انا مسلم...انا مسلمة

1

في قصرمن قصورالقاهرة الفخمة وبالتحديد في  قصر العاصم
تجلس فتاة في العقد العشرين تمتلك بشرة بيضاء صافيه والعينان الزرقاء تشبه امواج البحر والشعر الاسود الحريري والانف الرقيق والشفاة الوردية التي تشبه الكرز والقوام الممشوقه تشبه عارضات الازياء تجلس شارده فتفيق علي صوت احد الخدم وتقول برقة شديدة وهي تنظر الي الخادمه التي بدت انها في العقد الخمسين من عمرها:نعم يا دادة في حاجه؟
الخادمه   :- مالك يابنتي في ايه قلقتني عليكي
الفتاه بإبتسامه وقد ظهرت غمزاتها:انا أسفه يا داده فاطمه متزعليش مني.
فاطمة بإبتسامه  :والله يا حبيبتي انا مقدرش أزعل منك خالص.
الفتاة إحتضنت الدادة فاطمة وقالت:ربنا ميحرمني منك يا دادة.
فاطمه بإبتسامه:ولا يحرمني منك يا حبيبتي يا يارا يلي يا حبيبتي علي الفطار.
يارا:أومال فين آسر؟؟
فاطمة:فطر وراح الشغل من بدري.
يارا:اها ماشي وانتي يا دادة فطرتي.
فاطمة بإبتسامه:هو انا ققدر افطر من غير يويو.
يارا بطفوليه:طب يلي بينا نفطر اصل انا جعانه اوي.
فاطمه :طب يلا حبيبتي

*********
في احدي الشركات المعروفه والمشهوره في القاهره شركات العاصم من افضل الشركات دوليا
يجلس شاب في العقد الثلاثين من عمره يمتلك بشرة مخطلته تتوسط اللونان الابيض والقمحاوي والعينان الزرقاء تشبه امواج البحر وشعره المختلط باللونان الاسود والأشقر وجسده الرياضي
يجلس علي مكتبه بهدوء شديد وينظر الي الأوراق التي أمامه.
ثم يدق باب مكتبه.
الشاب دون ان ينظر:اتفضل
السكرتيره برقه :آسر بيه في واحد عايزك ومش راضي يقول عن اسمه وبيقول الي انت عرفه عز المعرفة.
آسر بدون ان يلتفت لها:طيب خليه بدخل
الشاب: الله الله نسيت صحابك يا اسر بيه ولا ايه.
وبعد ان سمع آسر هذا الصوت أزاح بصره عن الأوراق ثم التفت الي الشاب الذي يبدو انه في العقد الثلاثين من عمره يمتلك بشره قمحاويه والعينان الرصاصية والشعر الاشقر الذي يشبه اشعه الشمس وهرول اليه أسر مسرعا وإحتضنه قائلا: وحشتيني يا حازم والله يا بني اخبارك ايه
حازم بحزن مصطنع  :ماهو باين مش بتتصل يعني.
آسر:والله يا بني انا مشغول.
حازم بمرح :عذرتك المرادي بس عشان تعرف ان انا طيب ازاي
قهقه اسر:ماشي يا عم الطيب طب تعالي ققعد بقا واحكيلي ايه اخبارك ايه يا بني واخبار شركتك ايه
حازم قائلا:الحمد لله وانت الشغل معاك اخباره ايه
اسر:-الحمد لله
حازم بمرح :- خلي بالك مني قريب حدخل صفقه ضدك تم اكمل بغرور ومش حتقدر تقف قدام شركات الشرقاوي
قهقه آسر قائلا بسخريه: لا اومال ايه دا باين علي مديرها اصلا
قهقه الصديقان ثم ذهب حازم معللا انه لديه أشغال كثيره لم ينهها فودعه وذهب وعاد أسر الا أوراقه من جديد
***************
كانت ترتدي ملابسها وعلي وشك الذهاب  الي جامعتها فكانت ترتدي فيست طويل  يصل الي تحت الركبه قليلا وضيق فيظهر كل مفاتن جسدها باللون الزهري وحجابها علي شعرها والوجه الخالي تماما من مساحيق التجميل(الميك اب) ومع ذلك كانت تبدو جميله الذي يسمي(جمال رباني)
ثم نزلت وقالت بفرحه  :دادة فاطمه.
فاطمه:نعم يا يارا.
يارا بسعاده :انا رايحه الجامعه فرحانه اوي يا دادة
فاطمه بإبتسامه :-ربنا يفرحك اكتر واكتر يا بنتي  تيجي بالسلامه يا دكتوره يارا.
قهقهت يارا قائلا: والله يا دادة انتي متفائله اوي بيا.
قهقهت فاطمه: ليه بتقولي كدا ان شاء الله يا حبيبتي تبقي أكبر الدكاتره.
يارا رافعه يدها الي السماء بمرح :آمين يا رب ويسمع من بؤك ربنا.
