#نجمه
واني متحضره اريد اصعد حسيت روحي تعبت اريد اصيح مابيه حيل ماحسيت على روحي الا طحت
فزيت لكيتهم مخبوصين بيه رفعت راسي عيني اجت بعين محمد
جسمي كله عرك لا شي مو طبيعي بهل الولد
رادو يرجعوني للبيت ماقبلت كلبت الدنيا اروح يعني اروح
كعدت وروحي مايعه علا بت خالي شالت عصير انطتني
علا :حبي نجوم شربي خاف هابط سكرج
نجمه :مشكوره وفعلآ اول ماشربت حسيت روحي احسن تمشي السياره وعلا عينها على محمد ماشالتها
نجمه: شبيج علا
علا :ولج هذا الولد غير يموت
هذا ساحر من يباوع على البشر مايحس بروحه شلون عيون ياربي وانا مكابل خلقتي احمد ومهند 😏
نجمه ظليت احجي بيني وبين نفسي يعني صدك هذا ساحر العيون 🤔الي يباوعله يسحره يعني مو بس انا نسحرت وامي حسنه ليش ماتكلي
ولج علا👋🏻 غسل الغسلج
ام لسان رايحين لعزه لو تبصبصين على الولد
اوووف ربي شوكت الجمره الي بقلبي تبرد
علا تبرد من تلكالها واحد صاك 😁
نجمه😡 ولج ثمني حجيج لا والخلقج هسه اكتلج واخلص منج مو اعز من ابوي انتِ
علا سكتت عيني اعصابج ياحلوه
محمد المرايا كبال نجمه بنت خالها ماشالت عينها مني
ههههههه والله ياالله هم تحلى بعيني مره غير نجمه
ابد😕
خطيه نجمه تحاول بت خالها تضحكها بس ماالها واهس
الطريق طويل كلها نامت ونجمه دمعتها بعينها وتعاين على الطريق
وانا سارح بعيونها
نجمه لو تدرين الي بقلبي لا ليلي ليل ولا نهاري نهار
فكري كله يمج حتى شغلي عايفه
وصلنه للنجف طبعآ مسافه كلش طويله
صاح السايق ياجماعه نزلو الحضره ابا الحسن وبعدين نروح المكبره
توكلو على الله
نزلنه واتفقنه الساعه ب12كلنه نوكف
باب الطوسي
نجمه افيش لهل العطر اول مره ادخل بس هجي مكان يريح النفس ابد مشايفه تنسى كلشي
شفت امي حسنه لزمت الشباج
لزمته
يااامير المؤمنين بجاهك عند الله اريدك تبرد قلبي على ابوي هو مؤمن وخايف الله يارب بحق هذي الروضه الحيدريه اشمل ابوي برحمتك
بجيت وكأنما نمسح على قلبي هديت
حسنه بعد ماصلينه انتبهت على الساعه ب12يالله يمه نجمه ام مهند صيحي البنات طلعنا
وتلكونه السيد وابو مهند والولد
صعدنا ونزلنا للمكبره
يمه رجعت تذكرت ايامنا اويلي عبوووووود
نجمه صوت امي رج المكبره رج
😭😭😭😭😭😭
السيد ام نجمه ادري مصابج جبير
بس مايصير يااختي صوتج لازم مايطلع هسه انتِ بعده وبعدج شابه مايصير
نجمه امي من سمعت كلام السيد بعد محد سمع صوتها
انا وياها شبكنه الكبر
نجمه بويه انا نجمه تسمعني شوفني شلون ذبلت بعدك لا وابشرك يابويه انذليت انتَ ابو الغيره كوم كوم ليه
افا عليك تعوفني ليش ماتسأل مو انتَ تكول ماانام اذا مااباوع بوجه نجمتي اشو عفتني وهاي انتَ نايم
😭😭😭😭😭
نجمه دخيلك ياعلي شني عدنا حرب 🤭
حسنه تنلصمون لا اكوم ادوس بمصارينكم
نامو
مايجون الي بالعين الحمره
حسنه صوت الاذان يالله كعدو
توضينه وبدلنه وصلينا
توكلنا على الله نزلنا كلمن لهله
ظلينه انا ونجمه لوحدنه نجمه تحزمت على البيت تنظفه صاير كله غبار
مرة السيد ماكطعت بينا
مرت سنه محمد لزم شغل عبد الله ويجيبلنا ربح خير من الله
نجمه كبرت وصارت احلى
وظلو ناس يجوها خطابه بس هي ترفض وانا مااحب اجبرها على شي
