سوار جا المطار وخلعني لمن شفته كنا واقفين برا انا وأمي و رؤي وامها وخالتي انا اسمها اميمة خالتي مره كبيرة أكبر من امي وعندها بتين متزوجات وعايشات برا وقاعدة هي وراجلها هنا المهم جا علينا وانا اتوترت وما عرفت اقول لأمي شنو جا سلم وقال ليهم كيف اخباركم انا دكتور سوار شغال مع مرام في نفس العيادة قلت أجي اودعكم ولو في حاجة محتاجة مساعدة ممكن عندي ناس هنا شغالين جوا امي قالت ليه كترت خيرك يا ولدي م قصرت الحمدلله تعبتنا تأشيرة الخروج لأنه م علمناها من بدري لكن الحمدلله خلاص خلصناها تسلم كتير قال ليها خلاص بخش معاكم للتذكرة وبطلع قالت ليه جزاك الله خيرا بعد مسافة قال لي مرام كيفك طيبة 😂😂 قلت ليه الحمدلله تمام كنت لابسه عباية ومطقمه الشنطه والطرحة لكن كنت لابسه اسبورت اسود بعد دخلنا وودعنا الناس رؤي قالت لي بختك 😂😂 ومشو ونحنا دخلنا ومشينا نقطع التذكرة وسوار شال الشنط وختاها في السير وقطع التذاكر ادانا ليها وأمي سلمت عليه واتقدمت طبعا سوار دخل بعد ما جا صاحبه دخله جوا بعد امي اتقدمت قال العباية ح تأكل منك حته قلت ليه شكرا يا دكتور قال لي انتي لسه زعلانه قلت ليه العفو وبقيت ماشه قال لي دكتورة العيادة مسيخة من غيرك وياريت تفهمي مشاعري ناحيتك قلت ليه الله يخلي ليك بتك مع السلامة. .ومشيت لحقت امي وبقينا منتظرين البوابة تفتح بعد ما قطعنا الجوازات ركبنا ووصلنا الحمدلله بسلام ابوي عايش في الرياض لقيناه منتظرنا ومشينا الشقة كانت شقة مفروشة وعندي شريحة سعودية بدخلها دايما لمن أصل بعد دخلتها طوالي رؤي ضربت لي واتونسنا وقفلت منها وكان الوقت بعد العشاء نمت طوالي وجات امي صحتني للعشاء وقلت ليها لالا عايزة انوم نمت والصباح صحاني تلفون من السودان رديت قال لي أنا رامي رؤي العفنة ادته الرقم 😂😂 قال لي عليك الله ما تقفلي يا مرام عليك الله اديني فرصة ياخي لمن عرفت انك مسافرة قلبي وجعني يلا بيني وبينكم قلت مالو اتجاوب ويمكن اقدر ابلعه واغيظ سوار يلا نيتي كانت سيئه لكن والله كان مهتم بي اهتمام غريب وكان بعشق تفاصيلي واليوم كله معاي وبقيت أحس اني بحبه ونسيت سوار مع أنه كتب لي كم مره في الواتس لأنه رقمي في الواتس م غيرته ياهو زاتو لكن رامي خلاني أنساه وحبيته شديد وحسيت انه انا روحي فيه يوم بالليل كنا في الحدائق مع ابوي وجزء من أهلها عايشين في الرياض برضو والوقت كان متأخر تقريبا 1 ونص صباحا ضربت في تلفون رامي لقيته مشغول لكن م ركزت مع الموضوع دخلت الواتس لقيت رساله من سوار بتقول مرام ما قادر أصبر اكتر من كده انا بحبك
يتبع.....
