صرخات صامته

بارت 14

14
بقه صافن ورة شوي كام يحجي

ياسر..... تدرين انتي اسوء شي صار بحياتي...
حبج بكلبي اسوء شي... شايف الي يحب يرتاح ويعيش كلشي حلووو ورومنسيه ..اني بحبي الج مشفت شي بس القهر والتعب ..اتمنيتج تلزمين ايدي...ودكوليلي احبك وعينج بعيني..
اتمنيت اجيج للكليه وتلزمين ايدي كدام الكل ودكولين عذا حبيبي الي رح اتزوجه....ابتسم

تالي شوفي الوضع الي احنه بيه وحبج خلاني اصير انسان حقير.ماعندي احساس..
من جنت صغير كل الي اريدة اخذه جنت دائما اتعارك وي جهال المنطقه اذا شفت بيدهم لعبه لو طوبة اله اخذهه واتعارك واخذهه واذا ماحصلته ارجع للبيت اكلب الدنيا واروح ثاني يوم اخذهه.وبقيت هيج اتعلمت ع هذا الطبع

ومن عشت وياكم وحبيتج صار عندي هذ االشعور مال التملك هاهيه كلت هيه الي مو لغيري وكل ماكبر هذا الشعور يكبر وياي لدرجه حسيتج صدك مالتي
من يتعارك وياج محمد جنت اموت قهر ودي اكوم اكتله بس اصبر ع نفسي خاف احد يحس بيه ويكول بيتنه ويباع ع بنتنه.
ومن جنتي تبجين احس دموعج نار بكلبي...
هيج حبيتج حسبتج بنتي بنت كلبي بس مع الاسف هنتيني وذليتيني ودفعت ثمن حبي الج
بس صدكي مراح اعوفج منا لمن تجين ودكوليلي احبك واريدك وتتقبليني ك زوج...

نور ... بس هذا شنو من حب الي يخليك تحطمني.لني شايفه الي يحب يخاف ع حبيبه من كولشي ويمسح دمعته انت مشفت منك اله العكس ضرب واهانه وغلط وكولشي..

ياسر... صح اني احبج بس هذا مو معناته انوو اغلس ع مسؤؤليتي ك زوج وقوام عليج... يعني مثل باقي الزلم رجولتي متستحملي مرتي تغلط عليه وتجاوز انهيهه ..

نور... وانت نهيتني اصلا اني هسه ميته بس جسد روحي مو وياي...صرت مثل الجماد مالي مشاعر ولاشي....

بعدنه نسولف ودك موبايل ياسر....
وكام طلع برة بقيت افكر ب كلامه واكول وي نفسي معقولة اكو حب هيج يسوي بس مستحيل حبه يوصل لحبي لعلي وحب علي الي
اووف علي هسه انت وين شنو حالك ..

مر اليوم عادي ثاني يوم الصبح جتي ماما هيه وسما يشوفوني....كعدنه نسولف يعدين اخذت سما ع جهه

نور... سما فدوة كوليلي علي شنو اخباره

سما.... اوووف نور كافي عوفي علي

نور... لج والله بس اريد اعرف بالي يمه.

سما..... قبل فتره رحنه اني وماما لبيت خالتي لان مريض وماما اعتذرت منهه لان انتي رفضتي علي.
زكعدنه ورحت وي شهد وشفت علي بغرفته نور تعبببان كووولش لحيته وبهذل وحتى يشرب جكاير واني الي اعرفه مجان يشرب. من شافتي صاح عليع ورحت

علي....سما.... فدوة كوليلي نووور ليش رفضتني...رح اتخبل

سما... زالله علي ماعرف كل الي اعرفه انة محمد مقبل عليك وهم ياسر جان خاطبه لنور قبلك وحاجي وي محمد ومحمد كال اني منطيه كلمه ومارجع بيه.

علي... بس اني رجعت وخطبته وابوج وافق

سما......نوور قبل فتره من خطوبته تعبانه وجانت دائما تبجي ومتاكل ولاتشرب ودوم الكيه تباع ع صورتك وتبجي ومره لكيته مخليع صورتك ع كلبه ونايمه ومن اسالهه شبيج متحجي بس دكول الي بية مينحجي

ومعرفت شنو وشبيه

علي... اني متاكد هيه رفضتني لان مجبورة ويجوز صاير شي وياهه كل الي اعرفه انو نور تحبني .

سما.... رح اكولك شي بس بيناتنه

علي.. كولي.

سما ... اعتقد ياسر ورة كولشي ياسر دائما يتحكم بنوؤ والفتره الاخيره نور كامت تسويله كولشي بحيث الي يطلبع تنفذه .....

علي... معقولة شتتوقعين ..

سما.. ماعرف بس يجوز يهدهه لو يوخوفهه

علي.... اووووف رح اتخبل.....

سما... علي فدوة انتبه لنسفك ودراساك خلص شي راح وانته.

علي... هه دراستي...ليش اني نداوم من يوم الي راحت نور اصلا مشايف الكلية

سما... اوف علي بس انت دا تحطم نفسك

علي.. مراح تعرفين احساسي منا لمن تجربين الحب ...اوووف احساسي محد يعرفه بس اني ..

سما.. هذا كول الي صار بيني وبين علي نور علي تعبان حيل

نور.... كمت ابجي... لج سما كوليلي شاسوي ادمرت اكثر منه والله .

سما... يروجي سودة عليه

نور... فدوة سما سلميلي ع علي كوليله والله الي صار موبيده بس متكدر تحجي هسه

سما ... ان شاءالله
واجتي ماما وراحو وبقيت افكر بكلام سما ..
وحتى ماكلت شي ومقهورة حيل ....

ورة كم ساعه كاعدة واباع ع التلفزيون واجتي رشا فتحت الباب عليه ودخلت..

نور... شنوو السالفه ماكو باب تدكيه.

رشا.... بكيفي زين لو لا وكومي يالله شنو كاعدة اني سويت الغدة وكومي كملي الشغل واليوم نريد تسوين حمله ع البيت كوووله زين..

نور... ليش لازم كاتله الوصخ.

رشا... ولجج شماله كاتله الوصخ اني ايدي بيه ويوميه تنضيف بس صارلي كم يوم مالي خلك

نور...اي بس تنضفين وياي غير.

رشا...شنو لازم انتي بس اكل ونوم دكومي كومي نضفي يالله لو شاطره بس بغير سوالف وركعت الباب حيل

اففففف شيخلصني منهه هاي ...امري لله شسوي .مبيه حيل مشاكل ويجي اخوه الشفيه يفرغ حركته
يتبع

حبايب كلبي تعرفون بيت وشغل وجهال لذلك ماكدر طول الوقت اكتب بس صبرولي شوي وان شاءالله اكملكم كل القصه القصه طويلة وبيهه هواية احداث لذلك اريد اطرق كل الاحداث..
متابعه ممتعه