قصتي مياده

١٧/١٨/١٩

#قصتي_مياده

اماسي الليل
الجزء_السابع_عشر و١٨
مياده :رنا اختي انخطبت لعمار وتعهد كدامي وكدام شاهين يبطل شرب
وجانت حفلة الخطوبه قبل يومين من رجعتنا
رحت للمول نشتري فساتين اني ورناوشاهين اجى ويايه لان مقبل الايشوفها  طبعا رنا بسرعه اخذت الا اني لان حامل واغلب المودلات مكشوفه وهو ميقبل اخر شي قررت اخيط عندي مجال ٤ايام
من خلصت گلي هسه تعالي ادورلي بدله
شاهين :اخذت بدله  التقينا برنا وعمار رحنا اتغدينا
عمار :شاهين اللبس زي الشيوخ هنا عادي يلبسون
شاهين :ولك اخذت قاط
مياده :شاهين صدك اللبس يطلع حلو عليك
شاهين :صوت ناصي انت عاجبج اللبس
مياده :اي اللبسه
شاهين :لخاطرج راح اللبس  غمزتلها نصير  عريس وعروسه 
مياده :ذولي الي كدامنا لعد شنو احنه صرنا قديمين ابنك بعد كم شهر يشرف
شاهين :ماطول بعده مجاي احنه عرسان

