Mah-e-Kamil (The Full Moon)

My Dear Diary

Wo abhi apna khayalat mai gum thi ka achanak usa class ka khayal aya.Usna apna mobile mai time daikha.Class lagna mai 5 min rehta tha.Wo jaldi jaldi class ki janib barhi.Class mai ja kar daikha to Rubab ka sath Faiz baith chuka tha.Usa bht gussa aya lekin wo us waqt kya kr skti thi.Us na class mai aik nazar mari to sari seats full theen bs aik larka jo dursi tarf mun kiya kisi larka sa bat kr raha tha uska sath seat khali thi.Tooba ko char o nachar wahan jana para.Us na seat pr ja kr apna bag rakha to larka na mun moor kr usa daikha.Ya wahi batmeez larka tha.Tooba usa daikhta hi phir sa gusssa mai a gai or apna bag ka sath uthi taka kahin or ja saka lekin koi seat khali nahi thi is lya usa apna gussa ko pas e pusht dal kr wahin baithna para.
Hadi usa daikh kr muskuraya.Jb Tooba class sa larti hoi gai thi to wo bht gussa mai tha.Wo us larki ki shakal dubara nahi daikhna chahta tha lekin waqt guzarna ka sath sath uska gussa thanda ho gya to usa ahsas hoa ka us na us larki ko zyada hi suna dya aur ho sakta ha galti uski bhi na ho.Wo chaha jitna bhi batmeez tha Dil ka acha tha or ab us acha Dil ka malik larka ko regret ho raha tha.Wo maafi mangna chahta tha lekin wo to us larki ko janta bhi nahi tha.Itna mai hi koi uska pas a kr baitha.Ya wahi larki thi.Us na sakoon ka sans liya.
Usa jald sa jald us larki sa maafi mangni thi is lya kalam Ka silsila us na hi shoro kiya.....
"Assalam u alaikum miss"
Tooba ko to uski shakal bhi gawara ni thi kuja us sa bat krna is lya usna jawab ni diya
Hadi muskuraya
"Salam ka jawab daina hr musalman par farz ha lgta ha ap Muslim ni hain"
Tooba na usa ghoor kr daikha.Uska chehra pr shararat wazeeh thi
(Ab ya kya chahta ha ka mai iski dubara beizzti karon.Nahi.....Tooba calm down phir koi tamasha ni karna class shoro hona wali ha)
"Walaikum assalam bs..."
Tooba na gussa mai jawab diya
Is bar Hadi uska andaz pr hansa
Tooba lagatar usa hairat sa daikhi ja rahi thi ka kahin ya larka pagal to nahi aween hansi ja raha ha
Hadi ki siyah ankhain hansta waqt chooti hoti theen or bht pyari lgti theen
Hadi na bamushkil apni hansi control ki or kalam ka silsila phir sa jora
"Ok miss... No more rudeness.Mujhy lgta hai galti na apki thi na hi meri lekin mai phir bhi apsa sorry krta hun."
Ya kh kr usna uski taraf hath barhaya shaid ya larai khatam krna or aman Ka signal tha
"Hadi Murtaza"
Tooba Ka sataishi nazro sa usa daikha
(Ohhh....to ya ha Hadi Murtaza isa to Mai btao gi achi tarhan.Isa pta ni ha is na kis sa panga liya ha.Beta ruk ja zara semester ka end tk tjhy seedha kr Ka rakh dn gi.Aya bara scholarship holder hunnnnn.....)
Itna mai aik professor class mai dakhil hoa to Hadi na apna hath wapis kr liya.
Professor ki nazar class mai daikhil hota hi Tooba pr pari to wo Tooba ko daikh kr muskuray.Tooba bhi unha daikh kr muskurai.
