فارس جميلة

part 16

-إمآ أن تميزني عن البآقين، أو تعتزلني❤*!
******************************
ضلت جميلة طوال النهار تفكر هل تذهب ام لا !؟ ... هل هذا صحيح ام خطأ لم تعلم ماذا تفعل !؟ ... حتى بعد ان عرفت ان فارس قام بمتابعتها ... و طوال اليوم يرسل لها ليذكرها بمعادهما .. و لكن فضولها لمعرفة ماذا يريد تغلبت عليها لتتخذ قرارها للذهاب !! ... و ضلت هكذا طوال اليوم مستمتعه مع اصدقائها ...حتى الساعه ١٢ مساءا ... لتجلس على سريرها بحيرة و تفكر مجداا هل تذهب ام ماذا ؟؟ ... لتلاحظ صديقتها زهر حالها لتجلس هى الاخرى على سريرها و تسالها
زهر: مالك يا ميلا !؟ من ساعت ما طلعنا و انت سرحانه فى حاجه حصلت عمو طنط تمام ؟؟
لتنتبه جميلة لصديقتها فترد عليها : لا كله تمام
زهر باستغراب : طب مالك ؟؟
جميلة بتافف و هزار : هو باين مافيش غيرك اقوله مع انى عارفه انك غبية و مش هتفدينى
زهر بغرور : لحسن حظك اكيد ... و بعدين ايه غبية دى ... دا انا يا حيوانه بجيب امتياز وانتى لا
جميلة : دا لسوء حظى انى وقعت معاكى ف نفس الوضه
زهر : بعدين نشوف لحسن حظك ولا لسوء حظك .... مالك فيه ايه !!
جميلة بتوتر : بصى يا ستى .....
( لتحكى جميلة لها كل شئ عن فارس اعجابها بيه و مقابلتها له اثناء الامتحان وقت ما اخذت منها الورق و حادثه المطبخ و الشط و ما حدث صباحا كل شئ ... لتنتهى حديثها اما صدمه صديقتها زهر ) ب و هو مستنينى دلوقتى ف المطبخ و انا مش عارفه اعمل ايه انزل ولا ؟! ... و بعدين مكنتش فاكرة ان ممكن اقابله اصلا ولا يحصل كل دا اووووف بجد .... قوليلى اعمل ايه !؟
تنظر زهر بصدمه لصديقتها بعد ما سمعته لتقول و هى تحت تاثير الصدمه
زهر : هااا
جميلة بتافف : اففف ... هو دا اللى كنت خايفه منه .. ثم بصوت عالى : زهر فوقى و ركزى معايا كدا
لترد عليها زهر : انتى بتتكلمى بجد
جميلة بضيق : عاااااا ... والله بجد و هو مستنينى تحت ف المطبخ انزل ولا !!؟
زهر : يا بنت الايه يا جميلة و متقوليش كل دا !؟
جميلة : ما انا قولت اهو ...هااا اخلصى اعمل ايه ؟؟ ... انا اللى جبته لنفسى ياربى
زهر بتفكير : اممم .. تنزلى ولا ؟؟ .. بصى هو غريب الموضوع بس يجنن ... و انا بصراحه عندى فضول هيعقبك ازاى فانزلى يالا
جميلة : يارب انا اللى جبته لنفسى ... زهر بجد يا حببتى اعمل !؟
زهر : طب بتكلم بجد والله انزلى
جميلة بتفكير و توتر : متأكدة !؟
زهر : ايوة يالا يا حببتى و انا هستناكى تحكيلى عملتى ايه !؟
جميلة : ماشى ..انا نازله
زهر بتشجيع : شطورة يالا يا حببتى انزلى
جميلة : تمام ... هنزل
ترفع زهر يدها بعلامه صحيح 👌
جميلة باحباط : لا مش نازله بلاش ..
