انتى ليا مش لحد تانى للكاتبة : سمر الخياط.semsema elhor

الفصل الخامس عشر (مقدرش اعيش من غيرك)

سلمى: سما سما مالك يا سما مالك ايه اللي حصل سما
وحاولت تفوقها وتعرف منها ايه اللي حصل فلما فاقت قالت: أمير فى المستشفى 
فقاموا بسرعة وراحوا لعنده وهناك كان موجود زياد ومنى فسالته: ايه اللي حصل 
لكن هو مكنش عارف هو سمع زيها وجيه على طول والممرضات داخلين خارجين ومحدش فيهم طمنهم عليه وخرج الدكتور فسالوه ايه الاخبار 
فقال: للأسف يا جماعة عنده كسر فى قاع الجمجمة ده غير الكسور اللي فى جسمه نتيجة الواقعة وانه نزف كتير اوي ولازم يتنقله دم حالا 
فقالت سما: انا انا خدوا مني كل اللي انتوا عايزينه
الدكتور: تمام بس لازم الاول نعرف فصيلة الدم
فراحوا بسرعة ع المعمل فزعلت سما جدا لما عرفت ان فصيلة دمها مختلفة لكن زياد طلع نفس الفصيلة فاطمنت شوية لكن الدكتور قال: للأسف يا جماعة فى مشكلة
سما: مشكلة مشكلة ايه هو مش زياد طلع نفس الفصيلة
الدكتور: ده صحيح لكن للأسف واحنا بنحلل العينة اللي اخدناها من المريض للأسف طلع عنده سرطان
سما: ايه انت بتقول ايه يادكتور أمير عنده سرطان
الدكتور: للأسف وده فى خطورة على حياته لكن على العموم احنا هنعمل اللي علينا وانتوا ادعوله يقوم بالسلامة وبعدين نبقى نشوف السرطان ده
سما: مش ممكن مش ممكن أمير أنا مش مصدقة
منى: اهدي بس يا سما اهدي
وراحوا قدام باب الاوضة اللي بيعمل فيها العملية وبعد ساعتين خرج الدكتور وقال: احنا قدرنا نوقف النزيف وجبسنا الكسور ولازم نستنى للصبح علشان نطمن اكتر
وفضلوا فى المستشفى لحد الصبح وفجأة لقوا ثلاث ممرضات والدكتور داخلين بسرعة اوضته فقلقوا اوي ولما خرج سألوه ع اللي جرى فقال:
للأسف المريض دخل فى غيبوبة
سما: ايه غيبوبة
سلمى: ارجوكي اهدي يا سما اهدي
سما: انا السبب انا السبب
سلمى: حرام عليكى نفسك انتي السبب في ايه بس
سما: ايوه انا السبب لو مكنتش زعلته مكنش خرج مضايق وكان ركز اكتر وكان هيبقى فايق
سلمى: حرام عليكي متقوليش كده ده امر ربنا انتي بس ادعيله وهو إن شاء الله هيقوم بالسلامة انا متأكدة انه بيحبك ومش معقول هيسيبك لوحدك
سا: يا رب يا سلمى أمير لو جراله حاجة انا هموت نفسي 
وطلبت من الدكتور انها تدخله لكن هو رفض فصممت لكن هو قال انه مش هيسمعها ومش هيحس بيها دلوقتي فقالت:
ارجوك يا دكتور خلينى اشوفه ولو دقيقة واحدة ارجوك
منى: ارجوك يا دكتور انت شايف حالتها عاملة ازاي
الدكتور: خلاص اتفضلي بس هى دقيقة واحدة
فاتعقمت ودخلت وقعدت تتكلم معاه وبتقول:
انا آسفة يا أمير انا آسفة قوم ارجوك وكلمني انا مش قادرة اشوفك كده قوم قوم وانا مش هزعلك تاني خالص انا بحبك يا أمير بحبك يلا قوم انت مش كان نفسك تسمعها مني قوم بقى انا قلتهالك.....تعرف انا كنت متصلة بيك علشان اقولك اني بحبك اه والله العظيم بحبك
فدخلت عليها الممرضة وطلبت منها الخروج وخرجتها بالعافية وفضلوا اسبوع على كده ولسه ما فقش فخرج الدكتور ليهم وكانت سما مش موجودة لان امها اخدتها ونزلوا تحت علشان تهدى وقالهم:
للأسف يا جماعة الحالة زى ما هى مفيش اي تحسن وهو عايش بس ع الاجهزة وانا شايف انه بيتعذب كده فانا بنصح اننا نشيل الاجهزة علشان ميتعذبش اكتر من كده
زياد: انت بتقول ايه يا دكتور
مفيش حل تانى
اعمل اي حاجة ارجوك
الدكتور: احنا عملنا كل اللي علينا ومفيش غير كده لو كنتوا فعلا بتحبوه ريحوه احسن
زياد: مش ممكن دي سما لو عرفت ممكن تروح فيها
