Mah-e-Kamil (The Full Moon)

Khawab Ky Bad Haqeeqat Ka Safar(part 3)

Hadi nai usy roka
"Tooba!"
Uski khushfehmi thi ky Hadi nai usy nhi daikha.Wo uski wahan mojoodgi sy bakhabar tha.Uski yeh khushfehmi khatam hony mai dair nhi lgi.Usny jb jawab nhi diya to Hadi nye usy phir pukara
"Tooba!"
Ab ki bar wo samny pary sofay pr ja kr baith gai
"Baat krni hai"
Hadi nye nazrain uthay bina kaha
(Ya Allah yeh itna abnormal behave kion kr raha hai.Hadi plz sahi tarhan behave karo)
Tooba ny muskura kr kaha
"Zaror Ameena or Hasan kay baray mai baat krni hogi"
Hadi ko bhi jaisy bat ka sira mila
"Haan unhi ky baray mai krni hai.Tm ab tension na laina maina intazam kr diya hai unka or tm jb chaha kro gi mai unhay tm sy milany ly aya karon ga"
Tooba ko jaisy jhatka laga
"Oyeee kya mtlb milwany lye aya karon ga. Tmhay unky lya kuch krny ki zaroorat nhi hai wo mery sath jaingy mery ghar mery sath rahain gy mery bhn bhai bn kr"
"Kya dimag theek hai tmhara wo tmhary sath kaisy reh skty hain?"
"Kion nhi reh skty hain maina baba sy bat kr li hai(yeh usny jhoot bola tha) wo dono mery sath rahain gymery ghar..mery bhn bhai bn kr.."
"Chalo g ab tm naya sayapa dal do.Tooba tmhay kya koi khas maza ata hai sayapy dalny mai.Jb tk dal na lo tmhay chain nhi ata"
"Hadiiii......."
Wo gussy sy gurrai
"To sahi to kh raha hn yeh log mry sath sath rahain gy bs maina tay kr lya hai"
"Or tm kon hoty ho tay krny waly yeh mery sath jayn gy"
Hadi ko smjh aa gya Tooba sakhti sy nhi many gi is liya pyar sy bola
"Daikho Tooba tmhy problem hogi mai inka dehan rakhon ga na"
"Hadi koi problem nhi hogi mai baba sy bat kr chuki hn"
"Ok fine jo krna hai karo kisi ki sunni to tm ny waisa hi nhi hoti"
Wo gussy sy uth kr chala gya
(Ab isy kya hoa hai)
Tooba yeh sochti hoi kamry mai chali gai jahan Ameena usky intazar mai baithy thi jo usky aty hi boli
"Api apka phone aa raha tha"
Tooba abhi bhi Hadi kay rawaiya mai atki hoi thi is liya bezari sy boli
"Kn hai yr?"
Ameena ny usky rawaiya ko notice nhi kiya
"Koi Mustehsam tha"
Tooba excitement sy boli
"Mustehsam ka"
Foran sy phone pkr kr call milay jisy foran utha liya gya
Agy sy kuch bola gya to Tooba foran boli
"Api ky bachy tmhay abhi btati hn itny dino bd phn kr rahy ho"
Ameena bhn bhai ka pyar daikh kr pory dil sy muskurai
Tooba bat krky farig hoi to Ameena ny pocha
"Bhai hai apka?"
"Hmmm choota bhai"
Phir usny apny baba ko call krky Ameena or Hasan ky bary mai btaya
"Ly kr ao unhay ghar phir daikhty hain agy kya krna hai...."
