اني زينب عايشه بقريه بأطراف بغداد خلي احجيلكم قصتي اني اصغر اخوتي وخواتي امي سوريه ( وألدها سوري وامها شيشانيه) توفت من ولدتني عندي ٣خوات متزوجات كبار بفرق عمر چبير و٢اخوه الاكبر مني بكم سنه حسين كلهم يحبوني وحنينين عليه الى درجه ابويه ملا تزوج ورا وفاة امي بسنتين زوجة ابويه ما كانت تحبّني وخواتي اشترطوا على ابويه من راد يزوج يجيبلي مربيه تربيني ما يأمنون بمرت الاب وجابولي فهيمه مره مامتزوجه وجبيره بالعمر هي ربتني توفت من صار عمري ١١سنه /مرت ابويه جانت ظالمه بس خواتي واخوتي واگفيلها بالمرصاد من صار عمري ١٣ سنه بدت قصتي ملامحي جانت بيها شبه كبير من امي عرفت هالشي من كلام الناس الي يشوفوني ورثت عنها البياض الناصع والعيون الكبار بلون ازرق مايل للكحلي وشعري اسود طويل.... الكرايب يضربون بيه المثل بالجمال والكل يحبني وبيوم جنت العب كدام البيت ويا صديقاتي ثاني يوم صاحوني خواتي گلولي زينب راح أنزوجج حتى تخلصين من تسواهن الي هي زوجة ابويه بوقتها ما كنت افتهم كلشي ولا شنو ديحجون . .......................................................................... سامي ابن تاجر مشهور. بقريتنا مخلص سادس علمي يسموني الافندي (لان متعلم ) الصفه المميزه بيه هي الطول يعني من ادخل الباب مرات يطخ براسي ... و هالطول ساعدني اكون رياضي خلال فتره دراستي ببغداد جنت العب رياضه القفز والسله وبقيت اشارك بأنديه اول ما خلصت دراستي واخذت الشهاده ... رجعت يم اهلي لمدينتنا وسوولي كعده عزموا بيها الگرايب من خلصت الحفله خالتي رادت ترجع لبيتهم بس رجلها محافظ و ميقبل ترجع وحدها.... لذلك رحت وياها حتى اوصلها وارجع لكن الي صار ويايه .... كان شي يشبه انقلاب مثل الي يشوف السحر وينسحر بي اول ماوصلت قريب على بيت خالتي فرق بيتين شفت بنيه جميله فوق الوصف تلعب ويا صديقاتها حبيتها من اول نظره .... وصلت خالتي وعقلي مأخوذ بهالبنيه .... من گلتلي خالتي ادخل شويه اترخصت منها ... اريد ارجع للبيت ركض..... سرعت بخطواتي الى ان وصلت البيت اول ما دخلت باب الهول شفت امي يمه اريد تخطبولي الام :يمه يوم المنى بس منو ومنين سامي :يمه شفت بنيه بشارع خالتي ملكة جمال وشعرها كاعده بصفها الام :يمه وين شفتها وشلون مطلعه شعرها يمه هاي متفيدنا احنه هنا محافظين ومحد يقبل تطلع بنته بلا شيله سامي :يمه هي طفله مو شابه الام :يا يمه شبيك صدگ تحجي سامي :اي يمه صدك احجي اتزوجها واربيها على ايدي ومن تكبر يله اعاشرها الام :يمه المنطقه متروسه بنات بس اشر وگول شلك بهالزعطوطه سامي:يمه ما اخذ غيرها ...و الحجي وياج مجاب نتيجه راح احجي لابويه رحت الابويه .... جان يصلي .... بقيت انتظره اول ما كمل التفت عليه -ها بويه عندك شي حجي اكو بنيه صغيره شفتها يم بيت خالتي واريد اتزوجها واربيها على ايدي الحجي :يابه منين بت منو سامي :ما ادري هي جوارين خالتي شفتها تلعب بالشارع الحجي :يابويه اذا البت صغيره شلون تفهم بالزواج وشلون راح تتفاهم وياها سامي: يابه اني اعرف شلون ارتب وضعي وياها بس انت وافق الحجي :اخذ امك وروح على خالتك اسألوا هي بت منو