الدكتور: انا قلت اللي عندي وانتوا احرار ع العموم احنا هنستنى بكرة كمان لكن لو محصلش اي تحسن احنا هنضطر نشيل الاجهزة 
وتاني يوم جلهم الدكتور وقال: مفيش اي تحسن فى الحالة ولو واحد فى المية 
فوافقوا انهم يشيلوا الاجهزة ولما دخلت سما عليه استغربت ان مفيش اي جهاز متوصل بيه فسألت الممرضة فقالت:
انتي متعرفيش انهم شالوا الأجهزة عنه
سما: شالوا الأجهزة ليه؟
هو بقى كويس
الممرضه: كويس لاء بس الدكتور قال ان مفيش تحسن فى الحالة وقال انه يشيل الاجهزة علشان يرتاح
سا: يعنى ايه يرتاح 
هه
يعنى ايه يرتاح
انطقى
الممرضة: انا ماليش دعوة الدكتور اللي امر بكده
فمسكت فى هدومها وقالت: يعنى ايه انتي مالك انتوا عملتوا ايه؟
الممرضة: يا دكتور يادكتور الحقني يا دكتور
فدخل الدكتور وقال: فى ايه فقالت: سما
يعنى ايه شلتوا الاجهزة عنه يعنى ايه فهمنى
الدكتور: للأسف يا مدام احنا عملنا اللي علينا لكن ده قدر ربنا واحنا كان لازم نشيل الاجهزة علشان ميتعذبش اكتر من كده
سما: لاء انت كداب
أمير كويس صحي أمير كويس انتوا كلكم كدابين أمير وعدني انه هيفضل جانبي وقالي انه مش هيسيبني اضيع من ايده لاء انت كداب اهوه شوف هو نايم شوية بس علشان زعلان مني لكن انا هصالحه وهيقوم نمشي من هنا ونروح صح يا أمير مش انت بتحبني ومش هتسيبني لوحدي
الدكتور: اهدى يا مدام
سما: اوعى كده متقوليش اهدي
الدكتور: خديها بسرعة ع الاوضه واديها حقنة مهدئة يلا بسرعة
سما: ابعدي عني ابعدوا كلكم عني انا مش هسيب أمير اوعي ابعدي ابعدي عني
واخدتها ع الاوضة وجت منى وسلمى وامها وزياد ومحمد لعندها فقالت:
ارجوكى يا ماما قللهم ان أمير كويس وخليم يحطوه على الاجهزة تاني علشان خاطري وانت انت يا زياد قولهم ان صاحبك هيقوم بس هو عايز ينام شوية علشان هو كان عنده حمى وتعبان ارجوكم ارجوكم خلوهم يحطوا الاجهزة ارجوكم ارجوكم
ونامت سما بالمهدئ وخرجوا هما بره فقال زيادك سما عندها حق احنا مش لازم نسيبه يموت قدام عينينا انا هروح اقوله يحط الاجهزة تاني
وراح وقال للدكتور فقال: انا هعمل اللي يريحكم بس انا مش هقدر اقول غير انه بين ايادى الله وربنا معاه بقى
وبعد 3 ساعات صحيت سما مفزوعة وكانت امها جانبها بتقول أمير أمير أمير كويس
الام: اهدي يابنتى علشان خاطري أمير ان شاء الله هيبقى كويس
سما: قلتلهم يا ماما يحطوه على الاجهزة تانى هه قلتلهم ولا لاء
الام: قلتلهم يا حبيبتى اهدي بس
سما: طيب انا عايزة اروحله
الام: هتروحى فين انتي لازم ترتاحي
سما: ارجوكي يا ماما انا عايزة اروحله ارجوكي هو محتاجني جانبه دلوقتي ارجوكي
الام: حرام عليكي نفسك يابنتي ارتاحي هنا وهو ان شاء الله هيبقى كويس
سما: ارحمينى انتي يا ماما وخليني اروحله علشان خاطري انا لازم اكون جانبه 
الم: طيب استني بس نسأل الدكتور وهو اللي يقول تقومي ولا لاء
سما: انا مش هستنى حد انا هروح يعني هروح
فمسكتها امها وقالت: 
خلاص يابنتي اهدي انا هوديكي تعالي معايا
وراحوا لعند اوضته وكان زياد معاه وكان بيقوله:
قوم يا أمير متستسلمش للي انت فيه قوم علشان سما سما يا أمير قوم علشانها انت متعرفش هي حالتها ايه دلوقتي دي طلعت بتحبك اووي قوم يا أمير قوم يا صاحبي انا محتاجلك وسما كمان محتاجاك اووي هي منهارة من غيرك دي فى الاوضة اللي جانبك عندها انهيار حاد بسببك قوم يا صاحبي كلنا مستانينك ترجعلنا
وهو بيتكلم سمع جهاز القلب بيصفر والدكتور دخل بسرعة وقال:
يلا بسرعة بسرعة
زياد: ايه اللي حصل يا دكتور
الدكتور: اطلع بره يلا بسرعة بره وانتي هاتي جهاز الصدمات بسرعة. 
