طفله وعاشقا مجنون

ج٦

#طفله_وعاشقا_مجنون
سامي:  ابقي يمي
العشا راح يتأخر لان گالوا  يشوون كباب نزار وابن عمي
وراح يجون بيت عمتي هم نتعشا سوا
حضنتها .... اريد اخذج لبغداد هناك ناخذ راحتنا واطلعج تتونسين   ادري اليوم ضجتي وتعبتي
بس تخلص الخطوبه ثاني يوم الصبح نطلع
زنوبه  بطلي خصلة الزعل ... ترى ما احبها  
  زينب : كمز من الفراش مد ايده على الزاويه جاب الدشداشه  گلي البسيها يله اخذتها منه ومعرفت وين اروح البسها
فليت شعري حتى ينزل / غيرت ملابسي 
سامي:  اليوم الوجع زاد .... والالم اسفل ظهري ...  تعالي فركيلي  ...
زينب :تمدد على بطنه  شلون بيك .... مو گتلك خلي نروح نشوفها اخاف
تتأذى اكثر 
سامي: ..... اليوم  حتى مكدرت اللبس الحزام يمكن طلعت جراحه
زينب: يا ... طلعت مكان الحبه
سامي هاي مفجوره وصايره بيها مثل الحفره اخاف تلتهب
سامي:  من هاي دتأذيني  يله ما بقى شي ونروح لبغداد
زينب:  لا مو مال تبقى تنتظر
شكلها يخوف  خلي ننزل باجر نروح نشوف الدكتور ونرجع يوم الخطوبه الصبح فدوه مو مال تهملها .....جرني نيمني على ايده
  سامي : ليش انت تخافين عليه
زينب: خجلت ...  طبعا اخاف عليك
سامي:  تدرين اني مرات من هلكد ما افكر بيج اخاف اموت لو يصير بيه شي وما متقربلج وتالي تنفضح سالفتنا ويعرفون بعدج بنيه  انوب يطلعون علينا سوالف واشاعات  وافكر الي تزوجوا ويايه عدهم جهال واني لهسه مرتي تخاف مني
زينب :من نروح لبغداد نبقى وحدنا والي  تريده يصير   بس لاتفكر بهيج امور فدوه ترى والله اخاف عليك من تشائم
سامي:   تدرين هسه خطر بالي ... اشاقيج بس اتذكرت  يمنا خطار خفت تضحكين ويطلع صوتج ....
زينب :ههههههه
غمزلي مبتسم يله نكضي هالايام الى ان تفرج
بقينا سوا الى ان  اندگت الباب  كمز لبس دشداشته گال منو
  جميله : اني جميله
زينب: اشرلي البسي الدشداشه فوك ملابسج
اشرتله افتح عادي 
فتح الباب دخلت جميله  من شافتني لابسه بدون ردن وطالعه رجلي   وشعري مفلول انصدمت بالمنظر كلتلي
جميله:  شنو شعرج شطوله
سامي : يمعوده الواحد يگول ما شاء الله من يشوف شي حلو
جميله  مو تفاجئت هاي اول مره اشوفه مفتوح كله لافته كبايه
زينب :مو سامي ميقبل افتحه بس بالغرفه
جميله :  اي حقه شعرج حلو يله خلي ننزل اجيت اصيحكم على العشا
سامي :مشكوره هسه ننزل  من نزلت جميله .... زنوبه  ابقي لابستها لاتغيريها حلوه عليج ...   ابتسمت  خجلانه
  البسي فوگاها الدشداشه وننزل
زينب :لبست الدشداشه  وخليت الشال ونزلنا حسيت بجميله تبسبس ويا امها واختها
حتى خالتي انتبهت وسألتني
الحجيه : شكو شبيهن
زينب:  مو جميله صعدت علينا دتصيحنا ومن فتح سامي الباب شافتني لابسه الدشداشة  الي اخذتيليها وفاتحه شعري تفاجئت
الحجيه:  ذكريني باجر ادفع صدقه ليصير بيج شي
زينب:ورا العشا الولد طلعوا برا بالحديقه واحنه النسوان بالهول
ام جميله گلتلي وينه شعرج خاله شوفينا جميله تگول يخبل
اتفاجئت بطلبها باوعت لخالتي  گتلهم مو سامي ميقبل افتحه برا الغرفه ولا انزع الشال
جميله وعمة سامي :يله هسه هو منو اكو كلنا نسوان
زينب:دا افتحه   شعري واباوع على امي تقرا المعوذات
الحجيه:   صلوا على النبي فتحته من شافوا نازل قريب ركبي  ويوصل  سألتي
عمة سامي :خاله شنو تستعملين لشعرج وهيج طويل
زينب: مااستعمل بس يگولون امي الله يرحمها هيج شعرها وخواتي هم
جميله :هاي شفتوا شعرها لو تشوفون الي اني شفته من هاي سامي مسوي عليها حجر
