لمن شفت رسالة سوار التلفون وقع من يدي من الخلعة وقلبي بقي يدق شديييييد وعرقت وما فضل إلا ازغرد لكن فجأة صحيت مم الإحساس ده بتلفون رامي واتذكرت اني بحبه طيب ما دام انا بحبه ليه فرحت برسالة سوار😕😕 بقيت ما فاهمة أي شي رديت علي رامي ولهجتي كانت متغيرة قال لي معليش حبيبتي كنت بتكلم مع ابوي قلت ليه تمام تاني بيني وبين نفسي كيف أبوه يتصل عليه 1 ونص صباحا لكن نسيت الموضوع واتونسنا وكنت متضايقة شديييييد وكان نفسي رؤي تكون معاي واحكي ليها ضربت ليها ما ردت ورجعنا البيت وبعد وصلنا حكيت لأمي قالت لي خليكي حكيمة في اختيارك وما تمشي ورا قلبك اكتر من عقلك واختاري اابحبك انتي ما البتحبيه انتي واستخيري يا بتي واتكلمنا كتير وشوية ارتحت الصباح ضربت لي رؤي وردت قالت لي هسي كنت ح اكتب ليك تضرب قلقتي بي الحاصل شنو حكيت ليها قالت لي سجمك وسجم امك😂 المهم قالت لي جزء كبير من كلام امي تاني قالت لي شايفاك انتي ورامي الليل كله تنقنقو قلت ليها بالعكس قفلت بدري عشان كنت متضايقة قالت لي 4 صباحا بدري يا مفترية😂 قلت 4 صباحا😳😳 قالت لي ااي صحيت كنت ماشة الحمام سمعتو بضحك استغربت ومشيت تاوقت بالحوش الورا لقيته بتكلم بالتلفون حلفت ليها انه قفلنا من بعض 2 وشوية قالت لي غريبة وتاني قلت ليها قال بتكلم مع أبوه يمكن رجع ليه تاني سكتت مسافة وقالت لي جايز وقالت الكلمة دي عشان تطمني ده كله وانا ما رديت علي رسالة سوار قمت دخلت لقيت تاني رسالة عليك الله ردي علي يا مرام انا متعذب كتبت ليه سوار خلي بالك من حور وسووسن قال لي أنا مالي ومال سوسن انا لي بيك انتي وحور انتي ليه ما عايزة تديني فرصة قلت ليه انا مرتبطة ما رد علي اليوم كله ما رد علي رسالتي تاني يوم الصباح لقيت رساله منه ممكن تكتبي لي رقمك عشان اتصل عليك لو سمحتي قمت كتبته ليه وضرب طوالي قال لي أنا ح اقول ليك كلام معين ومختصر وح اقفل بدون ما اسمع ردك انتي حقتي وانا كان انطبقت السماء علي الأرض ما بخليك لي زولك ده مع أنه عارفك عشان زعلانه بتقولي الكلام وقسما بالله ما اسيبك ليه وقفل طوالي انا صراحة فرحت بكلامه شديد لكن أتذكرت كلام امي كان قالت لي سوار متزوج وزول متزوج الله أعلم تعيشي بسلام فكرت بيني وبين نفسي ليه انا في عز شبابي ومافي شي بعيبني ارتبط بزول متزوج لمجرد أنه قال لي بحبك أو انا أعجبت بيه وسميت ده حب عدي يومين انا بستخير وما حسيت بي شيء المهم عدي شهرين وتلاته وابوي قال يجدد لينا شهر تاني انا قلت ليه ممكن امي تقعد لكن انا برجع عشان الشغل امي قالت واقعد هنا وانتي براك لشنو نرجع سوا وفعلا بعد أسبوع رجعنا السودان من آخر مره كنت بتكلم مع رامي اتصاله لي قل شديد وبقي ما زي اول حتي بقيت أحس ببرود وبتعامل معاه نفس تعامله بعد وصلنا اول يوم كان حلو شديييييد شديد شديد بالنسبة لاني شفت رؤي وكنت مشتاقة ليها شديد وقعدت معاي اليوم كله ولقيناها هي وامها نضفو البيت وطبخو لينا كم طبخة ما قصرو وسألت رؤي من رامي قالت لي مش انتو كويسين قلت ليها ما زي اول قالت لي كيف ما زي اول وطوالي بتتكلمو قلت ليها آخر مرة قبل 5 يوم وحتي ما عارف اني رجعت قالت معقووولة وسكتت مسافة قلت ليها مالك قالت لي لالا مافي شي تاني يوم طوالي نزلت الشغل وكنت ملهووووفة شديد اني اشوف سوار دخلت العيادة بدون ما أخبط الباب ولقيت معاه مريض ومعاه مساعدة 😏😏😏 اتغظت شديد وهو قال لي حمدلله علي السلامة ليه ما اديتيني خبر قلت ليه جينا فجأه عشان كده قال لي اتفضلي قلت ليه لحظة وطلعت مشيت لدكتور صبري وسلمت عليه وسألته اها الفهم شنو قال لي اصلا اتفاقنا معاها 4 شهور حسب كلامك لكن ما مشكلة الشهر ده اشتغلو سوا كلامه ما عجبني لكن قلت م مشكلة ومشيت دخلت العيادة ولبست اللاب كود وقعدت في المكتب بتاع سوار المساعدة بقت تعاين لي من فوق لتحت وحيرتني طلع المريض ودخل واحد تاني كان تعبان شوية يلا بدون ما يشعر سوار قال لي مرام مدي لي قلوفز سريع (قفازات) بعد شلتها واديته المساعدة قالت لي انتي منو وجاية هنا لشنو
يتبع.....