Professor Iqbal na Pori class ko apna taruf karaya.Wo unka Financial manegmant Ka professor tha.Apna taruf ka bd unho na baqi class Ka taruf laina chaha
First par Hadi or Tooba baitha tha.Shorwat Hadi sa hoi.Uska bd jaisa hi Tooba khari hoi to sir na kaha
"Tmhara introduction Mai khud dn ga"
Tooba muskurai
"Sure sir"
"So students ya hain Miss Tooba Nayaz.Best students mai sa aik or meri favourite student.Pichla saal aisa aisa sawal kiya Hain mujh sa Ka kabhi kabhi mai khud bhi heeran rh jata tha.BBA mai Tooba na uni mai top kiya ha.Tooba bht hi zyada zaheen student hain or ap sb ko aik strong compitition daina or mujhy bht zyada tang karna ya MBA mai mojood hain or mujhy bari hi khushi ho gi agar ap mai sa koi Tooba ko beat kara.Jo Ka namumkin SA hi nazar ata ha"
Tooba apna introduction pr khul kr muskura di.Us na doo ankhoo ki tapish ko apna upper mahsoos Kiya.Us na Hadi ki tarf daikha to wo lagatar usa daikhi ja raha tha.Us na gussa SA Hadi ko ghoora
(Is ki itni himmat Ka mjhy ghoora.Ruk jao Hadi Murtaza tmhari to mai Achi khasi krti hun)
"Kya ha?? Kya phli dafa larki daikhi ha??"
Wo muskura kr seedha hoa
"Gussa tmhari jaddi pushti adat ha.Ya Allah na tm pr koi khas nawazish ki ha"
Tooba ko uska frank rawaiya pr bht gussa aya
"Mr.what ever you are.Apni had mai rahain.Mujh sa zyada frank hona ki zarorat ni ha.Agar izzat pyari ha to chup kr ka baithain"
"Daikha phir gussa.Miss Tooba ap doctor ko check kion ni karati hoskata ha apka sath koi serious masla ho"
Tooba ko uska chehra par shararat nazar aa gai thi is liya wo chup ho gai.
Unka agla 3 sa 4 lecture consecutive tha is liya usa time Ka khayal hi ni aya.Jb usna time daikha to 2 bajh raha tha.Wo foran sa parking ki tarf bhagi.Usa to yad hi ni raha tha ka usna Anaya sa kha tha ka wo jaldi ai gi.
Usa is tarhan parking ki tarf jata daikh kr Rubab uska peecha gai or usa roka
"Kahan ja rahi ho abhi 2 periods rhta hain?"
Tooba na usa koftzada sa jawab diya
"Tmha meri fikar krna ki zarorat ni ha.Apna Kam sa kam rakho"
Wo apni car ki tarf barh hi rahi tha ka usna Hadi ko apni tarf ata daikha
(Ya idher kya kr raha ha.Zarur bunk kr raha hoga.Aya bara compititor.Parhana likhna walo ka aisa Kam hota Hain)
Hadi seedha Tooba ka pas aya
"Miss angry bird ap apni dear friend ko wahin gira gai thi"
Usa Hadi ki bat smjh ni ai lekin apna new title pr gussa bht aya
"What the hell apko tameez ni ha mera name Tooba ha ya kya batmeezi thi??"
Tooba waqai gussa mai appa sa bahir ho jati thi
Hadi mehzooz hoa.Jo log us sa chirta tha usa unha chairna mai or bhi maza ata tha.Lekin agar uski class na hoti to zaror wahan ruk kr usa tang krta
"Miss what ever you are (wo Tooba Ka lehja copy kr raha tha)ap apni 'dear diary' seat pr gira kr aa gai theen(diary usko pakrata hoa)larkion ki diary mai khuda baksha dosro ki buraiyain hi hoti hongi.Is liya maina socha ka ya apko lazmi wapis kr dn taka ap aj is mai meri buraiyain aram sa likh sakain warna kl tk agar mri buraiyain bhool gayn to"
Tooba uski bakwas ki zabt sa sun rahi thi
Usna mashkooq lehja mai pocha
"Ap na isa parha to ni??"
