الصمت
بارت 6
زينب الموسوي
ثاني يوم الصبح جتي امه وحددنا موعد وحسيت تعرف لان كل شويه تگلي شبيچ لونچ مخطوف ماما تجاوبها خايفه من العرس حچيت لنور صديقتي اريد احد اگوله راح اموت قهر لچ نور هذا اذا تقربلي مره ثانيه اگتل نفسي حيوان يفكر بس بنفسه دي صيري عاقله لاتفضحين اهلچ خطيه ترى سمعتكم كلها تروح اسكتي وتحملي لحد تبدي المدارس تعاي عد اهلچ ويجوز يطلع الولد زين ويعتذر وتمشي الامور. خوش ولد الي يخطط لهيچ شي شيطان مستحيل ادمي. ترى عادي الولد استعجل لااكثر ولااقل. اسكتي نور شلون واحد يحب وحده ويشوفها تعيط وتصرخ وتضربه وهو ولا هامه بسيطه والنبي دمي يفور الا اراويه الويل لچ يضربچ ويغصبچ مره ثانيه. ياريت يسويها نسيتي المحاضرات بالمدرسه الا اتصل بالشرطه لا انتي تخبلتي رسمي والله تخبلت وهسه تشوفين خبالاتي اذا ماطلعت عليه
اجى يوم عرسنا وخلصت الحفله اول موصلنا الشقه ايهاب انطيني مفتاح غرفتي تعبانه واريد انام. وشلچ بالمفتاح اذا تهجمت عليچ اتصلي بالشرطه ميخالف بس اريد المفتاح اخذي هذا المفتاح بس ترى اني ساكت عنچ بمزاجي والشرطه متخوفيني بيها اگدر اغصبچ واتصل باهلچ اگلهم تريد تخابر الشرطه لان تزوجنا دي احنا عرب عراقيين من حطيتي رجلچ بهاي الشقه كلشي بيچ صار ملكي يعني هسه اجرچ من شعرچ واسوي الي اريده واخذ التلفون واخابر اهلچ اگلهم تعالوا شوفوا بتكم بشنو تهددني راح تنبسطين بسطه واني اتفرج واهلچ يعتذرون مني على تصرفات بتهم وياي لاتهدديني بالشرطه هاي سوالف امريكان وشغله ثانيه الاخبار الي تطلعين بيها فتاة عربيه مغتصبه كل ساعه خبر واشاعه توصل اخبارچ للعراق وتصيرين مشهوره. والاعداديه صورچ على الجدران روحي حبابه نامي وفكري بكلامي استفزني كلامه وعرفت اني مااسويها خلص باچر الصبح اخذ اغراضي وارجع لاهلي اكيد يطلگني الصبح دگ الباب گومي سوي ريوگ مااعرف اسوي شي سوي الي تعرفيه زين. مو گلت متطبخين ليش انتي راح تسووين باچه لچ ريوگ اي شي وبدلي اهلي راح يجوون سويت الريوگ خلصنا غسلي المواعين ورجعيهن لمكانهن جيب غساله اني مااعرف. من تصيرين ادميه اجيب غساله هسه تغسلين بايدچ غسلت المواعين دخلت بدلت طلعت گال صدقه ل الله تخبلين وتقرب باسني. مامسموحلك تبوسني. لچ والله اني مطول بالي عليچ لان استعجلت مره وتندمت بس انتي راح تجبريني مره ثانيه شحدك تتقربلي. والقران راشدي واحد تفقدين الذاكره اسكتي احسن وتعاي ناخذ صور اوديها لاختي بالعراق افردي وجهچ چنچ ارمله. يوم عيد اصير ارمله انشالله انتي قبلي بقينا اني وايهاب كلمن بحاله يحاول يوميه بس اني اصده لحد يوم السابع طلع وصار الليل وهو مرجع بالعشره ونص بالليل دخل وياه وحده امريكيه شنو هاي الي جايبها وياك هاي صديقتي تعرفت عليها قبل ربع ساعه واجتي تبات عدنا خو ماعندچ مانع صدوگ تحچي انت لك هاي شقة بيها زوجتك مو بيت دعاره وجايبلي وحده وهاي الثوله تدري بيك متزوج. انتي وين جايه اني زوجته وصار اسبوع عرسان يله برى يله لافضحكم بهالليل
