طفله_وعاشقا_مجنون
اماسي الليل
ام صالح :تفضلوا يا اهلا وسهلا زارتنا البركه
ام سامي :البركه بيكم حجيه
ام معن :ام صالح احنه اجينا اليوم حتى نحجي بالتفاصيل
ام صالح :يابه احنه نشتري رجال ماعدنا طلبات بس الي اريده من ام سامي ادير بالها على زينب هاي يتيمه وما شافت امي الله يرحمها اعتبريها مثل بنتج واني عرفت انت ماعندج بنات ان شاء الله تكون زنوبه عوضج
ام سامي :والله اخليها بعيوني هاي راح تصير مرت العزيز
وسامي.... تعهد ما يقربلها الا من تكبر هاي كلمة رجال يگول تحاسبوني عليها اذا خلفت بيها
ام صالح :الله يحفظه ابن اصول حجيه هي بنتج من اليوم ....نتشرف بنسبكم وابويه موافق الي انتو تقدموا احنه نقبل بي المهم عدنا بتنا ....ترتاح يمكم وويا الولد
زينب :اني اسمع وكلشي ما افتهم غير بس كلمه زواج وبالي يم اللعب اريد اطلع اللعب بلعابتي.... كرهت الكعده بس اريدهم يطلعون
ام سامي :خلص الخميس اليجي العرس
مرت الايام ...
زينب :يوم الاربعاء اهلي مخبوصين اتوقعت عدنا عزيمه والظهر خواتي لزموني بدلولي ولبسوني بدله ورديه واني مكيفه بيها ومشطولي شعري كله على تك جهه بس ما خلولي مكياج .... بوقتها ما كنت اعرف السبب ...ولا بالي لان كان عقلي بعده صغير على هالسوالف
لكن بعدين من كبرت فهمت السبب من خواتي ...صرنا نذكر هالمواقف
(سامي گايللهم لحد يلعب بشكلها ).
المهم خواتي بيومها گلولي ميصير تطلعين بعد بالشارع باجر راح تزوجين وتصيرين مثلنا عندج زوج واطفال وبيت اني اسمع وافتهم لكن ما مستوعبه وما اعرف غير بس الي راسمته بالي عن الزواج
وراها كعدوني وجابو صينيه بيها حنه خلولي والكل تركص وتهلهل واني مكيفه عبالي مثل العيد والاعراس الي اروحلها ويا خواتي ما مستوعبه السالفه صح بس مفتهمه اكوشي مفرح والناس كلها فرحانه واني على ضحك وابتسامة العالم مبتسمه وفرحانه
من خلصت الحنه بليل كعدت اختي ام صالح وام عباس واختي ام سحر
يسولفون ويايه انت باجر تروحين بغير بيت ويصير عندج زوج اسمه سامي لازم تحبي وتسمعين كلامه المهم سطروا راسي مدري كم ساعه وعبالهم افتهمت لان اني بس اهز براسي ومسويه نفسي دا افتهم
بقيت بس اثاوب انتظرهن يخلصن حتى اروح انام ... واحضن لعابتي
ثاني يوم العرس اتذكر لبست البدله ونزلو على راسي الطرحه اختنگت منها وكل شويه ارفعها اريد اوخرها واختي ام سحر تصيح بيه الى ان صارت موسيقى وناس تركص دخل واحد طويل بوقتها ما جنت اعرف اميز هذا حلو لو موحلو بالي مو يم هالسوالف اقصى حد لتفكيري اللعابه واللعب صح يمكن تشوفون عمري ١٣ويم عرب المفروض افتهم لكن تربيتي وعطف الي داير مدايري خلوني ابقى طفله لان الكل يعاملني مثل الطفل الصغير
المهم دخل الرجال الطويل الي شايفته بالصوره .... وگف بصفي والناس تركص لزم ايدي دياخذني وياه ...طبعا گلولي راح ياخذني لبيتهم لان هو زوجي واني متقبله الموضوع ....
رحت وياهم .... فرحانه على الخبصه والنسوان ... والهلال
اول ما دخلت لبيتهم.... استغربت حسيت نفسي غريبه وهذا مو مكاني ... بعدها دخلنا للغرفه بقوا خواتي يحجون ويايه اسمعي كلام زوجج ومن هالحجي ورا ما طلعوا . ... بقيت كاعده على السرير مثل ما فهموني خواتي ما اتحرك عيب وما اشيل الطرحه الا زوجي يجي يشيلها ... دخل سامي ... رفعت راسي جنت مختنگ من الطرحه وما اشوف براحه ... لان شفته طويل سألته ... عمو ميخالف انزع هاي اقصد البرگع او الطرحه
هو ضحك.... گلي انزعيها... رفعتها عن وجهي ... وعيوني اخذها الفضول تطلع للي حولها ... حبيت الغرفه لان بيها سرير بي اعمده عاليه من كعد بصفي استحيت منه مثل ما استحي من اروح ويا اهلي خطار عد احد
سامي : اني مو عمو اني اسمي سامي واحنه راح نصير اصدقاء انت زوجتي وراح نعيش بهذا المكان وانت لازم تسمعين كلامي ولازم تصيحين للحجيه امي يمه .... هي خطيه ماعدها بنات وانت صرتي بتها/
زينب: سامي الشخص الوحيد الي من حجى ويايه كدر ياخذ كل انتباهي وافتهمت الي نطق بي لان اسلوبه عاطفي وهادئ واخذني على كد عقلي
بقيت صافنه بوجهه ...