"Ni ni meri itni jasarat.Ap na to mjhy kacha chaba jana tha.Waisa bhi mjhy kisi ki buraiyain prhna ka shoq ni. soo easy"
Wo muskuraya or jana ka lya palatna hi lga tha ka Tooba ki ahishta si awaz ai
"Listen Hadi is mai kisi ki buraiyain ni hain.Ainda aisa mat khna.Well thank u"
Wo muskurai
Hadi na uska chehra pr kuch khoojna ki koshish ki lekin nakam raha.Aisa kya tha jo is atish fishan pahar ko thanda kr gya tha
"My pleasure.Ok class ha mjhy jana ha.Kl milain ga class mai.Allah hafiz"
Or wo bhi sari talkhiyan bhula kr muskurai
"Ok.See u tomorrow"
Tooba ko ya bat achi lgi thi ka Hadi uski diary wapis krna aya or unsa uski diary prhi bhi ni or phir usna sorry bhi to ki thi.Wo itna bhi bura ni tha
_____________________________
Wo jaisa hi ghar mai dakhil hoi to usa drawing room sa kafi sara logo ki baton ki awazain a rahi thi.Is ka mtlb uska chachu ki family aa gai thi.Wo usi halat Mai drawing room mai chali gai.
"Hello everyone"
Ab usa daikh kr muskuraya.Uski chachi na to usa apna pas hi baitha liya.Sb janta tha ya anayatain kis liya theen.Dusra sofa pr baitha Anaya or Mustahsam apni hansi rokna ki nakam koshish kr raha tha
"Hayyy..... Meri bachi kaisi peeli par gai ha.Is parhai na to tmha kahin ka ni chora.Choro is parhai ko bera garq krka rakh diya ha tmhara.Hayy kaisi gori rangat thi meri bachi ab daikho kya hal bana kr rakh liya ha" 
"Khas kam jahan pak"wo mun mai barbarai
Lunch lagna par uski jan Allah Allah kar ka chooti
Lunch pr Ahsan usa lagatar daikhi ja raha tha.Usa uski nazro sa koft ho rahi thi.Tooba na usa gussa sa ghoora lekin wo muskura diya
Tooba Ka lya ab apna gussa control karna mushkil ho raha tha
Ahsan ko laga aisa bat ni bana gi is liya usna Tooba ko barah e rast mukhatib kiya
"Tooba ya biryani lo na bht achi bani ha"
"Ya mera ghar hai mjhy jo chahya hoga khud lai ln gi Ahsan bhai" usna lafz Bhai pr bht zoor dya.Jis sa Ahsan ki muskurahat madham ho gai.
Tooba wahan sa uthna ka bahana talash kr rahi thi kionka Ahsan usa lagatar daikhi ja raha tha or usa wo moqa mil gya
Sakeena begham chai banana ja rahi theen.To Tooba na kaha ka chai wo bnay gi or wo Anaya ko lai kr kitchen mai chali gai
Tooba kitchen mai ja kr wahan moojod kursi par girna wala andaz mai baithi.Anaya chai charha rahi thi to Tooba na us sa kha
"Anaya yr aik plate biryani daina bht bhook lg rahi ha"
Anaya hairan hoi kionka abhi sb na bahar khana khaya tha
"Lekin ap na abhi to bahar khana khaya ha"
"Khaak khana khaya ha hun..... Wo hai na Ahsan sahb.Mujhy lagatar ullo ki tarhan daikhi ja raha tha.Mera dil kr raha tha Ka sath rakha glass uska sar par dai maron.Hunnn..... batmeez kahin ka"
Anaya hansna lag gai
"Hahahahahahaha Tooba koi hal ni apka."
Wo ya kh kr chai mai cheeni dalna lgi(usa pta tha Ka sb kitni kitni cheeni dalain ga)Ka Tooba na usa roka
"Rukoo ana aik cup without sugar rakhna"
"Kion ap to diet pr ni hain"
Tooba na mukurata hoa kaha
"Mai diet pr ni hn lekin aj is Ahsan Fayaz ko high blood pressure ka patient zaror bna kr bhaijo gi"
Anaya na Tooba ki ankhoo mai shaitano wali shararat daikhi
"Aisa waisa kuch na kijiya ga kahin bat ulti hum pr hi na a jay"
"Ohh kuch ni hota"
Ya khta hi usna namak ka 3 chamach cup mai dal diya.