فاطمه بإبتسامه حانيه :طب يلي روحي علي الجامعه قبل اما تتأخري دا أول السنه يعني لازم تروحي بدري وخلي بالك من نفسك
يارا  بإبتسامه قائله: حاضر يا دادة السلام عليكم.
فاطمه :وعليكم السلام يا حبيبتي.
خرجت يارا من القصر تعبر الشوارع وعندما كانت تعبر الطريق كانت السيارة علي وشك الاصطدام بها ولكن في اللحظه االاخيره توقفت السياره
يارا متمتمه بإرتاح:الحمد لله. التفتت الي الشخص الخارج من السياره كان يبدو انه في العقد الثلاثين من عمره يمتلك بشره قمحاويه وعينان بنية والشعر الاسود والجسد الرياضي
كانت يارا تنظر له وتقول في نفسها:إيه الجمال دا يا لهوي ايه الي انا بقولوا دا استغفر الله.
ثم ابعدت نظرها عنه فتجه اليها وصاح بعصبيه قائلا : انتي واقفه هنا ليه مش شايفه العربيه الي ماشيه  الحمد لله إن أنا وقفتها في الوقت المناسب   وانا مش فاضيالك وانتي جايه تقفي في طريقي.
نظرت اليه يارا بغضب قائله:لو سمحت متعليش صوتك عليا انا كنت حعتذر بس والله مش حعتذر لواحد زيك وكمان ايه اتخري دي  متحترم نفسك لو سمحت 
نظر اليها بغضب مماثل:بصي يا بنت الناس انا مش فاضي لناس غبيه زيك  مشي من قدام عربيتي دلوقتي.
يارا نظرت اليه بغضب   قائله :مين الي غبيه احترم نفسك شوف نفسك الأول وبعدين اتكلم ثم اكملت بسخريه  حيرضي يقف قدام واحد زيك يعني فاكر نفسك مين.
احمرت عيناه من الغضب
وقبل ان ينطق بكلمه اسرعت الي الاتوبيس ثم نظر لها بغضب  قائلا: هو انا ناقص غباء علي الصبح
وضرب كوتش السياره بغضب قائلا:لو شوفتك تاني حوريكي النجوم في عز الضهر وميبقاش انا ادم الحصري
والتفت الي سيارته وركبها ثم انطلق
*******
كانت غاضبه وحدثت نفسها قائلة:انسان مغرور ومتكبر هو عشان حلو حبتين يشوف نفسه كدا ايه الي بقوله دا استغر الله العظيم انسان غبي
وبعد ذلك خرجت من الأتوبيس وذهبت الي الجامعه وهي تعبر بوابة الجامعه نظرت الي الجامعه بإنبهار حيث ان الجامعه كانت جميله للغايه بأعشابها الخضراء التي علي جانبي البوابه ونفورات التي تبخ الماء كان منظرها جميل  ونظافة الجامعة كانت تنظر بفرحه وسعاده ممزوجه بذهول قائله يا الله ما هذا الجمال انها جميله للغايه ما شاء الله ثم افاقت علي صوت احدي الفتيات من بعيد وليس بالبعيد كثيره ثم التفتت اليها وجدت فتاة في العقد العشرين من عمرها التي تمتلك بشرة قمحاويه وعينان بينه والشفاه الوردية التي تشبه الكرز والخدان الورديان والانف الصغير الرقيق والقوام الرشيقه التي تشبه عارضات الازياء وترتدي بنطلون جينز وعليه فستان
ونظرت اليها والسعاده تملأ عيناها قائلة :يارا ازيك وحشتيني موت.
ياره تقابلها بنفس السعاده وارتمت في احضانها  قائلة:وانتي أكتر والله أخبارك.
ياره:الحمد لله.
سارة:يارب دايما يا حبيبتي.
يارا:يارب انا وانتي.
ساره :بصي يا يارا تعالي نروح لياسمين عشان هي بتسأل عليكي.
يارا بمرح  :والله البت سمسمه الهبله  دي وحشاني.
قهقهت ساره قائلة :طب أرجوكي متقوليش علي الهبل عشان انتي طالعه المركز الاول فيه.
قهقهت ياره قائلة بغرور مصطنع :اومال ايه المركز الاول يا بنتي  
قهقهت ساره:طيب يا استاذه خلصتي غرورك يلا بقا نروح لياسمين عشان مستنياكي وعايزه تشوفك
وعندما كانت الفتاتان تسيران في الجامعه وجدوا فتاة تتوجه اليهم التي تمتلك بشره بيضاء والعينان الرصاصيه والشفاه الورديه التي تشبه الكرز والقوام الرشيق الذي يشبه عارضات الازياء وترتدي بلوزه قصيره وبنطلون جينز يظهر مفاتن جسدها
كانت تنظر اليهم بسعاده  قائله:يااارا وحشاني والله اخبارك ايه وأرتمت في احضانها
يارا تقابلها بنفس السعاده قائلا:ازيك يا سمسمه والله وانتي اكتر
ياسمين:اخبارك ايه يا يويو
يارا:الحمد لله وانتي
ياسمين:الحمد لله تمام.