سامي : يله كومي غيري ملابسج حتى تجين تنامين على هذا السرير ويايه انت من اليوم تنامين يمي
زينب :افتهم الي تزوج تروح لغير بيت لان اشوف خواتي بس ما ادري ينامون يم واحد غريب بنفس المكان من سامي گلي تنامين يمي اليوم ... فزيت جاوبته ميصير ابويه ميقبل ما انام يمك
سامي : من شفت البنيه خافت مني ... كمت ... طلعت لامي ...
يمه البنيه متريد تنام بصفي خافت مني .... اخذيها نيميها يمج الى ان تتعود علينا
الحجيه : اي يمه خليها براحتها .... بعدها صغيره ... رايد نصبر عليها لحد ما تتعلم علينا
سامي: دخلنا اني وامي عليها للغرفه .... بقت امي تسولف وياها تريدها ترتاح وتشيل الخوف ... وراها ...اخذتها نامت يمها
بس مجرد هي صارت الي وموجوده ويايه بنفس البيت ... حسيت براحه وفرحه ... بس مو فرحه رجال بزوجه ... فرحه رجال بشي ما مفهوم ومشاعر مو واضحه ...يمكن لان ضمن هالملاك صارت اله ... وعنده استعداد ينتظرها سنين الى ان تكبر وتبادله هالحب
وتفهم مشاعره
ثاني يوم الصبح كعدت مرتاح .... لفكره هي ويايه بالبيت و راح اصبح بوجهها ...
نزلت غسلت ... لكيتهم كاعدين ... وهي بصف امي ...صبحت عليهم
وسألتها ... زنوبه تريدين اجيبلج ويايه شي من ارجع
زينب: هزيت راسي ( لا) عمي ابو سامي ... خلاني احسه مثل ابويه ... وبسرعة ... اخذت عليهم هو الحجيه صح بعدني استحي منهم بس راح الخوف الي جان بداخلي منهم البارحه ....
سامي : كملنا الريوك صعدت بدلت ... وطلعت ويا ابويه للشغل
زينب :بس شفت سامي وابو طلعوا وخاله دتشتغل ضجت ... لان بقيت وحدي ... اريد اروح اللعب ... فتحت الباب ... ورحت يم بيتنا العب ويا صديقاتي اخذني الواهس ما حسيت تأخرت ... الا من شفت خالتي ام سامي من بعيد .. دتمشي بشارعنا ..... خفت منها ... كمت بسرعة ... دخلت لبيتنا .... مجان اكو احد موجود ... بالهول بقيت كاعده ...
ورا شويه اندكت الباب... اجتي مرت ابويه شافتني اتفاجئت ... بس گلتلي
ولج زنوبه شوكت اجيتي ... قبل ما اجاوبها طلعت تفتح الباب
رجعتلي ...
- تعالي تريدج الحجيه
زينب:خفت ... طلعت وراها ... اتلگتني حالتي ام سامي
-ها زنوبه اتونستي يمه يله خلي نرجع للبيت
زينب: من شفتها مبتسمه كيفت رحت وياها بالطريق گلتلي
- يمه ميصير تطلعين من البيت واني ما ادري اني اخاف عليج عبالي صار بيج شي يمه سامي يحبج ميقبل عليه اذا انت تأذيتي ولاتحجين لاحد انت طلعتي واني ما ادري..... اني حتى لمرت ابوج ما حجيت لان خفت عليج تروح تكتلج لو تحجي للملا ويزعل منج .