وين تروح خطيه بهاليل خليها تبات ليش تغارين روح انت وياها اكيد عدها شقه لاماعدها سالتها. ركضت على التلفون دتخابرين منو. امك وخلي اصور هاي التحفه وياك واوديها تشوف اوكي اوكي راح تروح شگد خبيثه طلعت البنيه. شبيك تخبلت بيت بيه زوجتك تجيب وحده ساقطه والجيران يشوفون لعد شسويلچ اذا انتي كل ماحچي وياچ الشرطه والاغتصاب حافظه القانون كله دتعاي نتفاهم وكافي عناد لوتموت ميصير شي بينا. هسه هاي شلون ابهذل احوالها ليش متجين بالحسنى مو احسنلچ شگلتي. انت مخبل داگلك مااريدك ماطايقتك اگلچ انتي مو شكول احترام وتريدين تفيكين براسي تعاي انتي متجين الا بالغصب دخلني الغرفه هو راشدي واحد سكتني ومن انتهى ردت اروح انام بالغرفه الثانيه مقبل انطمري بمكانچ مو على كلشي تنهانين وين الشرطه اشو مافزعولچ تحملت اسبوعين وگتله وديني لاهلي اريد اشوفهم وداني اني هاي الايام الي مرت عليه ويه ايهاب بدا الشعور بالكره اتجاهه يزول وحتى الغضب من الي يسويه اختفى وظليت امثل رافضته وداخلي حب اله ولرتباطي بيه بس يمكن عجبني ادلل زايد عليه گلت لماما ابات يمكم اليوم مقبلت وهو هم اتصل ها دي اجي اخذچ لو خابرتي الشرطه فد يوم اسويها وهسه تشوف اريد ابات عد اهلي باتي واني اجيب وحده تبات وياي وليش وحده اثنين. بلكي بيهن ايدز وتموت واخلص منك ايدز بعينچ انشالله راح اجي رحت على بابا خلي ابات يمكم اليوم بابا اتصل بايهاب وگله انتي گلتيله. گتله ماقبل. اذا ماقبل خلص تروحين وياه عيب بابا الولد ماقصر بشي وياچ من يگلچ متباتين يعني ميستغني عنچ انتي لازم تقدرين اجيتي شفتينا وسولفتي هسه تروحين وياه
وصل ايهاب وصلت الشقه شبيچ ضايجه ترى سگمتيني شصار لو مخليني عد اهلي اشتريتني خو ماشتريتني ليش تبچين كنت واگفه بالمطبخ اجى يمي وخر شگد مكروه مسح دموعي باوعيني گولي شگد مكروه وبعد مااضايقچ واعوفچ يله گوليلها ظليت ابچي بالزايد هسه گلتها ماسمعتني يله عوفني. هو اني لو اگدر اعوفچ سويتها من زمان بس مااگدر ادري غلطان بلي سويته بس والله عقلي وگلبي اثنينهن سلبتيهن وتزوجنا كافي ياعيوني جربي ليله وحده وياي بدون غصب وقوه اذا مگدرتي والله بعد مااجبرچ بس فكري دي ليش اني متحمل هذا كله من عندچ ماكو بنات باير اني ومحد ترضى بيه بس لان حبيتچ الله يخليچ حاولي تكونين الي لعد هسه اني شنو للجيران. اريد گلبچ حبيبتي تدرين اصعب شعور لمن تحب واحد وتتوسل بيه يحبك. صاير شاعر اليوم واكيد صار ساعه تحظر بهاي الجمل حتى تقشمرني بيها. لا اقشمرچ ولا اجبرچ راح اروح لغرفتي اذا تريديني تعاي واذا لا اكو غرفه ثانيه بس والله تخسرين محد راح يحبچ بگدي...يتبع