و بعدين هيفتكرنى وحشه زى نهى لا مش نازله
زهر بعصبيه : بت انتى متعصبنيش يالا من هنا ... انزلى يالا
جميلة : يازهر
تقاطعها زهر : بلا زهر بلا بتاع يالا يا بت من هنا لو منزلتيش هشدك من شعرك هنزلك
جميلة : ماشى نازله اهو
زهر شطورة يا حببتى
لتذهب جميلة لنزول المطبخ بعد ان وصلت الساعه الى ١ .
******************************
طوال النهار و فارس يستمتع مع عائلته بالجو و مناظر شرم الخلابه ... اثناء تفكيره ماذا سيفعل مع جميلة ... لا يعلم لماذا قال لها ان تقابله ف هذا الوقت او فى هذا المكان !؟ و لكن ما يعلمه انه يشعر بسعاده شديده لما حدث و ينتظر هذا الوقت بتلهف شديد ...
فى الساعه ١٢:٥٠
نزل فارس الى المطبخ لقد قرر ان يعتذر لجميلة بتجهيز هذه الوجبه التى كانت تريد ان تتذوقها عند مقابلته لها اول مرة .... ليبدا فى تجهيزها و هو ينظر للساعه كل ٥ دقائق ... حتى اتت جميلة عن الساعه ١:١٠ ... ليبدا هو بالحديث
فارس : متاخرة ١٠ دقايق
جميلة بتوتر : معلش .
لينظر لها فارس بترقب حتى تقترب و يقول
فارس : انتى مكنتيش عايزة تيجى ؟؟
تفرك جميلة يدها بتوتر وحرج و تقول : بصراحه اه ... مكنتش عايزة انزل بس فضولى خلانى انزل ف اخر دقيقة
فارس بابتسامه: شكرا بجد لكرم فضولك ...و على صراحتك كمان
لتنظر له جميلة بتوتر و تبتسم و يصمتا
ثم يقطع الصمت مرة اخرى فارس
فارس بمكر و ابتسامه جانبيه : ساكته وهاديه كدا فى نفسك ليه ... مش متعود عليكى على الانستا كدا خالص !!
جميلة بتوتر : لا ما انا مستنياك تقول عايزنى فى ايه ... و بعدين انا فعلا زى اى فلورز عندك ...بنت معجبه بيك و خلاص بتبتعت مسجز زى اى حد و انت مش بترد بس
فارس : امممم ... بس انتى مش زى اى حد
تنظر له جميلة بتعجب : ازاى !؟
ليتركها فارس و يذهب ليخرج باقى للمحتويات من الثلاجه
جميلة : طب بتعمل ايه ؟؟ و عايزنى ليه ؟؟
فارس : بعمل الباستا اللى كنتى عايزة تذوقيها و وقعتيها على الارض ... و بعملها ليه عشان اصلحك يا ستى و يبقى اعتذار عن اليوم دا و كمان كبداية صداقه لينا ولا انتى مش عايزانا نبقى اصدقاء !؟
جميلة بذهول مما يقوله فارس : هااا
فارس : كتك اوه
جميلة : يعنى انت بتعذرلى دلوقتى كدا ؟؟
فارس : اه و هتقبليه عشان مش بعتذر كتييير
جميلة بفرح : اكيد قبلته بتتكلم فى ايه
يضحك فارس عليها و يبدا فى اعداد الطعام
جميلة بتساول : احمم ... طيب سوال تانى !؟
فارس : ياه اتكلمتى دا قولت انك هتنامى .. اتفضلى ياستى !!