سامي .... دخلت امي ورايه .... التفتت عليها يمه تعالي هسه نروح على خالتي نسألها على البنيه بالاول امي ماعجبها الموضوع لكن ما تكدر ترفض امرابويه لبست عبايتها وطلعنا بقت طول الطريق تحاول تغير قراري واني قافل وصلنا لبيت خالتي اتفاجئت بجيتنا لكن من دخلت بالموضوع خاله البنيه ام شعر طويل الحلوه الي قبل بيتكم بيتين هاي منو الخاله :خاله هاي الحلوه زينب بت ملا حسن هاي يتيمه ومرت ابوها طول ما ابوها مو بالبيت اطلعها برا تلعب بالشارع وهي حلوه واخوتها وخواتها ميقبلون بس كلهم متزوجين بس حسين اخوها ما متزوج لكن يدرس ببغداد وهي خطيه ربَّتها الحجيه مره تقيه الله يرحمها خوش تربيه ليش خاله دتسأل عليها سامي :خاله اريد اتزوجها الخاله :يا يمه هاي صغيره عمرها ١٣سنه وبعدها طفله وما بالغه حتى حرام عليك هاي عود انت المثقف سامي :خاله اني اريد اربيها ومن تكبر تصير مرتي الخاله :خو انتظرها فد سنتين ٣ تكبر اتزوجها سامي :خاله هاي حلوه متبقى واذا راحت مني غير اموت الام والخاله :يا شبيك شوكت عشگتها مصارلك ساعتين من شفتها تخبلت سامي :اي تخبلت باجر روحوا اخطبوها اريدها نهاية الشهر هي مرتي
ثاني يوم امي وخالتي راحوا على اختها الجبيره ام صالح وفاتحوها بالموضوع جاوبتهم احجي ويا ابويه واردلكم خبر ام صالح :يابه جايين خطابه على زينب ولد افندي ابن حجي جواد التاجر وخالته جيرانكم ام معن الاب :بنتي زينب صغيره ما ازوجها هسه ام صالح :يابه كلنا تزوجنا بكدها بوقتنا وهسه كلنا نسوان وعدنا زلم ثانيا يابه تريد الصدك مرتك مو خوش ادميه وياها وانت ما تكدرلها واني اريد زينب تخلص منها ليروح يصير بالبنيه شي هي حلوه والي يشوفها يطمع بيها خليها تصير على ذمة رجال ماطول القسمه الي جايتها زينه الولد مثقف واهله ناس احوال وامه المره معروفه بالمنطقه متدينه وتخاف الله بعد وين تلگى احسن من هالنسب الاب :ماشي بكيفكم انتوا خواتها فهموها وشوفوها زينب :اجتي اختي ام صالح جنت دا اللعب صاحتني ام صالح : تعالي زنوبه ... خلي ندخل للبيت ... اريد احجي وياج زينب : دخلت ... وياها ... كعدت بصفها ... شوفتني صوره ولد گلتلي هذا حلو جاوبتها اي مستعجله اريد ارجع اللعب گلتي اوگفي تقبلين تزوجي جاوبتها اي اقبل واني كلشي ما مفتهمه عبالي مثل من نلعب اني وصديقاتي مرات وحده منهم تصير هي الاب واني الام والبقيه بناتي الاب يشتغل ويشتري مسواگ والام تطبخ هذا الي جنت فاهمته عن الزوج والزوجه من اللعب . ثاني يوم اجتي ام صالح غسلتلي وبدلتلي وما قبلت تخليني اطلع للشارع اللعب گلتلي اليوم عدنا خطار يجون يشوفوج بقيت اللول اريد فرصه اغافلهم واطلع ... لكن بقت امصالح تسولف ويايه واني بس اهز راسي للعصر اجونا نسوان اول ما دخلت المره الضخمه گالت اللهم صل على محمد شنو هالحوريه ما ينلام سامي من ذبح روحه ام معن جوارينا اعرفها ...جاوبتها خيه هاي زنوبه كل الطرف يعرفها من ورا جمالها .... شلونج زنوبه سلمت عليهم مثل ما ام صالح فهمتني ... ابوس خدهم واگلهم شلونج خاله ومن يسألوني اگول الحمد لله واجاوب على كد السؤال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
