Mah-e-Kamil (The Full Moon)

اھدنا الصراط المستقیم

Wo jo ankhoon sy ik pal na oojhal hoye
Lapata ho gye daikhty daikhty
Sochta hun ky wo kitny masoom thy
Kya sy kya ho gye daikhty daikhty.....
_____________________________

"Assalam o alaikum"
Phone sy wahi sakoon bhari awaz ubhri. Kitna sakoon tha us awaz mai. Kash usky pas bhi wo sakoon hota...
Kafi dair ho gai Tooba boli nhi... himmat hi nhi thi. Wo kaisy btati. Usy btana bhi chahya tha ya nhi. Us sy faisla hi nhi ho raha tha
"Hellooooo Tooba"
Usny hello ko lamba krky bola. Ab ki bar Tooba ki himmat toot gaye. Zabt jawab dy gya
"Hadiya......"
Usny rundhi yoi awaz mai sirf itna hi kaha or zar o qitar rony lg gye. Lekin us aik pukar mai kya kuch nhi tha...
Dard,Wehshat,Besakooni,Saddio ki musafat ki si thakan, Aitbar tootny ka gham,Sadma,Beyaqeeni dar beyaqeeni.... or mukabil itni deep to thi ka sb kuch mehsoos kr laiti
"T..t.. Tooba kya hoa? Tm roo kion rahi ho? Plzz rona bnd kro. Utho chalo shabash uth kr pani piyo"
Tooba ab bilak bilak kr roo rahi thi. Hadiya ki awaz ab bhi aa rahi thi. Aisi awaz jis mai paraishani thi,khoof tha,kuch hony ka khadsha..
Wo bht muhabbat sy usy pukar rahi thi.
"Tooba.. Tooba ghar mai sb theek haina? Tooba plz yar mjhy tension ho rahi hai. Plz khud ko control kro. Plz yr chup ho jao"
Tooba bht dair tk roti rahi. Phone sy ati Hadiya ki awaz ab bnd ho gai thi. Sirf usky sans lainy ki awaz aa rahi thi. Wo usy sambhalny ka moqa dy rahi thi. Wo uski khud dari, waqar ko thais nhi puhnchana chah rahi thi.
Kafi dair guzr gai ab Tooba ky rony ki awazain mukamal tor pr bnd ho gai thi. Shaid wo thak gai thi lekin ansoo ab bhi khushk nhi ho rahy thy
Hadiya ny usy bht pyar sy pukara
"Tooba"
Us ny kisi bachy ki tarhan jawab diya
"Hnn..'
"Chalo shabash utho aik glass pani piyo"
Wo Tooba ko aisy pichkar rahi thi jaisy Tooba koi bachi ho. Lekin uski awaz mai aik dhoonas thi. Aik maan tha ky Tooba uski bat nhi taly gi. Or Tooba ko lga ab wo shaid pori zindagi us larki ki bat nhi taal pai gi. Or sahi laga tha usy kionky any waly waqto mai uska Hadiya sy jo muhabbat or aqidat ka rishta jurny wala tha usky liya usy bht sy imtahanat sar krny thy. Na chahty hoa bhi lekin krny thy. Kionky usy abhi andaza nhi tha ky muhabbat bilkul bai bas, majboor aur maflooj sa kr daiti hai aur us waqt yahi lgta hai ky zara sa sar uthaya to darmyan mojood har door toot jaigi. An daikhi doorain..... Muhabbat ki.... Aitmaad ki... Man ki.... Yaqeen ki..... Bharoosy ki....
Us nay asbat mai sar hilaya. Wo uska man nhi tor skti thi. Kabhi bhi nhi tory gi
Chalny ki himmat nhi thi. Is liye us ny khary hony ki himmat bhi nhi ki. Wo khud ko gaseetti hoi side table tk lai. Pani jug sy glass mai undaila. Hatho mai larzish wajiz thi. Is liye pani side table pr jany ki bajaye side table pr bhi gir raha tha. Bamushkil adha glass hoa hoga jb usny glass uthaya or aik hi sans mai pi gai.
Us ny phone kan sy lagaya
"Pee liya"
Dosri tarf sy Hadiya ki qadry mutmain chahakti hoi awaz goonji.
"Vey good. Thats like my girl. Ab theek ho?"
Wo smjh rahi thi ky Tooba ab theek hai lekin kash usy koi batay ky Tooba ab kabhi theek nhi ho paye gi.....
Kash usy koi bataye..... Kash koi bataye...
"Han theek hn"
Tooba zakhmi sa muskurai
"Tooba...."
Wo kuch pochny wali thi ky Tooba ny uski bat katti
"Kya tm mjh sy mil skti ho?"
Hadiya lamhy bhar ko thatki (bs?)
Usy shaq sa guzra
"Han.. Han kion nhi.. Lekin... Tooba tmhary ghar mai sb theek to haina?"
Wo jhijakty hoa poch rahi thi
"Mai pata text kr rahi hn. Aj 12 bjy wahan aa jana"
"Han... Wo to aa jaon gi. Lekin tm theek to ho na"
"Han! Mai theek hn tm tension na lo. Bs tm aa jao. Aj mjhy tmhary sb sy zyada zaroorat hai"
Phone pr Hadiya ki gehri sans lainy ki awaz ubhri
"Tooba tmhay jb bhi mri zaroorat pary gi mai tmhari sath hngi. Har halat mai. Hr galti mai. Mai tmhari sath khari hngi. Kionky... Tm.... Dost.... Ho.... Meri"
Wo apny azli khoobsorat lehjy mai hr lafz pr zoor dy kr usy apny hony ka ahsas dila rahi thi aur shaid Tooba ko is waqt isi sahary ki zaroorat thi
"Shukriya mjhy is bat ka andaza hai is liya tmhay phone kiya. Allah Hafiz!"
"Allah Hafiz!"
Wo abhi bhi tazbazab ka shikar hi thi.
Phone rakh kr wo bht hairan thi. Us ny Hadiya ko hi kion phone kiya. Unka itna gehra taluq to nhi tha. Do mulaqatain or phone pr 2 3 bar messages pr bat. Bs!. Kya gehra rishta itni asani sy jur jata hai. Andaikhi dorain itni asani say ap ko jakar laiti hain. To phir Hadi or usky darmyan yeh rishta kion na bn saka. Ya khudaya! Wo kion bar bar zhn mai aa jata hai? Wo kion zhn sy nhi nikal raha? Hadiya ny kaha wo har bar, hr halat mai mery sath khari hogi. Chahy meri galti ho ya na ho. Itna yaqeen, itna aitmad, itna maan aik gair ky liya. Kya waqai wo krti hai ya.... Han! Wo krti hai. To kya Hadi ko is pr zara sa bhi bharoosa nhi tha. Kion us ny mera bharoosa nhi kiya. Halanky wo to Hadi ko hifz kr chuki thi. Apni zaat ko bhool skti thi lekin Hadi ko nhi bhool skti thi. To phir kion usny mera bharoosa nhi kiya? Hadiya sy mera itna gehra rishta nhi hai lekin Hadi.... Us sy to barah e rast dil ka rishta hai. Hadi or Hadiya (wo zakhmi sa muskurai) kitny milty jhulty naam hai na. Lekin meri roh ko zakhm dainy wala, mjhy raiza raiza krny wala. Mery har dukh ka bais. Or dosri.... Mery zakhmo pr marham lagany wali. Mjhy is bat ka ahsas dilany wali ky wo mery sath hai us waqt jb wo insan dil jis sy dil ka roog laga mjhy akela krky, meri khushiyan ly kr ja chuka hai. Bina kisi jurm ky, bina kisi galti ky mjhy har lamha tarp tarp kar marny ki saza dy kr ja chuka hai us waqt yeh larki mery sath hai. Yeh ahsas dilany wali ky wo har galti pr mery sath hogi. Mai kabhi akeli nhi hon gi......
