سابها أمير وخرج وهى دخلت الاوضة وقفلت عليها
تاني يوم زياد كلمه لما رد قال:
ازيك يا عريس ايه الاخبار
أمير: ازيك يا زياد
زياد: ايه يابنى مال صوتك
أمير: مفيش ولا حاجة
زياد: ولا حاجة ازاي انا لازم اجيلك واعرف في ايه بالظبط
أمير: ماشي سلام
شويه لقى سما خارجه وبتقول
على فكره ماما كلمتنى دلوقتي وقالت انها هتيجى كمان شوية فيا ريت نتصرف طبيعي
أمير: ماتقلقيش انا عارف وكمان زياد هيجى هو كمان
سما: ومنى كمان قالتلى انها جاية
وشويه جت امها واختها وسلموا عليهم
اتظاهر قدامها أمير وسما انهم مبسوطين وحياتهم طبيعية
فقعدوا شوية بعدين مشيوا
وبعدها دخلت سما الاوضة وقفلت عليها الباب وتحت اتقابل زياد ومنى في الاصنصير وهما طالعين لهم فقال زياد:
ازيك
منى: الحمد لله ازيك انت؟
زياد: انا مش كويس
فبصتله منى من غير ما تتكلم ووصل الاصنصير الدور اللي هما عايزينه فقال: اتفضلى
منى: شكراا
ودخلو فاخدت سما منى على اوضتها وزياد مع أمير في الصالة
وحكاله عاللي حصل فقال:
ايه يابنى اللي بتعمله في نفسك ده وفيها
أمير: يا زياد انا بحبها فاهم يعنى ايه بحبها
زياد: انت كده هتقضى عليها وعليك
أمير: طيب قولي اعمل ايه
زياد: انت ملقتش غيري يقلك انا مش عارف اعمل ايه لنفسي يبقى اقولك ازاي
أمير: ايه دا صحيح لسه انت ومنى زعلانين
زياد: مش بس زعلانين احنا سبنا بعض خااالص
أمير: انا لما لاقيتك داخل انت وهى افتكرتكم اتصالحتوا
زياد: انا قابلتها في الاصنصير تحت
زياد: يا بنى روح صالحها انت عارف كويس اووى انها بتحبك واكيد هتصالحك
زياد: مفتكرش
أمير: ليه يا بنى
زياد: منى قلعت الدبلة يا أمير
أمير: انت بتقول ايه معقول
يعنى ايه مفيش امل طيب انت هتعمل ايه
زياد: انا.......انا خلاص ضعت يا صاحبى من ساعة ما اتخنقنا اخر مرة وانا مش عارف انام ولا اشتغل ولا حتى عارف اصحى صورتها قدامى في كل لحظة
أمير: انا السبب
زياد: لا يا عم مش انت السبب السبب انا اللي معرفتش لحد دلوقتي اقنعها انى اتغيرت بجد
المهم فكك بقى خلينا فيك انت
وفضلوا يتكلموا أما منى وسما فلما دخلوا لاحظت سما انها مش لابسة الدبلة وهى بتسلم عليها فقالت
انتي قالعة الدبلة ليه
منى: ما خلاص هلبسها ليه
سما: انتي مجنونة يعنى ايه هلبسها ليه
منى: ما انتي عارفة ان انا وزياد فركش
سما: انتوا لسه متخانقين لسه لحد دلوقتي متصالحتوش
منى: لا متصالحناش ومش هنتصالح بقولك خلاص
سما: ازاي يعنى خلاص ماهى زي اي خناقة وهترجعوا تاني
منى: لا مش زي اى خناقة احنا سيبنا بعض خالص وكل واحد هيعيش حياته بعيد عن التاني
سما: انتي هتضحكى عليا انتي عايزة تقنعينى انك عارفة تعيشى من غيره
منى: الصراحة لا انا مش عارفة اتنفس حتى وهو بعيد عني بس اعمل ايه كده احسن علشانه هو عمل كتير علشاني وانا برده مش واثقة فيه فكفاية بقى يتعذب علشاني وهو بيحاول يثبتلى انه اتغير
سما: ازاي احسن يعنى احسن وانتي بتتعذبي وهو كمان بيتعذب
منى: يعنى عايزاني اعمل ايه بعد ما شكيت فيه اخر مرة وهو قالي لما تبقي تثقي فيا ابقى رجعيلى الدبلة
سما: هو أمير السبب هو السبب في كل المصايب اللي احنا فيها دي دا حتى صاحبه مخلصش منه
منى: صدقينى لو قلتلك ان أمير مش السبب دا كمان انا بشكره انه عرفنى قد ايه انا مش واثقة في زياد من دلوقتي احسن ما كنا اتجوزنا ومع اقل حاجة هتقابلنا كنا سيبنا بعض
سما: تشكريه تشكريه على ايه على انانيته ولا على غروره ولا على ايه وايه وايه
منى: انتي لسه برده كرهاه حتى بعد ما اتجوزتوا
فحكتلها سما على اللي حصل فاستغربت جداا وقالت متزعليش مني لو قلتلك انه عنده حق
سما: ايه؟!!!!!!!عنده حق انتي اللي بتقولي كده
منى: اه انا اللي بقول كده انتي عايزاني اقولك الحقيقة ولا اكدب عليكي
سما: لا طبعاا عايزة الحقيقه بس..........
