Jy, ja jy met die hande.
Met die hande wat 'n skeur in die kous vaswerk.
Met die hande wat die kind skeur.
Jy, ja jy met die hande.
Met die hande wat die vloeistof oor die plante stort.
Met die hande wat die vloeistof oor die planke stort.
Jy, ja jy met die hande.
Met die hande wat die gat nou grou.
Met die hande wat die gat in die foto los.
Jy, ja jy met die hande,
nes ek
nes ek,
het Hy jou ook gemaak
nes ek,
het Hy jou ook lief
nes ek,
het Hy jou ook vergewe
want 'n skeur is 'n skeur
want vloeistof bly vloeistof
want 'n gat is 'n gat
want dood bly dood
want sonde bly sonde
jy, ja jy, nes ek