Anaya ka mun hairat sa khula rah gya
"Tooba 3 chamach.."
Wo Tooba ko hath ka ishara sa bta rahi thi jaisa abhi bhi yaqeen krna ki koshish kr rahi ho
"To or kya ab pta chala ga ka is Ahsan ka bacha ko ka is ka pala kis sa para ha"
Wo dono kitchen sa bahir ain to Tooba apna kamra ki tarf chali gai kionka wo no chahti thi ka wo in logo sa koi talakh kalami kara
Bed pr lait kr usna ankhain band ki to aj ka sara waqayat uski ankhoo mai film ki tarhan chal para
Subah subah proposal.......Anaya ka ajeeb o gareeb sawal pochna.......Desi Romeo Juliet...... batmeez larka sa khatarnak kism ki takar......... Hadiya sa dosti or uska ajeeb rawaiya.........Hadi ka maafi mangna........... Hadi ka usa uski diary bina parha wapis krna.........or ab uski sharatain
Uska hontho pr aik khubsorat si muskurahat dori.Pora din ki yadon mai ab usa sirf Hadi yad tha
"Itna bhi batmeez ni tha"
Usna chaat ko ghoorta hoa kaha or uski muskurahat or gehri ho gai
Lekin achanak uski muskurahat madoom pr gai or ankhain band krta hoa usna kha
"Ni bht batmeez tha"
Wo ajeeb sish o panj ki halat mai hi neend ki wadi mai chali gai.
_____________________________
Uski ankh khuli to kamra mai halki halki roshni thi.Uski nazar clock pr gai to time daikh kr wo harbara kr uthi.Sham ka 7 bajh raha tha.Aik dam sa Anaya or Mustahsam zor sa darwaza khool kr andar dakhil hoa.
Mustahsam ata hi bed pr girna wala andaz mai laita or phir Tooba ko daikh kr phir sa hansna shoro ho gya
"Kya ho gya aisa kion hansi ja raha ho"
Itna mai Anaya boli
"Tooba bara maza aya agar ap hoti to unki shaklain daikh kr khoob hansti"
Tooba ki ankho mai shararat ubhri
"To phir btao mera khabri kya khabar ha"
"Khabar achi ha"
"Acha ab shoro sa btao"
_____________________________
(Lounge ka scene)
Sara lounge mai baitha tha sirf Tooba nazar ni a rahi thi.Itna mai Tooba ki chachi Nayaz sahb sa boli
"Bhai sahb ap ya aik bat krni ha"
Nayaz sahb na ungli ka ishara sa unha khamoshi ka kaha or apna roa e sukhan Sakeena begham ki tarf muntaqil kiya
"Sakeena wo jo picla hafta Tooba ka liya tmhari dost ka beta ka proposal aya tha na unha mana kr do"
Sakeena begham na nasamjhi mai unhai daikha kionka us proposal ka to sunta hi Tooba na mana kr dya tha or uska bd silsila khatam ho gya
Itna mai Nayaz sahb apna bhai Fayaz sa mukhatib hoa
"Tooba ka liya Sakeena ki dost ka beta ka proposal aya tha.Kahin uni mai Tooba ka senior raha tha.Rishta acha tha lekin maina jb thori bht investigation karai to pta chala larka na aik do bar smoking ki ha or aik do bar jhagra bhi kiya ha bahir to phir maina apna irada multavi kr dya waisa bhi konsa mri beti ki umer nikli ja rahi ha"
Sb is bat ka mtlb achi tarhan samajh gai tha ka Ahaan ka liya Tooba ka hath mangna ki jurrat na ki jai kionka Ahsan chain smoker tha or laraion ka liya pora khandan mai mashoor
Itna mai Nayaz sahb na apna roa e sukhan Ahsan ki tarf muntaqil kiya
"Or mian maina suna ha pichla hafta larai krna ki waja sa jail ka chakar lga kr ai ho.Kuch to khayal karo khandan ki izzat ka or agar khandan ki izzat ka lihaz ni ha to thora apna baap ka hi khayal karo.Zaeef ho gya ha or is umer mai bacha maa baap ko palta hain lekin yahan to ulti ganga bah rahi ha.Zara sa to khayal karo tm iklooti aulad ho apna baap ka sara business tm na hi sambhalna ha lekin tm ho ka serious hi ni ho kr dai raha.Parhai tm na choor di thori si umeed thi Ka shaid tm thora sa zimmadar niklo to business tmhai handover kr dya jaiga lekin aisa asaar nazar ni a raha"
Ya sun kr Saima chachi na rawaiti maa bn kr apna beta ka defence ki koshish ki
"Ni bhai sahb aisa ni ha wo larka hi is sa lara tha........."