منى: مفيش بس اي راجل مبيحبش يسمع من واحدة وخاصة مراته تقوله انا بكرهك ومش بس كده دا انتي كمان قلتيله انك بتحبي واحد تاني
صحيح امتى حبيتى يحيي كده انا اللي اعرفه انك وافقتى بس علشان تخلصي من أمير
سما: ما انا قلت كده علشان اضايقه زي ما ضايقني
منى: شفتى اهو هو ده اللي انا قلت عليه مينفعش تقولي كده
سما: يعنى انا اللي غلطانة وهو الملاك
منى: لا انا مقلتش كده انتي غلطانة وهو كمان مكنش ينفع يعمل اللي عمله ده
وفضلوا يتكلموا كتير مع بعض وزياد كان بيتكلم مع أمير وكان قايم يمشى وهو قايم قال
على فكرة انا مسافر بعد بكره يا أمير
أمير: ايه مسافر فين وليه؟
زياد: انا مسافر كندا هشتغل هناك
أمير: انت اتجننت؟
زياد: اتجننت ليه انت عارف ان اخويا بيشتغل هناك وبعتلى كذى مرة علشان اروح اشتغل معاه هناك
أمير: وشركتك هتوديها فين؟
زياد: هبعها واشتري هناك
أمير: طيب وحلمك اللي كنت عايز تحققه هنا هو كمان هتبيعه وهتشترى بداله هناك؟
أمير: انا ممكن احقق كل اللي انا عايزه هناك
أمير: بس ده مش كلامك مش انت اللي قلت انك عايز تعمل حاجة للبلد دي ايه اللي حصل ومش ده اخوك اللي بعتلك قبل كده ورفضت انك تسافر ايه اللي حصل؟
زياد: اللي حصل ان مفيش حاجة ابقى هنا علشانها منى وخلاص ضاعت مني هستنى ليه وانت ابقى اجي علشان اشوفك وانت كمان تبقى تسافرلي ما انت بتسافر هناك كتير
أمير: انت فكرك كده انك بتهرب من منى؟
زياد : انا عارف انى مش هنساها بالساهل وان ده هيكون صعب عليا اووووى بس انا مش عايز ابقى هنا ولا ثانية واحدة لان طول ما انا هنا انا هقابلها وهتزود عذابى وهتصعب عليا الموضوع اوووى انت متتخيلش انا لما بشوفها ايه اللي بيحصلى
أمير: يعنى وانت هناك مش هتتعب
زياد: محاولة وخلاص المهم انا عايز اشوفك في المطار سلام
وخرجت منى وهما بيتكلموا وكانت ماشية فقال أمير:
زياد كان ماشي هو كمان كويس انزلوا مع بعض بقى ولا ايه يا زيزوا
زياد: اه طبعاا اتفضلي
وبص لأمير وقال بصوت واطي
ماشي يا واطي
أمير: انا في الخدمة يا برنس
ونزلوا مع بعض ولما خرجوا من الاصنصار وكانت منى ماشية قال زياد:
منى......