الصمت ٧زينب الموسوي
انتظرت عشر دقايق ورحت لغرفته. ليش يابه محد يحبني بگدك مااسوه
لاتسووين بس انتي تحبين تتدللين زايد ومحد يتحمل دلالچ وانت ليش متحمل دلالي. هو شي مخليني اتحمل مثل المرض المزمن يصيب الواحد بعد ميشفى منه الا يموت وهسه شرايد. انتي شرايده انتي لحگتيني مو صارلك ساعه تتوسل بالمطبخ اجيت اشوفك شتريد. اريدچ تحبيني مثل مااني احبچ راح احاول واذا مگدرت تعوفني. مو گتلچ تتدلين زايد تعالي خلي نتصالح ونبدي من جديد ذيچ الليله كان لقائنا حبيب وحبيبته بدون ضرب وقوه بنهايته گتله احبك ونسيت الذكريات الماضيه بيني وبينه وبدينا شهر عسل من جديد مرت الايام سهر وطلعات وهدايا واغاني لحد مااقتربت المدرسه. ايهاب باچر دوام وتعرف اني شاطره وقتي كله راح يصير دراسه ارجع ٢الظهر عادي حبيبتي اني ارجع بالاربعه تكونين مخلصه واجباتچ وايام الامتحانات اوديچ لاهلچ لو اني اروح لاهلي بس تعودت اسهر وياك ونطلع بس هذا الي تعودتي عليه انت ليش متستحي صوچي اني احچي وياك
منين استحي هاشبيچ معقده على العموم كل الي تعودتي عليه نسويه بنهاية الاسبوع ايهاب واذ صرت حامل. انذبه لاتخافين. والله اني ماافتهم واحچي وياك اروح انام احسن. شسويلچ اسااتچ ماادري شلونها اذا صرتي حامل تسع اشهر يله يجي الطفل المدرسه خلصانه ومن تبدي مره ثانيه اوديه عند امي او امچ زين شنسمي الطفل اذا بنيه اني اسميها واذا ولد انت سميه اكيد متتعترضين على الاسم ليش شراح تسميه مهاوش شنو ليش لاگيه بالشارع اسم جدي الله يرحمه وجدك چان شنو قائد سلطان ليش مسموك انت على اسمه امي مقبلت تسميني واني هم مااقبل مو بكيفچ من اليوم انتي ام مهاوش مو بكيفك واني اسمي الولد والبنات اني اجيبهم واني اسميهم بدت المدارس ظليت وكتي كله للدراسه وهو متفهم اجي تعبانه الاكل اني مااعرف اطبخ كله معلبات اوجامد ماما تجي يوم بالاسبوع تنظف الشقه اني كنت طفله والطفل من يتعلق بشي صعب يتعود على بعده وايهاب كان كتله من المشاعر والحب اتجاهي مرات اكون گاعده بالكلاس واتذكر حچيه واضحك المس تشوفني تگلي انتبهي لو تطلعين برى بيوم ماتحملت الاشتياق اله طلعت من المدرسه وعفت الدروس اتصلت بيه ايهاب عوف الشغل وتعال ليش شصاير. مااگدر انتظر لنهاية الاسبوع طلعت من المدرسه شگد متستحين انتي الا اخابر اهلچ واگلهم شوفوا بتكم تتحارش بيه وتريدني اعوف شغلي ايهاب تجي لو ارجع للمدرسه. جاي حبيبتي
مر على زواجنا ست اشهر مافد يوم يمر علينا اذا مااحبه اكثر وكل فتره اعوف دوامي واتصل بيه يوم جمعه نهايه الاسبوع عدنا اخر درس رياضه حچيت وي المدرسه مااگدر العب يمكن حامل جاوبتني اوكي لاتلعبين اطلعي طلعت من المدرسه اتصلت بايهاب وين انت بهارلم ستريت. صدوگ تحچي شتسوي هناك هذا شارع خطر كله سود حبيبتي كل شغلي هناك اخذ صور لبنايه قديمه واجي. ايهاب هاي البنايات مقرات مخدرات وعصابات فدوه لعينك اطلع واول متطلع من الشارع خبرني ترى جسمي كله گام يرجف هسه طالع مرت ساعه ساعتين اتصل بيه مغلق ياربي وين صار ايهاب