Unki bat ko Fayaz sahb na kata
"Saima tm to chup hi raho.Tmhari bejah himmayat na hi isa bigar kr rakha ha.Aik ya meri nikami aulad ha aik Nayaz bhai ka bacha hain Tooba MBA mai pochnch gai ha topper ha apni university mai.Anaya medical college mai ha or inshallah doctor bn kr hi nikla gi or Mustahsam itna saadat mand beta ha ya bhi 2nd year mai ha or mashallah iski engineering bhi khoob achi ja rahi ha.Parhai ka ilawa bhi kitna zimmadar bacha hain.Apni zimmadari sa bakhoobi waqif.Or aik meri qismat mai ya nikama hi likha tha.Naumeed kr ka rakh dya ha.Allah na beta hi diya tha to Mustahsam jaisa dai daita warna Anaya ya Tooba jaisi aik beti dai daita"
Baap ka mun sa apna liya shandar alqabat sun kr Ahsan uth kr chala gya or Saima chachi uska peecha usa manana gai.
Apni itni tareef sun kr ahsas e farhat Ka baees Mustahsam ki ankho mai mooti chamakna laga.Anaya na halat samjh kr uska hath dabaya or uska kan mai jhuk kr raha
"Bs pagla zyada senti na ho kya sb ko rulai ga"
"Fayaz bhai apko aisa ni khna chahya tha bacha hai smjh jai ga"
"Bhabhi usko bacha smjh kr hi itni space di ha lekin ab ni.Abhi isa pta ni ha Ka agar maina sakhti ki to kya hoga"
_____________________________
"Phir Tooba api wo chala gai"
"Or apki jan chooti"
"Hnn jan to choot gai ha lekin bahar moosam ka halat kya Hain?"
Mustahsam na dant nikala
"Nazreen ap ko mutla kiya jata ha ka Lahore ka ilaqa Model town mai aj matla abar alood raha ka.Thori bht garj chamak ka sath bonda bandi ka imkan bhi ha is liya ap sb sa darkhwast ki jati ha ka ap apna gharo mai hi tehra rahain in short Aj hmain mama sa joota prna hain is liya agar hm apna kamro mai hi rahain to behtar ha"
Wo dono Mustahsam ki moosam ka halat ki peshangoi pr buland awaz hansi
Itna mai aik mulazma na aa kr unha pegham diya
"Sahb ap teeno ko apna kamra mai bula raha hain"
Mustahsam foran uska samna aa kar khara ho gya
"Mama kamra mai hain??"
"Ni Mustahsam bhai bibi g to neecha hain"
Mustahsam na pehla sakoon ka sans liya phir tewri charha kr mulazma ko daikha
"Bhai ni hn tmhara bibi 2 saal choota hn tm sa"
Ya sun kr jahan mulazma garbarai wahan tooba or Anaya ka qahqaha buland hoa
_____________________________
Nayaz sahb apna bed pr baitha kisi kitab ka mutalya mai masroof tha jb wo teeno kamra mai dakhil hoa or aa kr bed pr baith gai
Mustahsam bola
"Baba garj chamak ka sisla khatam ho gya ya programme abhi baqi ha?"
