صحيت بتلفون سوار قلت ليه الو سلام عليكم مرحب دكتور قال لي شكلي صحيتك متاسف قلت ليه ولا يهمك قال لي تعالي عادي انا جاي اليوم قلت ليه خير إن شاء الله صحيت رؤي وقلت ليها انا ماشه واصلي انتي واشربي مع امي الشاي واطلعي قالت لي تمام وانا صليت ولبست وطلعت وقلت لأمي بشرب في الشغل طلعت ولقيت سوار في الزلط😮 ده شنو الراجل العنده نفسيات ده قال لي اتفضلي انا كنت بايته في الشقلة وقلت اوصلك معاي قلت ليه لالا شكرا بوصل براي قال لي دكتورة اتفضلي وفتح لي الباب بعد ركبت لاحظت رامي واقف من بعيد وبعاين لي بصورة عجيبة وصاري لي وشه ما ركزت معاه ولحدي ما وصلنا العيادة ما اتكلمنا ولا كلمة وصلنا ودخلنا ولبست اللاب كود وقعدت منتظرة اول مريض بعد دخل وانتهينا قال لي ممكن أسأل سؤال خارج عن موضوع الشغل قلت ليه ما اعتقد في سبب بخلينا نتكلم في حاجة ماعندها علاقه بالشغل قال لي بحكم أننا أصدقاء قلت ليه أصدقاء يا دكتوووور؟ ؟ ؟ ؟ ؟ قال لي يا ستي آسف وعلي العموم انسي قلت ليه اوكي ح انسي وقلبي كان واجعني شديد قلت ليه ممكن استاذن اشرب لي شاي واجي قال لي جدا طلعت وانا مدمعه ونزلت الكافتيريا وانا بشرب في الشاي ابوي ضرب لي فرحت شديد ورديت عليه واتكلمنا كتير قال لي أنا كنت ناوي أجي لكن مضغوط شديد في الشغل لكن مفكر ارسل ليكم تجوني زيارة قلت ليه ياريت يا ابوي نفسي اغير جو قال لي استعدي واتونسنا وسالني من الشغل والأمور وكده وقال لي قبل شوية كنت بتكلم مع أمك وسلمت علي رؤي وبعدها قفل بعد شربت الشاي طلعت ودخلت لي دكتور صبري وقلت ليه عايزة اخد إجازة كم شهر مسافرة لأبوي قال لي متين قلت ليه لسه م معروف لكن 3 أسابيع بالكتير بنكون خلاص قال لي جدا وح تغيبي كم شهر قلت ليه غالبا 4 شهور أو 3 قال لي علي العموم مكانك محفوظ وقت م تجي بس ح نشوف وحدة بدلك تشتغل مع سوار لحدي ما تجي قلت ليه خير أن شاء الله وطلعت دخلت لي سوار ولقيت معاه مريض وساعدته وكنت مبسوطة وفرحانه وانا بعاين في وشو وهو بشتغل ما فضل إلا اقول ليه بحبك😂😂 تاني اتذكرت حركته معاي عملت رايحة وواصلنا شغل واليوم انتهي علي سلام وطلب انه يوصلني وانا رفضت بشده 😂وقلت ليه ما بحتاج شكرا ليك وصلت بيتنا ولقيت امي وقالت لي أبوك قال ح يجهز لينا نسيت اوريكم اسم امي اسمها أماني وقرت إدارة أعمال وزمان كانت مع ابوي واشتغلت كم سنه وتاني بعد ولدتني قعدت وقنعت😂 قالت لي جهزي نفسك رؤي في اللحظة دي دخلت وبتدمع قال لي تاني يا مرام ح تمشي قلت ليها شهور وراجعة ليك حبيبتي قالت لي سوقيني معاك قلت ليها خلاص نشوف زيارة صديقة الابنه ونقدم😂😂😂😂 ضحكنا وقالت لي ارح جوة ودخلنا قالت لي مرام كدي أدي رامي فرصة مش يمكن تحبيه قلت ليها انسيني من المواضيع دي كلها انا ما صدقت اطلع شوية اغير جو قالت لي تمام بعد أسبوعين ابوي قال إنه الزيارة طلعت والحجز خلوه بعد أسبوع عشان التأشيرة قلنا تمام وجهزنا كل حاجة وآخر يوم لي في الشغل كان يوم أربعاء ونحنا مسافرين السبت سوار قال لي مفروض اعرف منك ما من الناس اسمع قلت ليه ما قصدت وطلعت جا لاحقني وقال لي ح انتظرك انا 😍 ااااخ انا قلبي قال شححح😂😂😂ما رديت ليه وطلعت وجاء يوم السفر وفي المطار جا سوار
يتبع....