الصمت
بارت 8
زينب الموسوي
مرت الساعات عليه واني اتعارك ويه روحي حتى من يجي محضره العركه دگ تلفوني شلته گلي الشرطه احس عقلي وگف من الي سمعته ايهاب مضروب سچين متهجمين عليه سود ماسمعت الباقي عايش ميت من الصريخ اتصلت باهله واهلي طلعوا كلمن بسيارته وعافوني صعدت سيارتي اديه ترجف مااگدر اسوق رحت على نور صديقتي گتلها تعالي سوقي المستشفى بعيد البنيه احتارت بين تسوق لو تسكتني كل شويه استرجع الي گاله الشرطي ميت لو مضروب وصلت اهلي قبلي موجودين واهله ماما اخذتني تصرخ. يمه يادعاء على حضچ وام ايهاب بالارض تصرخ وذابه حجابها دفعت ماما ورحت على ممرضه وين ايهاب شصار ردت عليه اسفين كان مضروب بالوريد وصلنا ميت هاي الكلمه عمتني ومابقت عندي عقل حتى مخلوني اشوفه بس الشرطه اخذتني تحچي وياي الحادث صار سود اثنين متهجمين عليه هو سيارته حديثه وموبايله وساعته غاليات والمنطقه خطره مقابل ينطي السياره ضاربيه بالسچينه وظل ينزف على الرصيف بين مجتي الشرطه ماگدرت استوعب الي ديصير وممصدگه ايهاب راح علمود سياره ظليت بالعزا مثل المخبله فقدت النطق وصورته متفارگني متندمه على كل لحظه عذبته بيها وكل لحظه تركته لوحده علمود الدراسه لو دلالي عليه ياريت يرجع ساعه وحده بس واضمه لصدري وابچي گدامه لحد ميسامحني ويمسح دموعي مثل مچان يسوي كل يوم من اروح انام اتمنى الگه هذا حلم واشوفه گبالي يگلي گومي سوي ريوگ واگله سوي انت يرد نسوان اخر وكت هي نايمه واني اسوي ريوگ ابيع عمري كله بس افتح عيوني الصبح الگاه گبالي مرت شهرين وكل يوم اهلي عدهم امل ارجع احچي من جديد اتصوروا اني مااريد احچي لحد ما الاطباء فهموهم صدمه اثرت على النطق ومنگدر نعالجها لان شي بالدماغ بديت اراجع اطباء نفسيين واستخدم الكتابه واحچي وياهم عن ايهاب شجعوني ادخل الشقه وابقى بيها يمكن من اشوف صوره وملابسه اصرخ واحجي من دخلت الشقه نزلت دموعي ومگدرت ابقى بيها عطره لساعه بكل مكان اويلي شگد چان يحبني وشگد چنت غبيه اخذت قميصه وطلعت من الشقه اهله بدوا احراءات الورث الشقه كانت ملك اله وسيارتي باسمه لكن اهله هم كانوا مكسورين اكثر مني واني ماطالبت بشي ذولي اهل ايهاب اعز انسان عندي احرگ گلوبهم على ورث اهلي حرضوني لكن لا مااخذت غير الي انطونياه وبرضاهم رجعت للدراسه اكتب بس مااجاوب لحد خلصت السنه بقت عندي سنه اخيره وجتي السنه الاخيره كانت الدراسه وسيله ابتعد بيها عن الحزن لكن هو حتى بدراستي موجود لمن يشوفني اتعب من الدراسه يگلي عوفي الدراسه وتعاي نلعب بلي شتيشن واذا فزتي اسويلچ عشى واذا فزت تسويلي عشى ايهاب كان يشجعني اصير مهندسه وحلفت وعيونه الا اصير مهندسه حتى لو خرسه...يتبع