Wo muskurai
"Barkhordar garj chamak ka sath sath bonda bandi bhi ho chuki lekin moosam ka halat na sazgar hain kabhi bhi kharab ho sakta ha"
Phir wo Tooba sa mukhatib hoa
"Mera bacha ab khush??"
"Bht zyada khush.Kasam sa Baba wo lofar mjhy aik ankh ni bhata"
"Wo to hai"
Phir jaisa unha kuch yad aya to unho na bat jari rakhi
"Tooba meri bachi chai mai agar namak hi dalna hai to wo bhi aik chamach hi dalta hain usa namak sa malamal kar ka zehar ni karta"
Tooba na nasamjhi mai unhai daikha lekin phir usa mamla samjh aya ka namak wali chai uska Baba ka pas chali gai thi
"Lekin.. Lekin baba wo cup to Ahsan ka liya bhijwaya tha"
Usna gussa sa Anaya ki tarf daikha to Anaya foran hath utha kr boli
"Serve maina ni ki thi"
"To phir kis gadha na ki thi"
Tooba gussa mai boli
"Jaisa Fayaz ka ghar Ahsan nam ka gadha ha blkul usi tarhan hmai bhi Allah na aik adad gadha sa nawaza ha kion Mr Mustahsam Nayaz"
Tooba na Mustahsam ko ghoora jis na sar khuja kr kaha
"Ab mjhy kiya pta tha"
"Khair Jo hoa so hoa achi bat ya ha ka meri beti ka sar sa Ahsan nam ki talwar hathi ha"
Or sb na sakoon ka sans liya
_____________________________
Tooba kamra mai ai or apni diary nikal kr baith gai
Sb sa pehla usna pori diary check ki sari cheezain apni jaga pr thi.Uski sochain bhatakna lagi
"Koi cheez ni chairi.Pehla jo hoa so hoa bad mai maafi bhi mang li.Dil ka bura ni ha..."
Usna apna sar jhatka
"Tooba kya ho gya ha tjhy.Wo Jo bhi ha jaisa bhi ha tjhy kya laina daina us sa"
Uska bad wo diary pr likhna baith gai
"My dear diary aj bht ajeeb si bat hoi mtlb bat ajeeb ni thi wo larki ajeeb thi like maina uska abaya geela kr diya or usna mjhy kuch bhi ni Kaha like kisi Ka dil itna bara ho skta ha warna hm aj kl larkian kitni conscious hain apni cheezo ka bara Mai.Us larki mai ajeeb sa sehr tha Ka mai usa resist ni kr pai.Pta na kiya tha us Mai or uski ankahin kitni pyari theen aisi ankhain aj tk ni daikhi maina halaka common black colour ki hi theen lekin un ankoo mai jado tha apni tarf kheenchna ka jado
Mjhy ni pta mjhy kya ho gya tha us waqt mai kisi sa itni frank kahan hoti hn Mai to bht reserve si larki hn lekin pta ni kiya hoa tha
Khair baqi bd mai abhi mera sar mai bht dard ho raha ha...."
_____________________________
Usa kon btay ka
uski zindagi bht jaldi badlna wali ha
Ka wo larki uska liya bht important bnna wali ha
Ka Ahsan abhi kya krna wala ha
Ka abhi kamyabian uski muntazir ha
Kon batay??? Akhir kon batay?????
_____________________________
So guys how was the episode???
Jaisi bhi lagi ha comment section mai zaror batain taka mai or behtar kr sakon
or vote bhi Kiya karain(vote karna Ka liya neecha bna Star pr click karain)
Or agar koi suggestion ya complaint ha to mjhy Instagram pr dm karain
IG rameenasif2001
Next episode Friday ko hi ai gi is liya ya sawal mat pochiya
Take care
Salam.