زينب :من دا اشيل شعري فاطمه  سألتني على علامه برگبتي خجلت وما اعرفت صدك هي ما تفتهم لو تقصدت تخجلني كدامهم  بقوا يضحكون 
الحجيه: يمه خلي شالچ لايروح رجلج يجي 
و روحي طلعي الحلويات
زينب:رحت للمطبخ اجتي خالتي ورايه اخذت كلاص مي وقرت عليه
الحجيه: هاچ اشربي يمه ليصير بيج شي من العيون  واقسمي الحلويات نص يم الرياجيل  ونص يم النسوان
زينب:اخذت خالتي ماعون النسوان وراحت واني طلعت دا اودي الحلويات للرياحيل عثرت وانكسر الماعون بأيدي ما شفت بس الدم يتناثر عطت
اجى سامي يركض  تخبل من شافني مثل المخابيل يركضون بقى لازم ايدي قوي جاب خاولي وبقى يلفه  من شفت الدم يتناثر خفت وفقدت الوعي
ثاني يوم صبحت بالمستشفى وايدي مخيطه وسامي وخالتي وعمي وابويه وخواتي وجهم تعبان
من شافوني صحيت فرحوا
طلعت الاصابه ب الوريد ونازفه دم بين ما موصليني للمستوصف مخيطين ايدي متوقف النزف بس الولد عرف گايللهم  ودوها لمستشفى ببغداد  الطوارئ عدهم احسن لان فقدت دم هوايه
سامي :من البارحه لليوم شفت الموت من وكع نظري على ايدها المفتوحه وشفت الدم يتناثر بعدها فقدت الوعي بلحظتها اتوقعت ماتت  بقيت اعيط ولا ادري شلون شلتها وشلون وصلنا كلت هاهيه مرتي راحت مني
وامي تبجي وتندعي 
الحجيه: ربي هاي يتيمه بعدها ما شافت شي من حياتها ربي ابني ايموت وراها اذا صار بيها شي
سامي:من اسمع امي تدعي قلبي يرتاح حسيت بيها راح ترجعلي وبقيت الليل كله  اندعي تكوم بالسلامه ومن استفاقت الصبح  وكلي الدكتور ماكو شي خطر بعد لاتخاف ذبحت ٣ذبايح ووزعتها
شلون صرتي يا نور عيني
زينب: الحمد لله ....
سامي: دخل الدكتوره الخفر لليل  ....چيكتها
الدكتوره : باجر تكدر اطلعها
سامي:  لا خليها الى ان جرحها يلتأم اخاف يصير عدها مضاعفات او يلتهب الجرح
بقيت ابات يمها /واهلي واهلها يرجعون لبيتي يباتون
لليل بقينا وحدنا كعدت بصفها خليت راسها على صدري والعب بشعرها  زنوبه انت مو بس مرتي هالحادثه خلتني احسج بنتي وراح تروح من ايدي ردت اتخبل لو صاير بيج شي من القهر اموت الحمد لله رجعتيلي بالسلامه  رفعت ايدها بوستها
زينب :اسم الله عليك الحمد لله على كل حال اكيد ربك دفع بلاء عظيم
سامي :وورا كم يوم
يمه اليوم اطلع زينب ارجعوا انتو لبيتكم واني راح اروح لبيتي منا لحد ما يروحون بيت عمي
الحجيه :اي يمه روح اخذ مريتك ربك سترها من العيون كله من جميله كلتلها افتحي شعرج كدام الكل  ومن فتحته تخبلوا وما مرت بسلامه الحمد لله ربك لطف يمه خليها تگصه يجيبلها العين
سامي :الحمد لله يمه الله كريم
للظهر اخذت زينب وطلعنا للبيت ورا ما اهلي واهلها راحوا ابوها الرجال  تعبت صحته من عرف بيها وصلت الموت ........ وقبل ميرجع بقى يوصيني عليها
ورا ما الكل راحوا ... حضرت غراضها وطلعنا من المستشفى
من وصلنا للبيت وديتها للغرفه
الدكتور كلي عادي تكدر تسبح بس المهم ميوصل للجرح مي
طلعتلها ملابس  وحضرتلها الحمام واخذت ويايه مكص 
حبيبتي   خلي اكص شعرج ( بداخلي اتمنى تمتنع حتى اتردد بس اتذكر الحادث ... واقرر اگصه)
زينب: بكيفك بس أني متعوده عليه 
سامي: زنوبه مو جايبلج العين خلي انگصه لنص ظهرج
بالاول خلي اسبحج حتى ترتاحين 
من بديت اغسل شعرها قلبي ممرود بداخلي ( ما اكدر اكصه جذب )
زنوبه ما اكدر اكصه بقي طويل
بس بعد لو امي تگلج فتحي لاتفتحي
زينب: جان يتعامل ويايه .... مثل الطفله ...قلق على الجرح ...