الصمت ٩ زينب الموسوي
كانت الايام تمر عليه يوم اصعب من الي قبله اجبر روحي على الدراسه والدرجات العاليه عفت الاطباء وبقيت ادرس طلعه مااطلع كل مكان يذكرني بيه مرات اروح اوگف گبال الشقه وظل يمها عندي امل ينزل يشوفني اتمنى اصرخ اسمه يمكن يسمعني ويجي خليت ساعه من يومي اشوف صوره واكتبله اتخرجت من الاعداديه جتي ماما عليه ماما كافي من الاسود ذبيه وعيشي حياتچ. اني اكتب بالموبايل للناس ماما مااگدر انساه والله العظيم احبه اكثر مااحبكم. مخله شي مسواه الي اتمنى بس اصرخ باسمه حتى اسمه مااگدر اگوله ليش نهايتنا موت صعب اتقبل هاي الحقيقه ماما حتى من اطلع ادور عليه بوجوه الناس مرات اتوهم اشوف شخص نفس طوله لو شعره واروح ركض واصل ارجع خايبه مو هو كافي دعاء تاليتچ تتخبلين مو كافي صوتچ راح. ياصوتي يمه ايهاب راح بعد مااشوفه.
قدمت على كليه هندسه بولاية ايوا لان ايهاب متخرج منها وكان يگلي احسن الكليات بايوا انقبلت ظليت اسبوعين اقنع اهلي اروح اداوم ميقبلون بس اخوي محمد قنعهم وراح وياي اجرلي شقه لان مااگدر ابقى ويه طلاب امريكان سكر وسهر وعلاقات عدد الطلاب العرب قليل بهاي الولايه بس موجودين ورحبوا بيه وساعدوني من عرفوا مااحچي بقيت لابسه اسود والدراسه صعبه بيوم بالمحاضره كان عدنا استاذ بديل يصيح الاسماء حتى نقدم ورقه العمل او الواجب وصل اسمي دعاء گمت من مكاني انطيه الواجب التلفون بايدي انطيته الورقه گال لفظت اسمچ صح هزيت راسي اي صعب لو سهل الواجب كتبتله صعب ليش تكتبين. اني خرسه اسمع بس مااحچي منين انتي. عراقيه عرفت عراقيه من الللقب اني عراقي اوكي
هو ميدرسنا من يغيب استاذ يملي فراغه واحد من طلاب الماجستير او الدكتوراه او استاذ مساعد من خلصت المحاضره بالممرات اجى عليه دعاء تعرفين لغة الاشاره لا مااعرف يعني مو من الطفوله خرسه. لا حادث قبل سنتين اذا تحبين شي مساعده تعالي عليه تشكر اهلچ بايوا. لا بنيويورك بعيده شچابچ هنا. احب ايوا ولايه زغيره وامان مابيها جرائم انتبهي على نفسچ انشاالله كنت الدراسه صعبه اخلص وقتي ادرس لو على اللاب اكمل الواجبات ومرات اسمع محاضرات الاساتذه ينزلوها على المواقع كل هذا وماگدرت تمر ليله بدون مافكر بايهاب اتمنى لمسه منه اشوفه لو بس خيال لو اسمع بس صوته ضحكته حرام الي صار ليش خلاني احبه وراح اني الي متت مو هو لولا الدراسه چان انجنيت من زمان ظليت اشوف الاستاذ اسمه حاتم على طول ويه الطلاب يوگف ويساعد اني انعزل عنهم لان همه يحچون ويتناقشون اني بس ساكته لكن تعرفت على ابنيه جزائريه وزوجها بنفس الكليه اسمها سلوى وهو علاء جبروني ادخل وياهم گروبات استفاديت صح منهم يساعدون يطلعوني بدل الحبسه نتبادل الاسئله القديمه بس اتعب من الكتابه طول الوقت اخذتني