قالت لي رامي قال لصحبه زولتك وقعت في الشبكة العفنة وعاملة لي فيها مفترية لكن ما بسيبها إلا بفضيحة هسي هي تقريبا بقت تحبني عديل قلت ليها وأنتي اتاكدتي كيف انو قاصدني قالت لأنه في نهاية المكالمة قال ليه بلا مرام بلا زفت قلت ليها لاحول ولاقوة إلا بالله شفتي عدم ارتياحي ليه ما ساي قالت لي ااي سبحان الله المهم العمل شنو قالت لي قلت ليها والله ما عارفة خلعتيني ياخ قالت لي ده شنو برودك ده هسي ده ما موضوع مهم قلت ليها بيني وبينك يخوف قالت لي اوعك تكوني رسلتي لي صورة قلت ليها لالا الحمدلله ما حصل مع أنه طلب كتير وكنت برفض ويوم وافقت النت قطع وتاني نسيت قالت لي حلو قلت ليها نا يكون شافك قالت لي لالا ما شافني قلت ليها طيب خالتو رحمة كيف قالت لي الحمدلله كويسة خالتو أماني معاها قلت ليها تمام ارحكي قمنا طلعنا وقالت لي أنا راجعة الشغل لكن نتلاقي بعدين ولو عايزة رأيي كلمي سوار قلت ليها ااي انا زاتي بفكر في كده ...وصلت العيادة مهبطة😂😂 دخلت لقيت معاهم مريض وزولتكم تتبسم ساي😂 سوار قال لي إن شاء الله خير يا مرام قلت ليه ما ظنيت خير قال لي أمك وابوك كويسين قلت ليه الحمدلله كويسين المريض طلع قلت ليه سوار عايزة اتكلم معاك لكن آخر اليوم قال لي جدا وواصلنا الشغل وانا كنت مصدومة شديد في رامي ليه يعمل معاي وجا آخر اليوم وطلعنا وركبنا مع سوار حتي فاطمة ونزلها في لفة الجريف وبعد نزلت قالت ليه بااااي قال ليها الله يسلمك 😂😂😂 سوار قال لي مالك يا مرام قلت ليه مصيبة قال لي اهدي ومسك يدي 😍😍 مسكه اليد نستي أي شي لكن شلت يدي سرعة وهو عمل رايح وقال لي نمشي نقعد في حته هادية ونتفاهم قلت ليه تمام مشينا شارع النيل وطلبنا قهوة وحكيت ليه سكت مسافة وعينه حمرت شديد كأنه طالع منها شرار لمن خفت 😂😂 قال لي انتي غلطانه وانتي ليه تديه فرصة وووو واتفجر فيني ليه كده يا مرام قلت ليه غلطانه انا الحكيت ليك قال لي آسف بس زعلني وتعالى نسألك يعني انتي ما حاسه بمشاعري ناحيتك ياخ لو غبية مفروض تفهمي من أول يوم وانا كمان انفجرت وقلت ليه أفهم شنو؟ ؟ أفهم انك بتلمح لي وانت متزوج وعندك بت؟ ؟ ؟ أفهم انك خاين زوجتك سكت مساااافة وبقي يضحك ودمع وانا اتخلعت 😦😦 قلت ليه في شنو يا سوار قال لي لو انا متزوج ولا بقرب ليك وسؤالك ده فتح لي جروح ما كنت عايز افتحها قلت ليه كيف يعني وبقي يحكي لي وعيونه محمرة قال لي أنا كنت أسعد زول في الدنيا دي بعد ما اتزوجت وسعادتي اكتملت لمن حور نورت حياتي وكنت عايش في سلام لكن يوم زوجتي واسمها ريم قالت ماشه السوق قلت ليها بمشي معاك وفعلا طلعنا ومعانا حور قال لي وقفتي جنب بوتيك عكس الزلط قالت عايزة تسأل من حاجة وقلت ليها أنزل معاك ورفضت وشلت منها حور وهي نزلت وقبل ما تقطع الزلط جات عربية ضربتها في رأسها واتوفت وقتي.
يتبع.....
