قصتي مياده

١٣/١٤/١٥/١٦

#قصتي_مياده
_الكاتبه_اماسي_الليل
الجزء_الثالث_عشر /١٤/١٥
حقوق النشر محفوظه
شاهين :مبتسم مو ماكو شيوخ  شباب وحلوين بس اني حاله نادره ماطول بعد محد يدري بيه متزوج استغلها من يهدوني مره اخذها واسطركم ٤
مياده :عادي سطرهم قابل اني مرتك بوقتها
شاهين :انت تبقين عزيزة قلبي والجبيره بينهن
مياده : بعصبيه ما ابقى على ذمتك بس تفكر
شاهين :رحت عليها حاولت الزمها  رجعت ورا جريت ايدها وحضنتها..... ما ابدلج بنسوان الدنيا حبيبتي بعده ظهرج يأذيج
مياده : مو عبالك تقشمرني بكلمتين وتنسيني الي حجيته الظهر
شاهين :يعني مراح تصالحيني
مياده :اعتذر واوعدني بعد متأذيني بالحجي
شاهين : ابتسمت لا والله ليش هو منو المفروض يزعل هاي لان شفتيني اجيتج صرتي صاحبة الحق ......ماطول هيج  هسه راح اطلع من ارجع غمزتلها اريد اسمع اعتذارج
مياده :مسويت شي حتى اعتذر وترجع تلگاني بالبجامه السوده
شاهين :براحتج بوستها من خدها وطلعت 
مياده :والله خبلني هالرجال روحي اتعلقت بي احس نفسي احبه من الله خلقني ومحبيت احد غيره
لبست بجامتي السوده رتبت شعري .....ونزلت لگيت شاهين ديحجي وياخاله وديوصي مصعب على اكل يجيبوا من بره علمود العشا خاله مسويه ثواب لعمي وبنفس الوقت تريدهم يعرفون شاهين متزوج
من خلص اجى عليه گلي انتبهي على ظهرج ...واريدج صاحيه من تعتذرين
جاوبته من تدخل للغرفه وتلگاني نايمه لتشغل الضوه
ابتسم وطلع
بعدها خالتي صاحتني رحت عليها المره رادت متكسر بخاطري گلتلي روحي اللبسي لون غامق مو اسود وخلي شويه مكياج انت عروس محد يحجي عليج
جاوبتها لا خاله هسه اصعد ابدل عندي قميص وبنطرون سود حالي من حالكم متسوى اخلي احد يحجي عليكم لو على رجلي ويگولون مرته ما محترمه وفاة ابو ......بوستني  كلتلي والله مردت اكسر بخاطرج الحمد لله انت بت اصول
وراها صعدت بدلت ملابسي ونزلت ويا غزوه اساعدها
وراها بدوا الخطار يجون عماته وخالاته ونسوان الخوال والعمام وبناتهم اتعرفت عليهم اثنين من بنات خالته كلش اريحيات اظاهر علاقتهم قويه بشاهين لان گلولي شغلات اسأله عليها ويضحكون
وحده گلتلي اسألي شاهين اخبار ام ظفيره وتضحك
ورا العشا دخل شاهين وغزوان وفهد للبيت اكو بنيه بت عمهم كلش حلوه صغيره يطلع عمرها ٢٠-٢١ اول ما دخل شاهين صارت گباله  شايله كلاص مي دتودي للهول گرصها من خدها گلها ولج انت كل متكبرين تحلوين استحقيتي اجيبج يمنا
اني من سمعته هيج گللها ردت اموت متحملت صعدت للغرفه رحت غسلت وجهي لان حسيت نار دتطلع منه ورا دقايق دخل عليه گلي وين صعدتي
جاوبته مردت اشوف هالمهزله والقباحه كدامي
شاهين :شكو شصاير احد ضوجج
مياده :بعصبيه اسأل نفسك بس خلي بالك قبل متجيبها اني اطلگني گتلك ما ابقى على ذمتك اذا اتفكر تزوج عليه
شاهين :مياده انت مخبله بيج جني حبيبتي كل شويه گابه هاي العصر شفتيني اتشاقى وياج گتلج اسطركم ٤صدگتي عمي بعد ما اتشاقه
مياده :شاهين لتخبلني شفتك وسمعتك بأذني كرصت خد بت عمك وگتلها استحقيتي اجيبج يمنا
شاهين :ابتسمت ثاريها تقصد على رؤى بت عمي داهرتها ....گتلها اذا انت شالعه قلبي واكلج اعتذري وطلبت منج  شغله متقبلين ولسانج طويل شلون اجيبج للطريق اتزوج عليج