سلوى لدكتور وعرف حالتي نفس جواب بقية الاطباء شي نفسي بالدماغ ميگدرون يعالجوه بدوا او عمليه استسلمت لارادة رب العالمين وعودت نفسي اعيش بقية حياتي خرسه تاخرت بالنوم فد يوم وگلت ماروح خليني نايمه بالصدفه كان الاستاذ ممداوم وبداله حاتم ومن شافني مموجوده سال عني بعد المحاضره سلوى مجاوبته مندري يمكن مريضه زاروني للشقه قبلها ودولي رساله همه جايين بدلت وانتظرتهم سلموا عليه وارد عليهم مابيه شي تعاجزت اداوم حاتم گلي ميصير تغيبين بدون عذر كله ينحسب من الدرجه. انشالله بعد مااسويها زين شقتچ فارغه ليش مااحب اخلي اثاث وانظف وقت ماعندي. تروحين بالعطله لاهلچ اكيد اروح شنو الحادث الي فقدتي بيه النطق. حادث مااريد احچي بيه. على راحتچ لاتضوجين ظلوا ساعه يمي وحاتم مابطل اسئله ايدي وجعتني من الكتابه
الصمت ١٠ زينب الموسوي
تعودت على حياتي بالكليه وعلى اصدقائي وخاصة سلوى كانت متترك مجال الي ابقى وحيده علمتني اشياء هواي وظلينا ندخل مواقع حتى اتعلم طبخ قربنا من نهاية السنه بقت بس الامتحانات والجو كان حلو دعتني لبيتها لان مسويه اكل ويشوون بالحديقه رحت كان حاتم موجود اني كنت اساعد والبقيه كانوا يحچون ويضحكون انتبهت حاتم وين مااروح عيونه وراي ظليت تجاهله حتى يعرف الطريق مسدود من حس عليه شفته اجًى عليه يريد يسولف سألني وين تلفونچ اشرت اله بجنطتي فات لبيت سلوى وسالها عن جنطتي وافتحه واخذ التلفون وانطاني اياه هذا التلفون وتعالي نسولف. شنو هال التجاوز منو سمحلك تفتح جنطتي. ليش شبيها جنطتچ مفخخه متعرف لازم تستاذن ترى هاي الشغلات تعلمانها قبل الروضه. بالكتابه وهلگد عصبيه لو تحچين شلون ابتعدت عنه عفت الحديقه ورحت داخل البيت هو عنده رقمي دز رساله تعالي الجو حلو فتحت الجنطه حتى اجيب تلفون گلت اساعدچ انتي مشغوله بالترتيب اسف بعد مااسويها اگدر اعرف ليش لابسه اسود وشنو الحلقه الي بايدچ
وديتله صورة ايهاب كتبت زوجي الله يرحمه توقفت الرسائل ومن طلعت حتى ناكل مكان موجود الظاهر الصدمه قويه مرت ايام الامتحانات اشوف حاتم ويه الطلاب يسلم واشرله بالسلام خلصت امتحاناتي رجعت لاهلي اول شي سويته رحت على الشقه شفت ساكنيها ناس جدد انقهرت ناس غيرنا اني وايهاب ويمكن عرسان مثلنا مر الشهر الاول من العطله بس گاعده بالبيت ومرات بنين تحچي وياي انزعي الاسود بلكي من تغيرين الالوان تحچين ماكو شي يخليني احچي الا شوفت ايهاب عوفوني بحالي بيوم جتي رساله من حاتم. رحتي بدون مع السلامه. شلون اگول مع السلامه اني خرسه نسيت لو ادز لكل واحد رساله بيها مع السلامه. لا مو للكل للناس الي تهميهم ويهموچ سلوى وزوجها ودعتهم قبل يوم ذولي الي يهموني رد قوي يدل معناه لاتحاول اريد اخلص عمري ابچي على زوجي الراح. لا تجيبه طاري زوجي بكلمه انت منو حتى گاعد تتفلسف براسي