زينب: يمه بعد ما اطلع من وراج بس اني احب العب ويا صديقاتي
الحجيه: جيبيهم يلعبون يمج بالبيت من يطلع عمج وسامي
زينب: كيفت گتلها يمه مو اخاف اهلهم ما يقبلون
- اني باجر اروح احجي ويا اهلهم
زينب:اول ما وصلنا للبيت دخلتني ... سبحتني وبدلتلي وهي تظفر بشعري گلتلي
- ليش ما تجين ويايه من اشتغل بالمطبخ تتعلمين هم تتونسين
زينب: رحت وياها علمتني شلون اغسل المواعين وكلش تونست وياها بالمطبخ لان اول مره احد جبير يهتم بيه ويبقى يحجي ويايه ويعلمني
تخيلتها دتلعب ويايه
وبقت طول ما احنه بالمطبخ تعلمني
- لازم من يدخل سامي تروحين ويا للغرفه وتسلمين عليه واذا يريد شي لازم يمه تتعلمين تسوي هو حباب ويحبج و راح يعلمج تقرين وتكتبين
زينب: يمه اني اعرف اكتب واقره بس من خلصت السادس بطلت من المدرسه العام
- هسه سامي يرجعج للمدرسه
زينب: يمه اني ما اريد اروح ما احبها
-يمه ميصير رجلج يريدج تروحين مدرسه اسمعي كلامه بنيتي حتى يحبج ويشتريلج شغلات حلوه
زينب :رجعوني للمدرسه وبقت الحجيه تعلمني وتحجي ويايه كلشي ماعدا الي يصير بين المره والرجال متجيب طاري وسامي يوميه من يجي يجيبلي وياه حلويات ومرات حتى لعابات وبقيت انام يم الحجيه اتعلمت عليهم واعرف هو رجلي بس عبالي هاهيه هاي العلاقه بين الرجال والمره اني اتعامل وياه مثل حسين اخويه
بالاول جنت استحي منه بس بعدين تعلمت عليه خلال الاشهر الي عشتها وياهم بديت اخذ عليه ومن اريد شي اگله وهو من هلكد ميحبني ميرفضلي شي ويوديني لاهلي ويدرسني وعلمني كومه امور بالحياة من صار عمري ١٤ بلغت وكعدت الحجيه تفهمني شنو الي صار وشلون لازم بعد اتصرف
من هذا اليوم بديت احس بسامي تغير ويايه والحجيه بدت شويه شويه تفتح عيني
مره بالسوگ شوفتني ملابس حلوه گلتلي
-هاي البنات المتزوجات ياخذون منها يلبسوها حتى الرجال يشوف مرته حلوه بيهن
زينب: يمه موعيب هيج يشوفها تلبس
- لا يمه موعيب ولا حرام الرجال يصير يشوف مرته بهيج ملابس
زينب: اكتفت الحجيه بهالحجايه وجانت كل مره تنطيني معلومه جديده من احتضنتي الحجيه بطلت اللعب وبقيت مكابلتها شنو تسوي ووين تروح اني وياها صارتلي ام الله عوضني بيها وعلمتني كلشي شغل وطبخ وتربيه واصول .
سامي :بالبدايه كنت فرحان بزينب صارت مرتي امنت بعد متروح من ايدي كنت بس احبها ماعندي رغبه بيها كزوجه لان اعرف بعدها طفله
لكن من عرفت بلغت تغيرت وياها بنظراتي وكلامي
مرت الاشهر حسيتها كبرت وصارت تفتهم العيب وتخجل ... ملامح الطفله تغيرت وبدت تصير أنضج .. بديت ... واتودد الها
قبل مجنت اسمعها كلام حلو دائما احجي وياها عادي كأنه اخوه
لكن بهالفتره بديت اتغزل بيها ...
فديوم دخلت للبيت لگيتها بالحديقه لافه شعرها مبين سابحه وكاعده بالمرجوحه رحتلها ووگفت گبالها
شلونج زنوبه
زينب :هلو الحمد لله وگفت
هسه احضرلك الحمام لزمني من خدي
سامي: شلون عيون ان شاء الله جهالي كلهم ياخذون من هالجمال
زينب: خجلت منه بس ما اعرف نوع المشاعر الي حسيت بيها كانت شي حلو
دخلت بسرعة حضرتله الحمام وملابسه ... ورحت يم الحجيه بالهول ...
ورا ما طلع من الحمام صاحني بالغرفه وجانت اول مره ادخل الگاه بالفانيله والشورت ... من شافني استحيت ودا اطلع جرني من ايدي غمضت عيني سامي: ليش تستحين مني ترى اني رجلج يعني يصير تشوفيني يله فتحي عينج لان اريد احجي وياج
فتحت عينها بس خجلانه
ترى انت صرتي جبيره ولازم بعد تعرفين كلشي عن الزواج والمره والرجال اريدج تسألين لو تخلين احد يعلمج
تعرفين اني تزوجتج قبل سنتين وانت صغيره ليش ؟؟لان احبج وما ردت احد يتزوجج قبلي وخليتج براحتج تنامين يم امي والمفروض انت تنامين يمي
زينب:من گلي تنامين يمي فتحت عيني شنو انام يمه مقبلت
لا اني ابقى انام يم امي هو مقبل گلي
سامي: انت مرتي وهاي غرفتج وهذا فراشج
زين اذا متريدين تنامين يمي تعالي انت نامي بالفراش واني افرش بالگاع انام
زينب: ما جاوبته بقيت ساكته
سامي: ها زنوبه احجي ويا امي اليوم تجين تنامين بغرفتج
زينب: هم ما جاوبته ... ميته من الخوف والخجل ... واستحي اجادله
ما مستوعبه كلامه بالرغم ... فهمت كل الي نطق بي ...
سامي: خلص لازم تتعلمين
أنت تقرأ
طفله وعاشقا مجنون
عاطفيةقصة حب من قصص الزمن الجميل قصه تجسد الرجوله بجميع معانيها .... والاتزان والاخلاق والقيم ... لاجدادنا