مياده :انت تجبرني اعصب خلص  اني ما اتراهم وياك اشبع بيها انزللها اشبع منها قبل متروح  شكو صاعد يمي
شاهين :تعالي .....
مياده :دير بالك تلزمني وخر اريد انزل عيب من خاله
شاهين :بقيتها ماخذه فكره عندي شي ويا رؤى حبيت غيرتها عليه واحبها من تصير عصبيه كلت خليها حتى بليل افهمها الموضوع 
خليتها تمر من يمي وتطلع من الغرفه بس اتذكرت هاي عصبيه لتروح اذبلها حجايه كدام البنيه طلعت. جريتها ودخلتها للغرفه حضنتها گامت تبچي گتلها لج والله كذب  هاي خطيبة فهد قبل سنتين ابويه خطبها اله والكل يدري
رفعت وجهها مسحت دموعها غير اني اموت على المخبله مالتي وين الگى وحده بجمالها وخبالاتها
  رفعت راسي بعده زعلان الحلو
مياده :تدري شكد احبك بس انت متعبني ومأذيني
شاهين :ابتسمت شمسويلج عايفج براحتج
مياده :اي صح .....براحتي عوفني خلي انزل لخاله
شاهين :يله انزلي بليل اراضيج
مياده :نزلت بقيت يم الخطار الى ان راحوا وشغل ماعدنا لان الكل نظفوا ويانه قبل ميروحون
اني وغزوه بالمطبخ دخل فهد
غزوه:اليوم فهودي بالبيت مو عوايدك  وتضحك يله استعجل دنصير ٣
فهد :ضحكت تعرفين الي جابني .....وشاهين گلي من تطلع السنه اتزوج ان شاء الله
مياده :عندك ذوق ما شاء الله كلش حلوه
فهد :احنه عشيره كل رياجيلها مجنصين بالنسوان لان نخرب على النسوان هههههههه
شاهين: بوست امي وطلعت من الهول صحت مياده يله نصعد
مياده :يله تصبحون على خير رحت بوست خالتي وصعدت لگيته متمدد ومطفي الضوه شغلته
گلي طفي راسي ديأذيني جاوبته بس اطلع ملابسي طلعت دشداشه لبستها هو فاتح تك عين ومخلي ايده على وجهه اظاهر  صدك راسه يأذي افتريت على الجهه الثانيه عفت الفراش مفروش تمددت عليه
شاهين :هاي وين نمتي اصعدي يمي
مياده :مرتاحه هنا ظهري يأذيني ارتاح من انام بالگاع
شاهين :بدون ما اناقشها نزلت من الفراش  طفيت الضوة رحت يمها گلتلي ما اصعد جاوبتها اني انزل اتمددت بصفها
حضنتها شبي ظهرج حبيبتي
مياده :ما ادري ديأذيني  صايره عندي خربطه هرمونات يمكن
شاهين :اوديج باجر للدكتوره
مياده :خلي انتظر هاليومين اذا بقى الالم اروح
شاهين : همست بأذنها كلشي ولا الحلو يتعب
مياده :انداريت عليه حضنته
اعتذرعن اي شي اضوجك بي بدون قصد
شاهين:اعتذارج ممقبول ناشف
مياده :بدلع  هيج مقبول اخذني بحضنه گلي حتى اقبله لازم تعوضيني عن الايام الي بعيده عني  عض شفته اخ قلبي مورم منج
   
شاهين :يوم على يوم بديت ارتاح وياها لان بدت تتعود عليه وعلى حياتها ويايه بدون متغلط وتذكر حياتها السابقه بدت تخليني احس بحبها ومشاعرها الي
حبيبتي مفتريه خلتني ادفع ثمن نزلت نمت على الدوشگ  ماخذه كل الفراش واني نايم بالگاع رجعت مثل الليله القبلها جبتلي فراش وفرشته
مياده :فزيت من النوم بردانه لگيته ساحب اللحاف رحت دخلت بحضنه نمت
سألني شعندج كاعده  جاوبته فزيت من النوم
شاهين :شكد الساعه
مياده: ب ٧ الا ربع  
شاهين:بعد وكت ارجعي نامي
مياده :قبل ما انام جاوبني  انت تحبني
شاهين:لو ما احبج ما اتحملج الليل كله.. مره منيمتني على الگاع ومره لافه اللحاف عليج
مياده:ابتسمت حتى اتحجج وانام بحضنك  اذا مضايقتك اصعد
شاهين :حبيبتي هالمره   اذا صعدتي هم  اصعد وراج  قربتها عليه  
حتى ندفئ سوا احضنيني