Hadi kion kiya tm ny aisy? Kya qasoor tha mera?
Ab wo lamha tha jab us par yeh inqashaf ho raha tha ky meri koi galti nhi thi. Agar mri galti thi to wo bhi barabar galt tha. Kio yahan safaid bhairiya nhi hota
Us bewafa sy pocha muhabbat hm sy.....
Us ny khud ko shareef kh kr hmai badnam kr diya.....
To wo khud ko safaid bhairiya sabit krky or mjhy kala bhairiya kh kr kion chala gya. Jb ky yeh duniya hai jahan na koi safaid hai na kaly sb surmai hain.
To wo kaisy kh skta hai ky wo haya dar or pakbaz hai or mai.... Mai aik giri hoi larki.... Agar mera qasoor hai to wo bhi barabar ka qasoor war hai. Us ny soch liya tha ky wo mazboot larki hai. Usy is khud tarsi ky trama sy niklna hoga.
Wo to chala gya pakbaz tha jo....
Hm hi apny qisoo mai bdnam ho gye.....
Ab usy agy barhna hai.... sakoon ki talash mai or usy is waqt sakoon ka sirf aik hi minar nazar aa raha tha "Hadiya"......
____________________________
Neend to raat bhar us pr meherban nhi hoi. Lekin chalo koi bat nhi. Neend to us waqt meherban hoti hai jb insan sakoon or itminan ki dolat sy malamal ho. Or Tooba ko filhal inki talash thi..
Khirki sy Tooba ky kamry mai jhanko to wo apny bed ki chadar theek krti nazar aa rahi thi. Chehry pr sakhti ka khool charhay wo shaid abhi naha kr ai thi. Usny Saman ka diya hoa dress pehna hoa tha. Safaid ghutno tak ata frock sath safaid choridar pajama or sath hum ranga dupata. Geely baal pechy kamar pr jhool rahy thy. Usy apny aam kapro sy aj wehshat ho rahi thi or yeh phn kr usy acha lg raha tha. Wo kisi gehri soch mai dobi kamry ki abtar halat darust kr rahi thi....
Raat kuch aisy kati hai ky sehr hi na mili....
Jism sy jaan ke nikalny ki khabar hi na mili....
Zindagi tez bht tez chali ho jaisy....
Waqt ky paas latefy bhi hain marham bhi hain....
Kya karon main ky mery dil mai tera gham bhi hai....
Meri har saans tery naam likhi ho jaisy....
Meri har saans tery naam likhi ho jaisy....
Koi faryad mery dill mai dabi ho jaisy....
_____________________________
Anaya jab raat ko usky kamry mai gai to bht pareshan thi. Khoofzada bhi.. Shock mai bhi or hairat mai bhi. Usny kab apni bhn ko itna toota daikha tha? Kab usy roota daika tha..... Ab kya hoga? Yeh sawal raat sy usky dimag mai gardish kr raha tha. Tooba ka wehshiyana rawaiya Anaya ko pagal kr raha tha. Wo soch soch kr dohri ho rahi thi ky wo ab kya kary? Usy kuch smjh nhi aa raha tha. Wo apni bhn ki madad krna chahti thi. Lekin wo aisa kya kary yahi to smjh nhi aa raha tha. Tooba ky ansoo usky dill pr gir rahy thy. Or to or wo to khudkushi.... Nahi wo Tooba ko nhi kho skti.
Wo aik jhatky sy palang sy uthi. 11 bj rahy thy. Aj wo Tooba ki wajah sy zehni toor pr itni pareshan thi ky kahin jany ka soch bhi nhi skti thi. Wo tez tez qadam uthati Tooba ky kamry ki tarf barh rahi thi. Shab baidari ki wajah sy uski shehad rangi ankhoo mai surkhi dor y daly raj kr rahi thi. Anaya ny jaisy hi darwaza khoola wo thatak kr reh gai. Wo jo aik bikhri hoi, ankhoo mai ansoo liya baithi Tooba ka guman kr rahi thi. Wahan to usy blkul tayar, composed Tooba mili. Wo tayar thi kahin jany ky liya. Tooba nay aik nazar utha kr nowarid ko daikha to Anaya uski ankhain daikh kr thitak gai. Sabz ankhoo mai shab baidary aur musalsal roony ki wajah say surkhi thi. Kuja un ankho mai kl wali wehshat ka shaiba tk na tha. Ab un mai sakhti thi. Pathar jaisi sakhti. Aisi sakhti ky Anaya ko apna ap doobta hoa mehsoos hoa.
Anaya ko daikh kr Tooba ky abroo tan gye
"Anaya tm gai kion nhi?"
Wo sakhti sy kh rahi thi
"Tooba... Tooba ap theek hain?"
Anaya apny bechaini chupa nhi paa rahi thi
"Anaya yeh mery sawal ka jawab nhi hai"
Anaya ab ky thatki. Anaa ki jagah Anaya. Tooba theek nhi thi
"Mai apko akela choor kr kaisy jaa skti thi. Ap.. Ap theek nhi hain"
Tooba ny usy aik napaseendedah nigah sy nawaza
"Anaya Nayaz mai koi 2 saal ki bachi nhi hn jisy akela na choora ja saky"
Anaya yak tak usy daikh rahi thi. Tooba ny aik gehri sans li. Wo kya kr rahi thi? Yeh to usky bachy thy. Wo inky sath aisa nhi kr skti thi.
Wo agy barhi or Anaya ko ly kr bed pr baith gai.
"Anaa bachy mai theek hn.. Sorry raat ko mai out of control hi gai thi. Lekin ab mai blkul theek hn"
Anaya pehly usy daikhti rahi phir usky galy lg gai.
"Tooba.. Tooba mai bht dar gai thi. Mjhy lga ap kuch kr lain gi. Mai pori raat tension soo nahi pai. Hr guzarta lamha mjhy pareshan kr raha tha. Lekin ap tension na lain. Baba aty hain to mai unsy bat krti hn. Hadi bhai ko yaqeenan koi galt fehmi hoi hai. Wo Hadi bhai sy bat kr lain gy"
Anaya ky baloo mai phairty Tooba ky hath yakdam sakit ho gye. Usny jhatky sy Anaya ko alehda kiya
"Anaya tm aisa kuch nhi kro gi. Meri zindagi mai Hadi ka baab khatam ho gya hai or mai isy dobara shoro nhi krna chahti. Baba sy kuch na kehna unhai dukh hoga or waisy bhi mainy samjhota kr liya hai. Agar Hadi nhi to tm log to ho kafi hai"
Us ny kaha us ny samjhoota kr liya hai lekin aisa kuch nhi tha. Usy bht jald is bat ka andaza hony wala tha. Wo uthi Anaya ky mathy pr boosa diya or apna purse or glasses pakreen
"Mai aik dost sy milny ja rahi hn tm aisa kro soo jao pori raat nhi soi"
"Nashta nhi karain gi?"