جميلة بترقب : انت قولت ان انا مختلفه ازاى ؟؟ قصدك ايه يعنى ؟؟
ليبتسم فارس لها و يترك ما يفعله و يذهب اليها بهدوء ويقول بابتسامه
فارس : مختلفه عن باقى البنات ..كلامك و ضحكتك و كل حاجه فيكى و دا لما شوفتك اكتشفته ...لكن قبل كدا قبل ما اشوفك و كانك فلوز عجبنى اصرارك وكلامك و اتعودت على مسجاتك لدرجه انى كنت بستناها و ينزل استورى مخصوص عشان اشوف رسالتك او صورة عشان اشوف كومنتك ...جميلة انا معجب بيكى جدا
ليسكت و ينظر الى جميلة المنذهله من هذا الكم من الكلام والاعترافات و يحمر خديها و لمعان عينها بعد هذا الكلام لينظر فارس لهما بعض الوقت ثم يقول
فارس بضحك شديد : بهزر اكيد مالك صدقتى ولا ايه ...و وسعى كدا عشان اخد الملح من وراكى
لتبتعد جميلة قليلا ثم تقول : ها لا طبعا اصدق ايه انا تستغربتك جدااا اصلا قولت انت اتجننت و لا حاجه
تحدث جميلة نفسها ( ايه دا ياربى انا كنت هصدق ... صدمنى بجد ... طريقه كلامه و نظرة عنيه اوووف ... الحمدلله انو بيهزر ... بس ليه عمل كدا ) .
فارس يقطع تفكيرها : انفع امثل مش كدا
جميلة : جدااا
فارس : انا بقول كدا بردوا
جميلة : انت ندتنى هنا ليه ... لو عشان الاعتذار انا يعم تقبلته و شكرا ... عايز ايه تانى بقى ؟؟ ... و بعدين ايه حكايه العقاب اللى انت قولتلى عليه دا لو سمحت ؟؟؟
فارس : انا اعقبك ليييه ... انتى غلطتى فى ايه عشان اعاقبك !؟
تنظر له جميلة بتفكير و تقول : اوووف بجد انت بتهزر ... بلاش رخامه بقى
فارس بابتسامه : بصى انا بعد ما اكتشفت انك نفس الفلور و صحبت اختى و اتعرفت عليكى شويه ... حبيت انى اعتذر عن الموقف دا و نكون فعلا اصدقاء .
جميلة بابتسامه : اممم طيب ... خلصت بقى عشان جعت !!
فارس : خلاص خمس دقايق بس
جميلة : تمام
فارس يحدث نفسه ( مش فاهم مالى غبى و رخم و مش عارف اتكلم معاها ... انا لو مكانها اسبنى واطلع انام احسن ... و بعدين ايه اللى انا قولته دا فى حد يهزر كدا ... و بعدين انا عايزها فى ايه فعلا ... يعنى بنعمل ايه هنا .. انا عاجبنى انها قدامى و بنتكلم و خلاص فى اى حاجه .... بس هتزهق كدا و تسترخمنى ... اعمل ايه ياربى !! )
فارس بتفكير : احكيلى عن نفسك يا جميلة ؟!
جميلة : عا ....
يقاطعها فارس قبل ان تكمل كلامها
فارس : اه صح انتى مردتيش عليا الاول ؟؟
جميلة بتذكير : ارد على ايه ؟؟
فارس : ان نكون اصدقاء
جميلة بتفكير : بص هو انا كجميلة معنديش مانع ..بالعكس هكون فرحانه جداااا انى بقيت واحده من اصدقائك
.... بس اصدقاء ازاى و احنا مافيش اى حاجه تجمعنا ... بمعنى ان انا اصحابى الولاد لازم يكون فى صله قرابه زى ولاد عمى خالى ... او مكان يجمعنا معايا فى شغل جامعه كورس اى حاجه ... لكن انت انا دلوقتى اخر مره هشوفك و اكلمك فيها عشان ماشيه بكرة ... ف ازاى هشوفك اكلمك كدا يعنى ... فاهمنى ؟؟
فارس : بتدرسى ايه قولتيلى ؟؟
جميلة باستغراب : تجارة
فارس : سنه كام ؟!
جميلة : تالته
فارس : اكيد بتنزل تدريب ؟!
جميلة : اه
فارس : تمام حلو ... تنزلى فى الصيف عندى تدريب فى شركتى
جميلة : ايه ؟؟
******************************
الفوت و الكومنت 😍