Wo apny baba sy bat krky farig hoi to daikha ky Ameena soo chuki thi.Wo bhi sony ki neeyat sy lait gai lekin neend nhi ai.Kuch nayi jagah ka masla tha or kuch wo Hadi say hoi larai kay bary mai soch rahi thi.Neend ka ana usy namunkin hi lag raha tha is liya wo uthi apny gird chadar lapaiti or lawn ki tarf barh gai lekin lawn mai Hadi ko daikh kr thatak gai(loo g yeh abhi tk jag raha hai phir hmari larai na ho jaye). Hadi usy ata daikh kr muskuraya
"Muhtarma neend nhi ai abhi tk"
"Nhi ai to yahan hn na tm kion jag rahy ho? Subah driving mjhy nhi tumhay krni hai"
"Kr ln ga abhi bs asman ko daikho kitna pyara lg raha hai"
Barafbari khatam ho chuki thi dhund chaat chuki thi or chand mukamal nazar aa raha tha. Pora chand,Mah e kamil sath chooty chooty sitary bhi chamak rahy thy beshak sb kuch bht khoobsurat tha.Aik talasum tha jis mai woh dono qaid ho chuky tha.Tooba beikhatayar boli
"Amazing Mah-e-Kamil"
Hadi thatka
"Hnn Mah-e-Kamil"
Phir trance ki si kaifiyat mai bola
"Pta hai yeh jagaah meri sub sy zyada pasadeedah hai.Mai jb bhi Murree ata hn is lawn mai ghantoo guzarta hn.Ya phool ya khuli fiza yeh Mah-e-Kamil mjhy sb bht kuch pasnd hain. Blky mai inka dewaana hn or agar barish ho jaye to kya hi bat hai.Aik dafa mai yahan baitha tha or barish hony lg gai thi.Choota tha.Ammi abba maal road gye thy mujhy moqa mil gya mai barish mai khara hogya mjhy aisy barish mai bheegna bht pasand tha. Meri chooti bhn wahan darwazy par khari meri minnatain krti rahi ky mai andar aa jaon warna mai beemar ho jaon ga lekin maina uski aik nhi sunni. Pora aik ghanta mai barish mai bheegta raha. Aik ghanty kay bad wo majbooran khud bhi barish mai aa gaye is bat ko malhooz e  khatir na laty hoa ky usy barish mai ana acha nahi lgta tha lekin woh mery liya inti sardi mai barish mai ai. Wo mery pas ai or rony lg gayi. Tooba tm yaqeen nhi kr skti mjh sy us chooti si bachi ky ansoo bardasht nhi ho rahy thy. Mai usy lai kr andar aa gya to usny rona band kiya. Phir mainy usky geely baal towel sy khusk kiya. Mai is bat ko yaksar bhula baitha tha ky mai bhi geela hn mjhy bhi sardi lg skti hai bs mjhy kuch yad tha ky meri guriya bheeg chuki thi agar wo beemar ho gai to... . Itni si umer mai main or agy na soch paya tha. Mai bhaly apny ap ko bhula baitha tha lekin wo nhi bhuli thi mai kapry tabdeel krny ki garz sy jb kamry mai gaya to wo peechy sy Abdullah chacha sy mery liya soup bnwa kr lai. Phir usny apny chooty chooty hatho sy mjhy soup pilaya. Or phir mai soo gaya lekin jb mai raat tk na utha to usy tension hony lagi. Wo bachi thi na bht pareshan ho jati thi. Bachi haina abhi bhi bht pareshan ho jati hai. Wo mery kamry mai ai or mra matha chowa or uska shaq sahi sabit hoa. Mai bed pai para bukhar mai phanak raha tha. Wo bht ghabra gai foran amma abba ko bula kr lai. Us raat wo soi nhi Tooba pori raat amma ky sath mil kr meri thandi patiyan krti rahi. Us raat wo mery pas sy blkul bhi na hili. Subah meri tabiyat sambhli to ammi abba ny meri bemari ki wajah janni chahy. Ab mai kya krta. Jhoot bolny ka to soch bhi nhi skta tha. Sirf sach hi bacha tha to socha sach hi bol laita hn shaid halat daikh kr zyada dant na pary. Mai abhi bolny hi wala tha ky wo bol pari ky mai uski behad zid pr kl usky sath barish mai khaila tha ky maina usy bht mana kiya tha wo hi nhi mani or mai uski bat rd na kr saka. Mai usky jhoot pr usy ankhain phary daikh raha tha. Bht dant pari thi us din usy or shaid zindagi mai pehli bar usy dant pr rahi thi kionka ghar ki sari ount patank harkatain krny ka thaika maina liya hoa tha wo to shoro sy hi samajhdar bachi thi. Uski ankho mai mooty mooty ansoo thy. Lekin usny sach na bola. Ammi abba us sy bht naraz ho gye. Kafi jatan krky manaya tha unhain usny lekin mjh pr bat na any di. Us din mjhy pta chala ky wo chooti ho kr bhi mjh sy bari hai hr lihaz sy muhabbat mai,khayal rakhny mai hr cheez mai. Us sy pehly bhi mjhy muhabbat thi lekin us din ky bad mjhy us sy jo muhabbat hoi aj tk us muhabbat ko koi kam na kr saka. Halanky hmara choota bhai bhi hai lekin wo bhi is muhabbat ko kam na kr saka. Bhai bhi to sb sy zyada usi sy muhabbat krty hain. Hm bary to ho gye lekin shaid andar sy abhi tk bachy hi hain wahi mra barish mai bheegna wahi uska minatain krky mjhy andar ly kr jana, wohi hm dono ka raaton ko chup chup kr ice-cream khana, wahi uska mry liya apni doston ki partion ko chorna. Shaid mai to bara ho gya lekin woh kabhi meray liya bari nhi hogi. Abhi tk waisy hi zid krti hai. Wahi uski pak muhabbat. Meri pyari guriya......"
Tooba uski apni behn ky liya walihana muhabbat pr muskurai
"Soo sweet. Tmhari wahi bhn Huda na?"