منى: ايوه في حاجة
زياد: لا بس كنت عايز اودعك قبل ما اسافر
منى: تروح وترجع بالسلامة
زياد: بس انا مش هرجع تاني
منى: مش هترجع؟
زياد: اصلي هروح اشتغل في كندا مع اخويا
متكلمتش منى ولا كلمة ووقفت مصدومة والدموع في عنيها فقال زياد:
سلام يا...............منى
ومشى زياد وفضلت واقفة منى شوية من الصدمة وبعد كده ركبت العربية ولفت بيها كتير وهى بتعيط جامد اوووى واتصلت بسما فاول ما ردت سما ع التليفون قالت منى
زياد هيسافر يا سما زياد هيسيبنى ويسافر
سما: اهدي بس وقوليلى ايه اللي حصل
منى: انا معرفش حاجة كل اللي اعرفه انه مسافر مسافر ومش هيرجع تاني
وحاولت سما تفهم الموضوع منها ولما خلصت خرجت بسرعة لأمير لكن ملقتهوش وكانت متعصبة جداا وفضلت مستنية لحد لما جيه واول ما دخل من باب الشقة قالت:
انت صاحب انت صاحبك ساب خطبته بسببك وانت ليك نفس تتجوز وتخرج لا ومش كده وبس ده كمان مسافر ومش هيرجع تاني يعنى الحمد لله قضيت عليه وخلاص والله يا بخته بيك فعلا صاحب الواحد يعتمد عليه
الظاهر انك لازم تدمر كل اللي حواليك وانت بس اللي تفوز
ايه دا
بجد حاجة تقرف......انت مبتردش عليا ليه ولا مش عارف تقول ايه؟
أمير: خلصتى.......خلاص قولتى كل اللي عايزة تقوليه
سما: اه اه خلصت عندك انت كلام تقولهولى كلام يبرر اللي انت عملته ده
أمير: خلاص؟
سما: اتفضل اتكلم
أمير: روحى البسى دلوقتي وبسرعة
سما: ليه؟
أمير: من غير كلام كتير روحى البسى بسرعه مفيش وقت
سما: مفيش وقت لايه انا مش هروح البس غير لما اعرف هنروح لفين
أمير: براحتك لو مش عايزة تيجى معايا انتي حرة بس هتندمى المرة دي بجد
سما: ماشي انا هروح البس اما اشوف اخرتها ايه
ودخلت سما ولبست بنطلون جينز وجاكيت وقالت ادينى لبست هنروح فين بقى
فبصلها أمير من فوق لتحت وقال انتي هتخرجى معايا كده
سما: اه فيها ايه مش عاجبك؟
أمير: مش عاجبنى؟! هو انا خارج مع واحد صاحبي روحي البسي حاجهة حلوة حاجة احس بيها انى ماشي مع مراتي
سما: اف ماشي لما نشوف
ودخلت لبست فستان احمر وسيبت شعرها وخرجت وقالت كده بقى مش هتبقى خارج مع واحد صاحبك
فبصلها أمير ايه اللي انتي لابساه دا
انتي عايزة تخرجى معايا كده
سما: ماله دا كمان
واحد صاحبك
أمير: روحى اقلعى المسخرة اللي انتي لابساها دي
والبسى حاجة بناتى محترمة
سما: استغفر الله العظيم
مااااااااشى
دخلت لبست جيبة قصيرة وبوط اسود وبدي ازرق
سما: ها تمام كده ولا لسه هنقعد نعمل عرض ازياء علشان نشوف اللي يعجب سعادتك
أمير: لا كده تمام
ونزلوا وركبوا العربية وفي العربيه فهمها على كل حاجه وطلب منها انها تروح لمنى وتقولها ان زياد تعب وراح المستشفي وعايز يشوفها ضروري وهو هيروح لزياد يقول نفس الكلام وفعلا راحت سما لمنى واول ما شفتها قالت
تعالي معايا بسرعة
منى: ليه ايه اللي حصل
سما: زياد في المستشفي وعايزك ضرورى
منى: ايه؟زياد؟ مش ممكن
سما: يلا بسرعة تعالى
وراحت بسرعة معاها ومشيوا اما أمير فراح لزياد ولما فتح قال
انت لسه قاعد هنا
زياد: لسه قاعد ليه في ايه اخرج علشانه؟
أمير: في ايه؟! منى في المستشفي وانت هنا
زياد: ايه منى؟! ايه اللي حصل؟
هى تعبانه اوووى وعايزاك و..............