ساره:اه صح فينك يا يارا في الاجازه مشوفتكيش خالص
يارا بإبتسامه :اصل انا كنت مسافره بعمل عمره ثم اكملت بحزن وعيناها مليئه بالدموع  لماما وبابا الله يرحمهم
الفتاتان:الله يرحمهم
قالت ساره بمرح:لتكوني نسيتي تدعيلنا وحتي مجبتيش معاكي ليا شبشب معاكي طب حتي فرده والله راضيه
قهقهت الفتيات
وقالت يارا مبتسمه:اكيد دعيت ليكم  انتوا احلي حاجه في حياتي اصلا
دمعت أعين الفتيات وأكملت يارا قائلة:بس بصراحه مجبتش فردة الشبشب
قهقهت الفتيات.
نظرت ساره الا هاتفها قائلة :-
يلا يا بنات الساعه داخله علي تمانيه زمان المحاضره حتبدأ
الفتاتان:يلا .
وانطلقت الفتيات الي المدرج التي تبدأ في تحديد مصير يارا فماذا سيحدث يا تري؟
*********
في قصر من قصور القاهرة الفخمة وتحديدا قصر الشرقاوي
تجلس فتاة تبلغ الثمانية عشر  من عمرها التي تمتلك بشره بيضاء وعينان رصاصية الشفاة الوردية  تشبه الكرزوشعرها الاسود الحريري
كانت تجلس الفتاة مع جدتها التي تبدو في العقد السابع من عمرها
قهقهت الجدة قائلة: يابنتي بطلي بقي والله حموت من الضحك.
قهقهت الفتاة وقد ظهر غمزتها قائلة :بعد الشر عليكي يا تيتا هو احنا لسه بدأنا دا انا بسخن بس
قهقهت الجدة بذهول  قائلة  : دا كله ولسه مبدأناش اومال لو بدأنا كنتي حتعملي ايه.
قهقهت الفتاة:ماشي يا تيتا ليلي اصبري بس.
فدخلت عليهم امرأه تبدو في العقد الخامس من عمرها قائله :ميرنا حبيبتي سيبي تيتا ترتاح حبيتبي
ميرنا بحزن مصطنع وطفولي قائلة: لا علي فكره تيتا كانت بتضحك وفرحانة يا ماما صح يا تيتا.
ليلي بإبتسامه: سبيها يا مريم دي ميرنا دي مفيش منها.
مريم بإبتسامه:ماما انتي باين عليكي تعبانة وعايزه تنامي يلي يا ميرنا.
ميرنا بحزن قائله :حاضر يا ماما ابتسمت :يلي يا تيتا نامي بقا عشان ان شاء الله  اما تصحي أكمل اوك. ثم غمزت لها
قهقهت ليلي قائلة:ماشي شقيه  تصبحواعلي الجنه.
ميرنا/مريم:وانتي من أهل الجنه.
وخرجوا من الغرفه.
ميرنا:ماما هو فين حازم؟؟
مريم:فطر ومشي علي الشغل من بدري.
ميرنا:وياسمين فين؟؟
مريم:راحت كليتها ربنا يعينها وانتي يا بت مش رايحه المدرسه ولا ايه.
ميرنا بملل :لا مش عايزه اروح أنهارده اصل انا زهقانه.
مريم:يابنتي انتي في تالته ثانوي يعني لازم تشدي حيلك السنادي.
ميرنا :حاضر يا ماما ثم اكملت بمزاح :-بس بصي عايزه أبشرك بحاجة انا مش حنفع.
قهقهت مريم قائله :والله قبل اما تقولي  
ميرنا بغرور مصطنع :شكرا شكرا انا عارفه.
ثم ذهبت ميرنا الي غرفتها وهي تقهقه بسعاده
قهقهت مريم وربت بيديها:والله بنت مجنونه ثم اكملت بحزن:يارب تدوم الفرحه علي وشكم يا ولادي

*********
ذهبا الفتايات الي المدرج ودخلوا وجلسوا في اول الصف وكان المدرج مزدحم بالطلاب ثم فجأة صمت الجميع عندما فتح الباب ودخل منه الدكتور التفت يارا الي الدكتور وشهقت بصدمه 
وقف امام الطلاب قائلا ببرود :السلام عليكم انا بإذن الله دكتورالفيزياء الجديد واسمي  الدكتور آدم.
كانت يارا تنطر اليه ومازات تحت الصدمه تتحدث بصوت خافض:مستحيل مش ممكن
التقت عيناه بعيناها الزرقاء  وصدم قائلا:انتي؟؟
**********
انتهي البارت اتمني انه يعجبكم يعني صراحه انا كاتبه جديده لسا يعني اتمني انكم تقولوا رأيكم بصراحه😄
تعتقدوا مين الدكتور؟؟🤔🤔
انا عارفه انه مكنش كدا الاول بس ايه رأيكم احلي من الاول صح
انا حكمل علي النمط دا وحعمل عدم نشر للبارتات التانيه عشان اعدها تاني
والسلام عليكم❤️