"Nhi dost ki sath kr ln gi"
Anaya ko shaq sa guzra
"Yeh konsi dost hai? "
"Hadiya.. Tm nhi janti usy. Acha Allah Hafiz"
Wo Anaya ko thora pareshan, thora mutmain chor kr bahir nikal gai
_____________________________
Restaurant mai tarah tarah ky log thy. Bhant bhant ki boliyan theen. Aisy mai wo aik table pr baithi ankhoo pr glasses tikay, chehry par bezari sajay intazar ki mushkil ghariyan kaat rahi thi. Intazar ki ghariyan usky liya bhayanak sabit ho rahi theen.
Dafatan usy Hadiya ati dikhai di.
Wo usy daikhty hi khari ho gai or musahfy ky liya hath barhaya lekin Hadiya ny usky barhy hoa hath ko ignore kiya or agy barh kar usky galy lag gai. Hadiya ki is harkat pr Tooba hajl to hoi lekin andar kahin dor aik tamaniyat ka ahsas jaga.
"Assalam u Alaikum!"
Hadiya ny apny azli chahkty lehjy mai kaha
"Waalaikum Assalam"
Tooba jabri muskurahat chehry par lai. Rayakari kitni mushkil hai koi us waqt Tooba sy pochta. Wo yun dikhawati muskurat chehry pr la la kr tang aa gye thi.
Wo dono kursiyon pr barajaman ho gain
"Kaisi ho?"
Hadiya ny kuch jhijhakty hoa pocha
"Kaisi lg rahi hn?"
Tooba ny zakhmi tasurat ky sath ulta sawal kiya
"Bechain lg rahi ho"
Hadiya ny sachai sy jawab diya
"Kaisy jan laiti ho?"
Tooba zakhmi sa muskurai. Jaisy wo hairan hoi thi.
"Shaid koi dil ka rishta hai"
Hadiya ny uska mood theek krny ky liya shararti andaz apnaya. Or bat ky akhir pr usny Tooba ko aankh bhi mari (wink bro😉)
Phir khamoshi cha gai. Hawa mai tanao mehsoos kiya ja skta tha. Hadiya soch rahi ku kaisy baat kary lekin koi sira hath nahi aa raha tha. Wo Tooba ko dukh nhi phnchana chah rahi thi.
Wo janti thi ky Tooba zehni toor pr disturb hai. Is liya wo muhtat alfaaz ka chunao krna chah rahi thi.
Tooba ny kuch dair bd khud hi bat shoro ki
"Hadiya giri hoi larki kon hoti hai?"
Hadiya ny abro uchka kr Tooba ko daikha(kya?)
"Hadiya agar koi larki kisi nisabi kam ki wajah sy apny kisi class fellow male class fellow ky sath kahin jati hai to kya wo giri hoi larki hai?"
"Tooba kyaa hoa hai yar ?"
Hadiya ko sanjeeda hona para. Halanky wo soch rahi thi ky Tooba ko kisi na kisi tarhan behla ly.
"Hadiya yeh mery sawal ka jawab nhi hai"
Tooba na chahty hoa bhi talakh hoi
Hadiya ny aik gehri nazar us par dali wo janti thi ab wo Tooba ko nhi taal skti
"Nhi wo giri hoi larki nhi hai.... Is mai gira hoa hony wali kya bat hai. Lekin wo qasoorwar zaroor hai"
"Qasoor kaisa qasoor?"
Tooba bechani sy table pr thora agy barhi. Ankho mai uljhan thi. Lab bhenchy hoa thy
"Kya us larki ko kabhi kisi ny nhi btaya ky namehram ky sath aisy bahir nhi jaty. Han wo yeh kahy gi nisabi kam ki wajah sy gai thi to wo achi tarhan sy yad krky batay ky kya koi farar ka rasta nhi tha. Aisa ho hi nhi skta ky farar ka rasta na ho. Kionka jb Allah aisi situation paida krta hai to sath hmary liya haal pehly hi nikal laita hai or wo haal hmary samny hi hota hai bs Allah hmai azma raha hota hai. Lekin yeh bat kisi ky kirdar ko parakhny ka alla nhi hai. Bht glt krty hain wo log jo yeh kh daity hain larki pent shirt pehnti hai, bahar ghoomti phirti hai to wo aik giri hoi larki hai. Kionka har pent pehnny wali buri nhi hoti or hr hijab krny wali achi nhi hoti. Mainy hijabis ky bhi scandals daikhy hain. Or mainy kuch modern dressing wali larkion ko bhi daikha hai ky wo kitni achi hai. Hm hijabis sy bhi zyada achi. Simple dressing kabhi imaan ko parakhny ka alla rahi hi nhi hai. Agar hoti to shaid sb sy pehly hkm pardy ka ata lekin Allah yeh hkm bad mai laya hai. Han lekin sleeve less back less phn kr bahar jana yeh glt hai. Or aik namehram ky sath akely bajar jana bhi is ki ijazat hmai nhi hai. Hm na utny beqasoor hoty jitna khud ko smjhty hain or na hi utny qasoorwar jitna log hmai smjhty hain. Daikho Tooba hmara deen na bht hi modern sa deen hai. Us mai hr cheez tmhay naye zamany ky mutabiq mily gi. Hmara deen kisi bhi halat mai apko bound krky nhi rakh skta. Jahan apko namehram sy na milny ka na frank hony ka hkm hai to is mai hmara hi faida hai or jahan hmai choot di gai hai wahan bht di gai hai jaisa ky daikho hajj. Hajj aik farz ibadat hai lekin usky liya condition hai ky agar masla hai to na karo Allah to bakshny wala hai. Wo to gunaho ka parda rakh laita hai to kya galtiyan maaf nhi kary ga. Hm ny deen ko khud pr khud hi tang kiya hoa hai deen aisa nhi hai. Deen mai sirf satarposhi ka hukm hai lazm nhi ky ap parda bhi kro. Ya to aik extra naiki hai. Or satar to pent shirt sy bhi chup jata hai. Hmari niyat daikhi jati hai. Namaz chahy seeny pr hath bandh kr parho ya pait pr namaz to namaz hai Allah ko apky sachy dil sy nikli namaz chahya. Lekin hm aisy ajeeb tafarqy mai par gai. Or ho skta hai hazoor(S.A.W) seeny pr hath bandhty hun lekin waqt guzrny pr hath neechy sirq jaty hn kionka hm ny yeh bhi suna hai ky wo raat raat bhar qayam mai khary rhty thy to kya yeh mumkin hai ky hath seeny pr hi rahain? Hm logo ny tafarqy bna liya ,fatwy lga diye niyat or dil ki sachai kahin bht dor rh gai. Han us larki ny glt kiya lekin galti ko to sudhara bhi ja skta haina"
Hadiya pta tha Tooba uski philosophy ko mustarid kr dy gi or usy conservative kahy gi lekin Tooba ki agli bat gair mutawaqa thi km az km Hadiya ky liya to gair mutawaqa hi thi.