اجيت تمددت على ايده .... سامي
تعرف الحادث خلاني افكر شكد اني ظالمتك ومقصره بحقك
وشكد انت تحملتني وتحبني الي صبرت عليه كل هذا الوقت ما شفت احد  يحب مثلك وعنده قلب مثل قلبك انت نعمه الله عوضني بيها وهسه اني بين اديك
ماعندي ذرة خوف بالعكس اني اريد ارتباطنا يكبر واريد يصير عندي جهال منك
سامي : حبيبتي والله انت عيوني والنفس الي اتنفسه
بس انت هسه بعدج تعبانه  ... والايام كدامنا
ضحكت زنوبه تذكرين بيوم العرس من كلتيلي عمو ميخالف اشيل هذا قصدتي البرگع  ردت انجلط بيومها كلت تورطت
زينب :ههههه مو شفتك ضخم
سامي: وهسه
زينب :تدري اني اول مره انتبهت على جسمك حلو من دخلت وياك للحمام شفت الحبه
ومنها بديت اشوف وسامتك صدك شلون صارت الحبايه
سامي :فتحها وطلع الجراحه وخيطها هس الحمد لله راحت
راح اكلج شغله مو تضحكين عليه
شنو احجي
تدرين فد يوم  انت بالحمام واني باوعت من زرف الباب شفتج وانطبعت تفاصيلج كلها براسي
بس حصلت وراها رزاله من امي گلتلي يمه عيب على طولك ابوك يجي يشوفك تباوع من الزرف  هي مرتك بس اصبر عليها تصير ألك
وراها نزلت لبغداد كم يوم ومره جنت بالسوگ واخذتلج ملابس ضامها بالكنتور
زينب :متأكد بس هالمره انت مبصبص
سامي :ههههه لا هوايه اخر مره جانت بيوم الي گتلج لازم بعد تنامين بغرفتنا
مرت الايام
بقيت طول فتره مرضها  اني انظف واطبخ واداريها  الى ان صارت زينه
وبيوم ورا ما خلصنا العشا بعدها ايدها مو مال تشتغل حاولت تشتغل على السنك مكدرت
روحي اني اسويهن  ....ورا ما خلصت
دخلت للغرفه لگيتها متحضره مثل العرايس وواگفه گبال المرايه دتخلي حمره
حضنتها گتلها زين تذكرين هذا التاريخ قبل ٣سنوات تزوجت طفله وهسه گبالي مره  
زينب: انداريت عليه
ليش بنفس هذا اليوم اتزوجنا
سامي: اي توقعت متذكرين بس من شفتج بهالزواگه عبالي تذكرين
زينب: لاحبيبي من اليوم راح اتذكره
  حيكون تاريخ زواجنا من هذا اليوم
سامي: بقيت صابر على هاللحظه ٣سنوات الى ان صارت صدگ
راح اصبر شهر حتى يتحقق الي بالي
زينب :سامي عيشني احلى لحظات واحلى حياة
ورا فتره صارت عندي اعراض
سامي اريد اروح للدكتوره 
اخذني .....و طلعت حامل 
من سمع هذا الخبر قرر نبقى ببغداد نعيش ودز على امه وابوه
واجوي كعدوا ويانا ونقل شغله لبغداد  وبقت قصة حبه مشهوره بالعائله ينضرب بيها المثل
قبل ولادتي اخذنا بيت جديد  اكبر  واشترينا غرفة نوم جديده ورا شهرين ولدت امل
بقى سامي على نفس الحب و شايل المسؤوليه عني
وضل ميقبل اشيل شعري من هو موجود وصاروا عندي ٤ ولد و٤ بنات وزوجتهم وهسه عندي احفاد الى ان عجزنا سامي يوم ما مفارگني حتى من اروح لاهلي يجي يبات ويايه ونرجع .
سامي انطاكم عمره قبل عشر  سنوات  ولليوم ما كدرت انسى ولا سمعت او شفت وحده اتزوجت مثله رجال بمعنى الكلمه وحبني حب مثل قيس وليلي
وخلاني احبه لدرجه اول ما سمعت خبر وفاته من القهر والصدكه انشليت
الفرق بين رياجيل اهل گبل ورياحيل هسه
حبهم الصادق للمره لشخصها مو لنزواتهم
وحياتنا البسيطه احلى بدون تعقيد كلها حب وصدق واخلاص
انتهت
القصه حقيقيه لكن الابطال في ذمه الله حاليا 
مكدرت اضيف تفاصيل اكثر لان مثل متعرفون اهل قبل حياتهم  بسيطه المره حياتها رجال وبيت ومتشوف الشارع والرجال من الشغل للبيت
الكاتبه اماسي الليل