وخرج زياد بسرعة وهو ميت من القلق ولما خرج كانت سما لسه واصلة فلقت الدكتور بيجرى وزياد باين عليه القلق فاتخضت وقالت:
أمير جراله ايه يا زياد أمير كويس صح قول قول يا زياد أمير هيسيبنى يا ماما أمير
الام: اهدي يابنتى حرام عليكي تقلقيني بالشكل ده عليكي
سما: أمير يا ماما أمير
وخرجت الممرضة تجري بسرعة فوقفها زياد وسألها ع اللي حصل فقالت: المريض قلبه وقف والدكتور بيحاول بس للأسف
فمسكتها سما من هدومها وقالت: انتي كدابة انتي كدابة
الام: هات الدكتور بسرعة يا زياد يديها حقنة بسرعة ارجوك
وراح بسرعة وجاب الدكتور اداها حقنة مهدئة ونامت على طول ولما صحيت سألت عن أمير فقالت سلمى:
اهدى بس يا سما ارجوكي
سما: بقولك أمير جراله حاجة؟
سلمى: لاء اطمنى الحمد لله النبض رجع تانى بس..............
سما: بس ؟!بس ايه؟!
سلمى: لا مفيش
سما: طيب علشان خاطري يا سلمى وديني اطمن عليه بنفسي
سلمى: علشان خاطري انا نامي دلوقتي وارتاحي وبكرة ابقي روحيله
سما: ارجوكي يا سلمى مش هينفع اكون انا هنا فى اوضة وهو فى اوضة علشان خاطري خليني جانبه وانا اوعدك اني مش هتعب نفسي وهكون هادية
سلمى: خلاص خلاص يا سما انا هوديكى
وخدتها لهناك وكانت امها قدام الباب وقالتلها ليه خليتيها تقوم وهي كده
سلمى: مش هينفع يا ماما لو عرضناها هتتعب اكتر
ودخلت سما لعنده وفضلت بصاله 4 دقايق وهى مش مصدقه نفسها ان اللي نايم مش بيتحرك ده أمير أمير اللي عيشها اسعد انسانة في الايام القليله دي أمير اللي البسمة مكنتش بتفارقة وقعدت ومسكت ايده وقالت:
انا جانبك يا أمير لو بتحبني بجد قوم قوم واثبتلي حبك ده قوم علشان نعيش مع بعض اسعد ايام عمرنا قوم يا أمير انا مستنياك ونزلت راسها وباست ايديه وهى منزلة راسها سمعت صوت بيقول: بحبك فافتكرت انها بتتخيل ودمعت اكتر لكن الصوت رجع تاني قال: بحبك يا سما
فبصت لقت أمير مفتح عينيه وبيقول: بحبك يا مجنونة
فكانت هطير من الفرح ومكنتش مصدقة نفسها من السعادة وقالت: انت انت فقت يا أمير.....انا انا مش مصدقة نفسي
أمير: بحبك
سما: انا بموت فيك
وقامت بسرعة علشان تنادي امها وسلمى ومنى وزياد وكل اللي كانوا بره علشان يفرحوا زيها وجم كلهم وكانوا مبسوطين وبعد يومين راح اوضة عادية وخرج من العناية المركزة وكانوا كلهم عنده ومبسوطين وبيضحكوا وكان زياد جانبه بيقول:
قلقتنا عليك يا بطل
أمير: انا بجد بشكركم جداا يا جماعة انكم كنتوا معايا لآخر وقت
زياد: قوم يا عم انت هتمثل انت عارف ايه اللي قومك اصلا
أمير: ايه يا عم الفاهم
زياد: الدم طبعا اللي اخدوه مني وادهولك
أمير: انت ادتنى دم علشان كده بقول انا دمي تقل كده ليه
زياد: كده ماشى طيب انا هنادي للدكتور يرجعلي دمي يا دكتور
سما: اهم حاجة انه رجعلنا بالسلامة
أمير: شايف يا ثور الكلام
زياد: كده ماشى يا عم الحنين
أمير: قوم يلا من جانبى علشان القمر ده يقعد مكانك
زياد: ماشى ماشى انا اعطل الفرح بسببك وانت مش متحملني شوية واطى من يومك
وشوية ودخل الدكتور وطلب زياد دقيقتين فراحلة زياد فقال الدكتور:
