ولدت نصفين
للكاتبة أم نور
الخااااتمة
مااعرف شنو اسمك هسه
بس اشتاقيتلك
رند ؟؟؟ وسكتت
ادري بيك ادري بيك انت رغد
هسه اني رعد
مو مهم لمهم انت نفس شخص
رند منو كلج
شلوووون عرفتي ؟؟؟
عرفتك ؟؟
اي شلون ؟؟؟
ضحكت ضحكة طويله
يمه احس صوت ضحكتها بقلبي
ضليت ارجف
رعد بت عمك كلتلي مرضك
يمته عرفتي ؟؟؟
من سافرت ضليت استفسر عنك
وكلولي بيج ماادري بيك مرض خبيث
انهاريت وضليت ليل ماانامه من التفكير
كلساع اتخيل شي
لو اتخيلج ميته واضل ابجي
لو ضاربه كيمياوي وابجي
كلش نفسيتي ادمرت
واقل وجع يصير بيه عبالي
همين صار بيه هذا المرض
حتى ضليت مااركز على دراستي
وبسبب هذا الموضوع رسبت
مو هين شخص قريب منه فجئة نفقده
اي وشلون عرفتيني ؟؟؟
ضليت دوم اسئل رنا بت عمك
الى ان اجه يوم
كلتلي ولج رند طلعت رغد ولد
مو بيها مرض الخبيث
وسولفتلي طشار حجي
بس ضليت ادخل على نت
واقره عن هذا الموضوع
لحد ماتأكدت اكو هيج شي فعلا
وضليت اذكر من جنتي تسولفيلي
شهريه ماتجي وهمين ماساتج وي
لحيه وشعر الوجه
تأكدت حجيها صح
بس كلش فرحت لان مو مريض
مهم ترجع واشوفك
كلش تشوقت اشوفك
بس اني مااشبه نفسي شلون عرفتيني
من اجيت على النقل شفتك ؟؟
من بعيد
صحت رنا وكتلها هذا رعد مو
كالت اي رعد ؟؟
اه قابل بس اني ادخل للمدرسه
شلون كتيلها هذا رعد احساس لو شنو ؟؟؟
لا احزر منين عرفت ؟؟
منين ولج احجي حزوره ؟؟
من الشامات لموجوده بوجهك
باقيه بنفس مكانها
واني دوم جنت اركز عليهن
بعدين من ضليت اشوفك بالشارع
تاكدت انت فد ارتاحيت
بس ماكدرت احاجيك
بعد صرت رجال وتشبه امممم هههه
اي اشبه امممم لبالج ؟؟
ماصرت اشبهه اله علمودج
ليش علمودي
رند اني احبج مو اي حب
والله وداعت امي وغلات عيونج
احبج
مو اليوم ولا امس من يوم لعرفتج
واني اعشقج بس ماجنت اعرف
شنو معنى هذا التعلق لان ماكنت
اعرف منو انا اصلا
عشكتج من كل قلبي واريدج زوجتي
تقبلين بيه
ههههه بعد مرضي وخوفي عليك
مااعتقد اكدر اعيش بدونك رعد
يعني تقبلين تصيرين مرتي ؟؟
وحبيبتي وروحي ؟؟
رعد جاي انحرج
حياتي لاتنحرجين انتي لرعد
لو لرعد لو رعد يموت
اسم الله عليك من عمري على عمرك
سلامة عمرك رنودتي
بس اريد اصارحج بشي
علمود يكون عندج علم
شنو كول ؟؟؟
مااكدر ازوج حاليآ منا لبعد سنه
وره العملية دكتور كال سنتين يله
تكدر تمارس حياتك طبيعية
اي ماعندي اشكال واول تالي احنه نريد نخلص السادس
لحظه حبيبتي اكو بعد شي
مو اكيد يصير عندي اطفال
يعني احتمالية ٦٠٪ مايصير عندي طفل
بس اكو نسبة امل صح
اي صح
لعد الله موجود
ومانستبق الاحداث
مرت ٦ اشهر على حبنه
حب من حب
احس رنوده تطلع وتدخل بريتي
ويه النفس لتنفسه
صارت روحي وكل هلي وناسي
اعشق كلشي بيها
هاي الحجايه من تحجيها احسها
تهز رويحتي
رنوده بالنسبه الي جانت الجنه
حسستني بالحب والامان
عرفت تثبت نفسها بقلبي
احتوتني بكل معاني الحب
حسيت بقربها اني طفل
ومايرتاح ويغفى اله على صدر امه
ضليت احتاج لوجودها يمي
اكثر من حاجتي للهوى والماي
بهاي الفتره خلصنه سادس
رند كانت تتمنى تطلعنا نفس الكلية
هي حلمها كان الهندسه
بس اني لا ردت ادخل طب نفسي
كلش حبيت هذا المجال
حسيت اكدر اساعد ناس هواي
وخاصه بمجتمعنا بحاجه لهشكل اختصاص
عن جد مفتقدي
بخلال هاي الفتره ضليت ادخل منظمات
واشترك وياهم بمحاضرات
كلها بالدفاع عن حقوق المرأة
ردت اكون ناشط اجتماعي بهذا المجال
لازم اكو احد يدافع عن حقوق
هذا الكائن الرقيق
هذا الكائن الضعيف القوي بنفس الوقت
قررت اتقدم لحبيبتي
وفعلآ فاتحت اهلي بالموضوع
وكان عدهم يوم عيد
وكتلهم زواج راح يكون بعد سنه خطوبه
لحد مااضمن وضعي الصحي
بس مااكدر اتاني هاي سنه واني بعيد عن رنودتي
تقدمت لخطبتها بالبداية راحت امي
واهلها رحبوا بالفكرة واطوا
موافقة مبدئية
بعدين رحنه اني وابوبه
شفنه ابوها واخوانها
وبيومها ابوي حجالهم عن حالتي الصحية
بس كانت صدمه بالنسبة الهم
وكانت ردت فعلهم صدمة بالنسبة الي
اشبه بالطرده
وكبل تبدل حجيهم وعذرونه لبنية ل ابن عمها
ضليت ٣ سنوات احاول وياهم ماكو فايده
بس رنوده باقيه وياي
هنوده نقبلت صيدلة
واني رحت تربية نفسية
بس نشلع قلبي ويه اهل رنودتي
وماكو فايده
بس لليوم احاول وعندي امل
لهنا اخر كلام رعد وياي عن قصته
وكنت مستمره وياه بالقصه وعلى اساس
اخذ كل تفاصيل علاقته ب رند
ومتامل الاسبوع الجاي يدز لاهلها شيوخ
وبلكت والله يقبلون هذا أملي بالحياة
ومااريد شي غيرها
كان قلبي ينكسر عليهم من يحاجوني
احس حبهم شريف وصادق
حب طاهر بس ضروف ضدهم
البارحة من نزلت البارت اجتلي رساله
كسرت قلبي لذلك اضطريت اختم القصه
دزتلي رند رساله ياحب بعد وحبيبي راح
ام نور رعد مااات حبيبي راح
وخلاني بحدي
مع الاسف القصه نختمت بموتت رعد
دخل عمليه بسيطه للمراره وتوفه بيها
فجئة اجت العمليه وصارت بيها مضاعفات
الله يرحمه ويصبر قلب اهله وقلب حبيبته
اكتب البارت ودموعي تسيل
مااعرف شلون كملته
اتمنى تترحموله اليوم اله ثالث من توفه