"Hadiya mjhy sakoon chahya. Mjhy.... Har.... Qeemat... Pr... Sakoon..... Chahya"
Wo har lfz pr zor dy kr bol rahi thi or uski ankho mai chamakty moti Hadiya pr wajeeh thy.
"Tooba kya hogya hai yar?"
Hadiya bechaini sy agy barhi.
"Hadiya please koi sawal nhi mjhy bs yeh btao ky mjhy sakoon kahan mily ga. Mera dil bechain hai"
Hadiya ny aik gehri nazar sy Tooba ko nawaza
"Beshak dilo ka sakoon Allah ky zikar mai hai"
Tooba ka dil dhak sy baith gaya. Wo kya kh gai thi. Itni bari bat......
"Allah..... Hadiya wo mjhy kabhi maaf nhi kary ga. Mai aik gunahgar hn"
Tooba ny nadamat sy sar jhuka lia. Hadiya or bechain ho gye. Usny ungli thori ky neechy ly jaa kr uska sar upper kiya
"Kion nhi maaf karay ga. Tm uski trf aik qdm barhao wo soo barhai ga. Sirf wahi to maaf krta hai Tooba usky ilawa koi maaf nhi krta. Insaan to kabhi bhi nhi. Tm aik dafa nadamat ka ansoo baha kr to daiko usy pukar kr to daikho. Wo aik ansoo pr sirf aik dil sy nikly ansoo pr tmhara ho jaye ga"
"Hadiya plz mry gunah bary hain. Wo mafi ky qabil nhi. Mai to un insano sy taluq rakhti hn jo sirf zarorat ky waqt Allah ko yad krty hain."
"Tooba aisa koi gunah nhi jiski maafi nhi. Tm aik dafa qdm barhao to sahi. Asaniyan khud ba khud paida ho jaingi. Tmhay sakoon mil jaiga. Or han yahan hr insan zaroorat ky tehat hi khuda ko yad krta hai. Yeh koi nai bat nhi hai. Tm bas aik qadam barhao. Sachy dil sy uthaya gaya qadam"
"Waisy pehly kabhi lga kuch sun kr kuch daikh kr yeh sahi sakoon hai"
Hadiya ny kuch umeed sy pocha
Tooba kaisy bhool skti thi wo khoobsorat awaz wo khoobsorat tilawat wo khoobsorat subah wo khoobsorat lamha wo khoobsorat jagah or wo khoobsorat shaks. Hadi ki tilawat.... Ahh.... Wo kaisy mesmerize ho gai thi. Wo sakoon jo usky rag o pay mai rach bas gaya tha wahi sakoon tha
"Han aik dafa... Sirf aik dafa aik bht hi khoobsorat awaz ki tilawat suni thi. Aisa lga tha pehli dafa sakoon ko jana"
"Daikha mainy kaha tha na ky Dilo Ka Sakoon Allah Ky Zikar Mai Hai.... Aik trf uski trf qadam barhao wo intazar kr raha hai"
"Or agar usny dhutkar diya to?"
Tooba ko khud ki awaz gehri khai sy ati mehsoos hoi. Wo convince ho rahi thi. Hadiya narmi sy muskurai.
"Usny kabhi dhutkara hai?"
Tooba aik gehri soch mai pr gai
"Us ny kabhi dhutkara hai?"
Dil nai kaha "nhi!" Dimag ny kaha "nhi! Bilkul nhi!" Jahan dor khara shaitan bechain hoa. Wahan andar kahin zameer sar uthay muskuraya. Dil o dimag mai ajeeb jhakar chl rahy thy
Hadiya ny usky hath pr hath rakha. Wo harbarai kr gehri soch sy wapis ai
"Han! Han! Kya hoa?"
Usny chonk kr pocha
Usky aisy reaction pr Hadiya ki hansi ki taal sunai di
"Kuch nhi pgl.... Chalo tmhay kahin ly kr jati hn"
"Kahan?" Tooba nu abro utha kr pocha
"Yaqeen nhi hai"
Hadiya ny muskurati ankho sy uski ankhoo mai jhanka
"Agar na hota to tm yahan na hoti"
Tooba khty hoa apni kursi sy uthi
_____________________________
10 min bd wo aik amarat ky samny theen. Tooba ankhoo pr glasses lagay us amarat ko daikh rahi thi
"Yeh kahan ly ai ho"
Usny bezari sy pocha
"Aam zuban mai isy "DARGAH" khty hain"
"Hadiya mai aisi jagho pr nhi jati"
Us ny Hadiya ki trf bechain nazroo sy daikha
"Offo chalo to mai hun na"
Wo usy zabardasti apny sath kheenchty hoa andar ly gai
Andar aik alag hi dunya thi
Log afra tafri mai idhar udhar aa jaa rahy thy. Hadiya ny aik larky ko roka aur us sy pocha
"Amma bi kahan hain?"
"Wo apny goshy mai hain"
Kuch dair bd wo aik kamry ky bahir theen
Hadiya ny dastaj di to andar sy bina takheer kiya awaz ai
"Hadiya dhi! Aa ja teenu kon rok sakda ay"
Foran awaz ai thi jaisy uska intazar kiya jaa raha tha
Hadiya ny darwaza khola to andar aik 50-55 saala aurat zameen pr bethi quran ko jazdan mai lapeet rahi thi.
"Apko kaisy pta chl jata hai"
"Apni dhi di chap te dharkan dona nu pehchandi aan"
Phir wo utheen or agy barh kar Hadiya ky mathy pr boosa diya.
Phir Tooba ko aik gehri nazar sy nawaza
"Hadiya ay kn aae lgda ae kafi beemar haigi ae"
Wo baghoor Tooba ka muayna kr rahi theen or unki nazrain Tooba ko be chain kr rahi theen.
"Yeh mri dost hai amma bi. Sakoon chahya isy. Apko iska ilaj krna hai mai kuch dair bd aon gi jb tk yeh apky hawaly"
Tooba ny Hadiya ko garbara kr daikha
Is sy pehly wo kuch khti Hadiya wahan sy chali gai
"Dhi rani bey jaa warna thak jaigi"
"Mai zara Hadiya sy bat krky ati hn mjhy ghar jana hai aik bht ahm kam hai"
"Ruk ja mainu gal krni ey tery naal"
Or Tooba chah kr bhi bahar na ja saki
"G"
"Ishq ny barbad kr deta tuno dhi rani"
Or Tooba hairan o pareshan unko daikhi gai unhay kaisy pta ya bat to usny Hadiya ko bhi nhi btai
"Aa..aa..apko kaisy pta"
Wo hans di... Zakmi hansi... Unki ankhoo mai dar any wali chubhan Tooba pr wajih thi
"Asi ishq krn waly aik dujan nu pehcghn laindy ny"
"Oo ni mil ska ya chor kr chala gya"
Ab ki bar Tooba muskurai... Ankhoo mai namkeen pani liya
"Apni bewaqoofi ki wajah sy usy ganwa diya. Or ab yeh dil hai usky bina sakoon nhi paa raha"
Tooba yeh kh kr dosri trf daikhny lgi shaid apny ansoo chupa rahi thi
Aik lambi khamoshi agly kuch lamhy kha gai. Ab shaid wo kuch pochna nhi chahti thi
"Apko bhi apki muhabbat nhi mili kya?"
"Mili si mai bhi ganwa detti"
"Mtlb?"
