قصتي مياده

٦/٧/٨

#قصتي_مياده
الكاتبه_اماسي_الليل
الجزءالسادس
غزوان :زين انت لشوكت ناوي تبقيها بيني وبينك
شاهين:ابويه من يعرف بيها منفصله راح ياكل راسي ويجوز يزعل وهو اصلا قلبه ضعيف ميتحمل تصير بيني وبينه مشاكل .....اني ارتب وضعي ويا مرتي بدون ميدري ابويه.... منا لحد ما تصير فرصه واگله
غزوان :براحتك اي شي تحتاج انطيني خبر بس مو تنسى نفسك يا عريس وتخليني حاير بالسيارات
شاهين:لا احاول ما اتأخر عليك  يله حبيبي اخذ راحتك وسلملي
غزوان :الله يسلمك يوصل
مياده :سمعت اغلب الكلام بس مفتهمت. من شفته سد الخط  دخل للهول سألته تحتاج شي قبل لا انام

عقد ثاني
شاهين :لا سلامتج بس تعالي اگعدي بصفي عندي حجي وياج
مياده :اجيت كعدت بصفه سألته بخصوص شنو
شاهين :مياده اني بالاول وافقت اصير محلل لخاطرج لان عمار مدحلي وبأخلاقج وعجبتيني من عرفت ....أتصدين طليقج وحتى الباب متفتحي اله....  عجبتني اخلاقج قبل ما اشوفج  ومن شفتج ردتج زوجه  على سنة الله ورسوله وبداخلي نيه تبقين على ذمتي وما اطلك وحتى بداخلي گلت يحلم عدي تصيريله مره ثانيه
وطلبت منج تبقين على ذمتي  شهر حتى اخليج تحبيني وتتعلقين بيه ومن افاتحج بموضوع الاستمرار بالزواج متمانعين
لكن ما اريد ابدي وياج بلف ودوران لذلك قررت اصارحج بكلشي
مياده :شاهين اذا اگلك اني حاليا بدون دماغ قبل متجي جنت كاعده ويا نفسي استغربت اني شلون وافقت على الزواج وليش اقبل ارجع لعدي
وحياتي وياه كلها معاناة ....وقررت اجرب حظي وياك من قبل متصارحني
شاهين: مياده بقت عندي مشكله اني حاليا اهلي ميدرون  بزواجنا هالفتره.......والشغله الثانيه صح  عندي اقامه واكدر استقر هنا بس المشكله اني شغلي ببغداد ومرات ابقى فتره طويله يعني لازم انت ترجعين ويايه
مياده :شاهين عفيه خليني براحتي خلي اتعود عليك بالبدايه وبعدين انرتب كل هالامور سوا
شاهين:براحتج
مياده :راح اصعد انام تحتاج شي
شاهين :لا سلامتج تصبحين على خير
مياده :صعدت للغرفه بدلت وتمددت بفراشي اتذكرت من حضني بالمطبخ حبيت ضخامته احتواني بحضنه حسيت نفسي ناعمه وياه
شاهين :صعدت دا اروح لغرفتي اتذكرت شغلة المهر  رحت دگيت الباب عليها
مياده :لبست روبي وفتحت الباب جانت عيونه تعبر عن الي بداخله سألته ها شاهين محتاج شي
شاهين:انزعي الروب اني رجلج مو غريب
مياده :نزعته ورحت اعلگه اجى ورايه جرني لحضنه جات انفاسه مكبوته  سألني متضايقه مني
جاوبته لا
شاهين :  اليوم راح امنع نفسي عنج بس تعالي نامي بحضني
حس بيه متشنچه وخجلانه منه
شاورني حبيبتي وفري هالخجل سحبني خلاني بحضنه  هسه نامي
سألته شاهين شنو ردت من اجيت
شاهين :اي صح عندج حساب بالبنك احول مهرج  عليه حتى تصرفين بي براحتج
مياده :اي عندي /////شاهين :خلص باجر انطينياه الصبح اسويلج تحويل

