طفله وعاشقا مجنون

ج٥

#طفله_وعاشقا_مجنون
الحجيه :اي يمه حقه غير يخاف عليج صدك بعد خلي يولي التنور لا توصليله
فاطمه :اي هو التنور رايدله وحده سبعه تعرفله هو يمكن لان شافج مو كدها گلج بعد لاتوصلين يمه
هسه اني اروح اساعده خطيه اخاف ميدبرها
جميله وامها :اي خطيه روحي شوفي اخاف يحتاج شي
زينب :رادت اعيوني تطلع مشايفه اني هيج قبيحات وملگلگات راح تموت على الرجال
خالتي شافتني مستغربه
الحجيه :  يمه اخذي لعد الصينيه وخلي بيها خبز ووديها لرجلج حتى يخلي السمج
زينب: اني هم  اخذت  الصينيه ورحت لگيت فاطمه  واگفه تتمضحك  انت   احجي بقلبي انت  مال احترام  دصبري
وگفت بصف رجلي
ها قلبي خلصت اندار عليه
سامي:  اي هسه راح اطلعهن
زينب: مديت راسي  اشوف السمج بالتنور
سامي: وين ماده راسج  لاتحترگين
زينب:  لاتخاف عليه بس ردت اشوف
جنت مشتهيه السمج وامي تدري بيه من اول البارحه
سامي:  ليش مكلتيلي چان جبتلج
زينب:  يله السمج باللمه طيب  ومن ايدك اكيد اطيب 
فاطمه بقت واگفه تسوي نفسها تتفرج على الحديقه وراها اندارت گالت  سامي تذكر من صغار نركض بالبستان واني اختل وانت تبقى تلحگني وكل مره عبالك ضعت
سامي :عرفت الي ديصير سوالف نسوان جاوبت فاطمه
اي اتذكر جانت امج توصيني عليكم انت وجميله ومحمود ونزار يعوفكم ويروح يركض ورا الطيور واني ابتلي بيكم
فاطمه: اي انت تعوفهم وتركض ورايه
سامي:  لا مو اعوفهم علمودج بس جانوا اعقل منج انت من صغيره جنتي ماعندج اي علاقه بالطفوله والبراءه
زينب :من هاي حبيبي متعقد من الجهال ومتقبل يصير عدنا طفل تگلي بعد وكت
سامي :انداريت على مرتي مبتسم لان صدك فاجئتني شو هاي اليوم غير وحده اللسان طلع والشيطان مرافگها ويمخمخ براسها والله النسوان من تگب الغيره حتى الخرسه تنطق
جاوبتها بغمزه اي حبيبتي
ورا ما طلعت السمج ودا اخلي بالصينيه .... دخلت فاطمه
همست لزينب حبيبتي تهدي خلي بالاول اتقربلج بعدين افكر اسوي جهال لا تاخذج العزه بالاثم
بقت تضحك
زينب:  شسويلها عينها گويه وثانيا امي كلتلي لتصيرين فقيره
سامي: لعد شبيج البارحه  نزلت دموعج
شلون يعني اصعد فاطمه ويانه للغرفه حتى تصيرين قويه
گلت هالحجايه وابتليت
زينب:  هاي بعدنا اول يوم وكمت تفكر تصعدها للغرفه بعد كم يوم تريد تزوجها.... روح اتزوجها خليها تريحك ما طول اني شالعه قلبك
راد يحجي تركته ودخلت
سامي :  هالمره صدك فورت دمي لان عادتها مره لخ بعدني حجيت كلمتين عافتني وطبت رايد اعلمها الاحترام
دخلت بيدي السمج انطيته لجميله
وراها كعدنا كلنا على الغدا هي بصفي ردت اضوجها گتلهم جميله من صغيره تحب الذيل
شلت الذيل وانطيته لجميله وسألت فاطمه انت شنو تحبين شفتها فرحت اشرتلي ... خليتلها بماعونها
شويه والتفتت على زينب شفتها مقهوره گلبي ما انطاني ابقيها مقهوره  اخذتلها قطعه
هاي ما بيها شوك صغار
باوعتلي بنظره عتاب معناها ليش دتسوي هيج
شويه گامت دتسويلنا چاي ورجعت تلم بالسفره .... بقيت اراقبها منزعجه ... واصله مرحله يمكن بس احد يطخها بحجايه تنفجر ... راحت  للمطبخ بعد ما شفتها والكل بالهول ديسولفون ورا ساعتين رحت للمطبخ ما لگيتها
صعدت للغرفه لگيتها غافيه مبينه تعبانه من الصبح لهسه هي واگفه وتشتغل
تمددت يمها على الفراش فتحت شعرها حست عليه انطتني ظهرها ورجعت لفة شعرها
عوفي مفتوح /مجاوبتني
اني مو دا احجي وياج شو متحترميني صايره
جاوبتني  صوتها مخنوگ
زينب:   مو قصدي متأسفه