"Oo mri khala da munda si mainu bot psnd si. Bachpan wich asy bot jhagra krdy si pr larai bajoon oo mry kolun anda tai kn phar ky mafi mangda. Bachy si. Dil bhi masoom si. Tai oo dasween bd shehar chala gya aggy parhn wasdy. Mainu to phrn hi ni detta gya panjween dy bd. Oo uthy apni phophi kolon rehnda si. Pind bht kam anda si. Phir oony aana chd deta. Oo khnda si oody kolon hun inna tyme ni haiga. Bs kabhi kabhi saal wich aik dafa aa janda. Mai ty shaid bachpan taan hi auno chaundi si. Ty phir oo aya pind. Pori solan(16) jamatan krky. Ooda ty naqsha ae bdl gya si. Ay fhar fhar angreeji bolda si. Mery kol to unna ny gal ee krni chad di. Ty phir aik din khala oody wasty mra hath mangan ai. Khala nu mai ody wasty bachpan taan ee psnd si. Us din mri khushi di intaha ni si. Han vi ho gai ty khala menu angoothi bhi usi din pehna gai. Saady ghar wich riwaj si jadun larki da viyah pakka ho javy ty larky waly ty gharo aana jana bnd kr ditta janda ay. Isi wasty sanu koi khabar nhi si ky uthy kera toofan uth gya si. Bs mainu apni saheeli kolon pta lgya  ky ak din oo bry gussy naal pind chad ky shehar chala gya ay. Lekin mainu frq ni painda si aiho jiya galan nalo. Ahista ahista waqt guzarta gaya te oo pind naa aya. Lekin khala ai or shadi di tareekh pakki kr gai. Or fhir shadi vi ho gai. Mai bri khush haigi si os din. Akhir ko mehboob paya si. Mry paon zameen chy ni lgdy sy. Lekin mainu ni pta si ky mri khushi kuch dair di mehman ee si. Oo mry kol aya ty mainu das deta ky ay shadi oody kolon zaradasti krwai gai ae. Onu mai zara psnd nhi aan. Oo shehar vich aik kuri nu psnd krda ay. Ty mra hona na hona ody wasty koi manay nhi rkhda. Oon raat menu lga mai mar jawan gi. Allah kol bra shikwa keta ky akhir mai konsa gunah ketta si jo mainu ay saza detti. Jy subah hoi ty mai tay kr liya si ky mai oodi bivi aan. Nikah bajoon muhabbat apy ee paida ho jandi aae. Kuch din guzry oda rawaiya mry kolon oho ja ee si. Oh mainu kisi kuray jinni ahmiyat hi dainda si blky usdi ahmiyat bhi zyada si. Roz mai ik umeed krdi si ky aj aj sb kuch sahi ho ee jaiga. Ky koi mojza hi ho jaiga. Lekin oo mujza na hoa. Blka oo mainu ly kar loor(lahore) aa gya. Ithy loor wich mai pora pora din ghar chy akeli rhdi. Oo adhi raat guzrny ky bd aanda. Or phir aik din oo apny naal aik kuri nu lai aya. Dulhan ty oo si. Sar chy pair tk saji sanwri. Khuda ny oonu bara ee husn deta si. Ty dona di jori vi chand soraj di jori lg rai si. Us waqt mry dil ny gawahi deti si ky oo waqai aik douja nalo bri muhabbat krdy aan. Mra ty koi jor ee nhi. Oo larki bht ee achi si. Bht samjhdar. Hansmukh si. Ono koi masla ni sa mra us ghar vich rehn to. Pr mai un dona vich ni aa skdi si. Mai ody kolo talaq li ty ithy aa gai. Ithy log mri izzat krdy sy. Te waqt gurzy sath sath mai ithy "amma bi" mashoor ho gai.
Jo khoya wo meri nadani thi
Jo paya wo mry rab ki meherbani thi....
Ithy aa ky menu pta chla ky mai ty pori zindagi aik sarab ty peechy guzar detti. Insan ty honda ee dhokka ae. Fir mai apny dil di loo sohny rab nal laa li. Ohny mainu kalla ni chadiya. Ty waikh hun mainu oo yad vi nhi. Yad hai ty sirf rab sohna. Or oo rab mainu inni izzat bhi dy chadya jis di mai mustahiq vi si."
Tooba yak taq unhai daikh rahi thi
"Unho ny dubara apsy contact krny ki koshish nhi ki. Kabhi apka hal nhi pocha or apky ghar waly?"
"Kisi nu nhi pta mai ithy aan. Ghar walan nu oh smbhal lainda hoga"
"Apny unhai kaisy bhulaya"
Tooba unki is benayazi pr dang thi
"Lyy bhulana kera mushkil km ae. Muhabbat nu bhoolny da ak sb sy karamad tareeqa ak or muhabbat kr lo. Mai rab sohny naal loo laa baithi. Ab ty mainu koi yad ee ni"
Kya waqai Allah ki muhhabat mai itna asar hota hai. Kya insan waqai sb kuch bhool jata hai. Jisy aik arsy dil mai rakha jis sy muhabbat ki kya usy bhi bhool jata hai. Aisa bhala kaisy mumkin ho skta hai. Lekin amma bi ka sakoon. Wo itny sakoon mai kaisy hain? Kya waqai Allah ki muhabbat dil o dimag pr asar rakhti hai. Kya wo bhi Hadi ko bhool skti hai. Kya wo bhi is lazawal muhabbat ka jugnu paa skti hai. Kya wo bhi roshnio pr haq rkhti hai. Kya uski zindagi sy andheery chaat skty hain. Ya jitna mumkin nazar aa raha hai utna namumkin bhi lg raha hai
Itny mai zuhar ki azano ki awaz any lg gaii
"Chl uth namaz prh"
"Nhi mai nhi prh skti..."
"Kion sakoon nhi chahi da"
"Sakoon?"
"Han na sakoon
Hazar dukh______!
Aik sajda_______!
Lakho sakoon______!"
"Amma bi ap pr Allah ka krm hoa tha mai to namaz bhi dehan lga kr nhi prh pati"
"Ohh jhaliya kuch ni honda. To prh ty sahi Allah nu tri niyat chahiya. Allah to teenu maaf krna chahnda ae. Oh try intazar wich ay. Umeed chy dunya qaim ae. Tu bhi umeed rakh.
Insaan umeedon sy bandha aik ziddi parinda hai...!
Jo ghayal bhi umeedon sy hota hai.....!
Or zindagi bhi in umeedo sy hi pata hai.....!
Yaqeen rakh. Allah ty bharoosa rakh mri dhi. Allah sb janda ay. Sb sunda ai. Tri niyat nu janda ay. Tri andar di achai nu pehchanda Teinu bht muhabbat krda ay. To qadam barha ty sai"
"Mery andar achai nhi hai amma bi. Achy log ap jaisy hoty hain. Hadiya jaisy. Madadgar or achy dil ky malik. Mai to bht buri hn. Aik giri hoi larki...."