وتتدخل بزواجي. همزين خرسه الله ولايظلم بشر عندي سؤال جاوبيني وبعد مااراسل اسأل انتي زغيره شگد عمرچ وتزوجتي. ولو موشغلك ١٦سنه وشدعوه چنت مستعجله شنو ازمه مال رياجيل. اي ازمه ولحد الان الازمه موجوده الي اتزوجته ماله مثيل لاصار ولايصير عرفته منو اسد الغابه. فدوه تروحله الف مره صدوگ بلا احساس شلون اروحله فدوه وهو ميت دعاء زوجچ ميت صار سنتين واكثر سلوى حچتلي وانتي موقفه حياتچ وفقدتي صوتچ شنو راح يرجع نهايتنا كلنا موت شوفي الاخبار الموت صار تجاره وانواع بكل شبر مقبره وشباب تموت وكل يوم تنولد ناس غيرهم وتستمر الحياة هاي مشيئة الله سبحانه وتعالى والي يعترض كافر دعاء العمر مره مااگول انسيه لزوجچ بس كافي مكمشه باطيافه عوفيه يرتاح وبطلي تحاسبيه على موته وتشيلينه ذنب حزنچ عليه كنت اقرا كلامه ودموعي تنزل قفلت تلفوني وغمضت عيوني شگد صعبه من تبدي تنسى ملامح انسان هو اغلى ناسك ومتذكرك بيه غير صوره كل شويه تطلعها وتنزل دموعك عليه يمكن يرد عليك ويگول كافي دموع
صارت رسائله تتكرر بين يوم ويوم. گلي ساليني عن حياتي اني غريب واريد احد يهتم بيه. واني شنو فاتحه منظمه اهتمام. لا بس عراقيه واني ابن بلدچ ميصير لازم تسانديني بالغربه. وين اكو غربه بعد العراقيين بكل شبر بالعالم موجودين وبس تفتح نت تسولف واي اي شخص بالعراق مشتاقله. يمعوده اساليني يعني الا اتوسل
احچي عن حياتك يله. اني من النجف تخرجت مهندس من بغداد وطلعت ويه اصدقائي لتركيا ظلينا سنتين هناك كنت مواعد بنيه بالزواج بس اوصل واستقر اخطبها كان عندي صديق اسمه فراس دفعنا فلوس اني وياه حتى نحصل فيزا لدوله اوربيه طلعنا بقارب ميكفي خمس اشخاص ومحمليه عشره البحر عالي والموج كل دقيقه موجه انگلب القارب فراس ميعرف يسبح حاولت كل جهدي ارفعه واخليه ماسك ايدي بس كان وزنه ثگيل ومگدرت ابقى رافعه ظل يركس لحد ما وصل المي فوگ راسه والباقين الي فقد زوجته او ابنه او ابوه مطلعنا غير تلاثه نقذونا باخره وقدمنا لجوء اني اختاريت امريكا حتى ادرس وعادل شهادتي شفت الموت ياخذ اعز صديق عندي ومابيدي اسوي شي غير اصرخ يارب ارحمنا شنو هاي حاتم الله يساعدك عيوني عمن من البچي والبنيه تنتظرك. من انقطعت اخباري عنها اتزوجت لا حرامات شفت الدنيا بيها شگد مصايب مو بس انتي مجروحه بس واگفين على رجلينا وعايشين ويوميه عدنا امل اليوم يكون احسن من البارحه دعاء من تبدي الكليه وترجعين انتظرچ اول يوم تجين لابسه الوان وتضحكين وتودعين ايهاب وتگولليه شكرا لان دخلت حياتي واطمئن اني بخير احاول. لا موتحاولين تنفذين هاي اراده الله يريدنا نعتبر ونتعض بدت الكليات لبست اول يوم وردي كان حاتم منتظر ابتسمنا اول مشفنا بعض شوفي الجامعه شگد بيها بنات ومن كل الجنسيات ولا وحده مثل العراقيه احسن واحد يسوي اعلانات مجانيه انت
