقفول وفي يوم من الايام قررنا نغير بيتنا وننتقل لبيت جديد وانا جمعت اغراضي وخلصت وقررت اجمع كتب ابوي وكتبي مع بعض بما أننا رايحين نفس المكان ومحد مهتم في اغراض ابوي وبالفعل جمعت كتبي ورحت غرفة ابوي ولما قربت من المكتبه حقته وفجئة صارخ بقوه وجت امي وقالت لاتقرب منها!!
قلت لها بجمع اغراضه بس؟؟ قالت خلاص انا اجمعها رح ساعد اخوانك وطبعاً سمعت كلامها وخلصنا من جمع الاغراض وركبناها وتوجهنا ل بينتا الجديد وطبعاً الكل فرحان ويسولفون ويضحكون وابوي مايتكلم كالعاده اما انا اقرأ كتاب ووصلنا بخير وسلامه. وكان في كتاب امي نست ودخلته في صندوقي بالغلط ...
