صرخات صامته

25

25

رنا.. هههه ولج رح تموت هايه ..

نور.. ههه يي شكد خفيفه

ورة شوي نزلنه بالكراج ورحنه نمشي للامام واني امشي ع كيفي وهاي لازكه بينه لزكه وكل شوي التفتت ع ياسر وياسر ابد منتبه الهه
اني ردت اضوجهه ورحت لزمت ايد ياسر..
وهوو فرح كووولش وعصر ايدي وكمنه نمشي واحسهه ماتت ... بس هيه صدوك حلوة ومرتبه ..
بس ابد ماهتم بيهه ياسر... ولاشافهه

حسيته صدوك يحبني ويريدني بس كلبي لسا شايل عليه وممتقبله 

رحنه وصلت للامام وزرت ودعيت وبجيت اشكد وحجيت وي الامام همومي وكولشي مر عليه ونخيته

ياعلي يامولاي يا باب الله اتعذبت وانشلع كلبي وكول احلامي راحت اريد بجاهك عند ربك تهديني وتخليني اتعودع حياتي وي ياسر وابني اعرف صعبه عليه حيل بس شسوي هذا قدري هيج اريد اتطلع حبي من كلب علي وتخليه ينساني ويشوف حياته يامولاي ياقاظي الحاجات بجاهك عند ربك

حسيت براحه موطبيعيه وخلصنه ورحنه كعدنه ارتاحينه وصلينه وبقينه مكابلين الامام احس همومي كوله انزالت وحسيت بطعم خاص للحياة احس الامل انبعث لروحي ولكياني
احس شي ميت بيه رجع عاش واحس كلبي انتظمت دكاته  واحس ريتي اتشافت وكمت اتنفس عدل
هيج حسيت بحظرته بحيث من رجعنه بقت الابتسامه ع وجهي

ياسر.. ان شاءالله ارتاحيتي حبي ربي يديم الابتسامه😊

نور... تسلم ياسر صدوك جنت محتاجه هيج زيارة

ياسر... ولوو حبي وعد بس تجيبين ب سلامه يوميه اجيبج للامام.
لزم ايدي ... نور حبيبتي اريد احلفلج وحق هذا الامير علي ... احبج اكثر من روحي من بعد ربي انتي والله العظيم مستعد اخسر روحي ودنيتي علمودج بس انطيني فرصه ....  خل ننسه الماضي صح اعترف عذبتج بالماضي هواية وضلمتج وهسه اذا تردين تعاقبيني والله موافق شنو الي يريحج كولي واني اسويه بس اكفر عن غلطي خل نعيش بسلامه كافي تعبنه.

نور....  الله كريم بس انطيني وقت لتضغط عليه.

ياسر... مراح اضغط عليج بس لتعوفيني اموت والله

فكرت وي نفسي اكو فرق بينه وبين علي
يمكن حبهم نفس الشي ذاك راد يموت علمودي وهذا سوة كولشي حتى اصير  اله بس الفرق انو اني اريد علي وماردت ياسر اووووفف بقت يمك ياعلي.

رجعنه ورحنه لبيتنه بيت مرتب وحلوو ونازك كولش بس موكولش قريب ع الامام.رتبنه البيت وجهزناه طبعا ياسر مخلاني اسوي شي هوو اشتغل بدالي هو والبنات وعمتي هم مقبلت اشتغل هواية طبعا علمود ابنهم نو علمودي 😅

مر كم يوم واستقرينه بالبيت وياسر بلش يداوم ومرتاحه ماكو مشاكل ولاشي بس مانكر اكو فراغ بحياتي ماعرف شنو....

اتواصل وي امي وسما بالموبايل ومرات اراسل ابوية ع الفيس وادزله رسائل وبصمات صوت وابجي واذكره من حنت صغيره شلون يعاملني ويلعبني اني وسما ومحمد ومهند.
مرات يقره ويسكت ومرات يدزلي صورة بيه كتابه لو تعابير واطير من الفرح احسه سامحني ماعبالك صورة بس افرح بيه لان منه 

بس محمد ابد ميحجي وياي واني هم غلست عليه

وصلت بشهري وتعبانه كوولش وماكدراتحرك وبطني شكبره صرت جني باندا حتى مشتي تضحك وياسر ورنا ينصبون عليه ويضحكون

مره من المرات كاعدين كولنه نسولف واني احل واجب وي رنا واندكت الباب كامت عمتي وطلعت ام صديقه لياسر.. هيه وبنتهه الخفيفه جايبهم صديقه لياسر.

وجايبات وياهم هدية زولية للبيت .
رحبنه ببهم وكعدنه نسولف طبعا الاخت ذبت العبايه ولابسه بنطلون ضيق كولش وياه مانتو طويل بس ضيق وهيه جسمهه حلوو متروس

ومخليه مكياج ... ورة شوي اجه ياسر... سلم عليهم وهيه اكلته اكل بالسلام...

ياسر... لعد وين طه...(صديقه)

البنيه ......تتنغوص .. وصلنه وكال كم ساعه وارجع عندة شغل..

ياسر....اهااا طاح حظه لو مخابرني ورايح وياه

البنيه.... هو كال عندي شغل من اخلص اجي

ياسر.. خير ان شاءالله.

الظاهر عدهم عادي مفتحين لان ياسر كعد ويانه وسوالف وضحك وهيه وامهه عادي عدهم واني ضجت منهه كولش

رشا... يي حبي اسمج زينب مو...

زينب... يي زينب ...وتتنغوص

رنا... خررب حظي شكد تتنغوص

نور..   عبالهه حلوة من تحجي هيج 

رنا... ههههه

نور. سكتي ولج ههه

ياسر .. شبيكم تتبسبسون .

رنا... من ورة هاي عابت

نور.. خفيفه يرادله حديدة وهم متثكلهه.

ياسر... هههه عيب

ياسر.. فكرت بيني وبين نفسي خل ااختبر نور واحاول اخليهه تغار بلكي تحن عليه

ياسر.. اكول زينب انتي ياصف

زينب... حرامات ثاني ومكملت طه مقبل يكول البنيه تكعد احسن 

ياسر.. اها انتي شكد عمرج

زينب.... 19 سنه

ياسر.. احلوو العمر كله

زينب.. تسلم

نور.. بقو يسولفون واني ضجت منهه ومن كلامه وياسر سوالف وضحك وياهه ماعرف ليش اول مره هيج احس مادري يجوز غيره لا لا اني ماحب ياسر حتى اغار
لعد ليش هيج حسيت...
اكيد ضجت منهه لان تتماوع بكلامه...

وبقيت هيج ضايجه منهه وهووياه سوالف وضحك وشقه

ورة شوي اجه طه راح وياه ياسر اخذولهم ساعه وراحوو للييت.

صعدت فوك لكيت ياسر يريد  ينام ....غلست ومحجيت شي خاف تحجي ويكول تغار ويشوف نفسه.

ياسر.... اشو هاي مهتمت اوف بعدهه متريدني شسوي ياربي.

مبقه شي للنهايه بس رح يصير شي صادم كووولش وممتوقع شنو رايكم