#قصتي_مياده
_الكاتبه_اماسي_الليل
الجزء_السابع
ثاني يوم
مياده:كعدت الصبح بعدني نايمه ومحاسه على نفسي
عدي وخر شويه دا اروح للحمام من انداريت شفت نفسي نايمه بحضن شاهين صحيت بفزه ليكون سمعني أتأكدت  بعده  نايم  .......الحمد لله مسمعني لازم انتبه على الاسم وافصل حياتي السابقه عن حياتي الحاليه
نزلت من فراشي غسلت وشلت شعري لگيته بعده نايم نزلت للمطبخ احضر الريوك طلعت من المطبخ دا اصعد اكعد شاهين
وصلت للدرج شفته دينزل مبتسم ما ادري من وسامته وحركاته الرجوليه يخلي قلبي يدك  وصل يمي شالني گلي صباح الخير ياحلوه
جاوبته صباح النور حاولت اكسر الحواجز بيناتنا گتله اول مره اشوف واحد يكعد من النوم احلى من صاحي
شاهين :مو يگولون من عاشر السعيد يسعد والي تنام بحضنه حلوه يحلو 
ريگيني حتى اتصل بعمار يجيب الولد نفسه ونعقد مره ثانيه ليلة البارحه مثل الامتحان
مياده :ليش
شاهين :ليش يعني غمزتلها ...... ابتسمت خجلانه.....
مياده :نزلني الريوك حاضر
شاهين:يله حبيبتي ....نزلتها مشت كدامي تتمايل بخطوتين سريعه لحگتها حضنتها..... ......اندارت عليه
مياده: شاهين مو تتغير بعد فتره من زواجنا مثل مصار ويا عدي
شاهين: (مغثوث )مياده كافي تقارنين وتذكرين حياتج ويا عدي وما اتقبل اتجيبين اسمه على لسانج كدامي صار مفهوم
مياده:شاهين لتزعل والله مو قصدي بس نفسيتي تعبانه بعد ما اتحمل اعيش تجربه ثانيه فاشله ودا اخاف من اسلوبك كله حب وعاطفه وتودد سريع اخاف ليكون بدافع الرغبه بمجرد ما تاخذ حقوقك
وتتعود اني الك .....تتغير وتصير بارد وجاف بالتعامل ويايه
شاهين :حبيبتي اولا لتخافين من تصرفاتي لان احنه مصارلنا كم يوم من اتعرفنا وكل يوم احس نفسي دا اتعلق بيج وبديت احبج فأكيد احاول اعبر عن هالحب والشغله الثانيه اذا انت ريحتيني ومليتي عيني وقلبي ليش ما ابادلج المشاعر ....طبعا اكيد راح نصادف مشاكل ونختلف وممكن خلال المسؤوليه ورا ميصير عدنا اطفال  يقل الحب من ناحية الكلام لكن يبقى واضح من خلال التصرفات
لتشغلين بالج بهيج امور منو مأمن على عمره يجوز  اموت
مياده :لا اسم الله  ان شاء الله عمرك طويل
شاهين ترى الاكل برد
شاهين :ورا ما خلصت الريوك طلعت من المطبخ اتصلت بعمار واتفقت وياه يجيب المأذون والشاهد
ورا ساعة ونص
اجى عمار ونسيبه والمأذون عقدت مره ثانيه 
عمار سألني بالبدايه ليش دتعقد مره لخ  بالاول جاوبته بعدين تعرف
ورا ما عقدت سألني مكتلي ليش عقدت مره لخ جاوبته لان  جنت ناوي ابقي مياده على ذمتي بزواج مؤكد مابي نية طلاك ومن حجيت لغزوان خلى قلبي  يلعب من العقد الاول  ليكون باطل لان جان بصيغة محلل واني بداخلي جنت ماخذها زوجه الي
بدون نية طلاك لكن مياده متعرف جنت متفق وياها نبقى شهر سوا
عمار :شاهين راح تورطني ويا عدي وعيب هو صديقي
شاهين :انت ذبها براسي واطلع منها گله غدرت بيك واتخاربت ويايه ......حتى متجيك حجايه منه
عمار: دغدوني لعد صارت  مياده مرت اخويه  امون عليها
شاهين :عموري عزيمتك غير وكت يله حبيبي اخذ الجماعه  وانتظر مني  تلفون اعزمك هالايام
عمار :لك انت صدك ميغزر بيك لك عود انت تربية شيوخ شو متعرف بالاصول غير تجلب بيه على الغدا
شاهين :عموري ترى لحيت شايف الباب تندله لو ادليك عليه المره دتنتظرني فوك خلي عندك ذوق
عمار :ها لعد اذا هيج رايح بس انطيني فلوس اني اعزم نفسي بمطعم بدل منك
شاهين :دقيقه
صعدت اجيب محفظتي من الغرفه الي بصف غرفة مياده
اخذتها ومن دا انزل فتحت باب غرفتها ملگيتها نزلت انطيت لعمار فلوس راحوا
صحت مياده وينج. ماكو جواب
رجعت صعدت فتحت باب غرفتها لگيتها دتمشط شعرها
  نعيما
مياده: شكرا بدل ملابسك عازمتك نطلع للمول وبعدها نتغدا لان محتاجه كم شغله
شاهين :رحت وگفت قريب عليها مبتسم العصر نطلع    ......اخذت ايدها
مياده: تم زواجنا  ......بلحظه من اللحظات جنت بين ايد شاهين ناسيه الدنيا غلطت بأسمه  وطلع من حلگي اسم عدي  
زعل وگام من يمي بعصبيه ركع الباب وطلع  دخل لغرفته