ولدت نصفين
للكاتبة أم نور
البارت الرابع
ثاني يوم الصبح طلعنه للمشفى
اجراءات الدخول واستلموا تقاريرنا
بعد ماقابلنه الدكور واطلع على التقارير
طبعآ مايعترفون بتحاليلنه
كتبلي على تحاليل جديده
خلال يومين كملت كل تحاليلي
وقرر الدكتور لازم اسوي عمليه
بس صدمه كانت بالنسبه الي
وره العمليه راح اكون ولد
ضليت مصدومه وطبعآ هذا
الموضوع خبرني بي دكتور نفساني
اول خطوه سواها الدكتور المعالج
هي تحويلي دكتور نفسي
لمده شهر لحد مااتقبل موضوع العملية
بس اني تقبلت الموضوع بكل رحابة صدر
من البداية واني اتمنى نولدت ولد
بس تعب دكتور وياي من ناحية
اقناعي بالعملية خوفآ من العملية
كلش جانت عندي رهبه وخوفه
من غرفة العمليات والبنج
لان هواي جنت اشوف
عمليات ناشريهن على اليوتيوب
جنت اعتبر الموضوع ثقافه
وردت اكسب جرئه علمود بالمستقبل
اصير دكتوره
ماتوقعت هذا شي راح يزرع خوف بداخلي
ماتوقعت راح يجي يوم لي ادخل بي عمليات
بعدين تقريب وره شهر كدرت استقبل الموضوع
اقتنعت بفكرة العملية
طبعآ احلى مابالموضوع انو المشفى
تبنت حالتي
يعني تكاليف عمليتي على حسابهم
بما انو قله بنوع هشكل عمليات
وجانو محتاجين تجربه يدخلون
طلابهم يشاهدوها
صرت اني محل تجربه لدكاترتهم
بس مااعرف ليش كنت مطمنه
واهلي همين مطمنين
لان تحس اكو قيمه للبشر
مستحيل يخلوك بيد ناس ماتفتهم
خلال هاي الفتره اني استخدم علاج
لتكثيف الهرمونات الذكرية
وبدوا يحقنوني بهرمون اسمه هرمون
تستوستيرون يزيد من كثافة الشعر بالوجه
والتخلص من الهرمونات الانثويه
وكان موضوع سهل لان اساسآ
الهرمونات الذكريه هي لمسيطره بداخل جسمي
وبدوا يزرعولي اعضاء ذكريه
بدوا بزراعتها قبل العملية الجراحية
كانت شغلة التحويل
هواي مراحل بيها
اهم مرحله ليهتمون بيها الدكاتره
هي الحاله النفسيه
اهم شي اكو دكتور نفسي يتابع وياي
هو ليخليني اتقبل كل مرحله امر بيها
بعدين بدوا يسولي عمليات جراحيه
وتم تحويلي تحويل تام من انثى الى ذكر
بعد ثلاث عمليات جراحية
تقريب طولت فترة العمليات ٦ اشهر
او أكثر
منها تغير الصوت
وبعدها تم تقديم اوراقي للمحكمه
واصدروا حكم باني رجل
علمود تمشي اوراقي وجواز سفري
وتم تصديق من وزارة الصحة
بس لازم اطول سنه فترة العلاج تحتاج وقت
حسب مافهمني الدكتور
لحد السنه الثانيه من العملية
يله تبدي اعضائي الداخلية تشتغل ك رجل
في كامل رجولته
وهيئوني نفسيآ شلون اقابل الناس
وخلوا بالي راح اواجهه مشاكل
كل الامور تقبلتها
واضطرينه نرجع قبل لاتخلص السنه
فلوسنه قربن يخلصن
برغم من كل فحوصات والعمليات
على حساب المشفى
بس سكن والاكل
هواي امور احتاجت مصرف هواي
توجهننه للمطار
واني بكلبي الف غصه
مااريد اعوف لندن
ولا ناس بلندن ولادكاتره
وخاصه الدكتور لنفساني
كلش تعلقت بي كان صديق بالنسبه الي
هو الوحيد لجان يحجي عربي
صح مكسر بس مفهوم
وللقصة المزيد
طبعآ حبايبي هذا البارت كان علمي
اكثر مما هو قصه
حاولت افهمكم الوضع بي
حاولت ابين الكم جزء بسيط
من الالاف العمليات لمشابه
لهذه العمليه
اتمنى استفاديتوا من الموضوع
علقوا ليصلكم اشعار عند تنزيل بارت جديد
