حبيبي ، كم اكرهك

الجزء الرابع - الأخير

وصلت لـ الرياض جلست بغرفتي و انا اتامل الأرض مو عارف ايش افكر او أيش اسوي بهالمصيبة الي انا فيها

رن جوالي رفعته بدون اهتمام . إضافة جديدة قبلتها بسرعة

كان من نفس الشخص الي يهددني , كلمته بسرعة

فهد : ايش الي تبيه ؟

سعد : ما ابي منك شيء بس ابي العب

فهد : هذا لعب ؟ لو انك رجل واجهني

سعد : ما افضل المواجهة

فهد : جبان

سعد : ههههه قول عني الي تقول

فهد : انا اذيتك بشيء ؟

سعد : مالك أي دخل انا طفشان و ابي العب فيك شوي و مثل ما قلت لك هذا كله خفايف ما جا وقت الجد

فهد : تبي فلوس ؟ بعطيك بس لا تكبر الموضوع يكفي الي سويته

سعد بعد ما اختفى لدقيقة : ايه فلوس ممكن تنفع

فهد : كم تبي ؟ 500 ؟ 1000 برميها لك بس ابعد عني

سعد : لا لا ارقام مثل كذا ما تمشي معي

فهد : تستهبل ؟ كم اجل تبي ؟

سعد : تسلمني 10 الاف كاش وقتها افكر اهدي اللعب

فهد : تهدي اللعب ؟ انت تستهبل من وين لي مبلغ كذا انا طالب

سعد : ادري انك طالب و ادري وين تسكن و ادري مع مين تسكن و كيف أوصل لاهلك بكل سهوله لو ما قدرت لبيتكم اقدر أوصل لدوام اخوك محمد . ابوك أحمد او حتى  اختك ريم ..  ابد اختار مين وده يعرف اول و تامر امر

رميت الجوال ومسكت راسي مو عارف شسوي مو عارف افكر او ايش أقول له

دقيت بسرعة على عمار حسيت انه منقذي بهالموقف مع ان عارف بقول لا تخاف و لا تخاف

فهد : عمار . الكلب اضافني ويطلب فلوس

عمار : كم يبي ؟

فهد : 10 الاف

عمار : يستهبل ؟؟؟ ايش قلت له ؟

فهد : دقيت عليك مو عارف شكتب له

عمار : هالحيوان بس لو يطيح بيدي العن شكله . سايره بالكلام و خذ البن منه او رقمه او أي شيء يوصلني له

سكرت منه و لقيت مسجات من الي يهددني

سعد : تطول كذا بزيد المبلغ صار الان 12 الف

فهد : لا عاد ايش شايف الوضع انت

سعد : و الله لا اخذها منك كاش ولا بكرا بالكثير وكل اهلك عارفين بسوالفك الوصخه

فهد : عطيني رقمك اتفاهم معك

سعد : تحلم حبيبي اكلمك الفلوس تحطها لي بمكان عند شخص انا احدده غير كذا تحلم