صرخات صامته

21

رحنه لبيت مهاا وغسلت وشربت مي وارتاحيت يمهه بس عيوني موكفن من البجي.
ياربي شسويت بيه ولج مهااا حياتي اتحمطت وحطمت الولد وياي والله ميستاهل الي ديصير بيه ياريت كولشي من العذاب بيه

مهاا.. كامت تبجي وياي وتصبر بيه.
اهدي يرروحي ان شاءالله مبيه شي حبيبتي شسوين .هذا قدركم هيج

نور.ولج مهااا حياتي اتحطمت ياقدر هذا ولج ليش هيج ديصير بينه ليش من دون العالم اني هيج ديصير بيه حتى لو اختبار ميخلص يعني يبقه طول العمر مهاا تعبت مدا اكدر اتحمل اكثر....

مها الله كريم يكلبي سودة عليه حياتي شسوي لوبيدي شي جان ساعدتج

نور . رجعت اتصلت ع سما وكولتله منو وي علي وهو ب اي مستشفى...مفكرت ب ياسر ولا ب اهلي واابني ولا اي احد كل الي فكرت بيه علي لازم اشوفه سودة عليه شحاله هسه.

سما. كالتلي اسم المستشفى وكالت حاليا صديقه وياه لان خالتي متكدر تبقه بالمسشتفى وشهد وحدهه تروح الصبح وترجع الظهر للبيت والعصريه صديقه يبقه يمه...

نور... فرحت صارلي مجال اشوفه واحجي وياه وفعلا اخذت مهاا ورحت طبعاا اتصلت ع ياسر وكولتله انو اكو محاظرات ورح نروح اني ومهاا وبالكوة وافق وحتى مها حجت وياه..بس بداخلي كلت ياسر مراح يسكت واكيد رح يحاول يعرف اذا جنت احجي صدوك لولا ميهمني خلي يفكر بكولشي اهم شي اشوف علي ...

رحت للمستشفى اتختل خاف احد يشوفني ورحت سالت بالاستعلامات ودلوني ع مكانه بالاول مها راحت وحدهه تريد تشوف منو يمه
بعدين جتي وكالت بس صديقه وصعدت وكل خطوة احسهه تاخذ روحي شلون رح اشوفه شنو رح اكوله.

رحت ولكيت صديقه عمر ..طبعا عمر يعرفني وكم مره شايفني اول مرحت كمت ابجي والتفت الي عمر شافني واجه.

عمر .. نوورررر شجابج

نور... اريد اشوفه عمررر وكمت ابجي😭😭😭

عمر .. ليجي احد هسه يشوفج شيكول اني افضل لو ترحين وكافي الي صار من وراج نور يكفي

نور... مراح اروح منا لمن اشوفه..

عمر. لا متشوفيه كافي نور كل الي صار بسببج وبسبب حبه الج بس انتي مقدرتي هالشي.

نور.. والله لو تعرف الي اني دامر بيه متحجي هيج.
هسه اريد اشوفه عمر فدوة والله اشوفه من بعيد

عمر... اوووف دخلي بسرعه بس لاتخليه يكعد ويشوفج رجاءا.

نور..اوك.

دخلت للغرفه واني امشي بالبطئ عبالك طفل صغير وماخذين منه امه واجه ايشوفه ..

دموعي ماسكتن واحس ابني يتحرك واحسه يواسيني بالي اني بيه

رحت للسرير وشفته رجله متعورة وجهه هم خليت راسي ع ايدة وكمت ابجي بدون صوت واحجي وياه.

نورر...سودة عليه يروحي عمت عيني والله موبيدي الي ديصير علليي لو بيدي هسه اعوف دنيتي كلهه انطيك روحي وانطيك من عمري بس كون زين.
والله حياتي سودة ياعلي لاعبالك مرتاحه وي ياسر وحياتي حلوة...والله داتعذب بس موبيدي شي اكو شي اقوة مني ديمنعني علي اعذرني ع كولشي سويته ..
اتذكر من جنت ادكول اني استمد قوتي وطاقتي منج
هسه اني اجيتك اريد اساعدك بس اني محد يساعدني ويوكف ويايه علي حتى اهلي اتخلوو عني ميردوني بسبب حبي الك دادفع ثمن حبنه غالي كولش غالي.
يجوز انت اهون مني حبك الي دايعذبك بس اني كل يوم وكول دقيقه دا تعذب وي ياسر وي اهله واهلي كوولشي جاي ينهيني حتى ابني الي بطني دايعذبني كل وحدة تتمنى يصير عدهه طفل بس اني مردته من ياسر ردته منك وكمت ابجي بقهر.
علي فدوة اروحلك اكعد صير قوي اني ماستاهل كول هذا الحب ..

حسيت ايدة اتحركت وعيونه مدمعه حجه بصوت خافت وتعبان ويرجف.

علي.. احبببج ياضوة عيوني وحياتي من دونج ماريده ولاريد اعيشه.

نور... كمت ابجي بقهر .

علي... لتبجين ياروحي دموعج تعذبني اني زين من شفتج رويحتي ردت بيه ....نوور مستعد طوول العمر انتظرج لو يكلفني الامر اقتل ياسر اقتله واخذج والله .

نور...كمت ابجي وطلعت بره لاكتني مها حظنته وكمت ابجي.
.واني هيج التفتت واشوف خالتي ام علي جايه
اوف ياحظي شجابهه

رحت عليهه حظنتهه وكمت ابجي ودفعتني حيل وكعتني بالكاع وتبجي .وتصيح

شجااابج وللللج الله ليووووفوقج ولج دمرتي ابني كله من وراج ولج علي ابو ضحكه الحلوة الي جان شايلني شيل اني واخته هسه ميعرف راسه من رجله حباج وخنتيه واخذتي غيره وهسه جايه لهنا ليش ولج ليس وكعدت بالكاع تبجي ورحت عليهه .

نور... وابجي حيللل
خاله والله العظيم معفته ولا خنته كل الي صار بدون ذنبي والله انجبرت خاله ضلموني وكسروني والله داتعذب...

كومتني مها ورجعنه للبيت وطول الطريق اني ابجي وعيوني مسكتن ابد.

يتبع ...

😭😭😭😭
اسفه اليوم منزلت الكم بارت الصبح.
ورح اعوضكم