زياد: انت لسه هتتكلم يلا نروح بسرعة
أمير: انت هتروح كده بالبيجامة
زياد: ايوه هروح كده انا لسه هلبس يلا مفيش وقت انا لازم اشوفها دلوقتي
وخرج زياد معاه ووقف عند مكان غريب ميدولش انه مستشفي فقال:
ايه المكان ده فين المستشفي
أمير: اصل الدكتور اللي هيعالجها موجود هنا واحنا لازم ناخده معانا الأول
ودخل في اوضه هناك مستنى وزياد على نار وثوانى قليلة وصلت سما ومنى ولما سألت هى كمان قالت نفس اللي قاله أمير ورنت على أمير فاخد زياد ودخل القاعة من الباب الللى وره ومنى وسما دخلوا من الباب التاني واول ما دخلو لقوا اهل منى واصحاب زياد بيصقفوا والماذون موجود فعرفوا انه فخ من أمير وسما لكن كانوا مبصوتين اووى وراح زياد لمنى وقال:
انتي كويسة
منى: المهم انت كويس
زياد: انا كويس طول ما انتي قدام عينى
فزعق أمير بصوت عالى وقال:
يلا يا عريس علشان تدخل القفص
فكتبوا الكتاب وراح زياد يحضن أمير ويشكره ويقول:
انت فعلا اعز صديق عندي
أمير: دلوقتي اعز صديق ما انت كنت عايز تسيبني صح
زياد: خلاص يابرنس ما يبقاش قلبك اسود
أمير: ماشي مبروك يا عريس والفرح تتفق عليه انت والعروسة وانا برده اللي هجهز ليه انت فاهم
وراحت منى تسلم على سما وتشكرها فقالت:
الصراحة اللي عمل ده كله أمير مش انا
منى: أمير....شوفتى بقى انك كنتى ظالماه على العموم انا بشكرك برده انك وقفتي جانبي وكنتى السبب في انى ارجع لزياد من تاني
وبعدها قال أمير بالمناسبة الحلوه دي انا عازمكم على العشا ايه رايكم
زياد: وانا موافق
أمير: طبعاا توافق ما انت جاى بالبيجامة وممعكش ولا مليم
بزمتك في حد بيكتب كتابه بالبيجامة
زياد: ههههههههههه مش انت السبب
وراحوا اتعشوا في المطعم وكانو قاعدين كلهم على تربيزة واحده وبعد ما كلوا بص زياد لأمير وبيغمذله فقال أمير:
انت عايز حاجة منى
زياد: لا يا برنس ولا يهمك مش عايز حاجة
وبصله تاني وبيغمذ فقال أمير:
ايه يابنى انت عينك واجعاك ولا ايه
زياد: عيني
أمير: مالك في ايه
زياد: انت يا بنى مبتفهمش ما تخليك حسيس كده
أمير: اه انت قصدك انى اقوم واوسعلك السكه صح
زياد: لا والله برافوا عليك عرفتها لوحدك دي
فقام أمير وقال لسما ايه رايك يا قمري نروح نقعد في التربيزة اللي هناك دي
وهمس لزياد وقال
الله يسهللك
وراحوا قعدوا ع التربيزة التانية فقالت سما:
على فكره انا.........
