الفصليه زهره ٤
٤زينب الموسوي
عرفن اخواتي بيه واجني للبيت مره يبچن ومره يصبرني كان المفروض يجي الشيخ ياخذني الهم يوم الخميس بس ابوي تمرض وماگدر يتحمل بين مصيبة اخويه وبين مصيبتي الجمعه اجى الشيخ علينا ياخذني وصاحني اخوي حسين حتى الشيخ يحچي وياي
بويه انتي رايحه فصليه وترى هاي الشغله مصايره بعشيرتنا من عهد جدي الشيخ بس سوايت اخوچ وابن عمج جبيره
شيخنا اني خايفه ماخذيني انتقام
لابنتي ماخذيچ حتى يصير بينا نسب وخوله وحتى لو النسوان شدن وياج يوم يومين وينسن بتي تحملي ترى مابينا حيل طلايب ودم من جديد
بالي سوال اني الي اعرفه النسوان تحتمي بالزلم. ليش من تصير الفصليه يريدوها تحمي الزلم العشيره
ابوي اخر شي گال شيخنا حاول وياهم خلي ننطيهم فلوس فديه الها
جا انت مو جنت بالفصل ورادو تلث نسوان فصليه وصفت على وحده وگلنالهم نفديها بفلوس اخو سحر اصر على الفصل والا زهره
اخذني الشيخ وداني لبيتهم بالبيت كان الكل لابسين اسود بيتهم اكبر من بيتنا واحدث راح اعرفكم عليهم
امهم ام حسام وسام وقاسم الي كتله اخويه وحسام الي ماخذيني اله عسكري وسام عسكري بنفس المحافظه
انهار وافراح وكوثر بناتهم بعمري واصغر مني وعدهم نوال متزوجه
ابوهم نجار معروف وعنده خير ومن اخدوني بعده ماكان طالع من السجن
الشيخ صاح حسام وصاه بويه هاي مرتك وصارت منكم وبيكم ومالها ذنب بالصار وانشالله نصير خوال
انشالله شيخنا
طلع الشيخ ماگدرت ارفع عيني واشوفه بقيت مدنكه وتمنيت يكون الي صار حلم وارجع لاهلي قبل اسبوع كانت حياتي تختلف اول شي گاله انتي لوما سافله مجان سويتي مراعيد لاخوچ ويه البنات ورطتيهن
ودت اجاوبه ضربني راشدي نسيت اسمي
طلع من الصاله ويقيت لوحدي جتي العائله كلها عليه وامهم كانت مفجوعه اول مشافتني
ولكم ليش هچي الله لاينطيكم ابني جوا الكاع وبتي انفضحت ورجلي بالسجن وبناتي بعد محد ياخذهن الله لاينطيچ والله لا اطلعچ من طورچ واخليچ تشردين واگول نهبت وافضح اهلچ واخوچ يوسف تدور الايام ويرجع واني كتاله ماخلي ولدي ينسجنون بنت الكلب ليش انتي اشرف من بنتي اخوج احسن منها
جرتني من شعري ذبتني بالگاع وبناتها ضربني بالرجلين وگع تلفوني بالگاع
حسام گال هلا هلا عدها تلفون الفصليه مالها تلفون
ام حسام. دوره شوف سوالفها بلكي تطلع عدها واحد واشهرها دور بالتلفون ملگه شي بس محمله اغاني
الظاهر راقصه تلفونها كله اغاني
طلعوا وعافوني بالليل اجتي اختهم انهار اكبر وحده
كومي اوديچ لمكانچ
ودتني مو غرفه مثل المخزن قريب من المطبخ صغير خالين بيه فراش وكانت الدنيا حاره وبيه مروحه ارضيه وكلتلي نامي هنا وسدي الباب البيت بيه شباب ولو انتي متستحين مثل اهلچ
بقيت بمكاني ابچي واتحسر على غرفتي وبيت اهلي وتلفوني اخذوه والمكان حار امي اكيد هسه تبچي وتفكر بيه