Hadi ky alfazo ki gonj abhi tk kano mai parti thi. Un alfazo ki dhamak sy abhi bhi dil trp utha tha.... Jaisy alfaz na ho koi kory mar raha ho
Amma bi trp kr agy barhi. Or Tooba ka chehra apny hatho ky pyaly mai bhara
"Na mri dhi... Keho ji kalan krdi ay. Tu ty bht changi kuri ay. Bot ee pyari. Tery dil wich achai chupi baithi ay. Tra dil ty bht naram ae. Kinny khta ae tu buri ae. Oo khud bura ae. Ohny tenu chadya. Oo khasary wich ae. Ohny andaza ee nhi hai ky tu kera heera hai. Blkul kooh e noor warga. Or tu koi giri larki ni. Tu aik pakbaz larki ae. Sun rahi hai mainu. Bs Allah naal thori bht thori dor ae ty ki hoya Allah dy qareeb vi aa javy gi. Chl shabash mri dhi uth wazu kr namaz prh"
Tooba ko aisa lga jaisy kisi ny usky dil ko nashistar sy kat kr rakh diya. Wo unky galy lg gai or khoob roi
"Amma bi.. Amma bi mai us sy bht muhabbat krti hn. Us sy koi kahy wo wapis aa jaye. Tooba mar jaigi usky bina. Usy koi to bula lai. Us sy kahy koi mri bat sun ly. Aik dafa bs. Aik dafa aa jaye. Mjhy usy daikhna hai. Us sy bat krni hai. Mai usy yaqeen dila dn gi ky mri galti nhi hai. Pta nhi usy kya glt fehmi hoi hai. Amma bi wo khta hai wo bhi mjh sy muhaabat krta hai lekin mainy uski muhabbat ka gala ghunt diya. Us sy kahy aik bar sirf aik bar us muhabbat ka man rakhny ky liya hi aa jaye. Mai kya karo us ky bina. Aisa lg raha hai koi mri roh kheench raha hai. Mra aik hissa to isky pass hi hai. Wo to mri roh mai rehta hai. Amma bi mjhy batain mai kya karon. Kahan jao. Kisy bataon. Kaisy usy yaqeen dilao. Kaisy usy btao ky mjhy us sy bht zyada muhabbat hai. Mjhy sirf muhabbat nhi ishq hai. Hr cheez sy bharh kr mainy usy chaha hai. Ab.. Ab kaisy us sy dasbardar ho jao. Wo kaisy apna daman chura skta hai. Kaisy mjhy giri hoi larki kh skta hai. Kya usy nhi pta mera. Wo to dost bhi tha na."
Sath chalty chalty hath usny chura liya.....!
Bech rasty mai hi daman is ny bacha liya....!
Mujh ko bna kr moajjib hr gunnah ka...!
Wo to smjha khuda usny mana liya....!
Kuch dair bd......
Tooba dupatty ko hijab ki sorat mai achi tarhan lapaity hath seeny pr bandhy jay namaz pr khari apny khuda ko manany ki koshish kr rahi thi. Or is koshish mai sakoon uski rag o py mai bas raha tha. Uska dehan bar bar bhatak raha tha lekin wo phir bhi dehan lagany ki koshish kr rahi thi. Usy sooratain bhool rahi theen lekin koi bat nhi Allah janta tha. Uski niyat saaf thi. Shaitan ki hr koshish raigah jaa rahi thi. Or phir wo jhuki ghutno pr hath rakha. Nazrain sajdy wali jagah pr theen
سُبْحٙانٙ رٙبِّیِ الْعٙظِیْمُ۔
"Pak Hai Mera Parwardigar Jo Azmat wala hai"
Uska dil hr aik lafz ki pori shiddat sy gawahi dy raha tha. Han pak hai wo zaat. Sb sy pak. Noor sy bani hai wo zaat. Koi kami nhi us mai. Hr kism ki kami,hr kism ki galti sy pak. Han wo mera hai. Sirf mera. Or koi nhi usky siwa mera. Kion mai usy na manao. Jb ky wo mry intazar mai hai. Itni farakhdili koi apna hi dikha skta hai. To sabit hoa us sy zyada koi apna nhi ho skta. Han wahi mera parwardigar hai. Parwadigar farsi ka aik lfz hai jiska mtlb hai palny wala, 'the sustainer'. Han wahi to palny wala hai. Usny hi to abhi tk pala hai. Rizq diya, zindagi di, aaza(اعضاء) mehfooz hain or bhi kitni kitni rehmaitain hain hm pr.
فٙبِاٙیِّ اٙلٙاءِ رٙبِّکُمٙا تُکٙذِّبٙانِ
"Or Tm Uski Kon Kon Si Naimato Ko Jhutlao Gy"
Uski naimatain hain hi aisi unhai jhutlaya nhi jaa skta. Wo apny kam ka mahir hai koi nuqs nhi hai. To phir itni kamil cheez ko kaisy jhutlaya jaa skta hai. Wo parwardigar hai. Parwa krny wala. Beshaq sb sy zyada parwa krny wala. Usky ilawa koi apki parwa nhi kr skta. Beshak wo Azeem hai Azmat wala hai. Uski azamat ky agy sb kuch choota hai.....
Phir wo khari ho gai hath dheely choor diya or tasmee ki tasbeeh parhi
سٙمِعْ اٙلٙلّٙہُ لِمٙنْ حٙمِدٙہْ
"Allah ny us bandy ki sun li jisny uski tareef ki"
Or yeh Tooba ky liya khushkhabri thi. Allah ny uski sun li thi. Usny foran sun liya. Or agar wo sun ly to koi khawahish baqi nhi rehti. Anqareeb Tooba sakoon ki dolat sy malamal hony wali thi.
Phir usny Tahmeed ki tasbeeh parhi
رٙبّٙنٙا لٙکٙ الْحٙمْدِ۔
"Ay mery parwardigar tery liya tamam tareefain hain"
Yeh gawahi usky dil ki gehrai sy ai thi. Aj 22 saal bd bil akhir usy ahsas ho gya tha ky Allah sy barh kr koi nhi. Wo chahy to dy dai. Or agar chahy to ly lai. Us sy barh kr koi muhabbat nhi kr skta. Wo kabhi dhoka nhi deta.
Phir wo zameen pr baith gai hath ghutnoo pr thy. Phir usny sajda kiya.....
سُبْحٙانٙ رٙبِّیٙ الْعٙلٰی۔
"Pak Hai Wo Parwardigar Jo Bulqnd Martaby Wala Hai"
Wo ankhain bnd kiya apny dil ky taron ko Allah sy jurta mehsoos kr rahi thi. Ahista ahista palko pr bandha gaya bandh jo is ny bht himmat sy bandha tha toot gaya. Ansoo ki lariyan toot toot kr girny lagi. Badn larazny laga. Wo hichkiyan lainy lagi. Aas pas sy munkata apny rab sy har lamha taluq jorti aik larki......