أمير: انتي ايه
سما: انا كنت عايزة اعتذرلك ع اللي قلته
أمير: انا مبزعلش منك مهما حصل
سما: انا عملت اللي عليا وخلاص
أمير: بس ناقص حاجة واحدة بس
سما: حاجة ايه؟
أمير: تعرفي انا من اول مرة شفتك فيها متمنتش غير انك تكونى ليا وتحبينى زي ما انا بحبك
سما: انت عارف كويس اوي انى مبحبكش وكنت مخطوبة قبل كده وكمان مفيش داعي تضحك عليا وتفهمنى انك بتحبني علشان انت عارف كويس اوى انى مش هصدق
أمير: كده ماشي.......انا مروح هتيجى معايا ولا تبقى تيجى مع زياد
سما: لا انا جاية
فقامت سما وأمير وسلموا على زياد ومنى فقال زياد:
ماشين بدرى كده ليه احنا لسه جايين
أمير: لا احنا كده كويس اسهر انت ومنى بقى سلام
زياد: ماشي ياعم سلام
ومشيت سما وأمير ومتكلمش خااالص وطلعوا الشقة ودخلت تنام وهو قاعد حزين بيفكر ايه اللي ممكن يعمله علشان تحس بيه وهى نامت وهى بتفكر في اللي عمله أمير انهاردة مع منى وزياد وانه مش وحش اووي فعلا زي ما كانت متصورة وانه فعلا انسان حساس لكن رجعت تاني تقول بس برده هو انسان انانى كفاية انه اتجوزني غصب عني
وتاني يوم صحي أمير وحضر الفطار لسما وخبط عليها ودخل الاكل وقال
انا عملت لك الاكل
فاخدت سما الاكل منه وبصت في الاكل وبصتله فاستغرب أمير وقال
مالك مش عاجبك ولا ايه
سما: انت اللي عامل البيض ده؟
أمير: اه مش حلو؟
سما: لا بس مش ...معجن شوية؟
أمير: ورينى كده..........شوية
اه شوية
سما: بس شوية كتير صح
أمير: اه فعلا اقولك هاتي الاكل ده ارميه واطلب اكل من بره احسن
سما: اه احسن خد خد
فاخد منها الاكل ولما مسكه بص عليه وقالها اوووى اوووى
فابتسمت سما وخرج أمير وطلب الاكل ولما جيه دخله اوضتها وخرج وشوية ومنى اتصلت بيها
منى: الو
سما: ازيك يا منى عامله اية
منى: انا كويسة بس انتوا ليه قمتوا امبارح بدري كده
سما: مفيش اصله زعل تقريبا لما قلتله مش ينتظر منى اصدق انى بيحبني
منى: مفيش فايدة فيكى برده
سما: يعنى اعمل ايه هو ده اللي انا حاسة بيه وهو ده اللي لازم يعرفه
منى: والله أمير ما يستاهل كده منك صحيح انا مكنش عاجبنى فيه حاجات كتير لكن بعد اللي عمله معايا اتاكدت انى كنت غلطانة وانه فعلا زياد عنده حق
سما: ليه قالك ايه عليه
منى: زياد كان على طول يقول انى غلطانة في رأيي على أمير وانه انسان كويس جداا وطيب وحساس وجدع وده اكتر انسان ممكن تطمني وانتي معاه وحاجات كتير اووى انا مكنتش مصدقاها بس دلوقتي احب اقولك ياسما ان أمير فعلا الراجل الوحيد اللي يستهلك ومش لازم تضيعيه من ايدك وفكري تاني فيه من الاول وافتكري ليه كل حاجة عملها بشكل تاني واللي يعمل مع واحدة اللي عمله ده يبقى فعلا بيحبك مش كلام وبس
سما: انتي مش هتفهامينى يا منى
منى: بالعكس انا فاهماكى اكتر من نفسك راجعي نفسك تاني يا سما قبل ما تندمي
وقفلت السكة فقعدت سما تفكر في اللي قالته منى كتير اوووى وهى محتارة ومش عارفة تفكر واتصلت سلمى بيها علشان تطمن عليها وتقولها انها مسافرة بكرة فزعلت اووى سما انها هتسيبها وتسافر لكن مبينتلهاش علشان متقلقش عليها وقالتلها انها هتيجي تودعها في المطار بكرة وقفلت سما وهى حاسة انها وحيدة وحست بالزهق فخرجت لأمير تقوله