سامي : فتحت شعرها وبقت مطيتني ظهرها .... اريد أقربها مني ... وبنفس الوقت ما اريد انطيها مجال تتمادى ويايه ...ضجت ...طلعت من الغرفه نزلت بالحديقه هاي يوم واحد اجوي سوولنا ضيجة خلگ واني ما صدكت البنيه تاخذ عليه انوب راح تنفر مني بشكوكها لازم اخذها وانزل لبغداد نبقى وحدنا
زينب :هاي اول مره احس بروحي مقهوره من احد واكل بنفسي من هلكد ما انهضمت وحسيته تقصد يغثني..... نفرت منه وكلت ويا نفسي على شنو اني كاعده اتناكر ويا فاطمه علموده وهو يسوي ويايه العكس خليها تشبع بي ولا اهتم بعد
ورا ساعة تمكيجت وتعطرت ونزلت للهول
سلمت وكعدت يمهم بس سامي ماكو
عمي الحجي : وينج بابا مو تدرين بيه ما اشرب الجاي الا من ايدج
زينب:  هسه بعيني اسويلك اعذرني جنت مصدعه وصعدت نمت
امي الحجيه:ردت اسويله ما قبل كلي من تكعد زينب تسويلي
جميله :والله زين عمي يفضل چاي زينب على چايچ خاله هاي لو اني نزار يسويها اكلب الدنيا هههه
امي الحجيه :لا يمه زنوبه بنيتنا تربات ايديه واني الي علمتها كلشي افرح من تصير احسن من عندي
ابو جميله :شلج بهالحجايه جميله شعنده الحجي غير الحجيه انت خو مو تقارنين عقلج بعقل هالمره الطيبه يقصد (امي الحجيه )
زينب :بقلبي حجيت على جميله شكد دنغيزه ارتاحيتي خوش حصلتيلج رد .
لا يمه انت الخير والبركه شعندي غيركم
رحت للمطبخ اسوي الجاي وطلعت كليجه وكعك دخل سامي من باب المطبخ الخلفي لگاني دا احضر الصينيه
باوع بوجهي بعصبيه لان مخليه مكياج
دخل و ما درتله بال وديت الجاي والكليجه للهول وكعدت يم خالتي مو يمه خزرني
رحت دا اجيبلهم  مي من المطبخ اجى ورايه عصبي فززني
سامي: دتسوين شغل عناد نتفاهم بالغرفه عود /
زينب:  من الخوف كلشي  محجيت  خفت منه لان  عصبي
انتبهت بيت عم سامي الحل والربط يم النسوان الاب والابن فقره ومن اهل الله ميقبلون بالحجايه العوجه
وجميله مبينه مسيطره على نزار لان وكحه والولد هادئ مثل سامي لان تحجي كلشي يجي بالها متخاف من عنده يعني مثلا من رجعت للهول واحنه كاعدين اجتي جابت بتها وخلتها بحضن نزار كلتله خبلتني بس تبجي هاك اطلع افتر بيها الا تسكت يله ادخلها
شفت خالتي ضاجت وعمي ما عجبه الوضع گلها انت ما تبطلين هاي عصبيتج وتعرفين تحجين ويا رجلج
نزار : لا يابه عادي تعلمت عليها حتى مالي خلگ اتعارك وياها بعد ميفيد
زينب: ام جميله ضاجت
ام جميله : قابل هو مو بزره وهم لازم يحير بيه خو مو بس هي خطيه وهي لان تعبانه تحجي هيج /
زينب:بقوا يتناقشون بهالموضوع حتى فاطمه ادخلت
اني اخذت الصينيه وطلعت للمطبخ كملت تنظيفه طلعت كعدت بالمرجوحه صافنه على خلقة رب العالمين
شفت عصفور يلكط من الگاع ويصعد على الشجره يوكل صغاره
حبيت المنظر وحبيت فكره الامومه حسيت شكد حلو لو اكو طفل بحضني هسه التهي وياه .
(هاي انتي هنا )
جفلت على صوت سامي وكفت
رايد شي
سامي:  تعالي للغرفه
زينب :رحت ورا صعدنا للغرفه اول ما دخلت گلي تعالي بعصبيه رحت يمه
سامي:  اني مو كتلج ماكو زواگه
زينب:  كلت من انت ماكو ما اخلي بس هسه انت موجود وابن عمك يم بيت خطيبته واني لابسه الحجاب كدام عمك بشنو خالفتك
سامي:  شلون تعوفيني مرتين وتطلعين من احجي وياج تدرين اذا عدتيها مره ثالثه متلومين الانفسج 
زينب:  جنت عصبيه  وما احس بنفسي ولا بتصرفاتي
العفو بعد ما اعيدها
لزم أكتافي 
سامي:  وتالي راح تبقين ضايجه
زينب:  بقى صافن بوجهي
سامي: هاي ليش  انت حلوه  هيج ...وقرب شفايفه  كانت  اول مره تصير بيناتنا كل مره من الجبين لو الوجنات   بس هالمره غير شكل حسيته متملكني ...  سحبت نفسي مرتبكه وخجلانه 
تريد  شي دا انزل احضر العشا....