"Allah... Ya Allah mjhy maaf krdy. Tu to Raheem hai Rehman hai. Tu to sb ko maaf kr daita hai mjhy bhi maaf kr dy. Mai... Mai bht gunahgar hn. Kabhi... Kabhi naiki ka socha hi nhi. Kabhi tri yad aai hi nhi. Pechy daikho to andheera hi andheera hai. 22 saal ya rab 22 saal mainy gaflat mai guzar diya. Na koi ahsas kiya. Itni behisi. Mjhy to andaza bhi na hoa ky mai pathar ki hoti gai. Lekin aj... Aj tuna pathar mai zarb mar di.... Mjhy apni rehmat ki aik halki si kiran sy wafiq kiya.... Ya Allah mai pori roshni pana chahti hn. Tri muhabbat chahti hn. Mai Mah-e-Kamil bnna chahti hn. Mainy kahin parha tha ky jb tu naraz hota hai to sajdy ki tofeeq cheen laita hai. Lekin aj... Aj mjhy lg rahaa hai mainy pehli dafa sajda kiya hai. Pehli dafa tjh sy waqif hoi hn. Mai itni laparwa kaisy ho skti hn. Jo malik hai usy hi bhool gai. Jisny bnaya uski hi nafarmani krti rahi. Allah mai bht buri hn. Mjhy maaf krdy. Mainy najany kitny gunah kiya. Tri kitni nafarmani ki lekin tu ny mjhy aj is sajdy ki tofiq ata ki. Yeh aik sajda mjhy apni 22 sala zindagi pr bhari rkh raha hai. Allah mjhy hadiyat dy dai. Or mjhy us hadiyat pr sabit qdm rhny ki tofiq bhi ata kr. Tu daiga to koi cheen nhi skta. To nhi daiga to koi dai nhi skta... Allah mai tjh sy teri muhabbat ki bheek mangti hn...."
Dua baqi thi. Aj alfaz khatam nhi ho rahy thy. 22 saal bd wo apny rab sy mili thi. Aj to guftagu arooj pr jani thi.....
Kuch dai bd...
Usny salam phaira to daikha side pr amma bi or Hadiya baithi kisi mojooh ko zair e behs lai hoi hain. Wo dua mang kr jay namaz uthany lgi
"Prh li namaz muhtarma"
Hadiya ki awaz pr usny muskura kr usy daikha jo abhi bhi niqab mai baithi thi
"Yeh niqab to utar do abhi to hm hi hain yahan"
"Hm ja rahy hain yahan sy muhtarma. Mjhy ghar bhi jana hai. Mama pareshan ho rahi hain ghar mai."
Wo log amma bi sy mil kr bahir aa gain. Tooba ny hijab khool diya tha lekin duppata sar pr tha.jo bar bar sirq kr neechy aa raha tha lekin Tooba usy theek kr laiti. Tooba is kam sy ukta nhi rahi thi. Lekin Hadiya ko uska bar bar yun dupata upper krna bechaini mai mubatala kr raha tha. Wo ruki or Tooba ko bhi roka. Usy apny saamny kiya. Apny bag sy do hijab pins nikali. Dupatty ko hijab ki sorat mai Tooba ky chehry ky gird lapaita. Aik pin upper or aik side pr lgai. Ab duppata apni jagah sy blkul bhi nhi hil raha tha. Dupatta is andaz sy urhaya gaya tha ky Tooba ky kandhy chup gai thi. Or agy sy dupatta U ki shape mai giraya gaya tha. Yun wo agy sy mukamal tor pr chup gai thi. Hijab ky haly nai uska makhmali chehra damak raha tha. Blkul kisi chudhween ky chand ki tarhan. Or ab uski sabz zamurd ankho mai aik alohi si chamak thi
Hadiya usy daikhi gai. Wo hijab mai is qadar pyari lg rahi thi ky nazrain hatany ko dill hi nhi chah raha tha. Chand sa chamakta chehra, sabz ankho ki chamak or us sabeeh chehry pr chaya sakoon  yeh cheezain Hadiya ky liya beintaha khushi la bais bn rahi thi.
Tooba ny jb daikha ky Hadiya ka nazrain hatany ka koi irada nhi hai to bry hi mood mai boli
"Bs kro yr aas pas waly smjh rahy hain abaye mai koi larka hai jo yun ghoori dal kr daikh raha hai. Or waisa bhi mjhy tmhari nazroo sy sharam aa rahi hai"
Akhir pr us ny apni sharmany ki alla paye ki bakwas acting ko jari rkhty hoi dupatta ka pallu mun mai dbaya. Hadiya uski is harkat pr gardan peechy phaink kr hans di.
"Hansti raha kro achi lgti ho. Awern hr waqt sari rehti ho"
Us ny bhi Tooba ko chaira
"Tmhay to mai btati hn beta ky kn sarra rhta hai"
_____________________________
Chonky Hadiya ny apny driver ko resturant sy hi bhaij diya tha is liya Hadiya ko usky ghar chorny ai thi.
Tooba ny usky ghar ky bahir gari roki or usky utarny ka intazar krny lagi.
"Andar nhi ao gi"
"Nhi. Mjhy ghar jana hai"
"Ghar tmhary bina kahin bhaga nhi jaa raha. Andar chalo. Waisy bhi mainy mama ko bta diya tha ky meri friend aa rahi hai. Unho ny khany ki tayari bhi kr li hogi"
"Chalo g Hadiya tm ny aunty ko kis musibat mai phansa diya hai. Aisy kisi ky ghar mun utha kr jana acha nhi lgta. Tm aunty sy excuse kr laina"
"Tooba kitna bura lagy ga mainy mama ko btaya tha ky mri friend mry sath aa rahi hai. Or yeh kisi ka ghar nhi tmhari dost ka ghar hai. Jb tmhari mrzi hogi tm ao gi. Or tm chup chap andar chalo mama ny pta nhi kya kya tayariyan kr li hngi."
"Hadiya smjho na yr. Mri bhn akeli hai ghar pr. Ghar waly Islamabad gye hain. Wo pareshan hogi"
"Tooba usy phone krky bta do. Zyada dair nhi lgy gi. Khany ka time hai. Khana kha kr chali jana. Plzz daikho mery liya"
Tooba ny bebasi sy Hadiya ki trf daikha. Wo uski baat ko kabhi raad nhi kr skti thi. Wo usky agy majboor thi. Usy aj is bat ka shidat sy andaza ho raha tha.
"Acha theek hai sirf 15 min"
"Daikhain gy andar to ao"
Or yeh bat wo dono janti thi km az km 2 ghanto sy pehly Hadiya usy jany nhi daigi.
"Tm chalo mai Anaya ko phone krky ati hn"
"Bhag to nhi jao gi na"
"Tm sy bhag kr mainy marna hai. Koi pta nhi mry phone hack krky mry ghar phnch jao mry sar pr bala ki tarhan phir mai kya karon gi"
Or Hadiya hans kr andar chali gai
Anaya ko phone krky gari wahin lock krky wo gait ki janib barhi. Pehly kuch tazbazab ka shikar hoi phir usny andar qadm barha diya. Andar ghar ka manzar daikho to right side pr porch tha or left side pr chota sa lawn jis mai rang barangy phool lgy hoa thy. Lawn ky darmyan mai aim maiz or panch kursiyan lgi hoi theen. Amoman makeen sham ki chai wahin peety thy. Thora agy jao to aik darwaza or tha. Tooba yun mun utha kr andar nhi jaa skti thi. Wo ruki. Kuch tazbazab ka shikar hoi. Phir usny halki si dastak di jo shaid andar sunai nhi di thi. Kuch dair ky waqfy ky bd usny qadry zor sy dastak di. Usny socha ab to ghar ky makeeno ko sunai dy gaya hoga. To wo darwaza khool kr andar dakhil ho gai. Ain usy waqt rahdari ky akhir mai bny kamry ka darwaza kisi ny band kiya tha. Shaid koi mard tha. Kionka kamry blkyl samny thy is liya sb kuch wajih tha. Hadiya samny hi khari thi. Or sath bny kitchen sy aik darmyani umer ki khatoon bahir aa rahi theen. Purkashish shaksiyat ki malik darmyani umer ki khatoon jinho ny apron pehna hoa tha. Chehry pr shafqat liya dupatty ko sahi krti bahir aa rahi theen. Tooba ny unhay salam kiya. Unho ny aik nazar Tooba ko daikha. Phir usky salam ka jawab diya or agy barh kr usky mathy pr boosa diya. Shaid yeh unka khasa tha.