انا عايزة انزل الشغل
أمير: اوكيه اللي انتي تحبيه
سما: ماشي هنزل من امتى؟
أمير: لما انزل الشغل انا كمان ابقى انزلى معايا
سما: ماشي
ودخلت تاني سما الاوضة واتصل يحيي بيها فردت عليه وقالت:
الو
يحيي: وحشتينى يا سما اوووى
سما: لوسمحت يا يحيي مش هينفع الكلام ده
يحيي: مش هينفع انى بحبك ومش قادر على بعدك عني
سما: لوسمحت يا يحيي قولتلك ومتنساش انى دلوقتي متجوزة
يحيي: يعنى ايه خلاص نسيتيني وبتحبى اللي فرق بيني وبينك
سما: لا مش هى ديه الحكاية بس مهما كان انا متجوزة ومينفعش اتكلم مع واحد غريب
يحيي: دلوقتي بقيت انا الغريب وهو القريب
فعدى أمير من جانب اوضتها وسمعها وهى بترد عليه وبتقول
سما: خلاص يا يحيي خلاص بقى
يحيي: انتي خلاص نسيتينى انتي بتحبيه يا سما بتحبى أمير أمير أمير يا سما
سما: لا مش بحبه وانت عارف سلام بقى مش هينفع نتكلم سلام
وقفلت السكة فدخل أمير متنرفز ع الآخر ومتعصب وقال:
كنتي بتكلمي مين
سما: كنت بتكلم في التليفون
أمير: يعنى كنتى بتكلمي مين في التليفون
سما: انت بتكلمني كده ليه مش قايلة
فمسك دراعها وقال:
لما أكلمك تردي عليا فاهمة وشدها ناحيته وجت عينيها في عينه وفضلوا باصين لثواني وراحت سما شدت ايديها وقالت ملكش دعوة اوعى
أمير: كنتى بتكلمى يحيي صح........ردي كنتى بتكلميه صح صح؟
سما: اه كنت بكلمه عايز حاجة تانية
أمير: ماشي الظاهر انى كنت غلطان لما عاملتك كويس اسمعي
من هنا ورايح الموبايل ده هيبقى معايا ومش هتنزلي الشغل فاهمة ومش هتنزلي من باب البيت غير معايا ماشي
سما: انت بتقول ايه؟
أمير: هو ده اللي عندي وزي ما انتي بتعامليني انا كمان هعاملك ومتنتظريش مني اي تسامح
وخرج ورزع الباب وراه وقعدت سما تعيط جامد اووى وسمعها أمير فزعل من نفسه اووى ع اللي عمله وكان هيدخل يصالحها لكن مسك نفسه بالعافية وقال شوية وهتهدي وخرج وقفل الباب وراه بالمفتاح واخده معاه واتمشى شوية بالعربية وقعد يسهر كعادته فقابل صاحبه معتزفسلم عليه وقال
ايه يابنى فينك
معتز: اصلى عقبال عندك اتجوزت
أمير: وعقبال عندي ليه انا فعلا اتجوزت
معتز: انت انت يا أمير ومين سيئة الحظ اللي اتجوزتها
أمير: مهندسه جديدة في الشركة
معتز: ايوه يا عم ودي وقعتك ازاي بقى يا برنس
أمير: بلاش ونبى نتكلم في الموضوع ده
معتز: ليه مالك مش مبسوط معاها ولا ايه؟!
أمير: مبسوط.........فكك فكك المهم انت ايه اخبارك؟!
معتز: انا يا عم اخر انبساط
أمير: واتعرفت عليها منين دي؟
معتز: متعرفتش انا صحيت الصبح لقيت نفسى متجوز
أمير: انت هتهزر
معتز: والله يابنى هو ده اللي حصل
أمير: ازاي يعنى؟!
معتز: ولا حاجة الحكاية كلها
ان ابويا كان عايز يجوزنى بنت شريكه فاكر انت صح
أمير: اه اه فاكر وفاكر كمان انك مكنتش موافق
معتز: ما انا فضلت مش موافق لحد ما ابويا عمل زي الافلام القديمة وقالي ولو متجوزتهاش هحرمك من الميراث ياكلب
أمير: ههههههه ابوك قلك يا كلب.
