ولدت نصفين
للكاتبة أم نور
البارت السابع
وره أسبوع بدت الدوامات
اول أسبوع التهيت حولت
وسويتلي نقل
ولي يسألني من الولد منين اجيتنه نقل
اكوللهم من غير محافضه
مااكدر احجي شي عن الماضي
أصير تصنيف محد يرحم
ضليت اتابع اليوتيوب
أركز على حركات الممثلين
شلون يصرفون الولد
اطلع برامج مشابهه الحالتي
واتواصل ويه دكتوري النفسي
ابد ماانطيت مجال للولد
بالمدرسة يتغلبون عليه
او يحسون عندي جانب انثوي
ويحاولون يقللون من شخصيتي
بالعكس صارت عندي كاريزما اكثر منهم
تأثرت بالممثلين لان صاىوا الي قدوه بالرجوله
ماكنت اعرف عنها أي شي
وملابس ضليت اختار استايلها
على الوان الممثلين لي احبهم
رند تحب ممثل تركي
اسمه أنور تونا أخذ دور بمسلسل وادي الذئاب
كان عشقها
وحاليآ شخصيتي هو سيطر عليها
وحولت ستايلي نسخه منه
جاوزت مرحلة الانوثه
بس اكو احساس شفقه
على كل بنيه
ضليت اباوع بوجه البنات واحس
كل وحده بيهن ضلمها شكل
خلص اول اسبوع من العام الجديد
برجعتي من الدوام
جنت يوميه أمر على مدرستي القديمه
أباوع للبنات واذكر نفسي
مو احن لنفسي قبل لا
بس أحن للمكان الي بي ذكريات هواي
واني راجع شفت وحده تمشي كدامي
هاي رند
أي رند
معقوله رند راسبه
رند شاطره مو مال ترسب
أكيد ده اتخيل
مشيت سريع تقدمتها
والتفتت عليها
اي والله هي رند
رند كانت اصغر مني بالاشهر
كانت قزومه وبيضه شعرها اسود سواد الليل
ويمكن اسرح من المي
عيونها همين سود
صاحبة عيون وساع وشفه متروسه
جنت اشاقه وياها اكولها اكو ابيض
وشفايفه مال سمر
رنوده حساسه بشكل
وبسرعه تتحسس من اي حجايه
وفوك كل هاي صفات
تموت على شعر
دائمآ تشتري كتب شعر
وتقراهن
وتحب القصص الرومانسيه لي تأثر بعاطفتها
جان عدها جانب العاطفي
مسيطر على كل شخصيتها
رقيقه هاي لبنيه شفافة مثل المرايه
من شفت وجهه مااعرف شصار برويحتي
ااااااخ يمه
هاي رنوده
يمكن لحسنه لوحيده برغد جانت قريبه
من رند
وبأي وقت تكدر تحظنها وتبوسها
من تغيب ومن تسافر
مشتاقلج رند مشتاقلج بكد رحمة الله
ماادري شنو لي اني بي حب اشتياق اعجاب
يمج تضيع مشاعري
احنلج عشيقه ماادري احنلج صديقه
تقربت يمي وهي تمشي
ضليت مصفن بوجهه
هي تمشي مدنكه وعبرتني
اني همين مشيت بسرعة وتعديتها
وضليت واكف اباوع عليها
من تقربت يمي
رفعت راسها باوعت بوجهي وابتسمت
ومشت بسرعه
هنا اني جمد دم بجسمي
مامشيت وراها بعد
بس كلش ضجت
ونزلت عليه كأبه
معقوله رند بهلي سهوله تبتسم
لشاب مشه وراها خطوتين ؟؟؟
رجعت للبيت كلش متعصب وكارهه
حتى نفسي
صح صارت الي شخصيتي وكاريزما حلوه
والف بنيه تتمناني
لان اخذت ستايل مميز وحلو
واعرف رند تموت ع هذا لستايل
لان عشقها كان أنور تونا
بس مو معناها بسرعه تبتسملي
اعرفج ثكيله رند
وتكرهين هاي الشغلات ليسونها البنات
يمشن ويتبسمن ؟؟؟
وللقصة المزيد من الاحداث
حبايب علقوا ليصلكم اشعار من انزل بارت جديد
حبايب قلبي لي مايعرف
الممثل التركي أنور تونا
خلي يكتب اسمه على كوكل
ويشوف رعد بيمن تأثرت شخصيته
لان تحب رند هذا الممثل صار قدوته بالستايل والشخصيه
