صرخات صامته

بارت10

بارت ١٠
نور بس ليش تسال ع علي....

ياسر....لا مو كلت ذيج المره سحكته بالسيارة وكسرته هالمره افكر شنو اسوي...

نور... وللللك حقير دير بالك تقرب من علي.واالله اموتك

ياسر...لعد رفضي والله اذا وافقتي بليله عرسكم اكتله كدامج....وهاا ترة هسه اني يم الكليه مالته واكف كباله

نور..شنو شنو قصدك ياسر دير بالك تسويله شي

ياسر... لج شكددد شايله كبرياء لحد الان ممترجيتني ولا خايفه مني وبعد كل الي سويته بيج ....شنو انتي..

نور.... اني ورايه رب قوي اقوى منك ....

ياسر... عوفينه هسه اختاري تاخذيني وعلي يعيش حياته...
لوو تتزوجين علي بس ليله العرس اخر ليله تشوفيه.
طوووووط سدة بوجهي...

ياربي شسوي خاف صدك ياذيه
بقه طول اليوم يدزلي صور علي وين رايح ويامن يمشي كانو يكولي اني مراقبه وب اي لحظه اضربه لو اذيه....

للعصر وسمعت هوسة جوة..

نزلت لكيت مهند كاعد ويسولف وي محمد وماما وبابا...

نور... شكوو..

مهند.... ماعرف منو ضارب سيارة علي مكسرهه تكسر .

نور... انصدمت من كال هيج وعرفت هذا بداية تهديد.

صعدت لغرفتي كمت ابجي وكلت خلص لازم اترك علي اني بكل الاحوال حياتي اتدمرت بعد الي سواه ياسر.
ليش ادمر حياة علي واني بعمري مراح اكون اله خلص يكفي.....

ثاني يوم كعدت الصبح بدلت ونزلت ورة شوي جتي خالتي وياهه علي وشهد وحجو وي ابوية..

خالتي .... ابو  محمد تعرف ليش جايين

بابا... اي اعرف خوية بس اريد اسال نور....

نور بابا موافقه ع علي.....

نور.....غمضت عيني وسكتت...

خالتي... السكوت علامه الرضا...

بابا..يعني نكول مبروك..

نور.... لا بابا.....

علي 😯😯

بابا..شنو بنتي.

نور..... اني اعتذر علي بس مموافقه ع الزواج 

علي... شنوووو

خالتي ...ليش يوم مو انتي بالبداية كنتي موافقه ليش هسه غيرتي رايج

نور.... خلص خاله مموافقه اني اعتذر منكم وباوعت ل علي وشفت انكسار بنضرته واساله كووومة..
صعدت لغرفتي وشبعت بجي بجيت بحركه وقهر ...ليش اني ليش ياربي شمسوية ليش هيج ديصير بيه

جتي ماما وحاولت تقنعني بس محجيت شي كلهم حجو وياي بس قفلت ومكدرت احجي باليل خابرني ياسر    واني ايست من كولشي استسلمت..

ياسر    .... هاا شسويتي

نور.... خلص   .اتخليت عن حلمي اتخليت عن حياتي  
خلص ياسر تركت فرحتي تركت روحي ...شتريد مني بعدد   .. تريدني اخذني خلص اصلا مبقه شي بيه جسمي واخذته وروحي ماتت اني هسه ميته ...

اخذني انتصرت عليه ياسر.... انتصرت.

بس رح اكولك شغله حسبي الله ونعم الوكيل حسبي الله ونعم الوكيل...
سديته وكمت ابجي ابجي للصبح مكدرت انام نمت ساعه وفزيت تعبانه كولش بقيت لا اكل ولا شرب

سما تحاول تعرف شبيه بس مكدرت احجي وعلي حاول يحجي وياي بس مرديت.

الظهر واجتني ماما.

نور يوم شهد تريد تحجي وياج
اخذت الموبايل
هاشههد

... ليش نووور ليش ولج جنت منتظر اليوم الي تصيرين الي ملكي وتلبسين الابيض واراويج للناس واكولهم هااي مرتي هاي حبيبتي ولج يوميه ادعي ربي تصيرين حلالي...
ولج نووووور حتى البيت حجزته حتى القاعه كلت اخذج ونحجزهه نوووور ليش هيج ولج بس كولي ليش
اني شفت عيونج بيه حب الي بس ليش رفضتي نور..

نور.  اني متت بجي كمت اناشغ مكدرت احجي
 ..ربي يوفقك انساني ماكدر ارتبط.. وياك بعد.

علي.... ولج اكو واحد ينسه روووووحه ولج انتي روحي ولج انتي الهوة شلون اعوفج نوووور والله اموت بدونج 

سديته وكمت اصيح وابجي  ياربي ليش هيج شسويت....

بقيت مصدومه ساعه ابجي ساعه اصفن تعبت وجهي صوفر وامي تحاول تعرف شبيه بس محجيت شي..

تسريع للاحداث..

ورة يوم خابرني ياسر وكال رح يجي يخطبني بابا رفض بس اني كلتله اريد ياسر ومحمد هم حجه وياه واني لازم اوافق واذا موافقت رح ياذي علي وفعلا يسويهه واني اصلا مدمره وماريد ادمر علي كمت اوافق بكلشي يكوله ياسر في سبيل مياذي علي...

اجه ياسر وحجه وي بابا وسالني وكولتلهم موافقه ثاني يوم الخطوبة اخذتني ماما ورحت لبست بدله بصلي وتسريحه ومكياج خفيف طلعتت اخبل بس مع الاسف مو للشخص الي تمنيته ...

رجعت للبيت ومسوين حفله وركص واغاني واني بس ابتسم جذب اتصنع الضحكه علمود ميحسون ع شي....

ورة شوي اخذوني للغرفه واجه الشيخ وياه ياسر وسالني هل تقبلين ب ياسر

سكتت وغمضت عيوني ونزلت دمعتي .
وكلتهه ....كلت الكلمه الي رح ابقه طول عمري كارهته...كلمه مثل القفل الي نقفل عليه بسجن مؤبد
نعم وانت وكيلي .ودموعي نزلن ...

خلصنه ورحنه للصاله وقطعنه الكيك وكلني وكلته واني كارهته ونظرتي كلهه حقد وهو يضحك ويباع عليه

فكري ب علي عرف اليوم العقد وشرح يسوي وشيكول ...

خلصت ورحت لغرفتي وانفجر بجي وبعدين ياسر اتصل ع ماما وكاله هذا الاسبوع العرس ..

بالليل كاعدة مشغله اغنيه وابجي لان ياسر جاب موبايل وفتحت بيه خطي .
واتصل عليه رقم .
رديت
الو.....
تحبيني؟؟؟؟