معتز: هههههههههههه
لا مش كده بس انا دخلت ف المود بتاع الفلم
المهم فانا معرفتش اعمل ايه فرحت قولت لابويا انى موافق بس مش هنروح نخطبها دلوقتي كمان شهرين يعنى علشان افلسع منه ومرة كنت قاعد انا والواد على وقلتله انا عايز واحدة تمثل انى متجوزها في السر وانها هتوديني في داهية لو متجوزتهاش رسمي
أمير: يابن الجنيه
معتز: هههه واستنيت يا عم انه يجيبهالي ومرة كنت قاعد في المطعم مستنيه فلقيت واحده زي القمر داخلة وبتعيط جامد اووى فصاحبك راح قام وقعد في تربيزتها وقولتلها
ابقى سقيل لو سألتك مالك
أمير: وقلتلك
معتز: راحت مديانى بالكوباية في وشي وقامت
أمير: ههههههه تستاهل
معتز: بعدين رحت قومت وراها بالعربية ولقيتها قابلت واحد ورمت الدبلة في وشه ومشيت وراحت ركنت في الشارع وكانت بتعيط ففهمت ياعم انها فركشت هي وخطيبها فقلت كويس رحتلها وطلبت منها عجلة علشان العجله بتاعتى نايمة فاديتهالى فوقفت قولتلها انى كنت وراها وانى عارف انها فركشت وقولتلها على كل حاجة فقالتى يا حيوان بلا فخر فقلتلها انا ليا عندك حل علشان تغيظيه زي ما هو مزعلك وقلتلها يا معلم تعمل خطيبتى وقدام بابا تعمل مراتي فسبيتني ومشيت ومسكتش وفضلت وراها لغاية ما وافقت واخدتها ورحت لابويا وقالتله فطردنى بره وباليل لقيته بيتصل بيا وبيقول تعالى ضروري ولما رحت لقيته ياعم عاميللي كمين وجايب المأذون وجايبها وبيقولي لازم اصلح غلطتي وعرفت انه جابها بنفس الطريقة وحاولت امنعه لكن صمم وهب لقيت نفسي متجوز
أمير: وانت كنت لحقت حبتها بالسرعة دي
معتز: لا طبعا انا كنت حاسس تجاها احساس حلو لكن مكنش لدرجة الجواز يعنى وهى كمان فاتفقنا اننا نعمل مبسوطين قدام الناس وكمان شهر ولا اتنين نطلق وكان كل يوم بيعدي علينا كنا بنقرب فيه اكتر واكتر واهلها كمان كانوا سبب في ده لانهم كانوا موافقين وكانوا مبسوطين وبابا كمان كان مبسوط علشان ابوها راجل تقيل في البلد لحد يا عم ما وقعت وهي كانت معذبانى مكنتش بسمع منها ولا اي كلمة تريحنى فاشتغلتلها مرة عناد ومرة رومانسى لحد ما حبيتني واكتشفت كمان انها كانت بتحبني زي ما انا بحبها وادينا اهوه عايشين اسعد زوجين في الدنيا
أمير: يا بختك ياعم انا بقى اللي بحبها من الاول مش بس مبتحبنيش لا دي بتكرهني وبتحب واحد تاني
معتز: وانت ايه اللي جابرك يا بنى دا احنا كنا بنحلف بيك
أمير: بقولك بحبها بحبها وفي الحب متبهدل
معتز: ياعينى وقعت يا وحش الله يرحم أمير بتاع زمان
أمير: الله يرحم أمير بتاع كل وقت انا مبقتش عارف اعمل ايه؟
معتز: انت يا أمير اللي بتقول كده بقى مش عارف توقعها في حبك وتنسيها الحب القديم
أمير: هى مش زي اي بنت انا قبلتها، دي دماغها ناشفة اوووى
معتز: بقولك ايه كل البنات بتيجى بالرومانسية ارشق انت في الرومانسية تلاقيها حبتك على طول يا معلم
أمير: تفتكر يا عز
معتز: الا افتكر جرب انت بس واصرف الدواء والنتيجة مضمونة ان شاء الله وانا اللي هشيل ابنك اول واحد
أمير: قشطه يا معلم
وراح أمير البيت ودخل نام على طول وهو بيفكر في كلام معتز وبيفكر هيعمل ايه
أنت تقرأ
انتى ليا مش لحد تانى للكاتبة : سمر الخياط.semsema elhor
Romanceحتى لو طول عمرنا عايشين من غير ما نفكر فى الحب ولا فى شريك حياتنا وحتى لو حابين حياتنا كده لما بنقابل نصنا التانى كلامنا كله بيتغير بنحارب الدنيا كلها عشان يكون لينا ومن نصيبنا بنحارب حتى الشريك نفسه بنحاربه عشان يحبنا ويفضل جمبنا
