قصة #قلوب_تنبض_بالحب٢ الجزء السادس
الفصل التابع لقلوب يتيمه..... لللكاتبة لينه سعد
........................................
... غمضت عينه ام صلاح وبدت تفرك بايدهة
وبدت تحجي بهدوء
_اي صح مابقيتج هنا علمود هذا الشي..... بقيتج علمود سيف..
... جنت بحالة ذهول اول ما نطقت الحجاية...
يعني حساسي جان صح...
_منو سيف؟؟
... وليش هاي الفة كلهة....
... كمت و الحيرة مالية راسة...
مداافهم شي... احجيلي
_سيف ابن صلاح.... اتصور شفتي
_اي شفتة... والي اعرفة هو اعمى... يعني مااتصور اكدر اعالجة اني
ترة اني مجرد ممرضة
_اعرف.... بس سيف مو اعمى وبس
بدت معالم وجه ام صلاح تتغير غطت وجهة بكف ايدهة وبدت تبجي حاولت اتسيطر على انفعالهة وهي تحجي بس مكدرت
.... اتقربت فيروز وكعدت يمهة وبدت تمسح ادموعه
_اشششش ليش تبجين مو زين عليج... احجيلي شبي سيف
... بلعت ريكهة وهي تتنفس بقوة
_سيف بي حاله نفسية... مثل مشفتي منطوي على نفسة حتى اقرب الناس اله ميحجي وياهم بس اني ورنا
يعني محد يكدر يدخل غرفتة ولا هو يطلع منه
.... استغربت من الحجي الي حجته.. صح الي اتذكرته اول ماسمع صوتي فز وكمش بايد بيبيته بقوة
جاوبتة
_شنو السبب الي وصلهة لهيج حالة
باوعت علية واحس الارتباك بعينهة والحزن لاول مرة اشوفهه بهيج حالة.. وكالت
_ماتت امه كدام عينه... ومن هذاك اليوم ميكدر يامن باحد يخاف منهم من اقرب واحد الة
.... كمت من يمهة واني مصدومه من الي كالته
رجعت لهذاك اليوم.... رجعت ٢٠سنه او اكثر واني اتذكر كلش زين اشصار
اليوم الي كعدت بي واني ادور على امي الي جانت اتنام يمي بالجرباية
مديت ايدي واني اشوف مكانهة بارد
فزيت.... واشوف نيروز بمكانهة نايمه
كمت ليكتهة واكعه بالكاع...اتقربت منه واني خايفة من شكلهة الي اتغير لونه هو وشفايفة كلت برعشة بسبب برودة الي جانت بالغرفة
_ماما....ماجاوبت... رحت نمت يم راسهة...
شفتهة دارت اعيونه بكل تعب ... وبدت تنطق كلمات ممفهومه
قربت اذني لشفايفة الي جان لونهة ازرك
واسمع اخر كلمه
"ديري بالج على نيروز"
......وكفت وبدت ادموعي تنزل واني اتذكر هاي الكلمة...
كبرت ومن دخلت للتمريض ودرست عرفت كل اعراض الي صارت بامي كل الي درستة قارنته بهذاك اليوم هي اتسممت.....
من واجهت عمي قبل لا يموت نكر هذا الشي وكال صارت بيهة سكتة قلبية
بس اني متاكدة امي ماتت مكتولة بهذاك االيوم
.... كعدت على الكرسي واني احس الدنيا بدت اتلف بية وبديت اكمش راسي ... كانما الي يصير بهذاك اليوم ديصير هسة و اشوف واحد ضايع مثلي
... كامت ام صلاح علية وهي متفاجئة من ردت فعلة وكالت
_اشبيج فيروز....
... رفعت عيني الي جانت متروسة دموع
_لا مابية شي... بس اتقهرت علية..
سالته
_اشلون مات؟؟