الساعه بالخمسه الفجر گعدت ام حسام تصلي دفرت الباب اگعدي سوي ريوگ الي ولحسام يريد يلتحق
حاضر خاله بس اصلي اول
تصلين وانتي لو تصلين مية سنه الله مايتقبل دم بتي وابني برگابكم
خاله اني شعليه والله مالي ذنب بالصار
مالچ ذنب انتي الي عرفتيها على اخوچ وظل سنه يلحگها لحد ماقشمرها
خاله بيش احلفلچ اني ماعرفتها عليه وحتى سحر مو صديقتي ولا بصفي اسالي البنات بالاعداديه وانتي تعرفين
لا اسال ولا ادوخ روحي بتي راحت وحيفي اخذه منچ
كمت سويت الريوگ وخليته بالمطبخ دخل حسام سلم على امه
يمه هاي مااريد اشوف خلقتها من نگعد ناكل خليها تولي بغير مكان
معليك منها اعتبرها چلبه وبس يطلع ابوك اخطبلك حوراء بت عمك وهاي خدامه لحوراء تستاهل
يمه شتخطبين گلبي محروگ على قاسم ومن اشوف هاي ودي اذبحها
لايمه ذبح لا مااريد اخسر واحد ثاني هاي شغلها وياي والا تطلع من البيت بفضيحه
يطبها مرض هي واهلها
طلع راح للوحده كان يداوم بغداد حسيت اتنفست من طلع من البيت بدات ام حسام اوامر واهانات وتنظيف وبناتها نايمات ومن صار الغدا كعدن صبت وگعدوا ياكلون واني لا كنت جوعانه وتعبانه نمت من خلصوا غدى دخلت جرت المخده من جوى راسي وكالت غداچ تريدين لو لا باوعت معاون ماكلين منه وباقي بيه جابوه الي ممتعوده على هيچ بس اكلت من الجوع كنت اسمع حچيهم وافتهم طبيعة حياتهم رغم يصلون بس ماعدهم احترام واحد للثاني وخاصة البنات كانن يرفعن صوتهن على امهن واخوهم وسام كان كل وقته يم المحامي حتى يطلع ابوه بحكم مخفف لان جريمة شرف وهي معترفه بخطا وبالفحص اثبتوا ذلك كنت اسمعه يگول لامه انشالله نحصل حكم سنه مع وقف التنفيذ
والله ماادري شگولك اذا طلع افرح احزن شلون انطاه گلبه يكتل سحر الي چان يحبها ومدللها
شتريدينه يكلها عفيه يمه احنا رووسنا مانگدر نرفعها بين الناس من عملتها
يمه طفله وهذا السافل ضحك عليها
يمه لا طفله ولاصغيره مااعرفت تصون شرفها يمه سمعتي حچيها گالت جابت للبيت واخواتها كانن موجودات يعني هذا السافل لو جايب عصابه وياه ومغتصبهن كلهن شنگول شنحجي
هسه راحت لربها والله يرحمها
يرحمها واخوي الي راح من وراها وابو بالسجن واخواتها الي لازم نخلص عمرنا نراقبهن
لاتخاف بس يطلع ابوك ثامر ياخذ انهار (ثامر ابن عمهم الي اخذ سحر ورجعها) وكوثر ل اياد ابن عمك وافراح خالتك تريدها لسعد
يمه حتى لو تزوجن هم ماارتاح واضل طول عمري خايف وحده منهن تغلط العار مر صعب على الزلم تعيشه
ابني استهدي بالرحمن وكوم توضى وصلي
طلعت من المخزن خالتي صاحت لي اغسل المواعين اول ماوسام شافني ضرب الميز وطلع من المطبخ
أنت تقرأ
الفصليه زهره
Storie d'amoreقصة حقيقيه عن واقع الفصليات حيث لا برمودا ولاسيت نوم اسود ولا شاب بملابس عربيه وعضلات وطويل واسمر
