طفله وعاشقا مجنون

ج٤

#طفله_وعاشقا_مجنون
سامي:اول ما دخلت للغرفه لگيت زينب نايمه وشعرها مفتوح على الفراش ورجلها مكشوفه   خلت قلبي يدك سريع رغبتها ...لكن بقيت بعيد  ما وصلت يمها .غيرت ملابسي 
وفرشت فراش بالگاع ... تمددت عليه ... حسيت شكد تعبان ...
زينب تعبتني اكثر ... وجودها ويايه بالغرفه ... سلب عيني  النوم
زينب :كعدت من النوم الغرفه ظلمه نزلت من فراشي دا افتح الضوه عثرت ووكعت سمعت صوت سامي تأذيتي وگام فتح الضوه
لا ما تأذيت ما ادري بيك بالغرفه موقصدي أزعجك /
سامي : هسه احول الدوشك من الجهه الثانيه حتى متعثرين مره لخ
زينب :اني راح اروح يم امي /اصعد انت نام على الفراش واني اشيل الدوشگ
سامي : يعني هي جميله من الله وانوب مخليه كحل اسود وعيونها زرگ ومبين اثر حمره باقي بشفتها
اني بس اتفرج على خلقتها اكتفي لعد لو تنام بحضني شلون
جاوبتها يله ماشي ورا ما طلعت بدقايق بقيت اتگلب بالفراش بعد ما اجاني نوم اريد اطلع ابقى اتفرج عليها طلعت لگيتها يم امي بالحديقه يشربون جاي كعدت بصفها
الحجيه :ها يمه نوم العافيه اصبلك جاي لو تكوم زنوبه تسويلك لگمه
سامي :لا اكلنا اليوم اني وابويه وثگلت بس صبيلي جاي
زينب :اجيبلك كليجه اليوم سويتها
سامي : جيبلي اباوع بعيونها اليوم منزلتها بقت عينها بعيني كأنه تخيلتها دتحاول تثيرني بنظراتها
زينب :اليوم ما اعرف شنو صارلي من ورا الغيره حتى سامي اليوم شفته يخبل وردت الفت انتباهه هاي بعدها فاطمه ما اجتي واني هيج لعد من تجي باجر شنو راح يصير بيه
وديت الكليجه لسامي وتقصدت اگله هاگ عيني الف عافيه
خالتي ابتسمتلي معناها راضيه وهو جاوبني تسلملي عينج
الحلو بسامي بحكم عايش وحده فتره دراسته يحب يساعد بالبيت وعنده كلش عادي يكعد الصبح يسوي ريوگ ويغسل ملابسه من يدخل للحمام كل هالامور مجنت منتبهتلها ولا منتبهه للصفات الحلوه برجلي
لكن من خلص الكليجه والچاي وساعدني بنقل الغراض للمطبخ ورجع كلشي بمكانه بين ما اني غسلت المواعين هالشي هوايه نسوان يتمنوا بالرجال
يكون عنده روح المساعده واني الحمد لله الله منطيني رجال عاقل ومثقف ونظيف وحلو ويحبني لازم احاول احافظ عليه
انداريت عليه گتله بعدها الحبه تأذيك
سامي :اليوم كلش اذتني من كعدت على الكرسي بحيث خلصت بقية اليوم بالشغل واگف
زينب : لو رايح على المستوصف ينطوك علاج مؤقت بين ما ننزل لبغداد
سامي: والله اليوم حسيت صارت عندي اعراض مثل الفلاونزا وشويه حراره براسي
اخذت براستول للصداع شويه حسيت نفسي احسن باجر اروح للمستوصف ان شاء الله
زينب :ان شاء الله /سامي اريد اخلي حنه لشعري امي گلتلي اللون الاحمر يطلع حلو عليج ويداري شعرج
سامي : براحتج سوي الي تريدي انت حلوه  بكل الحالات
يله اذا خلصتي خلي نروح نكمل كعدتنا يم امي
زينب :ورا ما بقينا بالحديقه كاعدين اجتي اختي ام صالح تشوفني حست بالتغير على شكلي ووضعي وخالتي بقت تسولف وياها بعدين من بقينا وحدنا ام صالح : زنوبه صار بينكم شي
زينب: لا بعد
ام صالح : خيه كافي لعب عيال الي تزوجت بعمرج هسه بحضنها طفل خيه خلي رجلج يتقربلج حتى تخلفيلج ضنى يونسج ويونس اهل البيت الناس يحبوج ومداريج والله هاي عمتج الله دازها من السما الج ولا وين اكو عمه راضيه بهالوضع لو غيرها چان زوجة ابنها غيرج
زينب: الحجيه فهمتني  بس هي بالعكس متريد وحده غيري مره لسامي واني وعدتها انتبه لرجلي
ام صالح :اي خيه عفيه عليج واني جبتلج اليوم ويايه كم دشداشه الوانها حلوه البسيهم ومره ثانيه اخلي رباب بنتي اتجيبلج ملابس للغرفه تلبسيهم لرجلج اني تدرين ما اعرف بهالثياب
زينب :خالتي اليوم اخذتلي اثنين
ام صالح :اي زين مشي امورج بيهن بين ما اجي واجيبلج الغراض خيه اني اروح ما اوصيج بعد شلون تحافظين على رجلج
زينب :ورا ما راحت ام صالح خليت الحنه ورحت احضر العشا وبعدها بقينا نسولف الى تالي الليل دخلت سبحت
دخلت لغرفتي اريد اوگف كبال المرايه واشوف لون شعري
حسيته كلش لايگلي فكرت اللبس الدشداشه الستن من اليوم حتى رجلي يشوفني اليوم بهيج ملابس ويبقى عقله ويايه
من تجي فاطمه ما ينتبه عليها اذا حاولت تلفت نظره
الغيره خلتني انسى حتى خجلي لبست الدشداشه الستن لونها اسود  وتمددت على فراشي ومن حسيت بنفسي مكشوفه استحيت تغطيات بالجرجف
ورا شويه دخل سامي  حسيت من نظراته عجبه اللون
سامي : شكد حلو اللون عليج
زينب : عيونك الحلوه
سامي : زنوبه وين الدوشگ مالتي
زينب : احس الكلمه بالگوه تطلع مني
تعال نام بفراشك لان الدوشك رجعته بغرفة امي ماكو داعي احد يشوف دوشگ بغرفتنا
شفته  أبتسم
سامي : بس مو تنهزمين يم امي تالي الليل ترى باجر خطارنا من الصبح فوگ راسنا يعني لازم تبقين هنا
زينب: لا ما انام بعد يم امي هذا فراشي
سامي :اويلي هالبنيه شلون تخلي قلبي يدگ وشكد احبها
اليوم واخيرا حتنام ويايه بنفس الفراش وصارت تعرف هاي غرفتها وهذا مكانها اول ما رفعت الغطى دا ادخل للفراش شفتها لابسه شي طالع جسمها بس ملفلفه روحها خليتها على راحتها سويت نفسي ما انتبهت
دخلت للفراش نمت على بطني ودرت وجهي عنها بقيت كم دقيقه وراها گتلها زينب گومي طفي الضوه مابيه حيل اگوم
من كامت وشفتها شنو لابسه وشعرها احمر يخبل طوله ساتر جسمها قبل لتوصل للضوه
تعالي قبل مطفين الضوه شوفيلي الحبايه دا احس  حرارتي مرتفعه
صدك حرارتي ارتفعت بس مو من الحبه من ورا زينب والي لابسته كلبت حالي
اجتي تلمست المكان گلتلي اليوم كبرانه اكثر مو مال تنتظر اكثر حتى جسمك محرحر