يوم الحفله
مياده :طلعنا اني ورنا للصالون .......بعدها رجعنا للبيت
من عجلتي دا اصعد الدرج عثرت بس لزمت المحجر  ركض عليه شاهين
مياده بيج شي
مياده :لا مابيه الحمد لله لزمت المحجر
شاهين :اي غير تنتبهين عليش هالعجله لتبقين صاعده نازله
مياده :صعدت للغرفه لبست فستاني دخل شاهين   سألني وهو ديبدل انت دتنتبهين على النونو ديتحرك ببطنج
جاوبته احس بي لتخاف  .......من نزلنا صحت امي تاخذلي صور اني وياه
شاهين : اتفقت ويا عمار ندخل لابسين زي الشيوخ  وبعدها نبدل قوط  دخلنا للقاعه
مياده : من دخلنا القاعه جنت متباهيه بشاهين  ورا ما كعد رحت عليه تعال ويايه راح اروح يم رنا وعمار بدوا يركصون
شاهين :انت بس أتصفگين ممنوع ركص هسه ارجعلج ....بدلت القاط ورجعتلها جانت واگفه أتصفك   لزمت خصرها اندارت شافتني لابس القاط خلت ايدها على خدي نزلت راسي اسمعها گلتلي ابنك على صوت الدك بدا يركص خليت ايدي على بطنها  اكو دفرات شاورتها هذا طالع على عمه فهد  وحضنتها حبيبتي   طالعه حلوه
مياده :احب نظراته وتلميحاته الي بقى طول الحفله يرددها بأذني  كل متصير الاضاءه خافته   حبيت حياتي ويا شاهين  خلاني احس نفسي بنيه اول مره اتزوج 
بالحفله شفت وحده زوجة صديق عمار وعدي من شافتني حامل وشافت شاهين  اتفاجئت سلمت عليه ورادت تتأكد سألتني حامل جاوبتها الحمد لله
شاهين خلى ايده على جتفي كدامها عرفتها عليه زوجي
من رجعنا للبيت كلي اليوم احنه عرسان بلهفته ورمانسيته خلاني احس اليوم اتزوجنا  خلاني احس نفسي اميره بين ايده بقى طول ماهو ويايه يسألني اذا مضايقه او مضايق الطفل احلى ما بي حساس
بعدها رجعنا لبغداد جنت كلش مشتاقه لغرفتي وللبيت احسه هذا مكاني الحقيقي
مرت الايام وبدت بطني تكبر وفد يوم دا ابدل گلي اوگفي هاي شنو خطوط بنفسجيه صايره بصفحة بطنج
جاوبته هاي اثار تمدد الجلد يتشكك سألني تأذي جاوبته لا بس بعدين تصير خطوط بيضه تبقى متروح مو تريد اطفال هذا الثمن يتغير جسم المره
شاهين :حتى لو يتغير اني اشوفه يخبل ماطول يطلعون منه جهالي واحد ورا اللخ
مياده :شاهين من اولد بأذن الله ما اسوي طفل الايكبر
شاهين :ماكو هيج حجي على الاربعين اريد الثاني متاخذين اي موانع
مياده : مو گتلي بالاول اريد ولد هاي رب العالمين استجاب لرغبتك
شاهين :مو طمعت لان راح يجي الاول يجي الثاني  تبقين تخلفين الى ان اكتفي اني اكلج بعد ما اريد جهال
مياده:
اختاريت مستشفى يدخلون الاب لصاله الولاده ويا الام من تولد من
خلصت الشهر وماعندي اي اعراض ولاده نقلوني للمستشفى اسوي طلق اصطناعي وهو وامي ويايه من بدا يشتد الطلق عندي وبديت ابچي من الالم ضربوني ابره الظهر تخفف الالم كلش تعبت بقيت ١٧ساعه يله صار عندي ولاده من شاف الولاده شكد صعبه وشافني شكد تألمت وهو استلم ابنه على الحاضر جكد جان فرحان بس باله يمي اتوقعت راح ينساني من يشوف الطفل لكن بقى قلق عليه لان ع وشافني اتألم وانطوني مسكنات ووجهي كلش مبين عليه التعب بقى مكابلني ويسأل امي خاله لون وجهه طبيعي اصفر امي اطمنه
ثاني يوم رجعنا للبيت ويانا اوس طبعا امي حارت بي لان اني ما افتهم بدت تعلمني وهو هم يتعلم بدون ما ادري بي عرفت جان مركز من رجعنا لبغداد كم مره من اسوي شي يگلي خاله مو هيج كلتلج  لو خاله هيج تنيمه من يبچي
شاهين :من صار عندي اوس صرت احب مياده اكثر على حبي لابني ملى عليه الدنيا بضحكته ولعباته #قصتي_مياده
#بقلم_الكاتبه_اماسي_الليل
#الجزء_الثامن_عشر
حقوق النشر محفوظه
سافرنا للامارات علمود  زواج عمار ورنا صادف قريب على عيد كةزواجنا   اتفقت  وياهم من حددوا الشهر يختارون يوم قريب على عيد زواجنا لان اريد اسوي حفله اعوض مياده عن حفلة العرس وطلعت لاهلي فيز علمود العرس امي وغزوان ومرته وفهد ومرته وصلوا ورانا بأيام
اول ايام التهينا بالعرس وتحضيراته لان عمار ماعنده احد غيري ورنا ماعدها غير مياده كضينا اول ايام نطلع اربعتنا سوا نخلص ترتيبات العرس ...واوس خاله وامي حايرين بي ......كلنااشترينا ملابس بسرعه خلال يوم بس بقينا ٤ايام نفتر  مياده وكعت رجلنا تريد بدله لاوس تالي خيطناله بدله تشبه بدلتي
بيوم العرس
مياده :الكل فرحان ......منظر شاهين واوس يخبل لزگت روحي وياهم حتى ياخذولنا صوره توسلت بي يركص ويايه ميقبل
تالي فهد جرني ركصنا اني وياه ومرته ويا عمار ورنا كلش تونست وياهم بس بقى بنفسي اركص ويا شاهين رحت عليه اخذت اوس انطيته لامي  شاورته اذا متگوم ويايه والله ازعل عليك الكل ويا نسوانهم الا اني عاجبني اركص وياك مقبل گلي ما اكدر وما اعرف اركص اصلا ....جاوبته براحتك
شاهين :من شفت  اخوتي كاموا ويا نسوانهم يم  عمار ورنا وفهد حاير بمرته وبمياده لان يعرف مراح اگوم 
رحت وراهم وصلت يمها جريت ايدها خليت راسها على صدري واتمايل وياها شاورتها هاي لخاطرج كمت بس ما اعرف اركص
مياده اموت على الرزن خليني بحضنك كافي عندي
وراها دكوا چوبي  اول ما بدوا شاهين واخوته وعمار رگصوا منظرهم يخبل مبينين صدك تربية شيوخ شكلهم وطولهم هيبه
رجع شاهين گلي هسه ارتاحيتي نرجع للميز لو بعد گتله نرجع