قصتي مياده

ج٢

#قصتي_مياده
_الكاتبه_اماسي_الليل
الجزء_الثاني

حقوق النشر محفوظه
گلي هسه ماكو غير حل واحد...... لازم اشوفلي محلل
يعقد عليج ويطلگج حتى اكدر اردج لعصمتي بس لازم واحد ثقه
عدي : بقيت كم يوم اصفن منو اكدر اأمن بي على مرتي لان لازم يدخل عليها ....وبعدها يطلگها بليل التقينا مجموعة ولد بيت ولد صديقنا نسهر
ورا ساعه اجى عمار وياه ابن عمه اسمه شاهين جاي يم بيت عمار كم يوم زياره واليوم جايبه يسهر ويانا
ضل تقريبا اسبوع يوميه يجي قوة علاقتي بي بهالايام .......وعرفت ابو شيخ كلت افاتحه بالموضوع هذا اكيد ميردني اذا اوگعله دخيل وبنفس الوقت ما اشوفه دائماحتى اتحسس منه واتذكر اخذ مرتي ..... بعد سنه زين اذا شفته مره لخ .....فاتحت عمار بالموضوع گتله يفاتح ابن عمه ردت شاهين ياخذها لان تربية شيوخ اكيد ميتراهم ويا مياده ومتنطي مجال مراح يتحمل يبقيها على ذمته هو تربات شيوخ وهي عصبيه وتعيط وتعلي صوتها مراح يتوالمون
اماسي الليل um.m

الاتفاق
شاهين :خليني اعرفكم عن نفسي عمري٣٣سنه
شخصيتي خنوسي المقابل يتخيلني فقير وهادئ وعلى كد الايد لكن بالحقيقه عندي مكر و نظره اقرا الشخص الي اشوفه واعرف شخصيته بسرعه
والي يدوسلي على طرف معناها امه داعيه عليه ماعندي سوالف مكسره بس ماكو وحده حلوه تمر من يمي اذا ما اكصها بالتفصيل
عندي علاقات مثل بقية الشباب مجرد طلعة وتلفونات ما ادخن ولا اشرب بس احب سهرات الولد مجرد اضحك واتونس على اللمه مثل الاسبوع الي بقيته بيت عمي يوميه اروح ويا ابن عمي عمار نسهر ويا جماعته هم شربون واني ابقى اضحك على سوالفهم من يلعبون ورق شكد حاولوا يسوولي واهس واجرب بس ما اتقرب ولا اخلي براسي لان اعرف الي يتعود على الشرب والورق يصير مدمن وامره مو بيده لذلك مبقي نفسي تحت السيطره
من رجعنا اني وعمار من الكعده گلي شاهين عدي مطلك مرته ب ٣ ورايد واحد يحللها اله
لك مو مره قمر ونازل من السما
شاهين لك انت صاير مسقط شلون تحجي بمرت صديقك لك انتوا غير شله مزعطه
عمار :لك شاهين صارلي ساعه امهدلك عدي رايدك تزوج مرته وطلگها حتى يكدر يرجعها
شاهين :طيح الله حظه شكد ناقص غيره هذا شكو طلگها لعد لو عباله لعب
عمار :لا خطيه لان يحبها بس هي وكحه ومطلعه عيونه بالمشاكل طلگها وتندم وهسه راح يموت حتى ترجعله
شاهين :وليش مگلك انت تزوجها
عمار :هو محجالي السبب بس اني من گلي عليك افتهمت لان من راح اني اتزوج مرته لازم ادخل عليها ويشوفها صعبه اني صديقه ويوميه اشوفه و ومطلع على مرته
بس انت ميشوفك وين ووين يله تجي لدبي ويكدر ميصير بينكم لقاء ورا متخلص السالفه
لك شاهين وافق والله متندم انت متحب الحرام اجتك حوريه بالحلال لتبيع شرفيات واخلاق هي ليله ويوم وكلشي ينتهي
شاهين :لك عمك اذا درا بيه مسويها يتبرا مني
عمار :مراح يعرف گتلك شغلة يوم وكلشي يخلص
شاهين :وانت شكو ذابح روحك شعندك استفاده من ورا
عمار :لا بس انقهرت على البنيه اهلها مسافرين وماعدها احد هنا كاعده بيت اهلها وحدها ووهذا الغبي يوميه يروح عليها متقبل تفتحله الباب بس تحجي وياه بالتلفون ومتخبل
شاهين : من سمعت بظروف البنيه اتعاطفت وياها وبقيت طول الليل افكر بالموضوع ولان سمعت بيها متقبل تفتحله الباب خفت عليها اكثر لان شريفه ومحافظه على نفسها من الحرام حتى ويا واحد قبل فتره كان زوجها
تالي الليل طخت براسي اوافق اعقد
ثاني يوم گتله لعمار اني موافق اتصل بعدي بلغه
اجى عدي لبيت عمي حتى نتفق اول شغله گتله اشوف البنيه موافقه على هالاتفاق
عدي :هي موافقه لان متعرف لازم تدخل عليها
شاهين :لعد شلون مو العقد يبطل واني ما اسوي شي بي تلاعب بالشرع والدين
عدي :اني اگول لو نخليها بيناتنا ورا العقد انت تخليها كدام الامر الواقع
شاهين :لازم اكعد ويا البنيه واسمع منها موافقه اني ما ادخل نفسي بمشاكل
عدي :اتصلت على مياده الو
مياده :الو ها عدي لتگلي واگف بالباب گتلك ما افتح
عدي :لج اوگفي مو بالباب الولد الي راح يعقد عليج يريد يسمع منج الموافقه راح نمر عليج هسه
مياده : بس اذا شفتك وحدك ما افتح الباب
عدي :اي زين زين فهمت لا راح يجي ويايه ويانا عمار هم ارتاحيتي
اماسي الليل