"Hn.. Huda aik hi to behn hai"
"Hadi wo bht pyari or achi bhn hogi tmhri batoon sy numaya hai lekin tm aik misali bhai ho. Waqai tm bht achy bhai ho kionka yar ya jo muhabbat haina yeh hm larkion ki khameer mai hai. Apny baba sy muhabbat, bhai sy muhabbat yeh hmari fitrat mai shamil  hai. Pta hai tm usy badly mai muhabbat na bhi do na to bhi wo tm sy muhabbat krny pr majboor hai. Hm larkiyan aisi hi hoti hain lekin maina aisy bht bhai daikhy hain jo apni behno ko blkul malhooz e khatir nhi laty. Bs apni hi dunya mai magan. Bhn chahy ghar mai bemaar ho kr mar jai unhai koi parwa nhi hoti. Bhn ko hmaisha akela chor dety hain. Or phir jb usi bhn sy galti ho jati hai to aa jaty hain apni gairat dikhany. Lekin Hadi tm ny apni bhn ko akela nhi chora. Wo bht khushqismat hai ky us ky pas tmhara jaisa bhai hai..."
Hadi sar nafi mai hilata muskuraya
"Tmhara koi bara bhai nhi haina?"
"Haan... Or pta hai mjhy yeh  kami bhi bht mehsoos hoti hai ky mra aik bara bhai hota mai us sy zid krti. Wo mry nakhry uthata. Adhi raat ko usy jaga kr ice-cream ki farmaish krti. Hr jagah usky sath jati taky koi mjhy nazar utha kr na daikh skta kionka mra muhafiz mra bhai mry sath hota. Mai beemar hoti to wo pareshan ho jata. Mjhy tang krta lekin bht sara pyar bhi to krta. Pta hai Hadi mery baba bht achy hain blkul mry best friend hain. Mai unsy koi bhi bat share kr skti hn or unhai pta hai mjhy aik bary bhai ki kami kitni mehsoos hoti hai. Hmaisha sy unki yahi koshish rahi ky woh mri zindagi mai yeh kami pori kr dain lekin yar bhai bhai hota hai. Maina kabhi apny chooty bhn bhai ko aik bary bhai ki kami mehsoos nhi hony di. Unky lya Tooba unki api nhi unka bara bhai hai...."
Hadi ny aik afsoos bhari nigah us pr dali. Wo bazahir khush dikhny wali larki apni kamiyon, apni khawahishon ko kaisy chupa kr baithi hai. Usy bht afsoos hoa
"Hadi is chand ko daikh rahy ho MAH-E-KAMIL... Pta hai mri zindagi ki sb sy bari khawahish hai ky mai is chand ki tarhan hi MAH-E-KAMIL bno.....Mukamal Chand.....A Full Moon...... Mry andar koi kami na ho mai isi chand ki tarhan chamko. Log mjhy aisy hi rashq ki nigahon sai daikhain. Mai logo ki puhnch sy door hn. Mai itna hi uncha hn..... Bs har lihaz sy....har pehlu sy...... Har zaviyeh sy..... Mai mukamal hn or jiski mai hn wo khud ko bht zyada khushqismat samjhy..."
Rawani sy bolty hoa usny apni zuban dantoo mai dabay. Wo kya bol gai. Usy akhri jumla Hadi sy nhi khna chahya tha..
"Wo abhi bhi apny ap ko khushqismat smjhy ga kionka Tooba Nayaz aik bht bht achi larki hai"
Wo Hadi ki bat pr chonki. Phir usny Hadi ko bhi chonkta daikha
"Ka..kafi raat ho gye hai hmai chalna chahya"
Tooba ny bhi uski bat sy itafaq kiya or dono aik dosry sy nazrain churaty apny apny kamro mai chaly gye.....
Tooba ja kr bed pr laiti lekin neend to najanay kis kony mai ja kr chup gai thi.Wo apni socho ka zavia Hadi ki tarf nhi krna chahti thi. Leki phir bhi wo Hadi ko soch rahi thi...
"Wo abhi bhi apny ap ko khushqismat smjhy ga kionka Tooba Nayaz aik bht bht achi larki hai...."
Usky kano mai kich dair gye pehly kaha gya jumla gonja
"Kya mai waqai achi larki hn. Tm bhi aik bht achy larky ho Hadi Murajaza or wo larki bht zyada khushqismat hogi jisky hamsafar tm hogy"
Aik ajeeb ahsas tha jis mai wo ghir gai thi. Aik alohi si muskurahat usky labo pr saji hoi thi. Wo jazbat ki gehrayon tk ka safar kr rahi thi. Hr guzarta lamza Hadi Murtaza ky lya uski muhabbat mai izafy ka bais bn raha tha. Uska rom rom muhabbat mai doba tha. Uski hr ada muhabbat ki gawah thi. Lekin yeh dil tha jo abhi tk smjh nhi paya tha...... Ishq tha lekin usy maana nhi ja raha tha.
_____________________________