انا مش عارف اقول ايه ومش عايز افسد فرحتكم لكن انا عارف ان اللي حصل ده شبه معجزة لكن السرطان وصل لدرجه خطيرة ولازم يتعالج
زياد: عالجه يا دكتور انت مستني ايه؟
الدكتور: للأسف مش بالسهولة دي صاحبك لازم يتنقله نخاع في اقرب وقت ممكن وإلا انا مش مسئول عن اللي هيحصل
زياد: خلاص يا دكتور انا هديله النخاع بتاعي انا نفس الفصيلة
الدكتور: تمام بس لازم نعمل فحوصات الأول لان الفصيلة مش كل حاجة
ودخل زياد تاني الاوضة ولما سألوه الدكتور كان عايز ايه قال:
ولا حاجة دا كان عايزني علشان الحسابات وكده وشويي وقاموا كلهم علشان يسيبوه يرتاح ماعدا سما لانه طلب منها انها تفضل علشان هى وحشاه اوي فقعدت ومسك ايديها وقال:
تعرفى برغم اللي حصلي ده انا اسعد انسان فى الدنيا علشان انتي جانبي
سما: وانا اسعد انسانة علشان قومتلي بالسلامة واتطمنت عليك
أمير: انا بحبك اووى يا سما اوعي تبعدي عني
سما: وانا كمان بحبك اووي وعايزاك انت توعدني انك متبعدش عني ولا تتخلى عني مهما حصل
أمير: اوعدك يا حياتى انى هعيش بس علشانك انتي علشان افضل جانبك واسعدك
واتكلموا شوية وطلب منها أمير انها تقوم علشان ترتاح شوية فقالت:
انا مش هسيبك ولا لحظة انا هفضل كده ابصلك لحد ما نروح من هنا
أمير: انا لو عليا مش عايزك تغيبي عني ولا لحظة لكن انتي تعبتى اوى ولازم تقومي تستريحي
ما: انا مرتاحة كده انا هنام هنا ع الكرسى ده وافضل ابصلك
أمير: بس انا كده مش هبقى مرتاح انتي لازم تنامي ع السرير
سما: خلاص انا هنام هنا جانبك ع السرير
أمير: هتنامى فين يا مجنونة
سما: ملكش دعوة انت بس انا هنام هنا
واتاخر أمير شوية ونامت جانبه ع السرير وفضل يضحك وقال:
ههههههه والله مجنونة بس بموت فيكي
ناموا على نفس السرير وفى الوقت ده
راح عمل زياد الفحوصات وطلعت النتيجة بعد اسبوع لكن للأسف مطلعش مطابق لأمير وقال الدكتور:
احنا لازم نلاقى متبرع بسرعة او حد من اهله يكون مطابق وراحوا كلهم يعملوا التحاليل مقالوش لأمير ان عنده سرطان لان سما رفضت ان حد يقوله قبل ما يلاقوا المتبرع علشان ميفضلش يتعذب لحد ما يلاقوه واتصلت سما بأبوه علشان تقوله ع اللي حصل وكمان علشان يعمل التحاليل لأن فى احتمال كبير يكون مطابق وكانوا مستانين النتيجة لما تطلع 
وخرجت سما من الاوضة علشان تشوف النتيجة فلقت يحيي قدامها وماسك ورد وبيقول:
قلبى عندك يا سما
سما: يحييي....اه اهلا قصدي شكراا شكراا
يحيي: انا لما عرفت قولت لازم اجيلك وابقى جانبك
سما: متشكرة اوى بس انت عرفت منين
يحيي: عرفت منين انتي ناسية ان جوزك من اكبر رجال الأعمال فى مصر وكل اخباره فى الجرايد
سما: اه صح نسيت ع العموم شكراا.....معلش مش هعرف اقف معاك اكتر من كده اصلي لازم اشوف الدكتور حالا عن اذنك
يحيي: اه طبعا اتفضلي بس انا كمان مش عرفت بحكاية السيالة وبس انا كمان عرفت بموضوع السرطان كمان
سما: ......!!!
يحيي: ومش بس كده انا كمان جاي انهاردة ومعايا الحاجة اللي هتخليه يقوم تاني ويبقى كويس
سما: حاجة ؟! حاجة ايه؟