انا مسلم...انا مسلمة

3

كانت متوتره وتفرك يديها ببعضهم وضطربت وكاد قبلها ان يقف عندما سمعته يقول لها بكل برود:ايه الصلة بينك وبين الدكتورة يارا يا ساره.
اخدت نفسا عميقا وقالت:صحبتي
ارتسمت علي شفتيه ابتسامه قائلا:من امتي؟
-من ايام الطفولة
بنفس الابتسامه:يبقي تقوليلي كل حاجه عنها من اول اما اتولدت
بعد ان انهي كلامه نظرت اليه بصدمه ايظنها سوف تخون ثقة صديقتها بها هل يظنها لا تعلم معني الصداقه كيف يقول لي هذا الكلام الجارح امتلئت عيناها بالدموع قائلة بصوت باكي:ازاي تقول كدا عني انا عمري ما حخون ثقة صحبتي حتي لو ايه ولو لمين مش معني ان انا اختك يبقي اقولك كل حاجه اي حاجه انا عارفه معني الصداقه كويس دي مش صحبتي من كام يوم ولا شهر دي عشرة عمر تساقطت دموعها علي وجنتيها وخرجت من غرفته وتوجهت الي غرفتها ارتمت علي فراشها تبكي
كان ادم ينظر بصدمه الي الباب الي اغلق وراءها ولكنه ما لبث الي قليلا حتي ارتسمت علي شفتيه ابتسامه قائلا:-طلع عندك صحاب جدعه ثم ابتسم بمكر يبقي مفيش غير الحل دا
****
جالسه في غرفتها تعبث بهاتفها وبعد وقت ليس بقليل قامت باحثة عن حقيبتها فتحتها واخدت تنظر الي الاوراق قائلة بحيره:ايه الهبل دا وانا ولا فاهمة حاجه طيب اكلم ياسمين اشوفها كدا
اتصلت بياسمين فردت قائلة:السلام عليكم
-وعليكم السلام ازيك يا سمسمه
-الحمد لله يا يويو وانتي
-الحمد لله بقولك يا سمسم بالله عليكي فاهمه حاجه من الاوراق دي
قهقهت ياسمين قائلة:معلش هو بيلغبط شويه بس بعد اما تقرإيهم كتير حتفهميهم
-بت مش عشان انتي كنتي بتطلعي الاولي علي الدفعه يبقي تقوليلي سهل روحي يا بت نفسي اعرف ازاي بتخزني المعلومات دي وتفهميها ازاي انتي انسان آلي
قهقهت ياسمين قائلة:قل اعوذ برب الفلق روحي يا بت علي ساره حبيبتك مش حتلاقي غيرها تعينك.
قهقهت يارا قائلة:دي البت دي هي الي حتخيبني ارهنك انها دلوقتي مفتحتش الشنطه
-هي دي حاجه تنقال
ثم قهقه الفتاتان وانهوا المحادثه
يارا محادثه نفسها:يلا يا يارا نجتهد دي اول سنه لينا
*****
جالسه بملل بعد ان مسحت دموعها تنظر الي الحقيبه ثم ذهبت اليها وفتحتها اخذت تقرأ الاوراق وهي تقول:ايه الملل دا ولا فاهمه حاجه يلا اقرأ شويه وبعدين انام وتوكلنا علي الله
واتصلت بيارا
-السلام عليكم
-وعليكم السلام يارا بقولك انتي معاكي محاضرة الدكتور
يارا قالت بغيظ:قصدك محاضرة الدكتور الرخم لا يا بت انا كنت قاعده معاكم في الخفه
قهقهت ساره قائلة:لحقتي تسميه خلاص حصورلك المحاضره ذاكريها وبعدين اول اما يسئلني قوليلي وكدا ماشي عشان تردي المعروف.
قهقهت يارا قائلة:دي محاضرة اخوكي يا ماما
-اصلا هو حيستقصدك يا روحي
-طيب يا ختي يلا حاتي المحاضره صوريها
-طيب تمام حرسلهالك يلا سلام
-سلام
صورت ساره المحاضره وارسلتها لها
يارا:يلا يا يارا بقا نذاكرها بسم الله كدا
****
في اليوم التالي في صباح يوم مشرق
تستيقظ يارا وتنظر الي ساعتها وبعدها تنفض من فراشها الي المرحاض ويمر وقت ليس بكثير وتخرج وهي تقول:يا حظك يا يارا الساعه داخله علي تمانيه.
ارتدت ملابسها وحجابها الذي تسميه حجاب هي قطعة قماشه تغطي شعرها
فتنزل من علي الدرج وهي تهرول الي فاطمه قائلة:حرام عليكي يا داداة مصتنيش بدري ليه انا اتأخرت خالص
فاطمه بتذكر قائله : اه يا بنتي والله اسفه نسيت خالص طيب افطري حتي
يارا وهي تودعها وهي تهرول الي بوابة القصر:سلام يا داداة حاكل في الجامعه
-مع السلامه حبيبتي
عبرت الشوارع ثم هرولت الي الاتوبيس ناظره الي ساعتها قائلة بقلق:الساعه تمانيه وعاشره ياربي تلاقي المحاضره بدأت
*****
دخل المدرج والقي التحيه ونظر الي الطلاب فلم يجدها بينهم ارتسمت علي شفتيه ابتسامه وكاد ان يشرح لطلابه الا انه سمع صوت طرق علي باب المدرج فقال:اتفضل
دخلت وهي تلهث وتنظر الي الارض:اسفه يا دكتور اني جيت متأخر
التفت اليها ادم قائلا ببرود:مفيش دكتوره محترمه تتأخر علي تاني محاضره ليها مش معني ان باباكي ومامتك مدلعينك يبقي تتأخري زي اما انتي عايزه
تساقطت الدموع فوق وجنتيها واخدت تبكي وتشهق
نظر اليها ادم بإستغراب لماذا تبكي هذه الفتاة انا لم اقول شئ يبكي ابدا
نظرت اليه يارا ببكاء واللوم وكأنها تقول له كيف تتجرأ ان تقول هذا