قلوب تنبض بالحب٢

الثامن

قصة #قلوب_تنبض_بالحب٢ الجزء الثامن
الفصل التابع لقلوب يتيمه..... للكاتبة لينه سعد
...............
.. دار وجه وهو يطلع من الهول... والصدفة
يلكة صلاح واكف... وهو ديباوع عليهم  باستغراب

... _الله يساعدك صلاح...
حجاهة نبيل كانما مصار شي.... وراح لغرفتة
اما صلاح الي جان واكف وهو مركز على عيون اختة الي جانت الدمعات على خدهة...
وانخطف لونه بشوفته

.... ظليت اباوع علية شفتهة ابتعدت عني وهي مستحية...
اعرف كل الي يدور بداخلة...
بس مااكدر بعد اخليهم متواجدين سوه...
المصيبة هو ابن عمي واخوية.... مااكدر اكلة اطلع برة هو من زمان رابي يمنه هو ودنو
مااكدر.... لا... مااكدر اسوية... بس ماكو غير حل
ارجعهة لزوجهة

.... بديت اصعد الدرج واني تعبان من هم المطحنة ومشاكلهة وعمالهة...
صعدت لغرفتي فتحت الباب... وكفت كدام المراية واني اباوع على نفسي... قربت وجي من المراية...

وبديت اتخيل شكلهة من جانت كدام الشباك وهي اتحاول تمسح الكحلة...
جنت قريب منهة لاول مرة اركز بيهة بقوة....
وانتبة على اقل التفاصيل الي بوجهة
بديت المح ملامحة وعيونة الي مثل لون البحر
ابتسمت واني اتذكر وهي اتباوع على ملابسة من ورة... جانت حركاتة تجذب الشخص
قربت وجي لوجهة وجان بس يفصلنه جامه الشباك
.... لحد مافزيت على دخول رنا وهي اتكول
_فيروز اتريد اتروح

..... رحت نزعت سترتي وعلكتة بالكنتور... ولبست تراكسودي... وحطيت راسي على المخدة ورفعت الموبايل واني اعيد الفيديو اكثر من مرة...
واشوف تصرفهة وي سيف...
لاول مرة اشوفه مهتم وديحاول يستكشف
بهاي اللحظة عرفت هي الوحيدة الي تكدر اتعالجة
غمضت عيني واني بعدني اتخيل اعيونه
.....................................................
ابتعدت عن الجنود....
جانت المواجهات عنيفة وقوية وخسرت خمسة من جنودي بعملية وحدة
جانت حالتي النفسي تعبانة.... ابتعدت وكعدت على الحجار الكبار واني اشرب جكارة اتخفف علية الي اشوفه
... حسيت صديقي ابراهيم اتقرب
_هااا رائد اشو كاعد هنا
_اختنكت... كلت اريح هنا
_هههههه ريح بعد اخوك ريح
باوع علية... وطول وكال
_اكلك رائد.... اشعجب مامتزوج لحد هسة
_والله قسمة... شسوي يخوي
_اذا ملاكي اني عندي اعرف بنات عوائل وانت خيرة الشباب
... مديت ايدي على جتفة وابتسمت
_الله يخليك.....اتشرف والله بس مو هنا القصة

_هااا لعد عندك وحدة
... درت وجي واني اباوع على الشمس الي بدت تغرب واتخيل شكلهه...
_اي... وشالعه كلبي
_هااا. ليش
_متحس بية.... مااعرف شسوي.. حرت بيهة ربيتهة على ايدي وصرت يوم بعد يوم اتعلق بيهة
... التفتت على ابراهيم وكتلة
اني خايف من اليوم الي تقبل باي احد  يدك بابهة
_زين ليش ماتحجي وياهه
_مااكدر... حاولت اخليهة تفهم... مااعرف هي متريد تفهم لو صدك متخيلتني اخوهه
والله لو تدري كم واحد طردتة من عرفت جاي علية
جنت اموت كل ليلة واني اتخيله عروس لغيري