"Kaisi ho?"
"Mai theek aunty. Ap kaisi hain?"
"Mai blkul theek hn. Lekin ap theek nhi lg rahi. Bachay tabiyat theek hai apki?"
Unho ny baqaida maaon ki tarhan mathy ko chu kr mehsoos krna chaha ky kahin bukhar to nhi hai.
Tooba ko unka yun care krna acha lga. Wo kon thi akhir? Hadiya ki aik dost. Wo dost jo pehli dafa usky ghar ai thi. Or wo blkul aisy khayal rakh rahi theen jaisy wo najany kitny arsy sy aa rahi ho. To tay hoa maa maa hi hoti hai.
Usny bhi unhai izzat dainy ky liya unky hath ko apni ankhoo sy lgaya
"Aunty mai blkul theek hn. Bs raat ko soo nahi saki is liya chehry or pasmurdagi chai hoi hai"
Or wo Tooba ki is harkat pr muskura di
"O.. O... O wah muhtarma bri muhabbat dikhai jaa rahi hai. Mama yeh andar nhi aa rahi thi. Kh rahi thi ky aisy kisi ky ghar mun utha kr nhi jaty. Isy zabardasti lai hn. Or ab daikho dramybaz ko"
Wo bhi Hadiya thi. Usy sb ko senti scenes sy nikalna ata tha.
"Chalo koi nhi aisa kro apni friend ko kamry mai ly jao abhi khany mai thora time hai. Gappy lgao larkion"
Unho ny end pr ankh marty hoa kaha.
Wo aik zinda dil khatoon theen. Jo Tooba ko pehli nazar mai hi bhaa gai theen.
Hadiya Tooba ko ly kr upper waly kamry mai aa gai. Ghar ky 2 portions thy. Neechy waly portion mai aik kitchen 2 kamry or aik drawing room tha. Or upper waly portion mai 3 kamry thy. Or phir chaat thi.
Hadiya ka kamra bht khoobsorti sy sajaya gya tha. Wo waqai aik nafasat psnd larki thi. Tooba ko apny kamry ki halat ka soch kr hansi aany lagi. Usky kamry mai to toofan hi macha hota tha. Almari kholo to kapro ka toofan bahar girta tha. Uski dost aik nafasat psnd insan thi usy soch kr hansi aa rahi thi. Yeh dunya hai yahan sb kuch ho skta hai. Hadiya sheeshy ky samny khari thi Tooba ko abhi tk khara daikh tk thatki
"Bhn baith jao bed kat ta nhi hai"
Or sar jhatak kr usny apny niqab ki pin ko kheecha to us sabeeh chehry pr para hr parda hat diya. Ahh... Wo bht pyari thi. Bari bari siyah ankhain. Ubharty gal. Halki si sanwali rangat. Khari naak. Halky gulabi hont. Or muskurata chehra. Aisa lg raha tha jaisy muskan us chehry sy kabhi juda nhi hoi hai. Wo khoobsorat thi. Bht khoobsorat thi. Khas tor pr usky chehry pr chaye masoomiyat or halawat usy or zyada khoobsorat bna rahi thi.
Hadiya ny daikha Tooba usy daikhi jaa rahi hai
"Aisy na mjhy tm daikho...."
Usny jan bojh kr jumla adhoora chora
"Tm kitni pyari ho Hadiya"
"Bs Allah ka krm aj tk garoor nhi kiya"
Usny hansty hoa kaha.
Or aik dam sy jhamaky sy light bnd ho gai(welcome to Pakistan 😎)
"Yeh kya hoa?"
Adheera tha. Kuch nazar nhi aa raha tha. Hadiya ny pardy bhi nhi hatay hoye thy. Na hi UPS ya generator chala tha.
"Kya hoa light gai hai. Jo ky Pakistan ka khasa hai."
"Mera mtlb hai UPS nhi hai"
"Nhi generator hai. Manual hai ruko mai chala kr ati hn"
Yeh kh kr wo Tooba ko kamry mai akela chor kr chali gai.
Abhi aik min hi guzra tha ky darwaza khula. Chonky light nhi thi is liya wo nowarid ka chehra nhi daikh skti thi. Darwaza khul gaya tha. Koi darwazy mai hi khara tha. Bahir sy jo halki si roshni aa rahi thi us sy yeh wajih tha ky yeh koi larka tha. Jiska qad 6 foot sy nikalta tha.
Tooba ny ankhain chooti krky daikhna chaha lekin koshish besood gai
"Kon"
Tooba ny kuch hichkichaty hoa pocha
Pehly to kuch dair khamoshi rahi
Phir aik khoobsoorat si awaz ny mahool mai irataash paida kiya
"Ary dewaano....
Mjhy pehchano.....
Kahan sy aya hn mai kn......
Mai hn kn......
Mai hn kn......
Mai hn.....
Mai hn.....
Mai hn.....
Mai hn ZAYN MALIK pyara bacha"
Or jhamaky sy roshni wapis ai. Or Tooba pr nowarid ka chehra wajih hoa..........
_____________________________
TAAADDDDAAAAAA!
Saalaaam!
Kaisy hain ap sb mry beautiful readerss????
Mai blkul theek hn.....
To ap sb ki khidmat mai hazir hai MAH-E-KAMIL ka aik naya character ZAYN MALIK. Mra sb sy fav character ab aya hai. Story ki jan....😍😍😍... Uff i was soo much excited for his entry.....
Jis jarhan ki entry iski hoi hai ap iski personality or humor ka andaza lga skty hain. It is gonna be to much fun😍😍😍
To bhae lgao andazy kn hai Zayn???
Kya taluq hoga iska story sy??
N episode kaisi thi???
Itni insant tabdeelii... Kya qabil e hazm hai ap logo ky liya... Kya lgta hai Tooba ab waqai tabdeel ho jaigi ya waqti trauma hai????
Ab agy kya hoga???
Hadi kahan hai???
Kya bny ga un dono ki kahani ka???
Hadiya ki wapis entry kya musbat sabit hogi Tooba ky liya.....
Ya koi toofan hai jo any ko hai......
Soo much curosity (also for me ky ap logo ka reaction kya hoga)
N yess... Sb sy imp epi ab aisy hi irregular rahain gi kionka mri study timing zyada ho gai hai.... Sorry for that. Hope u all understand( except u Tehreem. Tmhara kuch nhi ho skta. I know).....
Apna bht sara khayal rakhain. Sunday ko is episode ky hawaly sy aik live karo gi mai insta pr. Jo jo prh raha wo zaror live attend kry. Kionky kafi sary points hain meri pas
Mjhy duao mai yad rakhain....!
Allah Hafiz...!